بستشيركم .. ساعدوني عسى الله يرزقكم بالذريه الصالحه ..

[نجوم الثريا]

السلام عليكم ورحمة الله وبركاته ..

شلوونكم شخباركم .. ؟؟

بدخل بالموضوع على طوول بنات انا متزوجه وصارلي 7 شهور وماحملت --
كنت احاتي واخاف فيني شي لا سمح الله وكنت افكر حيل, وماشاءالله بعد غير كلام الناس كل ماشافت احد ها ماحملتي ذبحني هالسؤال والله :cxxxp: الله كريم ان شاءالله

المهم مالكم بالطويله قبل 3 اسابيع رحت السلام سويت تحاليل ابي اتطمن سويت تحليل 5 الدوره وتحليل 21 الدوره المهم طلعو التحاليل دخلت على دكتور وشافهم ومن دخلت عليه هداني وقال توج صغيره وشاف تحاليلي انا وزجي قال سليمه ولله الحمد بس عندج شوي هرمون الحليب مرتفع مو حيل وعادي بسرعه ينزل وعطاني حبوب الدوكستين وقال استمري عليهم وهم كتب لي الكلوميد وقال اخذهم وقت الدوره وللحين ماشرفت طاف موعدها امس ولا حاسه بشي بس محتاره اخذهم ولاأ ناس تمدحهم وناس تقول مضرين ... !!

بناات شرايكم شنو تشورون علي ...؟؟ والي عندها دكتور ولا دكتوره ممتازه عفيه ادليني عليهاا ...

وعسى الله يرزقكم ويرزقنا بالذريه الصالحه المعافاه عاجلا يارب .. :33_1185028183:​

 

[حلمي الأمومة]

انتي الحين نطري الدورة ان شاء الله ما تحتاجين الدكاترة وتطلعيين حامل

الله يرزقج ان شاء الله

 

[Alaa84]

انا خذيت الاثنين مع بعض عادي بس اهم شي اخذي حبوب هرمون الحليب ولما اتييلج اخذي الكلوميد ..وانشالله ما اتييليج وتكونين حامل انشالله

 

[غيوم الحب]

نصيييييييييييييييييييييييييييييييييحه من اختك لا يصير فيج الي صار فيني ......... تخيلي انا من زواجي 9 شهور رحت اراجع قالي الدكتور توج صغيره ومافيج شي لا انتي ولا ريلي وانا اليحين صارلي سنه ونص حتى لما يسولي تحاليل ماكنت اسأل الدكتور شنو فيني كله يقولي علاجج بسيط واخر شي طلع ضعف بالتبويض وهرمون الحليب مرتفع عندي والله كرهت الدكاتره وتخيلي انا الحين عمري 18 سنه لعبو فيني لعب الله يسامهم ( نصييييييييييييييييحه ) وروحي حق دكتور معروووووووف احسن

 

[إبشر بعزك]

روحي حليلي تحليل الدم اظمن من البول في البدايه وان شاء الله حامل لا تنسين تبشرينا

 

[مناوووي]

عسى الله يرزقج يالغاليه

لاتستعجلين باي شي

استخيري قبل لاتسوين اي خطوه

والله يكتب اللي فيه الخير

 

[عمر السنين]

لا تستعجلين و ان شالله حامل

 

[فاقده حنان ابوه]

نصيحه منى روحي عند دكتور احمد الشاذلي

...

والله زين

 

[نجوم الثريا]

يمال العافيه بنات ماتقصروون

وعسى الله يرزقكم بالذريه الصالحه يارب ..

وانا بنطر بشوف حدي اسبوع اذا مانزلت بحلل مابي احلل الحين وانصدم .. وان شاءالله خيرر

فاقده الدكتور الشاذلي وين مكانه .. ؟

 

[نجوم الثريا]

بنات شرايكم بالدكتورة فوزيه القطان .. ؟

 

[مناوووي]

رررررررررررررررررررررررررررررررفع

 

[عذآب إلـ أنآ]

آنتي مثلي آنا من 9 شهور متزوجه لوول
بس لاحول ولاقوة الا بالله أجهضت مرتين
عسى الله يكتب لنا الخير والبركه يارب ، آنا آعآلج عند د/ منآل بآلسلام والله خوش دكتوره،
بسوي مثلج تحليل هرمون الحليب الله يستر أخآف فيني شي

 

[نيبال الايمان]

اول شى ياعمرى ان شاء الله وباذن واحد احد تطونين حااااامل اللهم امين يارب امين امين

ياعمرى اول شى نطرى الدورة واذا تاخرت عليج اكثر حللى وان شاء الله تكونين حااامل امين يارب

واذا يتج فانا من رايي اخذى الحبوب دام الدكتور شاف تحاليلج ونصحج فيهم وبالنسبة لحبوب هرمون الحليب حتى لوحامل مالهم تاثير ان شاء الله عليج اخذيهم

بس الاهم نطرى 3 ايام من موعدها اذا طاف وحللى تحليل دم وان شاء الله باذن واحد احد تبشرينا بخبر حمالج اللهم امين يارب


وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[ياشوقي للجوري]

هلا حبوبة يااارب تكونين حامل سوي تحليل اذا مافية شئ

تاخر الدورة من هرموون الحليب

اذا اخذت الكلوميد كم حجم البويضة ؟

اذا من 18 الي 20 نصيحة لا يلعبون فيج الدكاترة مثلي

اخذي اعشاب وروحي لمرة تمرخج وتوكلي على الله اولا واخيرا والله بيرزقج ان شاءالله


ياااارب ارزقني وكل محروم بالذرية الصالحة​

 

[مشغول وشاغلنى]

الله يطمنج ويبشرج بالحمال

بس فعلا نصيحه لايقولون لج تو الناس ولاتخلين نفسج عالجي تري العمر بدقيقه يرووووووووووووووووح

 

[نجوم الثريا]

مشكورين بنات ماقصرتوو ..

<< تنطر الدوره للحين ماااشرفت وفوق هذا مو حاسه باي شي كلش اتوقع مو حامل ..

ياشوقي للجوري الدكتور ماقالي لا حجم بيوضه ولا غيره قال الحمدلله مافيج شي الا هرمون الحليب مرتفع شوي بس .. والله كريم

عسى الله يرزقنا بالذريه الصالحه ولا يحرمنا ومنها ...

 

[نجوم الثريا]

بنااات شرايكم بالدكتور امل بعدالعزيز يمدحونها حيل لتاخر الحمل مو للولاده ..؟؟؟

منو تراجع عندهااا ..؟؟

 

[غيـ الناس ـر]

انصحج بدكتوره نداء بو خضور برويال حياة .. ما شفت مثلها مع اني مريت على اشهر دكاتره الكويت فوزية وماجده وناهده .. بس مثل نداء ما شفت .. عالجت عندها وحملت بعد الله على ايدها وولدت عندها ..مووووووووووووووو طبيعيه

 

[GuMmy BeaR]

انا عند اسامه صالحه ... ممكن تقوليلي شنو بالضبط سوتلج نداء بوخضور؟ يعني العلاج اقصد ... لان انا ما مدحولي اياها

 

[غيـ الناس ـر]

انا صارت عندي مشاكل وايد اول ما تزوجت سنه ونص يالله حملت وراجعت عند اكثر من دكتوره وقالولي ما تحملين الا بتلقيح صناعي .. بس نداء صبرت علي وقالت لي ان ما فيني شي والله من ثالث شهر مراجعه عنده حملت

ما عنده سالفه اللي ما مدحها .. مافي مثلها