بستشيركم .. ساعدوني عسى الله يرزقكم بالذريه الصالحه ..

[نجوم الثريا]

مشكورين بناات

نداء بوخضور خوفونا منهاا من سالفت الي توفت برويال حياة .. وكل شي بيد الله ..

 

[غيـ الناس ـر]

نجوم الثريا شنو سالفة اللي توفت برويال حياة ما سمعنا عنها !!

 

[نجوم الثريا]

ماسمعت عنهاا عاد كاتبين عنها بالمنتدى ..
رايحه بتولد وعسروهاا ماولدوها بسرعه وصار معاها نزيف ولدتها الدكتوره جنه يقولون نداء دكتورتها وبعدين صار معاها نزيف حاااد وضطرت الدكتوره تشيل رحمهاا ولدوها ومارضو يدخلون عليها احد يوم كامل حتى واحد من اهلها دكتور بيدخل مادخلوه ولا دخلو امهااا لين توفت الله يرحمها دخلو امها تشوفهاا والطفل حي .. هذي السالفه الي سمعتهااا ... والله اعلم بتفاصيل السالفه ...

 

[ديانا سبنسر]

انصحج راجعي عند دكتور منصور العرف بالجهراء بنت خالتي 3سنوات من زواجها ماحملت لولا الله والدكتور منصور العرف

 

[حبي زوجي فديته]

يارحيم ترزقنا

 

[foz q8]

حبيبتي انا من رايي اول شي نزلي هرمون الحليب و اضبطيه لأنه يأخر الحمل

و سوي سونار شوفي حجم بويضتج إذا زين 18 أو 19 أو 20

دام تحليل زوجج و تحليلج زين نطري لما تكملين سنه إذا الله ما رزقج الحمل

جربي الكلوميد

بس لا تستعجلين عليه ألحين و أنتي هرمون الحليب مرتفع عندج

الله يرزقنا بالولد الصالح

 

[شنوووفه]

عادي حبيبتي لاتحاتين انا كان عندي هرموون الحلييب مرتفع من نزلته حملت عله طووول :>
والله يوفقج

 

[دلع بنات.]

عادي حبيبتي لا تخافين الكلوميد مو مضر انا اختي خذته بعد4 سنوات ما احملت لما خذته على طول احملت بس اخذي معاه ابره التفجير او الله يرزقج بالذريه الصالحه يا رب او انشاء الله تكونين حامل

 

[نجوم الثريا]

جزاكم الله كل خير يابناات ماقصرتوو ..

وعسى الله يرزقناا بالذريه الصالحه ولا يحرمنا منهاا يارب ..

 

[إبشر بعزك]

الله يرزقج ويرزق كلمن يبي

بشري نجوم الثريا حللتي؟

 

[ام صهيب 23]

حبيبتي انا ام صهيب نصيحه لوجه الله تعالى لا تستخدمي الحبوب نهائيا لا تقولي انا صغيره لا لا حبيبتي الحرمه دامها تزوجت توقع الحمل باي لحظه وعدم الحمل لا يعني انك عادي صغيره اسمعي حبيبتي هدي نفسك وشيلي الدكاتره من راسك يعطيك الحبوب هذي تسبب تكس على المبايض وتضعف التبويض بعدين لماتروحي المستشفى يقولون لالا لزم نعالج التكيس وبعدين هرمون الحليب مايعالجوك الا قد المبايض تعبت والعمر راح خليك على العلاج الطبيعي حبيبتي بنات الكويت الحبيبات انا مره زعلت منكم مره وقلت خلاص ماابغى ادخل منتدى الكويتيات نهائيا خلاص بعالج وانصح بنات بلدي لكن والله والله اني احب الكويت واتمنى اني ازورها

 

[نجوم الثريا]

ابشر بعزك ماحللت للحين والسبب اول مره يصير فيني جذي تخيلي ماحسيت باعراض الدوره اللهم بطني بين فتره وفتره يعورني جنها بتزول ويروح وصدري مو مثل العاده ماانتفخ كلش كلش والله مستغربه من هالنقطه لانه بالعاده قبل الدوره باسبوع صدري يصير ثقيييل ومااقدر احط ايدي عليه هالمره غير طاف وقت الدوره ولا فيه شي
انا اقول يمكن من حبوب الدوكستين مالت هرمون الحليب !!

 

[نجوم الثريا]

حبيبتي انا ام صهيب نصيحه لوجه الله تعالى لا تستخدمي الحبوب نهائيا لا تقولي انا صغيره لا لا حبيبتي الحرمه دامها تزوجت توقع الحمل باي لحظه وعدم الحمل لا يعني انك عادي صغيره اسمعي حبيبتي هدي نفسك وشيلي الدكاتره من راسك يعطيك الحبوب هذي تسبب تكس على المبايض وتضعف التبويض بعدين لماتروحي المستشفى يقولون لالا لزم نعالج التكيس وبعدين هرمون الحليب مايعالجوك الا قد المبايض تعبت والعمر راح خليك على العلاج الطبيعي حبيبتي بنات الكويت الحبيبات انا مره زعلت منكم مره وقلت خلاص ماابغى ادخل منتدى الكويتيات نهائيا خلاص بعالج وانصح بنات بلدي لكن والله والله اني احب الكويت واتمنى اني ازورها

مشكوره ياحياتي عالنصيحه بس شنسوي لازم نروح الطبيب ..

وحبتج العافيه وهذي مو غريبه على بنات السعوديه .. وان شاءالله تزورين الكويت وتنورينها ..

 

[حساسة مصر]

استمري في العلاج ما دام انه قال لك الدكتور خدي و لا حذرك منها في وقت الدورة او من غير

لانه اذا خطر اكيد كان حظركـ الدكتور