بسافرآخر فبراير وين اروح؟(ماليزيا)او(لندن+باريس)

[ام مضاوي]

لوووووووووووووووووووووووووووول ام علي ضحكتيني والله

وانا مبدئيا خلاص استقريت على ماليزيا انشالله

وديزني معوضه اذا الله عطانا عمر لانها غاليه اذا ديزني بروحها رفيجتي رايحتلها مع زوجها تقول كلفتهم الرحله مع مصاريف الدخله 200 دينار>>>>صج انها تستاهل بس غاليه حلات الواحد مبحبحه معاه شوي
احسن من الترفيهيه دخلتها ب3ونص تخب عليها
وانشالله اتفقت مع زوجي نروح بالويك اند نشوف السفريات من الحين

علشان اضمن ان زوجي مايهون مع انه اهو ميييييييييت عالسفره اكثر مني لوووول

وبدور من الحين خطه للسفره والمناطق والاماكن ال بروحلها من النت

مشكووووورييييييين
مشكووووووووريييييييييييييين
مشكوووووووووووووريييييييييييييييين

ياحبايب قلبي الله لايحرمني منكم
وكل من شاركت في الموضوع


والي حابه تضيف شي وتساعدني للتخطيط جزاها الله خير

 

[BaiTotia]

دامج استقريتي على ماليزيا.. تروحين وتردين بالسلامة

كنت بقولج لندن لأني أعشقها لها ذكريات مميزة بس فرنسا أكرها خخخخ

و ماليزيا الكل يمدحها

 

[اميره^]

مع اني مار حت ماليزيا بس رحت لندن حلوه


وتبين الصراحه احس في فرق جبيييييييييييييييييييييير بي لندن وفرنسا وماليزيا يعني انا مكانج ما افكر غير لندن وفرنسا

 

[ام مضاوي]

اميره والله كان ودي بس الجو بارد وانا ماعولت على الله اسافر مابي شي يخرب علي

وانشالله معوضه

 

[شهدQ]

رحلة موفقه ولاتنسين تاخذي جوتي رياضه لانج راح تمشين وايد وشيكي ع الخص كتبتلج كل شي

واي خدمه ثانية من عيوني

 

[ام مضاوي]

مشكووووووووره شهوده ماقصرتي

كفيتي ووفيتي

وام علي بعد يالغاليه ماقصرتي

 

[um 3li]

تروحين وتردين بالسلامه

وبعد السفر بشرينا

 

[fati el-7elwa]

والله اختي تبين الصراحه انا ما رحت لا لندن ولا فرنسا ولا ماليزيا بس اخوي ومرته رايحين ماليزيا ويقولون عجيييييييييييييييييييييبه مو صج من اغراض حلوه من اماكن منها حديقه الفراشات المضيئه واماكن واايد بس الحين ما اذكرها وانتي شوفي اللي يناسبج ويناسب ميزانيتج وانشالله ترووحين تردين بالسلامه

 

[شندوخه]

لندن وباريس
خاصه انه يكون هالموسم منزلين الصيفي يعني هالله هالله بالسوق

 

[ام مضاوي]

مشكورين حبايبي

عالمرور

 

[أم صالح]

زين اج اخترتي ماليزيا

انا رايحه لندن ورايحه ماليزيا مع اني ماحبيت ماليزيا بالمره بس في الوقت اللي حددتيه الجو روعه ومطر يرشرش السوق حلو احلى من لندن لانه الي بلندن كله بالكويت كل اللي شريته هناك لقيته اهني وارخص بعد بس مولات ماليزيا حلوه وروحي الرحلات اللي فيها والجزر بس لاتشترين من سوق الليل ولا الاحد وايد عادي واسعاره نفس اللي بالمولات

لندن حلوه بس الحين اختي هناك تقول ماقمنا نطلع من شدة البرد ولاشفنا خضار ولاشي كل شي ذابحه البرد والثلج يعني حسافه اروح لندن وماقدر استمتع بالهايد بارك والرحلات

 

[Morena]

باريس .. وطلعي بره باريس

 

[june_m00n]

شوفي انا شرق اسيا ما اواطنها لأني ما احب ريحتهم


بس دام انها اول سفره لج

روحي ماليزيا

لأن اوربا بارده هالحزه حيييييييييييييل وبتملين ولا تطلعين

والفلوس اللي بتقطيينها على اوربا باسبوع تقطينها هناك على شهر

ودام انج متشوقه بتصير عندج اتينن

انشالله يارب الله يكتبها لج وتستانسين انشالله

 

[ام مضاوي]

بنات انا ماحصلت حجز الا 4-3

وانشالله تاريخ الرحله 4/3 الفجر والعوده 17/3

ودي بخطه للرحله اذا تقدرون تساعدوني يااهل الخبره
مع الفنادق
بصراحه دورت بالنت بس احترت شاخذ وشخلي

 

[tofy]

انا رحت ماليزيا بالصيف الي طاف وسكنت بفندقين من باب التغيير

وانصحج فيهم الاول فندق ويستن والثاني فندق ماريوت يم بعض

وميزتهم انهم بشارع العرب (بوكيت بينتانغ ) يعني ماتحتاجين تكسي وشارع العرب كلا مطاعم ومجمعات وايد حلو

واذا تبين اي شي انا بالخدمة

 

[حلوه ودلوعه]

ياااااااااااحلو ماليزيا

حبيبتي ام مضاوي زين اخترتي ماليزيا لانها تهبل مع ان جوها لج عليه بس صج حلوه
مع اني مارحت لندن بس اخوي رايح وقارن بينها وبين ماليزيا وعلي قولته ماليزيا جنه الله في الارض ويقول لندن حلوه بس الاماكن السياحيه بماليزيا اكثر واحلي وصدقيني بتروحين وتردين وانتي ماخلصتي الاماكن السياحيه عندهم
وانصحج بمحل بمجمع بكولالمبورفي مجمع توين تورز اهو مو محل اهو كشك تبيع فيه مره حلويات تعجنها وتسويها قدامج وتقدمها مع التوفي خياااااااااااااااال
بصراحه ماادري باي طابق ناسيه لاني من زمان رايحه بس ريحته اهي الي عرفتنا فيها
كويتين انحب الاكل:dddds:
ورحله موفقه ان شاء الله

 

[ام مضاوي]

مشكورين حبيباتي وماقصرتو

توفي

حلوه ودلوعه

وياريت احد يساعدني بخطه كاااااامله للرحله

وانا ادور بواقع ثانيه

لقيت اماكن سياحيه بماليزيا يتكلمون عنها بشكل رهييييييييييب

وهني بالمنتدى محد ذكرها بين رحلاتهم

ماادري اجازف اختارها ولا لأ؟

 

[tofy]

رحلات مثل شنو ؟

اختي انصحج اول يومين منتجع سنواي لاجون فيه فلل وايد وايد حلوين

وعقبة اختاري جزيره عندج لانكاوي وايد هادية وبينانغ

وعقبة اسبوع بكوالالمبور حق الشوبنق

 

[ام مضاوي]

انزين اشرايج اختار الجزر على ليله ليله بسسس ويمكن لنكاوي ليلتين سمعت انها رومانسيه

وفي مكان اهو جزيره اهو شنو ماادرس قريت عنه بمنتديات ثانيه اسمه صباح شنو في؟؟

ومشكوره حبيبتي توفي على اهتمامج

 

[tofy]

العفو يا ام مضاوي كلنا بالمنتدى خوات ولازم انساعد بعض

ولاية صباح لما حجزنا التذاكر خذيت بروشورات من مكتب السفريات عنها فيها سكان ماليزا الاصليين هذا الي عرفتة من البروشور