بسافرآخر فبراير وين اروح؟(ماليزيا)او(لندن+باريس)

[tofy]

انا رحت فرنسا ورحت ماليزيا ارشح ماليزيا وخصوصا بهالفتره جوها معتدل مو بارد ولا حار ومافيها رطوبة

عندج منطقة اسمها سنواي لاجون فيها فلل تيينن حق هني مون انا بغيت احجز فيها بس مارضو لان معاي ولدي اسم الله علية فحجزت بالفندق


والشوبينغ بكوالا وايد حلو كل المستويات موجوده

ومري بوكت حجزي لج بمنتجع يمدحون منتجعاتهم سوي سيرج بقوقل وراح تطلع لج المنتجعات الحلوه

 

[ام مضاوي]

مشكوره اختي توفي

عالاقتراح

والاضافه الحلوه

 

[brettey]

نصيحه روحي الحين ماليزيا وخلي اوروبا بالصيف احلى

 

[Hambka Q8]

بدون اي تردد اقولج لندن و باريس
و
يقولون وايد دفى شتاهم السنه ادفى من الكويت


ماليزيا مارحتلها
و ماحب شرق اسيا وايد
و ترا حتى شهر 2 جوهم رطب !

ولد اختي رايح السنه اللي طافت يقول حر يلبسون صيفي!




و في ناس انعرفهم راحوا لندن توه
يقولون دفى و الشوبنج مو طبيعي !
و
مو زحمه !


باريس بعد شوبنجها حلو و ارخص من لندن !

 

[ام مضاوي]

مشكورين حبايبي عالاقتراحات

وشاكرتلكم مروركم

 

[حاااايره]

لندن وباريس طبعاااااااااا

 

[قطورة ومطورة]

ماليزيا خيااااااااااااااااااااااااااااااااال
بدون تفكير
راح اتعيشين حياة ملوك

 

[بنت الدلال]

انا اليوم ان شالله بروح ماليزيا


وقالو انها حلوه وتونس وبضاعتها حلوه


بس ماقدر افيدج اذا بتيبيين بضاعه لاني مااشتري تقليد



وخالتي رايحتلها قبل هالمره


وقالو لنا عن شي اسمه فش سبا

عباره عن سمج صغار يسوون لج سبا بريولج ويشيل الديد سكن وهالسوالف احسه يدلدغ ولد خالتي مار عليها بشهر العسل وعااجبته وايد

 

[ام مضاوي]

مشكورين خواتي عالمساعده

باجي جم يوم

وانشالله اقرر

 

[fat]

الله وياج وروحي لندن وباريس

 

[bambena]

ماليزيا لا تروحين اوروبا وايد برد

 

[ام مضاوي]

مشكوره

ماادري لي الحين ماقررت

انا بيصادف اخر اثنين او باخرها جم يوم

يعني اول 3

انشالله الجو يتحسن

 

[um 3li]

أم مضاوي نصيحتي لج ماليزيا 100% لالالا مليون بالإمية
ال 1000 ان شاء الله راح يكفونج وزياده .. التسوق هناك حلو و عجيييييييب ورخيص
وتقدرين تروحين جزيرة بينانج او لانكاوي ونااااااااسه
والله راح تستانسون انتي وريلج ... انا بالصيف رحت مع ريلي و ولدي ، وريلي حده استانس من ماليزيا و التسوق والنظافه والدولة اسلامية والشعب روعه ومسالم والله قعدنا 20 يوم و سكنا 3 فنادق من اروع الفنادق وارقاهم وشرينا مشترى مو طبيعي وانا جهزت نفسي حق الدوام من مجاميعه وجهزت حق ولدي صيفي وشتوي وريلي شرا شكثر ساعات ويلوزات هذا غير صوايغ اهلي واهله الي مالها حدود وغير الأكل والمصاريف الثانيه والرحلات يوميا ...
كل هذا وبس صرفنا 2500 دينار بس !!! التذاكر والفنادق كلفتنا 1200 على طيران الاتحاد
واذا تبين اي استفسار عن الاماكن السياحيه والمجمعات او اي شي ثاني دزيلي على الخاص وانا افيدج .. وانا سويت دليل حق ماليزيا انا سويته من الانترنت ومشيت عليه هناك
ويارب ان شاء الله تستانسون والله نصيحه عن تجربة .. انا رحت لندن وفرنسا والله ما استانست كثر ماليزيا لانها حييييييل غاليه والحين الجو حده بارد .. توكلي على الله وبشرينا لما ترجعون بالسلامه ان شاء الله

 

[um 3li]

ال 2500 دينار شاملين التذاكر والفنادق والمصاريف وكل شي
يعني التذاكر والفنادق 1200
والمشتريات والأكل والرحلات والمواصلات والهدايا والصوايغ = 1200
و 100 دينار شحن الجنطه الى الكويت لان طلع عندنا وزن زايد لووووووووووول
الناتج =2500

 

[شموخ العجمية]

حبيتي اهم شي انج مع زوج ومايهم برد ولا حر روحي واستانسي

 

[um wahaby]

تروحين وتردين بالسلامه

مع اني من انصار اوربا

بس هم ماليزيا روعه

وكل وحده لها حوها ... اقصد الثنتين حلوين

انتي سوي بحث وشوفي انتي شتميلين له

وعلى حسب الميزانيه بعد

يعني الفندق اللي بتحجزونه بماليزيا خمس نجوم ماتلاقون بسعره حتى نجمتين بلندن وفرنسا

والمطاعم والتكاسي كلها دبلات باوروبا عن ماليزيا

انتي فكري بالميزانيه بعد .. عشان تروحين وتستانسين وماتحاتين المصرف

 

[الجوري74]

لندن والمناطق اللي حواليها وفرنسا ويورودزني ودشي بعض مناطق سويسرا على حدود فرنسا

 

[الجوري74]

لندن والمناطق اللي حواليها وفرنسا ويورودزني ودشي بعض مناطق سويسرا على حدود فرنسا
رحله سعيده

 

[ام مضاوي]

مشكورين خواتي


فعلا فكرت بالميزانيه وانا من طبعي ماحب اشوف بدون مااشتري فالله يسهل علي بالرحله الحلوه الي تعوضني

واذا رحت ماليزيا بتنازل عن رحلة احلامي (ديزني فرنسا)

مشكورين مره ثاااااااااانيه خواتي الي مرو

وبصوت للاغلبيه واشوف بالنسبه للردود

 

[um 3li]

ام مضاوي انا نفسج والله ما اعرف اشوف شي وما اشتريه والحمدلله بماليزيا ما خليت شي خاطري كلللللللللللللللش

لندن وفرنسا حييييييييييييل غالين يعني لازم تضحين بالمشترى علشان يورو ديزني

اخوي ومرته توهم رادين من شهر العسل وصج ماشروا شي لان اصلا السكن غالي والمعيشة غالية والفنادق غالية والمواصلات غالية وتدرين هناك كله ماركات والساعه بعشرة جنيه والحسابة بتحسب لوووووووووووووول