برياني لاهور ,, بالصور .. حياكم

[بحرينية محرقية]

السلام عليكم ورحمة الله وبركاته

الله يسلمكم عندنا مطعم اسمه لاهور متخصص فالبرياني
عاد انا قد ماقدر حاولت اسوي نفسه بس طلع شوي مختلف عنه
لكن طعمه حلو...


تقدرون تضيفون أي شي تبونه مثل البيض المفيوح او البطاطس ...
وتراها لذيذة فالشكل والطعم ..


مقادير نقع الدجاج ...
دجاجة مقطعة ومزال عنها الجلد ..
ملعقة صغيرة جارام مسالا
ملعقة صغيرة كاري
ملعقة صغيرة ونص بزار
نص ملعقة صغيرة لون اصفر ,, او تقدرون تحطون كركم انا ما حطيت
ملعقة صغيرة سنوت .. انصحكم تسوونه فالبيت احلى وريحته روووعة
روب ,, عصير نص ليمونة ..وخل تقريبا ملعقة اكل,, ملح شوي ,, ملح الثوم <<< ريحته حلوة

انا نقعته ليلة كاملة واااايد احلى والطعم يصير متشبع بالخلطة ..

هذي صورة ملح الثوم ..





الطريقة ...والمقادير ..

تحمسين بصلة وحدة متوسطة او صغيرة وتكونين مجهزة فصين ثوم ناعمين ومخلوطين
بملعقة صغيرة بهارات حب <<<<هذي نشتريه من عند وحدة هالبهار رهيب براويكم صورته عقب
وحبات هيل وحبات فرنقل وحبات فلفل اسود ودارسين ولا تنسون الغاااار الطازج بس انا مجففته
عقب ما يصير لون البصل بني غامج تحطين هالبهارات عليه وتحمسينه شوي




هذي البهارات




وهذي لبهار اللي خلطته مع الثوم..ونستخدمه مع السمج ونسويه صوص مرة ثانية
بحط لكم الطريقة بالصور ...



وعقب نضيف الدجاج المنقوع بالخلطة



ونخليه تقريبا نص ساعة على حسب حجم الدجاج ولا تضيفون بهارات
لان يكفي اللي بالخلطة ...

وعقب نخليه وقبل لا نسكر على الدجاج نسوي العيش



ناخذ بصلة ونحمسها بنفس الطريقة اللي فوق ونضيف عليها الهيل والقرنفل والفلفل اسود
والغار بدون الثوم ...وعقب نصب فوقه ماي ونضيف العيش ونحط شوي حشيش ونخليه يستوي عقب نشخله
جذي بيكون شكله ..




تابعونـــي

 

[بحرينية محرقية]

عقب نحط نص مقدار العيش على الدجاج ونحط صبغة انتي واللون اللي تبينه



ونحط باقي المقدار وبعد نحط صبغة على الوجه ونخليه يتسكر نص ساعة ..





وهني قدمته ....








وهذي من جريب وجربوووه ترى صج لذيذ ..





ومع السلطة الحارة رووووعة






اللي تبي تنقله حبيباتي تنقله بس ادعولي بالذرية الصالحة

 

[إستبرق الكويت]

تبارك الرحمن , ماشاءالله

شكله لذيــــــــــــذ

بجربة إن شاءالله

تسلم ايدج

وربي يرزقج الذرية الصالحة إلهي آمين

 

[بمبة المفترسة]

ماشاء الله روعة
والله يرزقج تووم يارب بنت وولد
بس شنوو السلطة الحارة شلون طريقتها

 

[بحرينية محرقية]

تسلمون خوواتي على الدعوة الحلوة وربي يحفظكم

السلطة الحارة

تطحنين طحن خشن 2طماط وخيارة وفلفل حار3 وملعقة صغيرة سنوت
وعقب تضيفين عليها الليمون والملح وبالعافية ..

 

[chocolate cake]

ماشالله تسلم ايييدج

و ربي يرزقج الذريه الصالحه ياااارب

مشكوووره حبيبتي

 

[جارة القمر]

الله يرزقج

ويرزقني


ويرزق كل محروم


بالذرية الصالحة



مشكووووووووووووووووره حبيبتي

 

[Blomma]

واااااااااااااااااااااااااااااااااااااااااااو يجنن تسلم ايدج بجد يشهي واني جووووووووووووعانة

 

[(بنت النور)]

ما شاء الله شكله رووووعه
تسلم الايادي حبيبتي و مشكوره
على الشرح و الصور الواضحه
و ربي يرزقج بالذريه الصالحيه اللهم آمين

 

[mngo67]

تسلم ايدج علي الطبخة ومبين ريحتها خنيييييييييييييينة
وشنو السنوت؟؟؟؟
الله يرزقنا وياج ويرزق كل محروم

 

[عصفورة كويتيات]

ماشالله تسلم ايييدج

و ربي يرزقج الذريه الصالحه يااااب

 

[بحرينية محرقية]

تسلمون بنات كلن باسمها..
وجزاكم الله خير على الدعوة الحلوة وربي يرزقكم جميعا ..

الي سالت عن السنوت ,, هو الكمـــون..

 

[*&* المميزهـ *&*]

الله يرزقج الذريه يااااااااااااااااااااااااااارب
ومجهووود رائع تشكرين عليه حبيبتي

 

[بحرينية محرقية]

تسلمين اختي هنادي وحياج الرحمن..

 

[لوكي 22]

يااي شكله يشهي بس ناقص اذوقه
والله يرزقج بالذريه الصالحه

 

[بحرينية محرقية]

بطرشلج ...

تسلمين على الدعوة الحلوة وربي يحفظج

 

[78MariMar78]

يعطيج العافية وتسلم الأيادي
شكله يشهي مممممممممممممممم

ربي يرزقج بالذرية الصالحة انتي وكل من يشتهي

 

[EnG. BellA]

تسلم ايدج يا قلبي ..
بصراحة الصور روحها تشهي .. يم يمــــــــــي ..
شقايل الطعم ؟!!


الله يعطيج العافية

 

[قطوة@@]

يعطيج العافية شكله لذيييييذ

 

[بحرينية محرقية]

جزاكم الله خير بنات وما قصرتو
ربي يعطيكم العافية ...