برياني روبيان امي

[BlackRose]

حبيباتي
انا اول مرة اشارك بطبخة واتمنى انها تعجبكم

في برياني روبيان ماماتي تسويه عجييييييييييب حده لذيذ

عاد جبت لكم الطريقة من امي واللي تجربه جان تقولنا عجبها او لاء

نبتدي بالمقادير:

روبيان طري+ ملعقتين صغار كركم + ملعقة صغيرة خل

3 بصلات مقطعين شرائح+ شدة كزبرة مفرومة+فصين ثوم مدقوقين ناعم+1 مكعب ماجي+2ملعقة كاري + رشة بهار مشكل +1 فلفل علوب

رز مشخول + قليل من الزعفران المنقوع بالماي

3 ملاعق طحين+ملعقة صغيرة كاري +قليل من الكزبرة المفرومة

الطريقة:

يغلى الروبيان مع الكركم والخل بالماء نصف فوحة ويرفع من النار

يحمس البصل والثوم والروبيان والكزبر والفلفل والكاري والبهارومكعب الماجي ويحمس جيدا

يرفع من النار ثم في نفس القدر نضع طبقة الرز ثم خلطة الروبيان ثم الطبقة الثانية من الرز ونظيف ماء الزعفران ونضعه على التسكير

لعمل صلصة الروبيان يحمس الطحين مع قليل من الدهن ونضيف له كاري ونضع عليه ماء سلق الروبيان الى ان يثخن ويصبح صلصة

وبالهناء والعافية

 

[xxx]

تسلم ايدج وايد الوالده

 

[girl_in_abottle]

واو مشكووورة حبيبتي على التفاصيل
انا حدي ميتة اسوي برياني روبيان لاني اموت فيه

بس تكفين لي جم طلب
و بلييز تحمليني
اول شي : يعني شنو كزبرة مفرومة؟؟ هل اهي الي تنباع بجيس كأنها بهارات ولة انا افرمها؟ و اشلون افرمها؟؟

ثاني شي: يعني شنو بصل مقطع شرائح؟؟ و اشلون تقطعينة شرائح و اشلون شكلة؟؟ و جان زين صور

ثالث شي: شنو فلفل علوب؟؟ و جان زين صور
رابع شي: يعني شني تغلين الربيان نص فوحة؟؟ ما فهمت. و الكركم تحطينة على الماي و لة على الربيان؟؟

خامس شي : يعني شنو نضع الرز على التكسير؟؟
سادس شي: يعني شنو تحمسين الطحين على زيت؟؟ جان زين صور

حدي غشيمة
بس اخذي فيني اجر

 

[ضحكة الدنيا]

تسلم ايدج حبيبتى
ويعطيج العافيه

 

[جورية كويتية]

تسلم ايدج حبيبتي
مشكوووره
^_^

​

 

[جارة القمر]

BlackRose

تسلم ايدج


حبيبتي

 

[BlackRose]

واو مشكووورة حبيبتي على التفاصيل
انا حدي ميتة اسوي برياني روبيان لاني اموت فيه

بس تكفين لي جم طلب
و بلييز تحمليني
اول شي : يعني شنو كزبرة مفرومة؟؟ هل اهي الي تنباع بجيس كأنها بهارات ولة انا افرمها؟ و اشلون افرمها؟؟

ثاني شي: يعني شنو بصل مقطع شرائح؟؟ و اشلون تقطعينة شرائح و اشلون شكلة؟؟ و جان زين صور

ثالث شي: شنو فلفل علوب؟؟ و جان زين صور
رابع شي: يعني شني تغلين الربيان نص فوحة؟؟ ما فهمت. و الكركم تحطينة على الماي و لة على الربيان؟؟

خامس شي : يعني شنو نضع الرز على التكسير؟؟
سادس شي: يعني شنو تحمسين الطحين على زيت؟؟ جان زين صور

حدي غشيمة
بس اخذي فيني اجر

حبيبة قلبي المصيبة اني مااعرف انزل صور والا جان نزلت لج

اول شي الكزبرة هذي كزبرة طازجة تلقينها مع الخضرة صايرة نفس البقدونس بس اوراقها اصغر شوي ومرات يسمونها خضرة سمج وتفرينمها يعني بعد ماتنظفينها وتشلين الاعواد منها وتغسلينها تقصصينها صغار صغار نفس التبولة

وفلفل علوب يعني فلفل اخضر الحار طازج

ونص فوحة يعني تحطين ماي على الروبيان وتحطين الكركم بالماي مع شوية خل وماتخلينه يغلي وايد لمن يبتدي يغلي ترفعينه من النار

والارز على التسكير يعني لمن تخلصين الطبخة تحطين حديدة تحت الجدر وتقصرين عليه كلش علشان يستوي على نار هادية

وحمسة الطحين مع الزيت يعني انج تحطين زيت في المقلى ولمن يسخن الزيت تحطين معاه الطحين وشوي تحمسينهم مع بعض


واذا جربتي الطبخة قوليلنا رايج فيها

 

[BlackRose]

وي نسيت البصل

البصل تقينه طوال طوال مو صغار صغار

 

[jolie_q8]

ماشاءالله خوش طبخه

وصج جان زين حطيتي صوره

بس ان شاءالله وحده من البنات تجربها وتحط لنا الصورة

تسلم ايدك وايد الوالده

 

[girl_in_abottle]

مشكووووورة بلاك روووز
و عسى ان شاء الله اطبخها و اقولج

 

[atooma]

تسلم ايدج

 

[C.A.N.D.Y]

تسلــم ايـــدج وايد الوالده

 

[pink]

خوش طبخة ..

تسلم ايدج و تسلم ايد الوالدة ..

 

[أم حمبوصة]

تسلمين خوش طبخة

بس عندي سؤال شلون على صلصة الربيان !!!!

شنو نحطة على العيش ولا نخلي الصلصة بروحها ولا شنو !!!!!!!

ويعطيج ألف عافية

 

[fozfoz]

يعطيج العافيه

 

[AwradAli]

BlackRose

تسلم ايدج حبوبه و ايد امج

 

[rzaan77]

مشكووووووووره تسلم ايدج

 

[aloyaa]

تسلم الايادي صج تشوق