برنامج سعرات في لحظات مع د.عبدالله المطوع على الراي (تعالو نفيد ونستفيد)

[جنان2006]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

الله يعطيكم العافية وعساكم عالقوة إن شاءالله

 

[[كـالا]]

السلام عليكم

انا امس شفت الحلقة بس كانت يمي بنتي ماخلتني اكتب شي

فماراح احطلكم كل شي

بس اللي اذكره

طريقة الحلقة كانت اسئلة من الجمهور والدكتور يجاوب

اول سؤال كان واحد يسئل عن الفواكة اللي توازن السكر في الدم

يقول الدكتور:

السكر له 3 انواع

النوع الاول قوي اللي يصابون فيه 10% من مرضى السكر
النوع الثاني العادي والمنتشر اللي يصابون فيه 90% من المرضى
سكر الحمل اللي يصيب الوحدة اثناء فترة الحمل بسبب الجينات وزيادة الوزن وقت الحمل

ينصح الدكتور مرضى السكر انهم يتعلمون شلون يحسبون السعرات الحرارية وجم غرام من الكربوهيدرات في الوجبات اللي ياكلونها

ويقول ان مستشفيات الحكومة يسوون دورات حق المرضى عشان يتعلمون هالشغلة .. اعتقد ان ياب قال الأميري

وبالنسبة للفواكة اللي ترفع الدم بسرعة: الموز - التمر - التين - الاناناس - المنجا - الرقي(البطيخ الأحمر)

والفواكة اللي تناسب مرضى السكر: البرتقال - الكرز - التفاح <<< اتوقع قال اشياء ثانية بس ماذكر

وقال مو علبونه الكرز يناسب السكر تاكلون طاسة مليانة .. لان اذا كليتو وايد اكيد راح يرتفع السكر فلازم الاعتدال

وقال بعد اللي فيهم سكر لازم يبعدون عن الاطعمة المرتفعة بالغلايسيميك اندكس .. اي شي فوق 40 لا ياكلونه

...

في واحد بعد سأل عن الكرش

قبل لا يجاوب الدكتور قال ان الريال والمرة ينولدون تفاحة .. وبعد ال40 (او 45 ماني متذكرة) المرة تصير عرموطة

يعني زيادة الوزن غالبا تكون في منطقة الوسط

وبالنسبة للتخلص من الكرش يقول الدكتور:

من اسباب الكرش .. الوجبة الواحدة

لازم الواحد يقسم ويوزع وجباته على طول اليوم .. احسن شي الواحد ياكل كل 3 ساعات

ان الواحد لازم يخفف من الكافيين (القهوة-الشاي-المشروبات الغازية-الكاكاو)

يقطع النشويات في وجبة العشاء عند النوم .. يعني الواحد ياكل نشويات طول اليوم اوكي بس مو في العشا

يمارس الرياضة .. المشي نص ساعة الي 45 دقيقة يوميا + تمارين الخواصر

يقول تمارين المعدة تكبر عضلة البطن وتؤدي لبروزه قليلا فما ينصح فيها

بنات شنو تمارين الخواصر .. اللي تعرف خل تفيدنا

...

السؤال الثالث كان واحد يسأل عن القولون والتعامل معاه

يقول الدكتور اعراض القولون اهي 4
* انتفاخ البطن
* اسهال متكرر
* امساك متكرر
* غازات مزعجة

ويقول ان القولون اكثر شي يتأثر بالحالة النفسية للشخص

فالواحد لازم يبتعد عن الضغوطات النفسية والتوتر عشان يتجنب اضطرابات القولون

ويقول اللي عنده القولون لازم يراجع دكتور وياخذ العلاج المناسب

وبالنسبة للاطعمة اللي ما يناسب مرضى القولون اهي معروفة
* البروكلي
* الزهرة
* البقوليات
>> قال اشياء ثانية بس ماني متذكرة

ويقول ان حق كل الناس الاسمر دايما افضل من الأبيض

ماعدا اللي معاهم القولون .. لازم يوخرون عن المنتجات السمرة

...

الرابع سؤاله يقول انه يسوي ريجيمات وماينزل وزنه

قال وايد اشياء الدكتور بس انا ماذكر الا شويه

يقول ان اسباب عدم نزول الوزن وايد

* الافراط في الاكل

* الحالة النفسية .. لان الاكتئاب والقلق يخلي الواحد ياكل زيادة فبدال لا ينزل يزيد

* الوجبة الواحدة باليوم .. يقول الدكتور كان عنه مراجع ياي وبس نازل نص كيلو ويقول حق الدكتور انه ملتزم بالريجيم بس انه ياخذ وجبة الريوق والعشا ويحطهم عالغدا وياكلهم مرة وحدة بوجبة وحدة
الكتور طلب منه ان يعيد الريجيم بس يلتزم بوقت الوجبات .. يوم رجع السبوع اللي وراه كان نازل 4 كيلو

* مشاكل في الغدة الدرقية .. بس يقول هذا شي نادر

* قلة الحركة

وبس ماذكر باجي الشغلات .. بس اتوقع هذا كل شي

...

وآخر وحدة سألت اذا العمر يأثر على نزول الوزن .. وهل حقيقي ان الصغار يضعفون اسرع من الكبار

هم هذا السؤال ماسمعت جوابه عدل

بس الدكتور يقول ان احسن عمر حق النزول من 16 لي 36

بس مو معناته ان اللي اكبر ماينزلون .. وتكلم ان تنمية العضلات اهي اللي تساعد على سرعة نزول الوزن

وسوري ماذكر اكثر بالنسبة حق هالسؤال


بنات ترى هذا مو كل شي 100% بس انا حاولت وعصرت مخي وهذا اللي طلع معاي

اللي شافت الحلقة وعندها زيادة وتذكر شغلات ثانية خل تفيدنا

 

[$مخملية أنثى$]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

يعطيييج العافية كالا
ترى تمارين الخواصر اهوا القرص الدوار تسوينا من 10 دق الى 15 دق
اهوا قالها الدكتور بهالفيديو بآخر الفيديو بدقيقة 5:54
http://www.youtube.com/watch?v=pBokTnyRxnI&feature=related
​

 

[كيكه توفي]

مشكوره والله يعطيج العافيه [كالا]
ومشكوره $مخملية أنثى$

 

[[كـالا]]

العفو بنات

ومشكورة مخملية أنثى عالمعلومة والفيديو <<< اليوتيوب مايبطل بدوامي لما ارد البيت اشوفه ^_^

 

[كيكه71]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

يعطيييج العافيه على المعلومه ذبحنا الكرش

 

[((معشوقة خالد))]

معلوووماتــه مفيده واسلوووبــه جداً راقــي

كان عندنا بالكليــه من ثلاث اسابيــع وحيــل استانسنا

<< اول مره ادري انه عنده برنامج كل ثلاثااااء .............. ؟

ان شاء الله بتابعه ....

ويعطيكم العافيـه يالغوالي

 

[صدى الأفراح]

مسا الخيرات والليرات بيسعدني انضم الكم

مممم انا اول وحده رح تكتب عن حلقة اليوم
تكلم فيها الدكتور عن الاعشاب وتاريخها وعلاجها
وسؤال عن دهن خل التفاح للجسم بغرض التنحيف وطبعا الجواب هو احترام الوصفه لو حد جربها لكن الخل له مضار عالجلد ممكن يجفف الجلد ويفقد السوائل وممكن استخدام الوصفه بطريقه مدروسه وفتره قليله
وذكرو وصفة لتقوية العلاقه الجنسيه الزوجيه بصل وعسل ومنقوع الحمص
والاعشاب المفيده للغازات اليانسون والبركه والميرميه والشومر
والحلقة القادمه رح تكون عن الشعر رووووووووعه وتكلم عن اهمية زيت الاس للشعر لكن لازم يكون اصلي ومن بعدها افضل الزيوت اللوز الحلو والزيتون والخروع
بتمنى اكون نقلت صح اللي فهمته وتقبلو تحيااااتي

 

[يـاسمينا]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

حسافه طافتني الحلقه كنت طالعا
ثانكيو صدى عالنقل ..

 

[كيكه توفي]

مشكوره صدى الأفراح

 

[سعودية تعشق الكويت]

روووعه ..بس بنات ايش نستخدم بدل السكر البني للرجيم ...وكيف نكسر الرجيم
متى يطلع البرنامج وهل مازال يطلع على الراي ...مشكورة ياحلوااات

 

[عنيّد]

R D Abdullah Almutawa‎ :
"تغذية الشعر" موضوعي "اليوم" الثلاثاء على الراي الساعه 10:15 مساءا
علاج تساقط الشعر - تخفيف الشيب - تقوية فروة الراس - فيتامينات الشعر الفعاله
لاتطوفكم

 

[xxx]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

هالحلقة وايد مهمه

مشكورة عنيد على التذكير

 

[كيكه توفي]

مشكوره عنيد

 

[((معشوقة خالد))]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

ان شاء الله ما تطوووفني الحلقــه اليوووم


ومشكوووووووووريــــــــن يالغوااااالي

 

[×× الدانه ××]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

مشكووووووووووووره

 

[Mystique]

7elo waiting for it, inshalla

 

[عنيّد]

انشالله بنزل لكم الحلقه على جزئين ، الجزء الاول كتابه والثاني فيديو
بس يبيلي وقت عشان اضبطهم

 

[missnohaa]

الله يعطيح العافيه ياعنيد

 

[يـاسمينا]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

حسافه طافتني الحلقه كنت نايمه :"(