برنامج سعرات في لحظات مع د.عبدالله المطوع على الراي (تعالو نفيد ونستفيد)

[otroja]

بنات شنو قال الدكتور امس حسافه طافتني

 

[just-me]

يالله عنيد ناطرينج وتسلم اصابيعج مقدما

 

[عنيّد]

تقرير حلقة يوم 11-1-2011

" تغــذية الشعـــر "


* تكلم الدكتور عن أسباب تساقط الشعر (كتبت الي لحقت عليه لانه كان يتكلم بسرعه :O_SHH_: )
1- الجينات الوراثية ، فأي شخص يعدي عمره 45 سنه ومــاعنده صلع هذا يعني ان جيناته الوراثيه قويه وممتازه ، اما الي من 25 سنه وعنده صلع فهذا بسبب الجينات الوراثيه (يقول الدكتور عاد هذا يروح حق امه وابوه ويقولهم ماقصرتوا لوووول)
2- كثرة التوتر والاكتئاب وهو من العوامل الرئيسية لتساقط الشعر ، فيجب الهدوء اما عن طريق التغذية او عن طريق الجلسات العلاجيه مثل NLP
3- نزول الشخص اكثر من 7 كجم بالشهر وهذا بسبب نظام غذائي خاطئ ، لان الجسم مايغطي كل الفيتامينات الي يحتاجها الشعر ، ويكون هالنزول بالوزن من خلال فقد الجسم للسوائل والعضل وليس الدهون ، فمجرد العوده للاكل يرجع الجسم يسمن (على قولة الدكتور يَنفـــش )
4- اتباع نظام غذائي خاطئ مثل رجيم فصائل الدم او آتكنز او الرجيم الكيميائي ، لانها لا تغذي الجسم والشعر من الداخل والخارج
يقول الدكتور ياتني وحده بالعياده تقولي نزلت 15 كيلو بــ 20 يوم !! وكانت هلكانه من الرجيم وتشتكي من شعرها "حسب ماذكر" عاد الدكتور سألها قالها لها اشلون شمسويه ؟ قالتلي مسويه رجيم الموز والخيار ، طول اليوم مره اكل موزه مره خياره ولمــــدة 20 يوم ، قلتلها هذا نظام الشواذي ! (لووووووووووووووول)
5- فقر الدم ، لازم الواحد يسوي تحاليل CBC ويجيّك على نسبة الدم لان الهيمولوجين هو الناقل الي يحمل الحديد للدم
6- جفاف الجسم من السوائل ، اذا الانسان ماشرب ماي وسوائل فجسمه راح يجف ، وبطبيعة جسم الانسان بداخله مخزون ماي ، هالمخزون عند جفاف الجسم يروح للمخ والقلب ، فيحس الشخص بجفاف العين والفم والكله وفروة الرأس ، فلاااازم الواحد يشرب 8 اكواب ماي باليوم
7- أدوية منع الحمل والقلب والسرطان والمفاصل والكرتزون
8- بعض الامراض مثل السكر والتهاب المفاصل وخمول الغدة الدرقبه



* أكو عندنا 7 أطعمه أساسيه لتقوية الشعر :
1- اوميغا 3 وهي دهون الاسماك الموجوده مثلا في السلمون والسردين والصبور ، هذي تزيّت فروة الراس
2- فيتامين أ (A) يفرز مادة السيبو وهي بلسم طبيعي للشعر ، نحصله بالجزر والطماط والخضار الورقية
3- الحديد في اللحم والدجاج والربيان والجبده والسمك والارانب والخضار الورقيه والمكسرات النيه والفواكه المجففه ، يقوي الشعر ومايخليه يحت
4- السبلينيوم يقوي فروة الراس ، نحصله في النخالة والمكسرات والموز
5- البايوتين يخفف الشيب في الشعر ويعطي لمعة ، نحصله في صفار البيض والعسل والموز

* سوا الدكتور خلطة للشعر تعطي لمعان وقوة للشعر اذا كانت الجينات قويه
- نص ثمرة اوفاكدو مهروس
- قفشة وسط زيت جوز الهند
- قفشة وسط زيت زيتون اصلي
- قفشة وسط عسل طبيعي (مو الخرطي الي بالجمعيات)
تخلط المكونات وتوضع على الرأس ويعمل للراس مساج بهالخلطه وتترك لمدة 10-15 دقيقه ، فقط مره بالاسبوع


.
.


هذا كان الجزء الكتابي من الحلقه ، بعدين حطوا دعايه ، وصراحه عيزت وانا اكتب جك بم جان اقول ها ، ليش ما اصور ! :eh_s(10):
يبت كامرتي وصورت ، وحمّلت لكم باقي الحلقه على اليوتيوب ، الصوت واضح الحمدلله
الفيديو مقسوم على جزئين ، عاد بتسمعون رنة تلفون بوسط الكلام كله من زيون متصله وشكلها أبت الا ان تثبت وجودها بالتصوير خخخخخخخخخخخ


هذي باقي الحلقة واللقاء الي سواه الدكتور عبدالله مع دكتورة الجلدية نورة الصليلي

تغذية الشعر - دكتور عبدالله المطوع ج 1\2
تغذية الشعر - دكتور عبدالله المطوع ج 2\2


.
.


اخيرا .... دعواتكن
وسلامتكن وتعيشن

​

 

[ZajiL]

يعطيج العافيه عنوووده

 

[كيكه توفي]

الله يعطيج العافيه عنيد مشكوره

 

[children's link]

يعطيج ألف عافية و ماتقصرين خووووش موضوع و مفيد جدا

 

[om fajori]

[

Iالسلام عليكم اخواتى العزيزات
انا دورت حبوب السمج اللى عرضهم الدكتور المفيدة وجربت التجربه :botetoo:
[http://www.sevenseas.com.my/health_supplyment_08.htm]
علشان نقضى على الكلسترووووووووول
بس في منه نوعيين
واحد بس اوميغا 3
والنوع الثانى اوميغا 3-6-9
والثانى هو اللي انا شريته لانه فى راى افيد احنا نحتاج جميع الاوميغا حق نغذى مخنا بعد:082502bye_prv:
اسم المنتج اذا ما طلع الرابط seven seas pulse _high strength- pure fish oils
شكرا سعر المنتج 4,480 دينار
"http://www.sevenseas.com.my/health_supplyment_08.htm":bye22​

:

 

[ام عزيزان3]

رد : رد: برنامج سعرات في لحظات مع د.عبدالله المطوع على الراي (تعالو نفيد ونستفيد)

[

iالسلام عليكم اخواتى العزيزات
انا دورت حبوب السمج اللى عرضهم الدكتور المفيدة وجربت التجربه :botetoo:
[http://www.sevenseas.com.my/health_supplyment_08.htm]
علشان نقضى على الكلسترووووووووول
بس في منه نوعيين
واحد بس اوميغا 3
والنوع الثانى اوميغا 3-6-9
والثانى هو اللي انا شريته لانه فى راى افيد احنا نحتاج جميع الاوميغا حق نغذى مخنا بعد:082502bye_prv:
اسم المنتج اذا ما طلع الرابط seven seas pulse _high strength- pure fish oils
شكرا سعر المنتج 4,480 دينار
"http://www.sevenseas.com.my/health_supplyment_08.htm":bye22​

:

اي حبيبتي بس اذا تبين فايدة ان ينزل الكولسترول اخذي بس اوميجا3 انا سألته لمارحت مراجعتي
باجي الحبوب الي في اوميجا 3و6و9 حق الجسم بشكل عام

 

[++The DuchesS++]

شكراااااا على التقرير عنيد

 

[xxx]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

مشكوووووووورة عنيد

خوش حلقة وايد مفيده

 

[عنيّد]

R D Abdullah Almutawa‎

نقص فيتامين "د" ... أسبابه - أعراضه - حل المشكله بطريقه سلسه و مرحه مع ضيفي المميز د. عبدالناصر العثمان غدا الثلاثاء الساعه 10:15 مساءا على الراي
لاتطوفكم


^
^
موضة هاليومين فيتامين D ​

 

[[كـالا]]

يارب يارب يارب ما انسى واتابعها

وشكرا عنيد عالتذكير ^_^

 

[كيكه توفي]

مشكوره عنيد على التذكير

 

[عنيّد]

بعد 10 دقايق موووووتنسووووون

 

[عنيّد]

ترقبووووووا الحلقه


واصبركم بهالصورة لــ ما خلف الكواليس

 

[[كـالا]]

صراحة خووووش حلقة .. بس الله يهداها بنتي كانت مستعسرة ماسمعت عدل

وايد شغلات طافتني

اللي شافت الحلقة تحطلنا الملخص ويعطيها العافية <<< نغزة حق عنيد ^_^

 

[عنيّد]

^
^
^

مااااكووووووووو ملخصااااات ماكووووووووو

تدرسون الكتاب كامل من اليلده لليلده

سجلتها وبنزلها لكم فيديو ، بسكم من دلع التلخيصات

 

[عنيّد]

حلقة يوم 18-1-2011


نقص فيتامين "د" ... أسبابه - أعراضه - حل المشكله بطريقه سلسه و مرحه مع د. عبدالناصر العثمان اخصائي الغدد والهرمونات



برنامج سعرات في لحظات - عبدالله المطوع - فيتامين دال ج 1\3

برنامج سعرات في لحظات - عبدالله المطوع - فيتامين دال ج 2\3

برنامج سعرات في لحظات - عبدالله المطوع - فيتامين دال ج 3\3

​

 

[درٍرٍ]

الله يجزاج الجنة ياعنيد والله ماتتصورين اشكثر افدتينا الله لايحرمج الاجر

والحلقة كانت مفيييييييييييييييييدة جدا جدا خاصة اني اعاني من نقص فيتامين دال

بارك الله فيج وعساج عالقوة

 

[عنيّد]

حاضريـــــن للطيبيـــــن

طبعا اعتذر عن الفيديو اذا ماكان واضح 100% بس الجود بالموجود
يعني اهم شي الصوره تنشاف والصوت ينسمع ^ـ^


فعلا الحلقه كانت مفيده والله وفيها معلومات يديده غير البلعه