[ بدونك من أكون ] ..~ روآية بـ أنآمل كويتية ..~

[MeeMeeYoo_2]

ام هدى .. ابو هدى .. <><> انفصااال .. !
اهم شييييييييييي :|

هدى.. كيف بتتقبل هالصدمة ..!
الله يعينها !

نوال.. لحد الحين ما بينت ..!
كاسره خاطري هالنوال !

العيد ايامه فرحة بفرحة .. !
مو عالكل !

مناير... شنو هدفها من اللي سوته بالشاليه..!
مادري للحين باطه جبدي

نورة.. بتفكيرها لما وين بتوصل..!
مايندرى !

راشد وعواطف .. زودوها جرعتين ..!
عواطف هذي مو صج والله يستر منها

مساعد .. اخووو عمر وخليفه .. الى متى الاستهتار مافي احد يوقفه عند حده .!
وين التربيه الي فيه هالصبي !! الله يستر عالجميع

يعطيج العافيه حبيبتي
ناطرين

 

[Absent Hope]

الجزء التاسع :::

اليوم: الجمعة
التاريخ: 12-10-2007م
الساعه: 11 ونص صبااحاا

.. مثل ما عرفتوا بالبارت اللي طاف ان اليوم أول أيام عيد الفطر ..

في بيت ريم...

ريم: لا حراام عليكم .. اليوم ودي اروح الترفيهية ما يصير نظل بالبيت
نورة: آنا احتج بصراحة
عالية: وآنا بعد
ام يوسف: الحين انتوا هدوا اعصابكم تالي راح تعرفون السالفة
بسمة: يلا قولي نسمعچ
ام يوسف: حسبي الله على ابليسكم .. شيشتوا الصغار معاكم
روان: اي خالتي آنا بعد معارضة معاهم
ام محمد: حلوو كملت
نورة: شكلكم مطولين .. يلا قولوا السالفة
ام محمد: تو الناس الحين انتوا عندكم اسبوع وشي ليش مستعيلين ..!
عالية: نبي نحس انه عييد ما يصير چذي
ام محمد: اليوم زحمة حييل وما راح تقدرون تطلعون مكان .. اصلا فرحتكم ما راح تكتمل بالزحمة والازعاج .. ما تصبرون لكم يومين
ام يوسف: ولا تنسين ام محمد الجدول
ريم: اي جدول.. ردينا للمدارس ..!
ام يوسف: لا احنا مسوين جدول للطلعات اللي بنوديكم لها
عالية وهي تهز رجلها بعصبية: اي يلاا قولوا شنووو..!
ام يوسف: سمعوا .. احنا حجزنا لكم مسرحية يوم الاحد .. ويوم ..
نورة تقاطعها: مسرحية شنووو.!
ام يوسف: مسرحية رعب للكبار وللصغار مسرحية ثانية
ريم: لاا ماابي ابي طارق العلي
ام محمد: تبين حياچ ما تبين لا تروحين .. كملي كملي
ام يوسف: انزين ويووم الثلاثاء المدينة ... والخميس الشعب .. وباقي الايام الخيارات متعددة لكم ... انتوا اتفقوا بينكم وسووا جدول لباقي الايام
نورة تتأفف: بس ..
عالية: يعني شلووون ..!
ام محمد: شفيكم شنو يعني شلوون وبس .!
ريم: نبي نطلع اليوووووووووم
ام يوسف: تراكم مو كفوووو
بدر ومحمد وهم داخلين: السلاااام عليكم
الكل: وعليكم السلام
ام محمد: ووين يوسف..!
... بدر ومحمد لفوا وراهم ...
بدر: بسم الله وين رااح هذا ..!
محمد: كاان ورانا
يوسف وهو داخل ومبتسم: السلااام عليييييكم
الكل: وعليكم السلام
يوسف: كل عام وانتوا بخير .. عيدكم مبااارك
بدر: اي صح نسيت ان اليوم عيد .. عيدكم مبااارك
محمد: كل عام وانتوا بخير
الكل: وانتوا بخير
يوسف: يلاا شابات بسرعه .. ترى يروح الباص ويخليكم بروحكم
نورة: شنوو شالسالفة ..!
يوسف: اللي بتمشي حياها واللي بتظل كيفها
ريم نقزت: صج بتطلعناا
يوسف: ههه اي صج
ريم وعالية ونورة يطالعون بعض: هيااااااا
ام يوسف: لا وين تطلعهم يماا بهالزحمه
يوسف: يما الله يهداج اليوم عيد خليهم يستانسون بدال ما يظلون محبوسين .. بمشيهم شوي واغديهم بمطعم من هالمطاعم ونرد
ريم: الله يخليكم .. الله يخليكم عفيه
عالية: الله يوفقكم ويرزقكم اللي تبونه
نورة: عشااان خاطر اللي تحبونهم
ام محمد: خلااص خلااص
ريم: يماا تكفين وافقي تكفييين
ام محمد: رووحووا
ريم: ياا بعد عمري .. يلاا بنات بسرعه قبل ما يهونون
يوسف: ستووب لحظة شوي.. وين رايحين..!
ريم: هااا
يوسف: مو عليچ ع الطابور اللي وراچ
بسمة: شنوو بنروح معاكم
يوسف: لا ماكوو .. الاتفاق ان الكبار معاي وانتوا تروحون للشعب مع محمد وبدر
بدر: شنوووووووووووو...!
يوسف لف عليه وباستنكار: لا والله تبي بآخر لحظة تغير الاتفاق.. بسوم روانوو ترى تعرفون بدر بيتهرب .. الزقوله لزقة .. يلا شابات
عالية: يلااا
.... طلعوا ..
بدر: يويسف مالي دخل يا الغداار .. مع السلامة
روان وبسمة طبوا فوقه: وين راااايح ما تروح تطلعنا يعني تطلعنا مااالنااا دخل
بدر يستنجد: يماا تصرفي معاهم
ام يوسف: مدام هذا الاتفاق .. ما يصير لازم توديهم
بدر: يماا من صجچ صدقتي يوسف .. محمد تكلم قول شي
محمد: اقوول شرايك نودي البنات حراام
ام يوسف: هااا شفت كاا محمد راضي
بدر: حمووووود
محمد: يلااا بنوتات على سيارة بدر
بسمة وروان: يلااااااا
ام محمد: لحظة دقيقة .. حمود خلوني انادي رشا وهنادي
ام يوسف: يا بعد عمري نسيت حمد
بدر فتح عيونه ع الآخر: كملت .. فاتح حضانة وآنا ما ادري
ام يوسف: يلاا عفيه على وليدي فكنا من حنتهم

 

[Absent Hope]

في بيت وسمية...

فهد: يلااا يا حريم طولتوها وهي قصيرة
سلوى وهي تلبس ملفعها: انت قلتها حريم .. اكيد بنطولها
فهد: ما صارت الحين حزة الغدا واحنا ما طلعنا لما الحين .. يلااا يا وسمية
أحمد وهو نازل: وسمية تقولك ما تصبر لحظة
فهد: قولها لا ما اصبر لو ربع لحظة
وسمية: ياا ربي عليك يا فهيد مافيك صبر
فهد: كل هذا لبس .. رايحين عرس
سلوى: فهد الله يخليك بعد الغدا بروح بيت اهلي
فهد: ان شاء الله .. بس شكلكم مو ناويين تطلعون
سلوى: لا يلا مشينا يلااا
.... بعد ما طلعوا ...
عواطف وهي تطل: طلعوا مافي أحد
راشد: يلاا جااهزة
عواطف: اي افااا عليك .. بس خوش شي لما قلتلهم انك امس سهران وبتنام
راشد يغمزلها: افااا عليچ .. بس شسويلهم ما يخلون احد يتصرف براحته
عواطف: رشوود يلاا تحرك تأخرنا
راشد: يلااا

في بيت منصور...

منصور: هاا يا الحلوة خالصة..!
ضحى: اي حبيبي يلااا
منصور: توكلنا .. آنا رايح اشغل السيارة
ضحى: منور ما تبين تروحين بيت اهلي منها تشوفين ريم وتعيدين عليهم
مناير: لاا ماابي بطلع مع رفيجاتي
ضحى: اي لأن صارلها فترة تسأل عليچ قلت اشوف اذا بتيين
مناير: لا مابي
ضحى: برااحتچ
مناير: اكييد يعني براحتي
ضحى: هلااا..!
مناير: اقوول اكيد براحتي
ضحى باستغراب: اووكي ... مع السلامة
مناير بصوت واطي: الله لا يحفظچ

في بيت هدى...

[ هدى بغرفتها تسترجع اللي صااار:: .. انا بحلم متأكدة اني بحلم .. مو معقولة عشرة 19 سنة بلحظة وحدة تنتهي .. ليييش .. شالسالفة شنو اللي تغير..! .. يا ربي كل مابي افرح بحياتي الاقي حياتي تتحول من نكد لأنكد .. يا ليت امي ما حملت ولا ولدت ولا صار عندي اخت .. خلاص اختي مابيها مابيها .. ابوي يمكن كان يتمنى يكون عنده ولد .. بس هذا مو معناته انه يعارض المكتوب .. مو هو اللي كان يقول البنت والولد واحد .. مو كان يقول البنت عندي جوهرة وأغلى من الولد .. وين كلامه راح .. ليش طلق امي .. بأول يوم من العيد .. اللي المفروض يكون يوم فرحه .. ليش يبااا ليش قلبت حياتنا .. شنو اللي صار .. امي يا ترى غلطت عليك بشي .. ولا انت بدون سبب .. مو معقول بدون سبب .. كل شي له سبب .. بس ليش قالها بسهولة ودار ظهره ... ما عطانا الاسباب .. قالها مثل اي كلمة ثانية .. انتي طاااااااااااالق .. مستحيل .. مستحيل امي وابوي ينفصلون .. كنت اعتبرهم احسن زوجين واحسن شريكين .. انتي طااالق .. بس ليش بدون ما يذكر ولا سبب .. راسي بينفجر من التفكيير.. حراام عليكم .. حراام عليكم تخربون فرحتي بأختي وفرحتي بالعيد .. الله يساامحكم .. آآآآه يا قلبي يا كم تتحمل من الاحزان .. لما متى .. متى بتكون آخر احزاني .. عشت بالدنيا وحيدة غريبة .. ولما ودعتني الغربة والوحدة .. اكتشفت اني رحت لعاالم ثااني .. عالم غرييب مافي احد مافي الا اسم هدى ومافي الا كلمة انتي وحيييدة .. مهما صار بتظلين وحيدة.. ]

.....
*أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره
....

[ ام هدى ما تحركت من مكانها .. من سمعت الخبر .. كانت متوقعة تسمع كلمة حلووة على بداية هاليوم بس اللي سمعته كان سكاكين تطعن بصدرها ... سكاكين تقطع قلبها لقطع مستحيل تتجمع مرة ثانية .. مسكت سهى اللي كانت نايمة عندها ... اللي ما كملت الشهرين لما الحين .. مسكتها وضمتها لصدرها بكل قوة ضمتها وهي بالضمة ودها تلم بقايا قلبها ودها تلم بقايا جروحها .. صدمة .. أول مرة تنصدم بالشكل هذا .. ولا دمعة نزلت من عيونها ولا كلمة نطقت فيها بس ضامة سهى وعيونها تنطق بكلااام ما ينقال ولا ينسمع ولا ينقراا.. كلام ما تقدر تترجمه بولا لغة .. وقفت وهي ضامة سهى واتجهت صوب باب غرفتها .. او يمكن ملجأها اللي تفكر تكمل فيه باقي حياتها .. دخلت وصكت الباب وراها .. تسكر الباب وتسكرت معاه كل آمالها كل ثقتها باللي حولها .. وانفتح مع صكة الباب عالم جديد .. عالم الاحزااان .. عالم الوحدة .. عالم ما يعيش فيه الا الكسير والمجرووح ]

...
يا وقت وش باقي حزن تخفيـــه ..؟
أظن حزن الناس كلــــه وصلني !!
كل التعاسه والألم عايشه أنا فيــه !!
حتى الأمل خيب بها اليوم ظني !!!!
...

 

[Absent Hope]

في بيت ريم...

ضحى: خليهم يستانسون ..!
منى: احنا بنستانس بعد
ضحى بضحكة: ام عياال بتروحين مع الشباب
منى: اي ويعني .. انتي ما ودج ولا خلاص يعني صرتي حرمه هااا
ضحى: لا والله بس يا حلو القعدة مع امي وخالتي
منى: آنا مو كاسرة خاطري الا هجورة اخذوا الكل وخلوها بروحها حراام عليهم
ضحى: تروح معاهم تأذيهم توها صغيرة .. خليها هني ما تفهم شي

في حولي بارك ...

وسمية: فهد حراام عليك .. حماادة روح العب حبيبي
أحمد: انزين
وسمية: شوي شوي لا تركض جذي
فهد: جووعاان شسوي ..!
وسمية: رووح صبر نفسك .. أكل برد ، ذرة اي شي
فهد: انتي اقعدي ع الكراسي مو تتحركين .. وسلوى بعد اقعدي
سلوى: لا انا بروح معااك
فهد: اوكي .. ما راح نطول وسووم
وسمية: اخذوا راحتكم
[ راحت وسمية قعدت ع الكرسي وكان قريب منها كرسي ثاني ..قامت تتفرج شافت اثنين راحوا قعدوا ع الكرسي واحد صغير والثاني كبير .. قالت بقلبها اكيد اخوه .. كان الصغير يشرب عصير .. التفت الصغير ع الكبير بعد فترة من السرحان ]
الصغير: تصدق .. صچ مستانس .. بس في شي مضايقني
الكبير: شنوو .!
الصغير: لــو الحين نوال معااناا .. كنت راح استانس اكثر
[ وسمية سمعت اسم نوال التفتت عليهم على طول .. كانت بالبداية تطالعهم بطرف عينها وظلت تطالعهم ]
عمر: ان شاء الله تكون بخير ومستانسة .. شدراك يمكن عند أمها مرتاحة أكثر من لما كانت عندنا
خليفه: ان شاء الله يااا رب
[ انتبه خليفة ان في وحده تطالع صوبهم .. لف عليها وقام يطالعها وهو مستغرب ]
وسمية: انت .. خــلـــيـــفــه..!
خليفه باستغراب: اي .. شلون عرفتي..!
عمر التفت يطالع البنت اللي قاعدة بروحها ويقول بقلبه شسالفتها:......
وسمية ابتسمت: عــيــدك مـبــارك
خليفه زاد ذهوله: ايامج سعيدة .. منو انتي ..!
وسمية: نوال رفيجتي .. الروح بالروح
خليفه سكت شوي بعدين ابتسم: انتي وســـمــيـــة
وسمية هزت راسها: اي
خليفه: عمر .. هذي وسمية رفيجة نوال .. دايما تسولف عنها.. وسمية هذا عمر اخوي الكبير
وسمية ابتسمت: تشرفنااا
عمر ابتسم: وآنا اكثر .. ما عندج اي خبر عن نوال.!
وسمية نزلت راسها بحزن: للأسف ولا اي خبر
عمر ابتسم: لا تزعلين .. احساسي يقولي انها بترجع
وسمية: الله يسمع منك
.............: وســمــــيــــة...!
وسمية لفت: فهد اعرفك .. عمر ولد عم نوال
فهد بابتسامة: هلاا والله .. كل عام وانت بخير
عمر وهو يسلم عليه: وانت بخير وصحة وسلامة .. شلوونك ان شاء الله بخير..!
فهد: الحمدلله .. انت اخبارك .. وما وصلتك اخبار عن نوال ..!
عمر: للأسف لااا .. ما عرفت اي شي
فهد: الله يرجعها بالسلامة
عمر: آآآآمـــيــن.. نوال غالية علينا كلنا وان شاء الله قريب ترد
أحمد وهو يركض ويجر وسمية: يلااا وسمية قووومي .. نركب اللعبة اللي هناك
وسمية: انزين لحظة شوي الحين اقووم

 

[Absent Hope]

في بيت هدى...

[ هدى تكلم ابلة ايمان بالتلفون ]

ابلة ايمان: عيدچ مباارك
هدى تبچي:....
ابلة ايمان: ألوو .. هدى معاي ع الخط
هدى: اي ابلة معاچ
ابلة ايمان: شفيچ صوتچ مو عاجبني .. فيچ شي ..!
هدى انفجرت: الحقيني ابلة .. ما اقدر استحمل الحقيني
ابلة ايمان: خيير شفيچ شصاار ..!
هدى: ابووي طلق امي
ابلة ايمان: ..شنوو .. من صجچ تتكلمين .. متى صار هالحچي ..!
هدى: اليوم الصبح .. بدل ما يعيد علينا طلقها
ابلة ايمان: لا حول ولا قوة الا بالله .. ما عليه استهدي بالله .. انزين ليش .. ما قالكم ليش ..!
هدى: بدون سبب .. بدون ما يذكر سبب واحد .. بس ..
ابلة ايمان: بس شنوو..!
هدى: اتوقع لأنه يبي ولد
ابلة ايمان: يمكن كل شي يصير .. بس انتي هدي نفسج الحين وان شاء الله ما يصير الا الخير
هدى: اي خير .. شنو باقي بعد..!
ابلة ايمان: اي اي ان شاء الله
هدى: شنوو..!
ابلة ايمان: لا حبيبتي اكلم أمي
هدى: سامحيني ابلة ضيعت وقتچ وضايقتچ على أول يوم عيد
ابلة ايمان: شهالكلام يا هدى .. لا تنسين احنا صديقات ولازم نفضفض لبعض .. بس لازم اخليچ الحين

... ومر اسبوع العيد بين عالمين .. الفرح والحزن ..
.. قضت هدى أيام العيد بالبيت وبالتحديد بالغرفة ونفس الحالة امها ..
.. اما الباقي فقضوه بالطلعات والوناسة ..

اليوم: الاحد
التاريخ: 21-10-2007م
الساعه: 9ونص صباحا

في المدرسة...

ريم: يا الله .. بعد الاجازة محد له خلق ع الدراسة وخصوصا اذا كانت طويلة
وسمية: اي والله .. بس لا تنسين الاسبوع الجاي شنوو ...!
ريم: شنوو.!
وسمية: يعني مو عارفة .. امتحانات يا حلوووة
ريم: اووف لا تذكريني .. الله يعيني على حبسة البيت ومجابل الكتب
وسمية: صج تعالي ما كلمتي هدى بالعطلة ..!
ريم: لاا .. ليش ..!
وسمية: لأني كل ما اتصل عليها ما ترد او مغلق وع البيت محد يرد
ريم: غريبة .. واليوم غايبة شعندها ..!
وسمية: والله ما ادري

في بيت عمر..

يوسف: بس ما يصير چذي يا عمر .. يمكن البنت صايرلها شي .. انت مكتف ايدك وتتفرج لما متى .. تدري شكثر صارلها مختفية تدري..!
عمر: يووسف الله يخليك.. ادري عارف والله عارف .. بس قولي انت شنو بيدي اسوي
يوسف: اجبر ابوك انه يتكلم
عمر: غير سالفة شلون تبيني اجبره .. انت ما تعرف ابوي
يوسف: بس انت تحبها .. واللي يحب مستحييل يقدر يبعد عن حبيبه
عمر: يوسف اقولك شي بس لا تفهمني غلط ..
يوسف: قول شنو.!
عمر: صج ان نوال بنت عمي .. وغالية علي حييل .. بس تصدق آنا اول ما شفتها ما كنت متعود على وجود بنت عم عندنا بالبيت .. ونوال طيبة .. طيبة حييل .. حبوبة وما تمل من قعدتها بس لما قلتلك اني احبها .. ما كنت متأكد عدل .. يعني آنا كل شي بقلبي اقوله لك .. اذا كنت متأكد أو لأ.. بس الحين اكتشفت ان بس بالبداية كانت مشاعر مضطربة موجودة بداخلي بس مو حب .. والحين تأكدت وعرفت افسرها عدل .. انها موو حب
يوسف: انت من صجك .. قاعد تلعب ولا شنو .. شلون واحد يكون متأكد انه يحب ولا لأ .. الحب على طول يدخل بدون استئذان مو ينطرك تتأكد ولا لأ . روح زين
عمر: آنا بالبداية كنت مفتقد وجود حرمه فالبيت تساعدنا تدير بالها علينا .. ولما شفت نوال .. حسيت ان اللي ابيه صار بس لأنها غريبة عن بيتنا ومو من أهل البيت ظنيت اني احبها .. يوسف انت مو توك قلت ان اللي يحب ما يقدر على البعد .. آنا حاس بنقص الحين بنقص عجييب .. بس اقدر استحمل مو ما اقدر
يوسف: انزين يعني مدام ما تحبها ما ودك ترجع .!
عمر: بالعكس .. ودي ترجع اليوم قبل باچـر .. مو معناتها اني ما احبها ما ابيها .. آنا احبها بس الحب بمعنى انها بنت عمي الحب انها .. انها حييل قريبة مني .. اقرب من خواتي
يوسف: صدمتني يا عمر .. ما توقعتك تلعب بمشاعر البنات چذي
عمر: آنا ما لعبت اصلا آنا ما قلتلها اني احبها
يوسف: بس .. الفكرة مو راضية تدخل راسي
عمر: والله وربي العالم .. اني مفتقدها حيييل .. دارت بالها علينا اكثر من ابوي واكثر من خواتي .. آآآه وينها بس

 

[Absent Hope]

اليوم: الاثنين
التاريخ: 22-10-2007م
الساعه: 8 صباحا

في المدرسة..
وبالتحديد بصف هدى ..
[ ما عندهم مدرسة ]

لولوة: شعندچ أمس غايبة .!
هدى: ما عندي شي
لولوة: بس ويهچ يقول غير چذي
هدى: لاا عاادي
لولوة: هدى .. انتي ليش چذي .. ليش ما تتكلمين معاي بصراحه
هدى وعيونها غورقت مو مستحملة اي كلمة: لولوة .. مالي خلق على شي خلاص
لولوة: اووكي بس اذا صارلچ خلق ترى آنا موجودة
.... بعد صمت ..
هدى: لولوة ... امچ وابوچ عايشين..!
لولوة: لو يموتون اشرفلهم
هدى باستغراب: لييش ..!
لولوة: كل واحد بديره
هدى: منفصلين..!
لولوة: اي .. ابوي ما ادري عنه وامي كل يوم والثاني رايحتلها ديره
هدى: وشلون .. عندچ اخوان ..!
لولوة: عندي بس اخت وحدة متزوجة
هدى: شلون مستحملة عايشة بروحچ.!
لولوة: بالعكس .. انا كل يوم احمد ربي ان ما عندي اهل
هدى: لييش.!
لولوة: لو عندچ اهل راح يحكرونچ وما يخلونچ تطلعين .. تستانسين .. تغامرين
هدى: أغاامر ..!
لولوة: احلى شي بحياتي المغامرات .. شنو فايدة الحياة اذا ما استانسنا وغامرنا .. اصلا متعة الحياة ولذتها المغامرة
هدى: شلون تغامرين ... بشنوو يعني .!
لولوة: وااايد اشياء .. انتي بنفسچ تقدرين تخلين كل شي تسوينه بالحياة مغامرة .. تخيلي اتفه شي تقدرين بارادتچ تحولينه مغامرة
هدى: ما فهمت.. شلون يعني ..!
لولوة: امم .. اللبس
هدى: اللبس ..!
لولوة: اي .. تقدرين تخلين لبسچ مغامرة .. مثلا تبتكرين ستايل يديد ..وغريب وتطلعين فيه .. بس تشوفين نظرات الناس صوبچ تعيشين مغامرة حلوة
هدى: يعني انتي كل شي عندچ مغامرة .!
لولوة: بالضبط .. وهذا اللي مخليني ما اهتم لوجود أهل
هدى: اهااا

الساعه: 9 صباحا

في بيت وسمية ..

عواطف وهي داخلة البيت: والله أحبك واموووووت فيك
راشد ابتسم: عشان تعرفين اذا وعدت اوفي بوعدي
عواطف: يا بعد عمري .. بس رشوود مو شايف انك قمت ما تروح للجامعه ..!
راشد: بالطقاق بالجامعه وباللي فيها .. ليش مليتي مني
عواطف: لاا بس چـذي اسأل
راشد: تعالي تعالي
عواطف: ويــن ..!
راشد: امشي فوق
عواطف: يلااا

في المدرسة...

[ البنات بصف هدى ]

ريم: بس ليش غايبة ..!
هدى: چـذي
وسمية: انزين خلاص كيفچ بس قومي نتمشى
هدى: ماابي
وسمية: ليييش ..!
هدى: چـذي
ريم: انتي شفيچ مو حافظة غير مابي وچـذي
هدى: كيفي
لولوة وهي تقوم: يلا تعالي هدى نتمشى
هدى قامت: يلاااا
... طلعوا ..
[ وسمية وريم ظلوا فاتحين عيونهم وحلوجهم مو مستوعبين شالسالفة وما قدروا يقولون اي كلمة ولما طلعوا هدى ولولوة لفوا على بعض وظلوا يطالعون بعض وهم مو مصدقين ]
وسمية: شصارلها..!
ريم هزت كتوفها:....

 

[Absent Hope]

.... مر أسبوووع وبدت امتحانات الثانوية ..

.. هدى كل يوم مع لولوة 24 ساعه وما صار يهمها شي ..
.. البنات مستغربين من تصرفات هدى اللي ما تعطيهم وجه ولا تكلمهم ولا عارفين سالفتها ..

وبدت امتحانات الثانوية بس العاشر [ نورة ] والحادي عشر [ محمد ] ما بدوا لأنهم بعدهم بـ أسبوعين

اليوم: الأحد
التاريخ: 28-10-2007م
في المدرسة...

وسمية: هاا ريوم شلون المعنويات ..!
ريم: خااايفه
وسمية: أول مرة تقولينها ..
ريم: لاا افاا عليج تراني شاطرة
وسمية: دارسة عدل ..!
ريم: سويت اللي علي
وسمية: شووفي هدى واقفة هناك
ريم: ايييييه والله زمان يا هدى ... تسولف وتضحك ومو هامها الامتحان ... متاكدة انها مو فاتحة الكتاب
وسمية: بعرف بس شصارلها شنو اللي قلبها ..!
ريم: غريبة هالبنت .. من يومها غامضة ولحد الحين غامضة
وسمية: شفتي يا ريم كنا وين وصرنا وين .. الحين مافي أحد بالشلة الا انا وانتي
ريم: اي والله شنسوي بعد لا وكل وحده بصف بروح
وسمية: طق الجرس
ريم: يااا ربي الله يستر
وسمية: يلا قومي
ريم: يلااا
...... بعد الامتحاان ....
وسمية: هاا شصاار ... بشري ..!
ريم وهي مبتسمة: تااافه ... والله تااافه .. اول مرة احس اني حليت عدل
وسمية: الحمدلله .. امشي امشي هذي هدى خلينا نكلمها
ريم: خليها شتبين فيها اللي يبيعنا نبيعه
وسمية: ما يصير لازم نعرف سالفتها
... راحوا عند هدى ...
وسمية: شلونچ هدى ..!
هدى: هلااا
وسمية: هاا شسويتي بالامتحانات .!
هدى: ما سويت شي .. بسرعه يلا بروح رفيجاتي ينطروني
وسمية: ما تروحين الا لما تقوليلنا شفيچ
هدى: وشنو تستفيدون اذا عرفتوا ..!
وسمية: احنا رفيجاتچ..!
هدى: هه .. شفتي البنت اللي واقفة هناك .. هي رفيجتي وبس
وسمية: بس انتي تدرين انها بنت مو زينة وراح تضرج انتي عارفة هالشي
هدى: لا مو عارفة .. ولو سمحتوا لا تتدخلون بخصوصياتي
وسمية: انزين ليش تغيرتي ..!
هدى: ما تغيرت بس القدر هو اللي تغير
وسمية: شلوون ..!
هدى: عشان ترتاحين وتريحيني معاج .. امي وابوي تطلقوا ..!
وسمية وريم شهقوا من الصدمه:......
هدى: عن اذنكم

الساعه: 10 ونص صباحا

[ في السيارة ]

فهد: بفهم شي واحد ليش قلتيلي اطلعج من المدرسة ..!
وسمية: فهد افهمني انا آخر سنة والمواد صعبة وباجر امتحاني صعب .. قلت اروح ادرسله لأن ما يمدي ابدا الساعه 2 متى اخلص
فهد: انزين بس اسمعي ابيج تشدين حيلج
وسمية: ان شاء الله
فهد: يلا انزلي وصلنا
وسمية: ما راح تنزل ..!
فهد: لا برجع للدوام
وسمية: اووكي .. مع السلامة
فهد: مع السلامة..

[ نزلت وسمية .. دخلت البيت ولا البيت هدووء من زمان مو طالعة من المدرسة وقاعدة بالبيت بروحها .. صعدت فوق بتروح غرفتها .. عشان تبدا دراسة وهي مارة من غرفة راشد سمعت صوت استغربت.. راشد المفروض الحين بالجامعه ..مشت شوي شوي لغرفته وقفت عند الباب بهدوء .. وقامت تتسمع .. سمعت صوت نسائي .. زاد استغرابها وقلبها قام ينبض بقوة .. فجأة سمعت صوت ضحكة .. عرفتها ضحكة سامعتها .. ضحكة عواطف .. قررت تدخل تشوف شالسالفة شصاير .. ايدها ترجف مو قادرة تفتح الباب .. حاولت وطلعت كل القوة اللي عندها وفتحت الباب .. لما شافت اللي جدامها انصدمت ظلت واقفة مو عارفة شتسوي مو قادرة تتحرك ولا تنطق ولا شي .. عواطف وراشد قاعدين بغرفة وحده .. قلبها نبضه يزيد وحست الدنيا حر من حولها مع انها ترجف .. ظلت تطالع صوبهم وهم يطالعون ومصدومين ما توقعوا احد يكون بالبيت ..: عواطف لابسة هاللبس وقاعدة على سرير اخوي .. شعندهم .. راشد وعواطف .. مستحيييل .. لاا يا راشد .. لا تخيب ظني فيك لاااا الله يخليك الا انت يا راشد الا انت ..! ]
راشد مصدوم: وسمية انتي .. ليش .. مو ..مو بالمدرسة ..!
وسمية مو قادرة تتحرك من صدمتها :.......
راشد: وسمية انا ..
وسمية انهارت: لاا يا رااشد .. لا الله يخليك .. الا انت .. ليش تسوي چذي .. حرام عليك .. ليش يا راشد تتهور وين عقلك يا راشد .. ليش حراام علييك
راشد: وسمية ما سويت شي غلط
وسمية: كل هذا وتقول ما سويت شي .. شنو ناوي تسوي أكثر بعد شنووو..!
راشد: وسمية .. ما كنت بقول لأحد .. بس الحين مضطر اقولچ ..
وسمية: شتقوول .. بعد كل اللي شفته بتقول .. الله يساامحك يا راشد
راشد: وسميييية .. والله بالحلال والله.. عواطف .. عواطف .. زوجتي
... وسمية ما عرفت شتسوي طلعت ودخلت غرفتها على طوول وهي بأردى حالاتها ..

 

[Absent Hope]

الساعه: 12 ظهراا

في المدرسة..

وبالتحديد عند باب المدرسة..

لولوة تكلم الحارس بصوتها الرجولي: ازيك يا سي مصطفى..!
مصطفى ( الحارس ): الحمدلله كل حاقة تماام التمام
لولوة: بجد .. الحمدلله ..
مصطفى: انتي عاملة ايه..!
لولوة: الحمدلله كل شي اوكي .. بس خدمة بسييييطة
مصطفى: تحت امرك
[ طلعت لولوة من جيبها مبلغ وقدره .. وحطته بيد الحارس بدون محد يعرف واصلا ما كان في احد عند الحارس هالحزة .. ]
لولوة تغمزله: تسلملي يا حاااق
مصطفى: يلاا ما تتأخريش أبل ما يشوفك حد ( يلا لا تتأخرين قبل ما يشوفج أحد )
لولوة تأشر لهدى اللي واقفة بعيد: بسرررعه
هدى: اووكي
لولوة: اشوفك على خير ياا حااق
[ طلعوا لولوة وهدى من بوابة المدرسة بالخفاء بدون محد يشوفهم يعني هرووب ]

الساعه: 2ونص ظهرا

في بيت وسمية...

سلوى: وسمية تعالي تغدي
وسمية: ماااابي
سلوى: شفيج وسووم ..!
وسمية: مافيني شي خلوني بروحي
سلوى قعدت عندها: شفيج ما حليتي عدل بالامتحان
وسمية: لا حليت
سلوى: انزين قوليلي شفيج.. مو انا اختج الكبيرة..!
وسمية وهي تبجي: سلوى الله يخليج خلااص مابي احد مافيني شي
سلوى: بس يا وسـ..
وسمية: خلاص سلوى بلييز اطلعي خلااص
سلوى: ان شاء الله بس ادرسي ومهما كان الشي اللي صارلج حاولي تنسينه وتهتمين بدروسج انتي بفترة امتحانات الحين .. لا تخلين الضغوطات النفسية تأثر عليج
وسمية: ان شاء الله
سلوى: يلا ديري بالج على نفسج
وسمية بقلبها: آآآآه يا سلوى تبين الضغوطات ما تأثر علي شلوون .. وهذا اخووي .. اخوي الغالي .. ياما نصحته ياما قلتله بس ماكو فايدة ما يسمع لما صار اللي صار وطاح الفاس بالراس

الساعه: 4 عصرا
في بيت هدى..

[ دخلت هدى البيت.. هدووء اللي يدخله يظن انه بيت مهجور خاالي من البشر .. وطبعا هدى تعودت على هالوضع من العيد واقلمت نفسها خلاص .. دخلت وراحت غرفتها .. قامت تضحك على حالها داخلة البيت الساعه 4 العصر والظهر منحاشة من المدرسة ومحد يدري عنها والله مشكله .. قعدت تحوس بغرفتها .. ندمت انها رجعت البيت قررت مرة ثانية ما ترجع تظل لما الليل .. محد يسأل عنها ولا أحد يدري عنها ليش ترجع.. على قولتهم هي خاربة خاربه.. بعد دقايق سمعت صوت تلفون البيت استغربت منو يسأل عنهم .. كانت مترددة تشيله ولا لأ مالها خلق لما اصر اللي متصل يظل يدق راحت ردت ]

هدى بصوت مايل للخشونة << الشخصية الجديدة: ألووو
.....: ألوو السلام عليكم
هدى: وعليكم السلام .. منو ..!
....: هذا بيت هدى.!
هدى: اي نعم .. منو يبيها
... المتصلة باستغراب: بس لو سمحتي منو معاي..!
هدى بعصبية: الحين انا اسأل منو يبيها ..!
.......: قوليلها ابلة ايمان
هدى تأففت بقلبها: لحظة دقيقة
[ نطرت شوي بعدين سكرت التلفون وقطعت الفيش .. ما تبي اي شي يذكرها بالماضي .. هذا قرار اتخذته بينها وبين نفسها تبي تعيش حياة جديدة .. حياة الحرية << خوش حرية >> .. قررت تغير من اسلوب تعاملها مع الناس.. تغير من ستايلها .. تغير من شخصيتها.. تغير من تفكيرها .. حتى الناس اللي عاشت معاهم بالماضي تبيهم يتغيرون ما تبي احد منهم .. قالت مدام ابوي طلق امي وما شفنا وجهه من هذاك اليوم وامي حابسة نفسها وما اشوفها ومعاها سهى .. خلاص انا بعيش حياتي الخاصة بعيد عن الماضي... انا بعد طلاق امي وابوي انولدت مرة ثانية .. رفيجاتها قاطعتهم وكونت شلة جديدة .. وطبعا كلهم بنات من الشلل الفاسدة .. قامت تغير شوي شوي من ستايلها وتحاول يكون مثل ستايل لولوة < يعني بوية > ونست شي اسمه حجاب او ستر بشكل عام .. ما تهمها الحياة .. خلاص .. ما تدرس.. تنحاش من المدرسة ويروحون المجمعات ويفرون .. مع انهم يقدرون يروحون اي مجمع بعد المدرسة بس على قولة لولوة مغامرة احلى .. ما تدري هدى شنو عواقب اللي تسويه وشنو عواقب تدميرها لنفسها ]

 

[Absent Hope]

ثاني يوم

في المدرسة..

[ وسمية خرت السالفة اللي صارتلها كلها لـ ريم بالتفاصيل .. ما تقدر تخش بقلبها اكثر من امس وهي ساكتة ومو قادرة تركز بدروسها ]

ريم: خلاص وسمية هدي نفسج .. على الاقل بالحلال احسن من الحرام
وسمية: انتي شتقولين .. مدامه مع عواطف يعني حرام وستين حرام
ريم: استغفر الله .. شهالتفكير المتخلف .. وسوم .. يعني احمدي ربج مية مرة ان ما قصت عليه بدون زواج
وسمية: انتي ما تعرفين تفكيرها .. تفكيرها وصخ وصخ .. تبي تخدعه بالبداية ياخذها بعدين يسجل كل شي عنده باسمها
ريم: اصلا هو مو موظف شنو عنده عشان يسجل باسمها ما عنده شي كل شي حلال ابوج
وسمية: لا عنده .. ورث امي الله يرحمها نصيبه من الورث
ريم: ويييييه تلاقينه مخلصه من زمان
وسمية: مو بعد جذي .. انا ما استبعد ان حلال ابوي كله اللي هو حلالنا مسجل باسمها
ريم: لييش يعني ..!
وسمية: انتي ما تشوفين شلون متحكمة بالبيت .. هي الآمرة الناهية .. ابوي ما يرفضلها طلب .. وما يرضى يطلعها من البيت ويحطها على راسه.. مع انها ما تحترمه وتعامله بوقاحة
ريم: لو على قولتج مسجل الحلال باسمها .. تلاقين نفسج من زمان بالشارع
وسمية: الله يستر .. ما ادري شنو باقي ما سوته الحقيرة .. دخلت بيتنا عفسته دمرته
ريم: سمعي وسوم انتي الحين اهم شي الامتحانات .. لا تفكرين بشي ثاني .. لا تنسين تراها آخر سنة لج وتتخرجين يبيلها تشدين حيلج .. وبس تخلص الامتحانات فكري بالسالفة على راحتج ويحلها الف حلال
وسمية: ان شاء الله .. بحااول مع اني ما اظن اقدر

.... مرت أيام الامتحانات ... وخلصت ..

اليوم: الثلاثاء
التاريخ: 6- 11- 2007م

في بيت ام يوسف...

نورة: يوسفوو .. ليش ما ترد على الموبايل
يوسف: هذا رقم ازعجني من امس وهو يتصل .. رديت عليه .. سمعت صوت ياهل صكيته بويهه .. ومو راضي يتوب من امس
نورة: انزين اقولك شلون عمر..!
يوسف: بخير .. ليش تسألين..!
نورة: بس كنت بعرف ما عرف شي عن نوال
يوسف: لا .. خلاص يأس وشال ايده
نورة: انزين بطلب منك طلب .. بشوف ابوه
يوسف: نعم .. نووروو ينيتي
نورة: لا .. والله من صجي .. يمكن اقدر احل المشكلة واعرف اللي في بالي
يوسف بعصبية: تراج استخفيتي وتفكيرج صار اكبر منج ..
نورة: عااادي
يوسف: لا مو عاادي .. بعدين آنا ما شفت ابوه ولا مرة بحياتي يمكن مرة ولمحة بس .. ابوه بزنس ما يقعد راحة
نورة: انتوا ما منكم فايدة ... رد على الموبايل او حطه سايلنت
يوسف: يا ربي ذابحج هذا انتي .. ها برد .. ألوو
....: الو السلام
يوسف: وعليكم السلامة .. منو معاي.!
......: اخوي معاي يوسف
يوسف: اي نعم .. منو معاي من امس ازعجتوني بالاتصالات
....: سامحني اخوي بس كنت ابيك بموضوع ضرووري.. بخصوص صديقك عمر
يوسف: عمر.. انزين منو معااي .!.
.....: آسف ما اقدر اقولك الا اني فاعل خير .. بس ابيك باجر ع الساعه 12 الظهر .. تروح الجمعية اللي قبال المسجد اللي فمنطقتكم وتروح عند الكاشير رقم 3 تقوله بصوت واطي الامانة وهو راح يعطيك ظرف وبعدين خلاص اكون سويت اللي علي وسلمت الامانة
يوسف بعصبية: ما راح اروح ولا استلم شي الا لما تقولي انت منووو .!
.....: طوط طوط طوط
يوسف بعصبية: النذل صك التلفون
نورة: شالسالفة..!
يوسف: في امانة فاعل خير حاطها بالجمعية بخصوص عمر يبيني استلمها باجر
نورة تشققت: نوااال .. اكيييد نوااال .. مية بالمية نواال
يوسف: هبلة انتي نوال يحطها امانة عند الكاشير
نورة: عيل شنو هي اذا كانت مو نوال
يوسف: يا حليلها نوال تقدر تدخل داخل الظرف امم خووش
نورة: تتطنز حضرتك..!
يوسف: لا من صجي .. عيل شلون نوال حاطينها بظرف ..!
نورة: يا الذكي يمكن المكان اللي فيه نوال او اي شي يطمنكم عليها
يوسف: لو جذي يروحون يتصلون بعمر ليش يتصلون علي
نورة: والله ما ادري.. باجر نعرف كل شي
يوسف: مصدقة انتي .. انسي يا حبيبتي ما راح اروح اخذ اي شي .. شنو اللي يضمنلي ان هالظرف مافيه بلوى من هالبلاوي
نورة: لااا يويسف .. الله يخليك والله امووت واعرف مكان نوال
يوسف: يا صبر ايووب .. اخوج يتورط بالطقاق اهم شي فضولج
نورة: اوووف مليغ ودمك ثقيل

 

[Absent Hope]

في بيت ريم..

ريم: ما بغيتي تيين .. من زماان عنج ..!
ضحى: شسوي بعد مشغوولة مع ريلي
ريم: اي والله زمن صار ريلج اهم مننا
ضحى: ريمووو لا تقولين جذي عاد
ريم: اي والله هذا الصج .
ضحى: ريوووووم..!
ريم: خلاص يبا ما علينا .. اقولج شلون مناير..!
ضحى: عادي
ريم: شلون عادي يعني !
ضحى: ما ادري ما اصادفها وايد
ريم: انا من ايام رمضان خبري فيها
ضحى: ليش ما تتصلين عليها..!
ريم: كنت اتصل بس ما ترد .. والحين قطعت خصوصا بعد الامتحانات
ضحى: امم .. الا صج متى الشهايد..!
ريم: يوم الخميس
ضحى: الله يستر منج
ريم: لا تخافين آنا متفائلة
ضحى: الله يوفقج

ثاني يوم...

الساعه: 12 الا ربع ظهرا..

في بيت هدى..

[ دخلت هدى البيت وهي حاسة بضيق .. طبعا انحاشت من المدرسة هي ولولوة هالمرة مبجر وصارلها شي ما تمنت يصيرلها بس لولوة شجعتها قعدت ع المكتب تتذكر اللي دار بينها وبين لولوة في وحدة من الشقق ...

....

هدى: اليوم ليش شقة..!
لولوة: قلت نغير الروتين .. نقعد نفرفش مع بعض شوي
هدى: اي اوكي .. بس جذي مافي مغامرات
لولوة بحماس: بالعكس.. اليوم ، وبالذات الحين قمة المغامرة
هدى: شلون يعني .!
لولوة: ثوااني
.... راحت لولوة ورجعت ماسكة قلاصات وبطول ..
هدى: شنو هذا ..!
لولوة: انتي شنو تشوفينه
هدى بدهشة: خمر ..!
لولوة: هااا ما شاء الله تعرفين
هدى: يعني صج خمر.. تبينا نسكر
لولوة: اي شفيها حبيبتي عاادي
هدى: بس لولوة
لولوة: يا معودة روحي زين .. بيعي الدنيا .. لا تقعدين تصيرين معقدة على راسي ماابي وما اشرب.. هذا ولا شي ولا شي مجرد تسلية
هدى: بس ..
لولوة: هدى ..اذا اهلج باعوج وما فكروا فيج انتي بتظلين خايفة منهم لما متى خلاص هم ما يدرون عنج ( شربت من القلاص ) وبعدين مثل ما قلتلج امج حابسة نفسها بدارها وابوج تزوج .. يعني خلاص ( مدتلها القلاص ) اشربي وسوي شي حلو بحياتج .. لا تصيرين معقدة .. بعدين بتندمين على كل لحظة ضيعتيها بدون ما تتمتعين .. ما تدرين يمكن يصير شي وتروحين تسكنين عند ابوج مع مرته وما يخلونج تتنفسين .. عوضي من الحين .. وعيشي اللحظة والمغامرة
هدى وهي تاخذ القلاص بتردد: بس يقولون طعمه مو حلوو
لولوة تشرب منه: اللي اول مرة يجربه يقول جذي .. بس بعدين ما يستغني عنه
هدى غمضت عيونها وشربت:....
لولوة: هههه عفيه عليج هذا الصح

...

[ هدى بقلبها وهي تتفرج على صور قديمة من ماضيها.. صور تجمعها مع ابوها ومع امها: آآآآه الله يسامحكم خلاص انا الحين راح استمر بهالطريج لا تجون بعدين تحاسبوني .. لو على ابوي تهون على الاقل طلع بره البيت وتخلى من المسؤولية بس امي موجودة بالبيت وما تدري عني ولا تطلع من دارها ليش يا يما خليتي المسافة بيننا تكبر ليش خليتينا نعيش تحت سقف واحد بس مثل الاغراب ليش .. مسكت هدى الصور بتردد وقطعتهم قطع صغيرة وما خلت ولا صورة الا وقطعتها]
.. بعدين طلعت هدى ورقة وقلم وكتبت كلام طلع من قلبها كلام تعيشه وتحسه بقلبها ...

.*.*. فقدان روح .*.*.

لروحها التي مازالت تسكنني
وستسكنني حتى آخر لحظات حياتي

دائما أجلس خلف مكتبي الخشبي
ابتسم بصمت وأتذكر
اُخرج بعض الصور من درج المكتب
صور قديمة لحياة أتمنى عودتها
تسقط دمعة .. تعانق صورتها
تسقط على وجهها
وأسارع في مسحها خوفاً من ان تصل الى قلبها

أمي
أين انتِ عني الآن
مازلت كما أنا يا أمي
منذ بُنيت هذه الأسوار بيننا
مازلتُ أنام كل ليلة أعانق دمعاتي التي تبحث عن مرسى
عن أحلام تجمعني بكِ
ووطن يغرقني فيكِ
تنسكب حرقة من قلبي
كلما تذكرت واقعنا انا وانتِ
لما أصبحنا هكذا..؟!
يجمعناا سقف واحد
ومشاعر لا تلتقي
تبعدها أميال شاسعه
أحتاجكِ دائماً ولا أجدكِ

أتعلمين ماحدث لابنتكِ في (سنوات) البعد؟
أصبحتُ أنثى أخرى لاتشبهني
لم أعد تلك الطفله التي تتنتظركِ بلهفة
كلما غبتِ عن ناظرها
لم أعد أشعر بكِ
كما لم تعودي تشعرين بي
لا يجمعنا الآن سوى بيت واحد
آآآه أمي
لما وصلنا الى هذه المرحلة من البعد

دائما أغرق في تفكير عميق
اتساءل لمَ نحن هكذا انا وانتٍ
لما أصبحت عواطفنا باردة
قلوبنا فارغة
أعلم يقيناً بخوفكِ علي وحبكِ لي
تعلمت منكِ هذا الشئ أمي
اذا بكيت أبكي بصمت
اذا أحببت أحب بصمت
اذا أحتجت أحتاج بألم
اذا تألمت اقتل الألم فيني
أمي
احبك
فلا تبخلي على قلبي بحبكِ
ولا تبخلي على عمري بالبقاء معكِ
لا تبخلي علي بكِ

أنظر الى صدركِ دائما
واسأل قلبكِ بصمت
"كيف أكون هنا فيك ..!؟"
اتخيل .. في لحظات تعبي
كيف سيكون رأسي اذا اتكأ على صدركِ
كيف سيكون ملمس يدكِ اذا لامست خصلات شعري

وأعود الى واقعي بكِ مرة أخرى
وانا مازلت اسأل

الى متى ..؟

وتسقط دمعة .. ينتهي معها هذا الاحساس
تسقط دمعة تحلم بمعانقة طُهر كفيكِ
ولكن
لن اعود كما كنا ...
لن اكون كما كنت
لأنني لن أكون أنا
بعدما شعرت بفقدان روح
روح لن ترجع..

 

[Absent Hope]

عند الجمعية...

[ يوسف صارله ساعه يحوس الفضول طغى عليه ومحتار يدخل وياخذ الامانة ولا ينساها وما ياخذ شي .. وده ياخذها بس خايف انها تكون خدعة .. ظل يحوس لما شاف الساعه 12 وخمس قرر يتوكل على الله وينزل ياخذها لأن لو ما اخذها راح يموت من كثر التفكير .. دخل الجمعية وايده على قلبه .. راح عند الكاشير رقم 3 وكان واحد شكله هندي قاله الامانة بصوت واطي .. ابتسم الهندي وطلع ظرف كان موجود عنده ظرف عادي كبير لونه بيج اللي دايما يحطون فيه اوراق الاختبارات وسلمه ليوسف .. طلع يوسف بسرعه من الجمعية وماسك الظرف بحرص ركب السيارة وانطلق بعيد عن الجمعية .. ظل يمشي ويمشي والظرف عنده ما حس بنفسه الا واقف قدام البحر .. مسك الظرف بسرعه وسما بسم الله وفتحه شوي شوي لقى داخله أوراق طلعهم يقراهم .. كان بالبداية مو فاهم المضمون ومو عارف اي شي بس لما قام يقرا ورقة ورا ورقة فهم وصدمته كانت كبيرة ... يقراا وعيونه مفتوحة مو مستوعب اللي يقراه : معقووولة .. معقووولة ]

العصر..

في بيت ريم..

ريم: الحمدلله باجر الشهايد يا معود راح ارتاح
محمد: قولي ان شاء الله .. انتي مو ضامنة نجاحج
ريم: حسبي الله على ابليسك .. بعد كل هالدراسة ومو ناجحة .. فال الله ولا فالك
محمد: ريووم .. يمكن الله مو كاتبلج تنجحين شدراج..!
ريم: لا ان شاء الله ناجحة ان شاء الله
منى وهي ماشية صوبهم: اوووف استغفر الله
ريم: شفيج يا حافظ تتأففين..!
منى: ذبحتني هنادي
ريم: شفيها .. ليش ... لا يكون فايزو رجع ياخذها من الروضة ..
منى: هههههههه يا حليلج
ريم: شفيج تضحكين .. ما قطيت نكتة..!
منى: هههه ليش ما دريتي
ريم: شنو..!
منى: فايز تزوج
ريم بصدمة: صج والله
منى تهز راسها بالايجاب وهي مبتسمة:....
ريم: متى ..!
منى: ما ادري بس سمعت انه تزوج صارله فترة بعد رمضان على طول
ريم: صج انه حقير
منى: ليش ليش حقير.. خليه يتهنون هو وزوجته .. الحمدلله آنا هني مستانسة بوسطكم ومو ناقصني شي
... تررررررررن تررررررن ...
ريم: محمد رد ع التلفون من عندك .. منو متصل هالحزة اكيد نورو الحنة
محمد: ألوو .. هلاا والله .. شلونج يا الغالية..! الحمدلله تماام التمام.. اي .. باجر .. لا ريمو تقول ان شاء الله ناجحة .. اي .. اي .. ان شاء الله .. الحمدلله ... شنوو .. اي قولي .. قولي والله... حلفي.. وناااسة .. احلى خبر سمعته .. ههههه .. اي اي .. طبعا بس شوي شوي لا تركضين ههههه .. يلااا بااي
ريم: منوو ضحى..!
منى: شعندها.!
محمد: بااااركووا ضحاوي حامل
ريم: صج والله .. الحمدلله
منى: ما شاء الله .. الله يدوم عليها السعادة ان شاء الله
ريم: ونااسة .. اخيرا راح يصير شي يديد .. نغير الروتين
محمد: يا حليلها فرحاانة
منى: اكيييد اول حمل يكون له طعم غيير
ريم: برووح ابشر ماامي

في بيت وسمية...

وسمية: يلاا سلوو نبي النونو
سلوى: ان شاء الله انطري شوي ويوصل الحلو
فهد: احم احم ويا حلوه رئوودي لما يوصل .. بفرشله السجاد الاحمر
وسمية: اكيييد .. هذا رئودي مو أي وااحد
أحمد بعصبية: انا لما وصلت فرشتولي سجاد ولا لأ..!
وسمية مبتسمة: افاا عليك فرشنالك سجاد
أحمد: شنو كان لونه ..!
وسمية: أزرق لأنك تحب الازرق انت
أحمد: لا والله .. وانتي شلون عرفتي اي لون احب وانا ما وصلت ..وليش رائد سجاد أحمر..!
فهد: هههه .. لا تكثرين جذب انفضحتي
وسمية: يعني اقول الصج
أحمد: قولي ولا تجذبين
.... دخلوا عواطف وراشد ...
راشد: السلام عليكم
فهد وسلوى: وعليكم السلامة
راشد: هاا اشوفكم متجمعين
فهد: احنا طول عمرنا نتجمع الا اذا كنت ما تدري هذا شي ثاني
راشد يضيع السالفة: هاا وسووم متى النتايج..!
وسمية باستهزاء: انت شنو متوقع ..!
راشد: وسمية يعني شنو راح تجيب غير الزين
وسمية: هه اي هين .. بروح فوق لأن الجو خنقة
سلوى: وين اقعدي تو الناس ..!
وسمية: لا تنسين باجر مدارس بروح ادرس .. اشوفكم المغرب
فهد: الله معاج
راشد بصوت واطي: شفيها
عواطف: مستخفة
راشد: حمدلله والشكر

 

[Absent Hope]

في السيارة...

[ يوسف يحوس بسيارته من شارع لشارع ويمر عند بيت عمر بعدين يرجع يهون ومو عارف شنو يسوي .. اتصلت نورة عليه .. رد عليها وابتلش على عمره ]

يوسف: ياا نورة يا نوورة .. يننتيني.. اقولج ماني راجع البيت الحين غصب السالفة
نورة: انزين ليش معصب .. آنا شنو قلت .. !
يوسف بصراخ: كل هذا وتقولين شنو قلت خلاص صكي لا اصكه بويهج الحين
نورة: الحمدلله والشكر انت معصب وما ادري شفيك .. تطلع الحرة فيني .. باااي
يوسف: اوووف .. لزقة
.... دق تليفونه مرة ثانية أغنية ( يااخوي يا عزوتي يا ضحكتي وبكاي ) طبعا النغمة خاصة لـ عمر ، بس يوسف من عصبيته ما انتبه للاغنية..
يوسف بتهديد: والله ارد البيت الحين اكسر راسج
عمر: ألووو .. يوسف
يوسف وهو يشوف الرقم: اووه هلا .. عميير
عمر: شفيك عسى ماشر .. ليش كل هالعصبية ..!
يوسف متوتر ويحاول ما يبين: ههه لا مو معصب بس متهاوش مع نورو
عمر وصوته متغير: انزين يوسف وينك انت الحين ..!
يوسف: لييش.!
عمر: ابيك ضروري .. محتاج اشوفك
يوسف خاف ان اللي فـ باله صار: شالسالفة عمر .. شصاير .. صوتك ما يبشر بالخير.!
عمر: انت تعاال ولما اشوفك اقولك السالفة
يوسف: انزين انت وينك..!
عمر: فـ بيتنا .. تعال تلقاني بالديوانية
يوسف: اووكي مسافة الطريج وواصل
عمر: فمان الله

في بيت ام يوسف...

فراقكـ علة الــعـــلـــه
عقل بالراس ما خــلـه
يـوم هــاجــــرت والله
انفطر قلبي وصرت شاعر
اشوفكـ وين يا مهاجر
قــلـيـ بـأيــ بـلـد صاير
فراقك مو سهل عندي
ولا هي ازمة وتعدي
تعال وطيب الخاطر
أشوفكـ وين يا مهاجر

[ نورة وعالية قاعدين ع التلفزيون ]

نورة: اووف
عالية: تراج حنة .!
نورة: رفع ضغطي يويسف .. يصرخ علي وآنا بس سألته راح ترد البيت الحين ولا لأ..!
عالية: خلاص يعني شفتيه ماله خلق واعصابه متوترة لا تسألينه اي شي
نورة: هاا تفضلي
عالية: شنو..!
نورة: حمدان
عالية: وااااو فزااع .. تصدقين من زمان مو شايفة صوره له ولا سامعه صوته .. علي ع الصوت خلينا نسمع شعره
نورة: سمعي .. علينا
عالية: فديييته والله ( وبقلبها فديتك يا عمي )
نورة: تفديه على كيفج .. آنا بروح
عالية: مع السلامة.. ( وينك يا عمي .. الحمدلله ان فزاع موجود عشان كل ما اشوفه اتذكرك واحس اني اشوفك )

[ من أسباب حب عالية لفزاع .. ان في تشابه كبير بالملامح بينه وبين عمها عبدالعزيز .. يعني مو copy منه لا بس ماخذ شوي من ملامحه ]

 

[Absent Hope]

في بيت هدى...

[ هدى تكلم لولوة ]

هدى: اقولج زهقاااانة واصلة حدي
لولوة: انزين .. انتي محد يتصل فيج من رفيجاتج القدم
هدى: لا لأني قاطعة الفيش مال تلفون البيت .. ومغيرة رقم موبايلي محد يعرفه
لولوة: اي احسن عشان ترتاحين من ازعاجهم
هدى: اي والله .. هاا تجين البيت ولا انا اجيج
لولوة: لا انتي تعالي .. تدلين بيتنا طبعا
هدى: اي طبعا عارفته
لولوة: اووكي تعالي .. لا تتأخرين

في بيت جراح [ عمر ] ..

ماخذينا يالصبر غير الوعود...
أحسب أن أسمي بهالدنيا أنتظار
كثر مافات العمر همي يزود...
الجروح كثار والباقي أختصار
والله ماقلته ياذاك العمر عود...
وأنا مالي بالزمن هذا أعتبار
وش لقينا غير صدات وجحود...
ماترك لي قاسي الوقت أختيار


يوسف: قوول تكلم .. ليش ويهك اصفر .. شفييك ..!
عمر:...
يوسف: عمر الله يخليك .. ابووك .. صارله شي .. فيه شي
عمر: ياا ليت .. يا ليت ابوي فيه شي .. لأن هو السبب بكل اللي صارلنا هو اللي ضيعنا .. هو اللي خلانا نتفكك ونغرق في بحر كبييير ونضيع بالدنيا وبين الناس
يوسف وايده على قلبه: ليش .. شصار..!
عمر: أخووي .. مسااعد .. ضااع خلاص .. ضااع
يوسف بصدمه: مساااعد .. ليش شفيه ..!
عمر: والله يا يوسف مالي دخل .. كنت احاول اطلعه من الظلمة اللي هو فيها.. طول عمري انصحه بس ما يسمع نصيحتي ... كنت اشتكيه لأبووي .. وابوي يعصب علي.. والحين .. شوف اللي صارله ضاع وهو بشبابه .. تورط .. كان مستعيل حيييل .. مستعيل .. ورط نفسه بأشياء كبيرة أكبر من عمره .. خلاااص الحين راح يقضي باقي حياته ويضيع شبابه وهو بالسجن
يوسف: بالسجن ... ليييييش ..!
عمر: آآآه يا يوسف .. آآآه ع الورطة اللي قط نفسه فيها .. كان .. كان يهرب
يوسف: يهرب شنوو..!
عمر: يهرب مخدرات ومواد ممنوعة للديرة
يوسف: شلون هو صغير شلون قدر يسوي كل هذا بروحه
عمر: مو برووحه .. قال للمحقق أن كان يدخل الشات وتعرف على واحد عطاه ايميله ودخل معاه المسن .. وهذا الواحد كان كبير بالعمر .. وشاف انه مساعد صيدة لا يمكن تتفوت وعرفه على شباب يعرفهم وهذول كلهم مجرمين بعصابة تهريب .. يشتغلون مثل المافيا .. وكانوا يتفقون مع مساعد ويعطونه توجيهات ويروح يساعدهم بعملية التهريب اللي تكون بالبر
يوسف: يعني هو كان يعرف انه يهرب مخدرات ..!
عمر: حلف بالله انه كان يدري انها اشياء ممنوعة بس ما توقع انها مخدرات
يوسف: معقوولة .. وليش هو غبي عشان يورط نفسه بشي اكبر منه
عمر: ما ادري والله ما ادري
يوسف: ابووك يعرف بالموضوع.!
عمر هز راسه: يعرف .. السالفة من امس بالليل بس آنا ما قلتلك كانت اعصابي تعبانة ..
يوسف: وشنو قال ابوك..!
عمر: راح المخفر وعطاه كم طراق .. هه لا تخاف مو قصده خايف عليه لا .. بس خاف على سمعته عند التجار
يوسف هز راسه باستخفاف وهو يسولف بقلبه: ( الله يعينك يا عمر تتحمل شنو ولا شنو من المصايب .. خلاص هونت ماراح اقولك السالفة اللي كنت بقولك عليها .. لما تعدي فترة وتهدى أعصابك )
عمر: يووسف .. متضاايق .. الله يخليك اخذني اي مكان اي مكان بس بطلع من البيت
يوسف: يلا تعال معااي
عمر: يلاا

 

[Absent Hope]

اليوم: الخميس
التاريخ: 8 – 11- 2007م
الساعه: 2 ظهرا

في بيت ريم ...

[ ريم دخلت البيت وهي تركض وراحت وقفت بنص الصالة وهي تناقز وتصرخ وتغني وكل شي بوقت وااحد .. ام محمد طلت من المطبخ ع الازعاج ومنى والبنات الصغار كلهم ركضوا عندها ]

منى: ههههههه شفيج يا الهبلة ..!
ريم وهي طايرة من الوناسة: عطوووناااا الشهاادة
منى: ناااجحة ..!
ريم قطت عليها الشهادة: شووفي اختج الامورة شمسوية
منى وهي تشوف الشهادة: مااا شاااء الله مبرووووووك يا حلاوة
ام محمد: هاا بشري..!
منى وهي تحضن ريم: متفووقة .. الف الف مبرووك
ام محمد: يا بعد عمري تستاهلين هدية والله
ريم: عشان تعرفون ما تحنون على راسي وتحبطون فيني شوفوا شسويت
منى: يلاا عاد نبيج تستمرين لما نهاية السنة على هالمستوى
ريم: لا حبيبتي مو بس كلااام .. اليوم خميس .. يعني بدا الويك اند .. همتكم اعزموني على مطعم طلعوني ونسوني
ام محمد: من عيوننا تستاهلين
ريم : تسلم عيونج .. يا عنووني

في بيت وسمية...

فهد: مبرووك وسوم النجاح
وسمية: الله يبارك فيك
فهد: صج ان نسبتج ما عجبتني بس يلا ما عليه تعوضينها بالاشهر الجاية
وسمية وهي تقوم: الحمدلله
سلوى: وين ما اكلتي شي
وسمية: شبعت خلاص
.. بعد ما راحت ..
سلوى: شفيها..!
فهد: زعلانة من نتيجتها يمكن .. صج ما ادري شفيها نازلة حييل
سلوى: شفيك فهد .. ما تدري ان نوال رفيجتها مو معاها هالسنة .. اكيد يتغير مستواها
فهد: والله ما ادري
.... في غرفة وسمية ...
راشد وهو يطق الباب: ممكن ادخل
وسمية: ادخل
راشد قعد عندها: شلوونج وسووم..!
وسمية ما تطالع صوبه: ماني بخيير
راشد: مبرووك النجاح
وسمية: اووكي ماشي .. شتبي
راشد: بفهم شي واحد .. ليش زعلانة مني
وسمية: يعني ما تعرف
راشد: وسووم .. هذا من حقي اني اتـزوج واختـ..
وسمية تقاطعه: من حقك تتزوج .. بس .. ما لقيت الا ..
راشد: قبل ما تكملين .. انا حر واختار اللي اشوفها مناسبة لي ولمستقبلي
وسمية: يا معود انت شلون تأمن بوحدة مثل هذي تكون باجر ام عيالك هه
راشد: لو سمحتي وسمية .. لا تتعدين حدودج .. عواطف ما عليها شي .. محترمة نفسها ومحافظة على علاقتنا الزوجية وما شفت منها اي غلط
وسمية: رااشد من صجك .. انت تشوفها محترمة .. هذي مافيها ذرة احترام .. ما تشوف لبسها .. ما تذكر الطريقة اللي كانت تعاملك فيها قبل الزواج ما تذكر شي .. وقحة .. قليلة ادب
راشد: وسمية .. اللي قبل شي والحين شي ثااني .. خلاص انتي مو من حقج تزعلين .. انتي اختي .. مو زوجتي عشان تزعلين اذا تزوجت وحدة من اختياري
وسمية: مدام ان مو من حقي ليش جاي تكلمني خلاص اطلع
راشد: انا مابي اكلمج بهالموضوع
وسمية: اي موضوع بتكلمني فيه ..!
راشد: كنت ابي اباركلج .. و .. وكنت .. بعزمج عـ
وسمية تقاطعه: لاا رااشد خلاص انا مابي اطلع معاك خلني بروحي بلييز
راشد: والله وانا حلفت انج الحين تقومين تلبسين وتطلعين معااي .. بس انا وانتي وما تقولين لا
وسمية: رااشد مااابي اطلع معاك لا تحلف ولا شي
راشد وهو يقوم: انا بالسيارة 10 دقايق تلبسين وتنزلين اذا ما نزلتي يا وسمية انا مو اخوج ولا اعرفج ولا تعرفيني وراح اعرف معزتي عندج .. يلااا ناطرج
وسمية: اوووف ياا ربي

 

[Absent Hope]

بعد مروور ساعه..

في السوق..

عمر: خلاص يوسف.. آنا بروح البيت
يوسف: ليش خلنا نشرب قهوة شي
عمر: لا بروح اشوف خلووف بروحه بالبيت ..
يوسف: خلاص براحتك آنا بقعد شوي
عمر: اوكي ابي سويج سيارتك
يوسف: لييش ..!
عمر بعد تردد: امم ابي نسيت .. موبايلي بسيارتك قبل شوي
يوسف: انزين شووف رووح بـ سيارتي وعطني سويج سيارتك اروح فيها عشان ما تروح وترد
عمر: اوكي
يوسف: هااك السويج
عمر: مع السلامة
يوسف: مع السلامة

[ مشى عمر وراح صوب الباب لما وصل لباب المجمع لمح شخص يعرفه .. راح صوبه ]

عمر: .. رااشد
راشد وهو يلف صوبه: هلاا .. عمر
عمر يسلم عليه: وينك يااخوي ما تبين .. من زمان عنك ياالله متغير
راشد: والله شقولك شغلتنا الدنيا
عمر: اووكي انا طالع بس ترى يوسف قاعد بستار بوكس اذا بتروح تقعد عنده
راشد: لا والله ما اقدر اختي معااي
عمر لف صوب البنت اللي واقفة قريبة بس في مسافة بينهم: وسمييييية..!
راشد بصدمه: شلون عرفت..!
...عمر يطالع صوب وسمية .. بالبداية كانت مو منتبهة بس بعدين عرفته وابتسمت وقربت منهم شوي ...
وسمية: شلوونك عمر!.
عمر: هلا والله وسمية شلونج .. شهالصدفة الغريبة
وسمية: ليش انت تعرف راشد.!
عمر: انتي ما تدرين راشد رفيجي
.... طبعا راشد واقف مثل الاطرش بالزفة ..
وسمية: والله ما ادري توني دريت
راشد بعصبية خفيفة: شالسالفة شلون تعرفون بعض ..!
وسمية: رااشد هذا عمر .. ولد .. ولد عم نوال
راشد: ولد عم نواال..!
وسمية: اي ولد عمها .. مرة قلتلك عنه .. لما نوال آخر مرة كلمتني
[... راشد استوعب وقام يربط شي بشي ، تذكر لما نوال قالت ان ولد عمها يحبها ويبيها .. يعني الصدفة طلع عمر رفيجه هو اللي فرق بينه وبين نوال وهذا هو واقف جدامه بشحمه ولحمه .. . ظل راشد يخز بعمر فترة وملامحه تتحول من هادية لملامح شرية وهو يحس ان هالانسان اخذ منه اغلى شي كان يملكه وحرمه من اعز ناسه .. بعد لحظات من التأمل لف راشد ظهره وطلع من المجمع وراح .. وسمية انحرجت من حركته واعتذرت من عمر ولحقت راشد .. وعمر هز كتوفه مستغرب وطلع من المجمع ]

في سيارة يوسف..

[ دخل عمر السيارة .. وقعد ثواني يهدي من توتره .. بعدها قام يدور بالسيارة ع الشي اللي حاول يوسف يخبيه .. طبعا عمر طلع حجة الموبايل على يوسف لأنه متعمد ينساه .. عمر لاحظ توتر يوسف لما ركب السيارة وسأله عن الظرف البيج وضيع يوسف السالفة بطريقته وحطه بالكشن اللي ورا .. عمر شك بالموضوع هو مو من عادته يتطفل ويتليقف على قولتهم بس قلبه نغزه من هالظرف لأن يوسف عمره ما خبى اي شي على عمر .. حس عمر ان هالظرف فيه شي يخص عمر نفسه بس يوسف ما يبي يقوله .. ظل يدور يدور لما لقاه مسكه وقام يقلب فيه .. ويقول بقلبه : ظرف عاادي .. بشوف شنو الشي المهم اللي فيه وحاولت تخبيه عني يا يوسف ]

في بيت منصور..

مناير وهي نازله: يماا آنا طالعه
ام منصور: وين بتروحين..!
مناير: بروح السوق ناقصني كم شغلة بشتريها
ام منصور: مو تتأخرين
مناير: ان شاء الله
منصور: منوور ما تبين تباركين لضحاوي
مناير باستعجال: ليش بسرعه مو فاضية بطلع
منصور مع ابتسامة: حاااامل
مناير باستهزاء: صج .. بالعافية .. مع السلامة
منصور: مو كفووو واحد يبشرها

 

[Absent Hope]

في بيت ريم...

ريم: وااااو حموود خووش كيكة
محمد: بعد ريووم متفوقة ما نييبلها كيكة
ريم: يا بعد عمري
ابو محمد: ان شاء الله طول عمرج متفوووقة .. الله يوفقج

في المجمع..

[ يوسف قاعد بـ ستار بوكس .. زهقان وماله خلق يرجع البيت .. مل من كثر التفكير ما ظل احد ما فكر فيه .. راح فتح بلوتوثه وقال مدام ما عندي شغل خلنا نشوف شعندهم جديد هالناس غير نكه وخلاه [ بلوتوثاوي ] ونطر قاموا يطرشوله مرة اغاني ومرة فيديوات تضحك ومرة صور ومرة ملاحظات وظل على هالحالة .. وصله فيديو وهو كان يقرا العنوان بعدين يفتح الرسالة .. كان عنوانه [ بنت الخلاعة ] .. كان ما يبي يفتحه بس الشيطان لعب براسه وخلاه يفتح الرسالة بلوتوث وحده ترقص .. توه بيحذفه ولا انتبه للوجه للملامح للصوت اللي يغني ويضحك .. يعرفها والله يعرفها هذي ريييم معقووولة معقووولة تكون هي والله ريييييييم رييم نفسها متأكد والله ريم .. مو مصدق لا ليش ترقص جذي ليش سكراانة ريم وسكرانة ... شوي ولا شباب داخلين ويرقصون معاها وهي مستانسة ع الآخر .. مو معقوولة .. قلبه مو مصدق بس عيونه تشووف الوااقع ... شلون ما عرف حقيقتها شلون ما كان يشك فيها شلون كان يثق فيها ثقة عميا .. هذي اللي بتكون بيوم من الايام شريكته .. هذي السكرانة الفاسقة بتكون ام عياله مستحيييل .. بنهاية الفيديو كانوا كاتبين ملاحظة .. التاريخ أول ايام رمضااان .. ]
[ يوسف يغمض عيونه مو مصدق .. ريم حبيبته تسوي كل هذا ريم بنت خالته عرضه تسوي جذي .. لا ووين وشلون ومتى بأول ايام رمضان سكراانة لا .. ليييش ياا ريم خنتي الثقة .. خنتي ثقتي وثقة أهلج لييش لييش ]

في بيت عمر ..

[ عمر بعد ما مر مساعد بالسجن .. وعرف ان التهمة لابسته من راسه لساسه ومستحيل يطلع منها .. دخل البيت وتطمن على خلووف .. راح غرفته وسكر الباب وراه والظرف بيده .. قعد ع الارض وفتح الظرف وطلع الاوراق اللي فيه .. قام يقرا ورقة ورقة وقلبه بيوقف من اللي يقراه .. ابوووي ... ابووي نصااب وحرامي .. ابووي يبوق فلوس الناس .. يعني .. العز كله اللي عايشين فيه بفلووس حراام .. ماني مصدق مستحييل .. آنا ماكل حرام شارب حرام ابوي معاه واحد اسمه صالح راشد حرامية مو معـ ... لحظة في شي بالموضوع .. لاااا معقوولة نفسه هو نفسه .. لازم اروح الحين بنفسي اتأكد ]

في بيت ريم...

انصدمت بوقتها وجني انعميت
وكل قطرة دم بعروقي انشـفت
وانهـدم قــدام عــيني مــا بنيت
والظنون الطيبة بلحظة اختفت
جبتها ع الجرح وجنك ما دريت


[ ريم تكلم نورة ]

ريم: اي حبيبتي متفووقة مو على بالج اي شي
نورة: الله يعيننا عليج الحين تغترين فوق ما انتي مغروورة
ريم: لا والله .. بعدين سمعي آنا حتى لو اغتريت عاادي الغرور شحلاته علي .. مو مثل بعض الناس ..
نورة: يا ربي عليييج مغرورة من يومج ما تتغيرين
ريم: اووف ذبحتيني .. تراني مليت من صوتج .. وين علووية مشتاقتلها من زمان ما سمعت صوتها
نورة: البنت كبرت ومالها خلق ناس مغرورين مثلج
ريم: تدرين شلون الشرهة علي اكلمج قلبي ويهج .. بااااي
نورة: بااي فكــــــــــة
ريم: ويـــــــــــعة ان شاء الله... سامعة صوت القطااار
نورة: اي ...... << طوووط طووووط طوط
ريم وهي تسكر التلفون: اوريهاا سمعتني صوت القطااار
روان: ريم تعالي شوفي ابوي يايبلج هدية تحت
ريم: صج والله .. ثواني وبنزل
روان: بســرعه بنشوف الهدية
ريم: انــــزين ذبحتينا .. اللي يقول الهدية لج مو لي
.... بعد ما نزلت ريم ....
ابو محمد: بسررعه تعالي شوفي شنو يبتلج
ريم: يا بعد عمري ليش تتعب عمرك
ابو محمد: ادري تفركين بتعرفين شنو ..
ريم: اول شي بووسة
ابو محمد وهو يحضنها: كم ريم عندنا احنا .. وحدة وغاالية علينا
.... طـــــق طـــق طـــــق < الباب ...
ام محمد: منو هالمزعج اللي يطق الباب جذي .
روان: بفتح الباب
.... يوسف داخل عليهم شرارة .. واصل حده من العصبية وعيونه تنطق بالشر ....
ابو محمد: هلاا يوسف .. خلاص نطالبك باب يديد هههه
يوسف يطالع ريم: انتي هني ..!
ريم ابتسمت: هلاا يوسف.. شلوونك.!
يوسف وهو يمشي بخطوات بطيئة صوبهم: انتي شلونج .. بعد اول يوم رمضان
ريم مستغربة ومو فاهمة: شنوو..!
ام محمد: يماا يوسف شفيك داخل كاسر الباب والحين تقط خيط وخيط شااارب شي
يوسف: هههههههه ... آنا ... هههههههههه
ريم واقفة عند ابوها وهي مو فاهمة السالفة:.....
يوسف وقف مقابل ريم ومسكها من ايدها: انتي .. تدرين انتي شنوو .. انتي حقيـــــــرة انتي فـــاســـقة انتي خــــاينة
..... يوسف يطق بــ ريم وما يشوف اللي جدامه ابو محمد يحاول يبعده عنها ويصرخ عليه بس اكيد يوسف شباب ابو محمد الشايب ما يقدر عليه ...
ريم: آآآآآآآآآآآآه يوووسف
يوسف: يا الـــــنـــذلة خنتي ثقتي وثقة اهلج ... يا الـــفاجـــــــــــرة يا الــســـــافلة
.... محمد نزل ركض على صراخ ريم ويوسف ومحد قادر يفكهم ...
محمد: شفيكم.. يوسف اترك ريم ..!
يوسف يطق ومو شايف شي: وصــــــخة نـــجــســـــــة
... ابو محمد ومحمد جروا ريم من ايده وفكوها منه وهي منهارة ومو عارفة شالسالفة وقطوها صوب ام محمد اللي اخذتها على طول فووق وهم مو عارفين شالسالفة ...
ابو محمد: انت تدري شنو قاعد تقول شنو قاعد تخرف .. شفيـــــك سكراااان
يوسف وهو يبجي بعد ما كفخها وطلع حرته: هذي الحقيييرة هذي
.... طراااااااااااااااااخ ... ابو محمد عطاه كف
ابو محمد: احترم نفسك وحسن ألفاااظك انت تتكلم عن بنتي
يوسف وهو يحذف التلفون: اي بنت شوف الفيديو وبتعرف اذا كانت هذي بنتك ولا لأ
... ابو محمد ومحمد مسكوا التلفون وشافوا الفيديو وهم مو مصدقين اللي يشوفونه ...
محمد يصرخ: هــــذي مو ريـــــــم ما تفهم انت احد لاعب بالصورة صدقني مو ريم
يوسف: تقص علي والا على نفسك شوف فتح عيونك هذي ريم ملابسها شعرها جسمها هي هي بشحمها ولحمها
ابو محمد: ريـــ .... ( وطااح ع الارض )
محمد: يباااااااااا

 

[Absent Hope]

في بيت وسمية...

مارلين: في واهد بره يبي يشوف انت ( في واحد بره يبي يشوفك )
فهد: يشوفني انا..!
مارلين: لا هو يقول اي رجال بالبيت
فهد: انزين خليه يدخل.. سلوى ادخلي داخل
سلوى: ان شاء الله
.......: السلام عليكم
فهد: وعلييكم السلام هلا والله .. تفضل
......: يدوم فضلك .. اسمع اخ فهد آنا بدخل بالمووضوع على طوول ماابي اي مقدمات
فهد: تفضل اسمعك
......: بس ابي راشد يكون معاااك
فهد: ان شاء الله بس لحظة ... مااارلييين .. نادي رااشد
.... بعد دقيقة نزل رااشد ...
راشد: نعــ .... هذا انت شتبي نعم ..!
فهد: رااشد .. احترم الرجال تراه فـ بيتنا
راشد وهو يقعد: نعم اخ عمر تكلم .. خييير
عمر: ممكن قبل ما ابدا سالفتي اسألكم سؤاال
فهد: تفضل
عمر: ابو فهد اللي هو ابوكم اسمه صالح راشد
فهد: اي صح صالح راشد
عمر: تفضلوا هالأوراق اقرووهااا عدل
راشد: يااا اخي اذا عندك شي تكلم قووول لا تطولها وهي قصيرة
عمر: تفضلووا الاوراق وتعرفون كل السالفة
راشد: لا حوول يلاا نشوف شنو ورااك

في المستشفى...

الدكتور: جـلـطــة بــ القلب
محمد: جـــلــطة..!
الدكتور: لا تخاف ان شاء الله بسيطة .. صج تعب منها شوي بس مافي اي خطر مجرد ارهاق وراح نخليه بالمستشفى لما بااجر اذا تحسنت حالته يطلع بالسلامة
محمد:...........
الدكتور: عن اذنك
... محمد قعد ع الكرسي مو عارف يتصرف مو عارف يسوي اي شي : كله منج يا ريـــم انتي السبب .. اذا صار شي لابوي ماراح اسامحج

في بيت ريم...


عجيبة كيف هالدنيا تعكر صفوة المشتاق
بعد ما كان في فرحة طرق ريح الحزن بابه
زمن قاسي على شخص ٍ غفا لحظه ولما فاق
لقى نفسه مع نفسه مابين حروفه وكتابه
يناجيها ويسامرها .. ويشكي همه للأوراق
لانـه يدري الأوراق مـا تـزعـل لعـتـابـه

[ ريم بغرفتها منهاارة .. خصوصا بعد ما شافوا منى وام محمد الفيديو]

ريم تصرخ: والله مـــظــــلــــومــــة ... والله مالي دخل والله مالي ذنب ... ما كنت ادري بهذا كله والله
ام محمد: يا القذرة .. هذا يوم رحتي الشاليه اول يوم رمضان .. شلون ما فكرت انج وصخة وسمحتلج شلون عطيتج الثقة شلوون
ريم: يماا الله يخليج .. محتاجة لج والله ما ادري عن شي يمااا
ام محمد تطلع وتسكر الباب وراها وتقفله: انتي مكانج هني يا الخاينة اقعدي بغرفتج لما تعفنين

[ ريم انهااار ما بقى فيها من أعصااب.. أصعب شي بالدنيا اذا احد ظلمك .. تحس بالمرارة وتضيق اكثر اذا اعز الناس صدقوا اللي ينقال عنك وتخلوا عنك .. تتمنى بلحظتها المووت ولا تعيش بالدنيا مظلووم .. بس مهما كان ومهما صار .. الله موجود والحق مستحيل يضيع يا يطلع بالدنيا او يظل بالآخرة يبااان ]

 

[Absent Hope]

في بيت وسمية...

[ فهد وراشد بعد ما قروا الاوراق ظلوا بمكانهم مو قادرين يتحركون .. ابووهم ياكل الحرام .. ابوهم .. يعني هم ولا شي ... كل هذا مو من حقهم .. ابو عمر وابوهم نصابين ومزورين وماكلين حرام وكل شي بالنصب والاحتيال .. لا وصدمة رااشد اكبر واكبر واكبر ... زوجته المخلصة او اللي يظنها مخلصة مشتركة بجريمتهم معاهم بالنصب .. الحين تفسر كل شي جدامه .. عرف الصح .. عرف ليش ابوه ما يستغني عن عواطف .. عرف ليش عواطف متحكمة فيهم لأن بالاساس كان ابوها وائل مع ابو فهد وابو عمر ولما توفى هي كملت المسيرة بدل ابوها وابوها كان اغناهم يعني هي لها النصيب الاكبر وهي المتحكمة .. عشاان جذي تحتقر ابوي وما تحترمه .. عشان جذي ابوي تخلى عننا .. كل هذا عشان الفلوس .. من سنين واحنا نظن انها حلااال .. وفهموا شي ثاني بعد سبب مقاطعه اهل سلوى وابو سلوى اللي هو عمهم الثاني لهم .. اكيد يعرف انهم نصابين ومحتالين عشان جذي قاطعهم اما بخصوص علاقة فهد وسلوى ما بيده شي ومو من حقه لأن الابو نصاب مو العيال ..]
[ قام راشد من مكانه واتجه لفووق وبالتحديد غرفته مكان النصابة زوجته .. فتح الباب بكل قوة لقاها قاعدة ع السرير ولما شافته ابتسمت ورحبت فيه .. ]

[... وسمية بغرفتها .. سمعت صراااخ وضحك واصوات تكسير ركضت .. الصوت من غرفة راشد .. دخلت الغرفة راشد واقف ويضحك وعواطف طايحة تحته بالارض غرقااانة بالدم ]

بعد مروور كم يووم ..

بوصفلكم حال كل شخص ...

نبدا بـ

ريم... بغرفتها محد يفتحلها الباب ولا شافت احد بس هاليومين مخاوية دموعها وهي تلعن مناير بداخلها الفين مرة تقدر تعلم عليها بس اولا ينقصها الدليل وثانيا ما تبي تخرب علاقة منصور باختها لأنها تفكر فيهم وخايفة ينفصلون بسبب مناير الحقيرة وهذا اللي هي تطمح له
ابو محمد... طلع من المستشفى وما تكلم وقاعد بغرفته وما رضى اي شخص يدخل عند ريم او يفتح الموضوع
محمد.... مصدووم ومو عارف شنو يسوي
يوسف... قلبه متقطع وملازم البيت وما يطلع من غرفته
بيت ام يوسف.. عرفوا بالسالفة
عواطف... بالمستشفى عايشة بس متكسرة وجسمها كله رضوض وكدمات وما رفعت قضية ضد راشد
راشد... ندمان ان بيوم كانت عواطف زوجته وطلقها
مساعد اخو عمر.. بالسجن وهذا آخر تهوره
يوسف وعمر... ناطرين الشرطة يجون ويستلمون بيوتهم لأن خلاص كل الحلال مو لهم والشرطة كاشفة اللعبة وخصوصا ان جراح وصالح اللي هو ابو فهد وعواطف كانوا مقربين من الافلاس ورهنوا بيوتهم وهاليومين راح يستلم البنك بيوتهم
بس النصابين ما عرفوا عن الموضوع

اليوم: الاحد

في بيت ريم...

ضحى: يبااا الله يخليك ابوس ريلك بشوفها .. بس آنا اشوفها بتطمن عليها بكلمها
ابو محمد: بعد سواد الويه تبين تشوفينها
ضحى: يبااا مهما كان هذي اختي ولازم نفهم السالفة منها وليش سوت جذي
ابو محمد: آنا ما عندي بنات غير ضحى ومنى
ضحى: يبااا تكفى عشان خاطري.. هذي ريم يبااا ريم الغالية
ابو محمد: ريم الغالية اللي سودت ويوهنا .. ريم اللي وطت روسنا تحت.. هذي ريم اللي تتكلمين عنها
ضحى: انزين بس آنا ادخل عليها واكلمها يمكن افهم منها
ابو محمد: ريم ماااتت .. خلاااص آنا متبري منـ...
ضحى مسكت ابوها: لااا يبااا عشان خااطري لا تقول جذي .. تكفى يباا تكفى تعوذ من الشيطان
ابو محمد تنهد: اعوذ بالله من الشيطان الرجيم اعوذ بالله منه
.... طق طق طق << الباب ...
روان: يباا .. امي تقول تبي مفتاح غرفة ريم
ابو محمد: ليش شتبي فيه.!
روان: عشان عالية ونورة موجودين يبون يشوفون ريم
ابو محمد: طلعي برة ماكوو مفتاح
روان: ان شاء الله
ضحى: يباا البنات متعنين ويايين ما يصير خلهم يشوفونها
ابو محمد بعصبية: قلتلج ما راح اعطي احد المفتاح
ضحى: انزين هد اعصابك لا تتعب نفسك مو زين على صحتك
.... طق طق طق ..
عالية: السلام عليكم
ابو محمد وضحى: وعليكم السلام
عالية: شلوونك خالي .. ما تشوف شر
ابو محمد: الشر ما ييج
عالية: خالي الله يخليك .. والله ما راح نطول عندها بس نتطمن عليها ونقولها كلمتين ونطلع .. صدقني ما راح نطول
ابو محمد: بس يا بـ..
عالية تقاطعه: الله يخليك خاالي
ابو محمد مد المفتاح لضحى: بسرعه اذا تأخرتوا 10 دقايق ما راح اسمحلكم مرة ثانية تدخلون
عالية: مشكوور خالي .. ما راح نتأخر

 

[Absent Hope]

في بيت وسمية...

مــرت الأيام والحلم انهدم
لو ندمت الحين شيفيد الندم
ما بقالي شي غير الله يعين

فهد: يلاا وسووم مطولة بياخذون الاثاث من غرفتج
وسمية: لا بس باقي كم شغلة
فهد: يلا بسررعه .. بروح استعجل سلوى وراشد

[ البيت فـ حالة استنفار .. خلاص راح فهد واجر شقة صغيرة على قدهم تمشي الحال.. والحين هم يجمعون اغراضهم بدال ما ينطرون عشان يروحون من الحين الشقة قبل ما يوصلون الشرطة ]

فهد: رااشد انت لما الحينك قاااعد .. يلا ياا خوي عجل شوي
راشد:.......
فهد وهو يقعد عنده: شفيك شنو اللي مضايقك الحين .. خلاص اللي صارلك صارلنا كلنا .. كلنا راح نهد البيت ونروح مو بس انت بروحك
راشد: حساافة .. حساافة اني وثقت بناس ما تستاهل
فهد: اذا قصدك عواطف .. خلاص انت افتكيت منها ومن شرها وهي راح تدخل السجن قريب .. لازم من اليوم تخطط لمستقبلك وتكمل دراستك اللي قطعتها .. عشان تشتغل وتساعدني .. لأن احنا مستحيل ناخذ ولا فلس حرام من هني ولا شي فـ هالبيت من حقنا .. خلنا نروح نأسس حياة جديدة .. وان شاء الله كل شي يكون احسن من قبل
راشد: انزين فهد .. وين ابوي ما اشوفه هاليومين
فهد: والله ما ادري عنه
أحمد وهو يدخل الغرفة: فهد فهد .. في تحت نااس واااجد يبونك
فهد: ناااس .. شرطة .!.
أحمد: فيه لابسين شرطة وفيه لابسين دشداشة
فهد يطالع راشد ويبتسم بحزن: خلاص ساعة الصفر دقت .. انا نازل
راشد: لحظة فهد بنزل معااك
فهد: انت ما جمعت اغراضك لما الحين .. يلا جمعهم
راشد: انزل معااك .. تاالي اصعد اجمعهم
فهد: يلاا .. تعاال

في بيت عمر...

عمر: لا خلاص اخوي ما ظل شي شلنا كل الاغراض تقدرون تستلمونه
الشرطي: اي مشكوور
عمر: عن اذنك .. يلاا خلووف
خليفة: انزين
... بره البيت ..
خليفة: عمر عــمـــر
عمر: نعم ..!
خليفة: وين راح نروح احنا .. وين نقعد
عمر: الحين بنروح نقعد بـ فندق لما الله يفرجها
خليفة: لييش ما تكلم يوسف .. يدبرلنا مكاان..!
عمر: اتصلت عليه ما يرد
خليفة: انزين شلون الحين وحسناا ما تعرف مكاننا
عمر: شدعوة من الاول تنام بـ البيت .. كيفها تدبر عمرها
خليفة: انزين شراايك نروح عند عامر او سعد
عمر: يا معود خلنا ع الفندق ابركلنا .. تبينا ننذل عند اخوانك
خليفة: كييفك

في بيت ريم...

أنـــا "المـظــلــــوم " وبــعــيــنــك أصـيـر ظــــالـــم
لو كان جرحي من الــغــريب صدقني والله ما يهمني
لكن انــــت "أقـــرب قـــريـــب" وهذا اللي معذبـنـي

ريم: حسبي الله على اللي كان السبب
نورة: انزين ريم .. الله يخليج فهمينا السالفة .. هذي انتي صج ولا لأ مو معقولة ما تعرفين ..!
ريم تهز راسها: اي هذي آنا
نورة: انزين شلون .. من صجج شلون كنتي جذي وليييش ..!
ريم تبجي: خلااص نورة ماني مستحملة اي اسئلة زيادة الله يخليج
عالية: بس شلون .. لازم تقولين لازم نعرف ..
نورة: ويووسف بعد لازم يعرف
ريم: ليش ..!
نورة: شنو ليش .. انت ما تدرين شصار فيه .. انصدم ما توقعج راعية هالحركات .. لازم تقوليلنا عشان نقوله وتحددين موقفج من الموضوع
ريم: ما اقدر اقول شي ومابي اقول شي بس ابيكم تعرفون شي واحد اني مظلوومة .. واني مستحيل اكون من هالنوعية .. والله والله انها كانت اول مرة وكنـ... خلااص بس ما اقدر اقول اكثر .. وانتوا كيفكم اذا صج مو واثقين فيني صدقوا اللي تشووفونه اما اذا واثقين واتمنى هالشي .. لازم تعرفون ان بنت خالتكم مظلوومة وما تعرف هالحركات
روان وهي تدخل: عاالية .. نورة ... بدر ينطركم بره يقول يلاا ما صارت
عالية: يلاا نورة لازم نروح آنا وعدت خالي اننا ما نتأخر
نورة: يلاا امشي
ريم: الله يخليكم .. لا تخلوني بروحي .. حاولوا تيون من فترة لفترة
نورة: اكييييد
عالية: يلاا مع السلامة
ريم: مع السلامة
[ طلعوا نورة وعالية وقفلوا الباب وراهم ]
ريم: حسبي الله عليكم .. حسبي الله عليج يا مناير ويا حسنا ويا نوال .. الله ينتقم منكم دنيا وآخرة يااا رب ويحرق قلوبكم مثل ما حرقتوا قلبي ويفرقكم عن اغلى ناسكم مثل ما فرقتوا بيني وبين اهلي ياااا رب

 

[Absent Hope]

في بيت هدى...

هدى: لولووو شيبتي راسي .. مو على كيفج
لولوة: انتي حنة .. ذبحتيني .. مو مصدقة
هدى: انزين عطيني الحين حبتين طرشيهم مع السايق وباجر بالمدرسة الباقي
لولوة: والحساااب
هدى: افففف باجر بالمدرسة لا وزيادة عليهم لج هدية
لولوة: اوكي الحين اطرشهم مع السايق
هدى: اذا وصل اتصلي علي
لولوة: ان شاء الله
هدى: باااااي
........: شلوونج هدى..!
.... هدى سمعت هالصوت اللي مو غريب عليها لفت وظلت تخز باللي واقف جدامها ....
هدى باستهزاء: حمدلله ع السلامة ام هدى .. اخيرا طلعتي من دارج
ام هدى: هدى ... شفيج..!
هدى: لا سلامتج اخت ام هدى ولا شي .. بس متواعدة مع رفيجتي وبطلع بااااي
ام هدى: لحظة هدى .. بتطلعين بهاللبس .. وبهالشكل وين الحجاب ..!
هدى: هههههه ... يا حليلج .. بتحاسبيني .. بعد شنو .. خلاص ام هدى انا حرة لحد يتدخل بتصرفاتي.. ههه عن اذنج .. تقول الحجاب بعد ههه

في شقة وسمية ...

أحمد: الحين احنا راح نقعد هني ..!
سلوى: اي حبيبي راح نقعد هني
أحمد: وييييييع مو حلو المكان
وسمية تطقه ع الخفيف: احمد ربك .. عـ الاقل لقيت مكان .. اي واحد احسن هني ولا الشارع..!
أحمد: لاا هني.. انزين وين غرفتي..!
فهد: شووف حمادة انا وسلوى بغرفة.. ووسمية بغرفة وانت وراشد بغرفة
أحمد: لاااااا مااابي مع رااشد ما احب
راشد: مصدق عمره بعد ما يبي معاي .. انا مابي معاك
فهد: اسكتوا بس زين طلعتلكم غرفة كنت بنومكم بالصالة ..
أحمد: انزين عوااطف وابووي..!
راشد: هه الله يستر عليهم
وسمية: فهد ... بكلمك شوي
فهد: أحمد روح شوف غرفتك حاطلك سرير شي
أحمد: انزيــــن اووووووووف
فهد: ههه والله هالولد مشكلة... يلا وسمية شتبين
وسمية: بشوف ابوي .. بزوره .. بالسجن..!
فهد: وسمية .. قبل 4 ساعات بس دخلوه السجن شلون بتروحين
وسمية: بروح اشوفه .. الله يخليك فهد .. آخــر مرة اشوفه
فهد: لا ان شاء الله مو آخر مرة ... ان شاء الله يطلع ويقعد معاااناا بالبيت .. ليش تفاولين عليه..!
وسمية: اذا طلع هو من السجن ... انا بطلع من البيت
راشد: وسووم شـ هالكلام .. لا تنسين ان هذا ابونا
وسمية: ابوونااا ... اي صح تذكرت ابونا .. باعنا برخص التراب.. ابونا تخلى عنا عشان الفلوس وبس .. الابو عمره ما كان اناني وعمره ما يبيع عياله عشان مصلحته
فهد: وسمية انتي لازم تقدرين ظروفه .. يمكن الدنيا سودت بوجهه وما لقى الا هالطريقة عشان يعيشنا ويصرف علينا
وسمية: انتوا تقصون على نفسكم .. ما لقى الا الحرام ... ما يعرف الا يوكلنا مال حراام .. هه خلااص انا ما عندي غير امي اللي توفت الله يرحمها وابوي لحقها
سلوى: تعوذي من الشيطان يا وسمية ... هذا انا ابوي مانع اي احد يزورني وما قلت شي بالعكس لما الحين ابره
وسمية: تدرين ليش ابوج مانعهم من زيارتج ...! لأنج قاعدة عندنا ... تدرين هذا شنو معناته يعني العيب فـ ابوي مو فـ ابوج
.. ابوج سوى كل هذا عشان ما يخلي عياله وبناته يختلطون فينا وياكلون من سفرتنا لأن كل شي عندنا حراام .. بس ما طلقج من فهد لأنه عارف فهد يصرف عليج بنفسه وهو يشتغل بتعبه .. طول عمري افكر ليش ابوج قاطعنا حتى بالمناسبات ما يسأل ... أول ما عرفت السالفة .. عرفت ليش .. وما اعاتبه او ازعل عليه بالعكس من حقه