[ بدونك من أكون ] ..~ روآية بـ أنآمل كويتية ..~

[Absent Hope]

بعد يومين ...
صباحا..
في السجن...

[ صالح راااشد .. عندك زيارة ..... قام صالح أو ابو فهد بسرعه وهو واثق ان احد من عياله .. واكييد موكلين محامي له ... طلع ولا وسمية واقفة وتطالعه بعتب]

صالح: شلوونج وانا ابووج .. والله اشتقتلج ..!
وسمية: انا تعنيت ووصلت لهالمكان بس عشان بقولك كلمتين .. كلمتين يحوسون ودي اقولهم بس ماسكة نفسي .. وانطر اللحظة اللي اشوفك عشان اقولك اياهم
صالح: قبل قوليلي وسمية وينكم وين رحتوا .. ان شاء الله مرتاحين..!
وسمية: ههههه .. من صجك يعني تهمك راحتنا .. لو تهمك ما سويت اللي سويته .. لو صج تهمك ما تخليت عن عيالك .. تذكر .. كنت تقولي بيوم من الايام مابي بنتي فيها عيب واحد ابيها كامله والكامل الله .. ابي بنتي الوحيدة ترفع راسي .. ابي بنتي تشيل كل اخلاقيات ابوها عشان يفتخر فيها .. الحين بقولك .. اي اخلاقيات اللي تبيني اشيلها .. النصب والنهب
صالح: عيب وسووم .. مهما كان انا ابوج وانا سويت كل هذا عشانكم انتوا وبس
وسمية: صارت هذي حجة .. والله بروح انصب ع الناس واحتال عليهم عشان غيري .. هه اي عقل يصدق هالكلام .. ع العموم انا بس كنت بسألك .. انت انت ياللي علمتنا ع المثالية والاخلاق العالية انت ياللي تقولنا ابيكم تصيرون قدوة لغيركم انت ياللي كنت تقول ربكم قبل كل شي .. صلاتكم قبل اي متعة .. الشرع قبل اي شي.. بس بتأكد منك الكلام كله اللي كنت تقوله كنت تقصدنا بس احنا .. يعني عليك الكلام ما يتطبق وعلينا يتطبق
صالح:........
وسمية: طبعا هذا اللي كنت متوقعته الطمع وحب الدنيا غطى على عيونكم ما فكرتوا بالآخرة ما فكرتوا لما يكون جدامكم ملك الموت ما فكرتوا بالحساب .. فكرتوا انكم تغرقون بالفلوس بالدنيا وبالطقاق باللي يصير بعدين صح..!
صالح:......
وسمية: مع السلامة

في المدرسة...

[ هدى ولولوة انحاشوا من الصف وقعدوا بـ غرفة مهجورة محد يمر صوبها ]

لولوة: آنا اوريه هـ المصطفى .. مو موجود مع اني قلتله اني اليوم بطلع من المدرسة
هدى:..........
لولوة: شفيج..!
هدى: افكر بالبيت
لولوة: ليش شالسالفة..!
هدى: تصدقين امي صايرة تقعد بالصالة عشان بس تقولي لا تطلعين
لولوة: امج طلعت من غرفتها وازعجتنا
هدى: ودي انحاش من المدرسة عشان اظل بره البيت لما الليل
لولوة: لحظة شوي ...
هدى: وين رايحة..!
لولوة: سكتي عندي خطة
هدى: شنو..!
لولوة: شفتي الباب هذا اللي هناااك
هدى: اي شفيه
لولوة: ننحاش منه
هدى: شلون مقفل هالباب وما ينفتح
لولوة: عاادي شفيج نشقحه
هدى: من صجج شلووون ..!
لولوة: على الاقل نغير من الروتين... يلا امشي
هدى: واذا احد شافنا
لولوة: محد راح يشوفنا لا تخافين.. تحركي
هدى: يلاااا

[ راحوا مثل الحرامية يتسحبون تسحب لما وصلوا للباب نقزت هدى ووراها لولوة وتمت عملية الهروب بسلاام ]

 

[Absent Hope]

.... ومروا كم اسبوع...

ويوم من الايام..


طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
اذكر زمان فات بالخير وياك
الله يعيده لو بالأيام مره

[ كانت عالية قاعدة فـ غرفتها وتحس انها متضايقة .. متضايقة حييل ومو عارفة ليش .. ملت من الحياة اللي هم عايشينها .. ملت من الوضع .. حياتهم تغيرت .. نفسياتهم تغيرت .. كانت عالية ماسكة تلفونها وتلعب فيه فجأة اتصل رقم غريب .. كانت بتطنشه بس لما شافت بداية الرقم فتح خط ( 971 ) وقف قلبها معقوولة ]
عالية بقلبها: فتح خط الـ..... الامااااارااات ... معقووولة .. لا مو مصدقة مستحيل .. عمي اي اكييد اكييد عمي متأكدة ما اعرف احد بالامارات غيره .. عمي يتصل فيني بعد كل هالسنين
[ شجعت نفسها وردت بهدوء كثر ما تقدر ]
عالية: ألووووو
.......: ألوو مرحباا السااع
عالية: مرااحب يا هلا .. منو معاي ..!
......: مـ ... عــ ....
عالية: شنوو الصوت مو واضح يقطع .!
......: موبايل عالية
عالية بحمااس: اي وصلت خييير
.......: اخـ..تـ... ي آنـ...ـا اتصلت كـ..
...طووووط طووووووط طووووط .... << انقطع الخط
عالية: لاااااااااااااااا

في شقة وسمية...

الكل: ههههههههههه
عمر: خلووف شكبره وجذي
فهد: ههه يعني أحمد صغير حتى هو كبير
خليفة: انتوا مستانسين وتعيبون علينا .. لو نوااال موجودة ذبحتكم
أحمد: اي صح نواال تحبنا
خليفة: بس احمد .. نوال تحبني آنا اكثر صح
أحمد: شــــــنــــو ... نوال تحبني انا اكثر
خليفة: انت شكووو اصلا نوال بنت عمي وتحبني اكثر
أحمد: نوااال تعرفني من زماااان وتحبني اكثر
خليفه: بس ترجع اسألها وشووف راح تقول تحب منو اكثر
أحمد: أكيد انــا لأن مـــ...
راشد بصوت عالي: بــــــــــــــــس ... ادخلوا داخل وتهاوشوا على كيفكم .. ان شاء الله تتذابحون بس مو فوق روسنا
أحمد: انزين انزين ... تعال خلووف
خليفة: اقوولك عندك بلي ستيشن
أحمد: اي تعال نلعب
راشد وهو يلف على عمر اللي قاعد عنده: اوووف مشكلة الصغار
عمر: ههه خلهم يعيشون حياتهم
راشد: ما قلتلي شلون يوسف..!
عمر: والله ما ادري شقولك .. حالته صعبة .. بس لما اتصل عليه ما يرد ولما اروحله ما يرضى يطلعلي
راشد: الله يعينه .. اللي صارله مو شوية .. اذا خانك أقرب الناس تضيع ثقتك بالناس كلهم
عمر: اي والله وانت الصاج ... بس ما يصير يظل حابس نفسه .. مفروض يطلع ينسى اللي صارله
راشد: الله يعينه
فهد: الحريم طولوا بالقهوة .. بروح اشوفهم
راشد بصوت واطي اقرب للهمس: عـمـر ما وصلك اي خبر عن نوال...!
عمر ابتسم: اي طبعا اشتقت لحبيبة القلب هااا
راشد ابتسم: ما تبطل سوالفك يا ليتني ما قلتلك
عمر: هههه مو كيفك ناكل من صحن واحد وشقتنا عند شقتكم وما تقولي ادفنك بين الشقتين
راشد: هههه .. الحين ما جاوبت ما وصلك خبر..!
عمر: لاا .. بس والله قلبي يقول انها بخيير
راشد: انزين ليش ما سألت ابووك ... ما راح يخبي عليك وهو بالسجن راح يقولك
عمر: من صجك ... آنا اشوفه عشان اسأله .. كم مرة حاولت ازوره لما يعرف اني آنا ما يرضى يطلع
راشد: ليييش ..!
عمر: ماا ادري .. يا أنه ندمان .. هه واستبعد هذا الشي .. او انه ماله خلق يشوفني
فهد وهو داخل الصالة: ليش تسولفون بصوت واطي ..!
راشد: تتسمع..!
فهد: لااا اعوذ بالله بس وانا جااي سمعتك تسأل عن نوال وان مافي اخبار عنها وان ابو عمر ما يرضى يستقبله بالسجن بس
راشد يخز فهد معصب:......
عمر وفهد: ههههههههههه

 

[Absent Hope]

في بيت ام يوسف...

[ عالية قاعدة ع الارض ودافنة راسها بين رجولها ونورة قاعدة عندها وموبايلها متكسر قطع صغااار جدامها ]

نورة: عاااالية شفييج ...!
عالية:......
نورة: ليش تصارخين ... وشنو اللي كسر تلفونج
عالية: خلااص نورة برووحه طااح وانكسر
نورة تهدي الوضع: اووكي بصدقج .. بس شفيج ..!
عالية: متضايقة..
نورة: من شنوو..!
عالية بقلبها ( وين اخلص من اسألة المحقق كونان ): ما فيني شي بس متضايقة .. امم على .. يوسف وريم
نورة: اي والله معاج حق .. آنا بعد متضايقة عشانهم .. مسكين يوسف حالته حاله واكيد ريم اردى منه
عالية: مسااااكين
نورة: امس دخلت عند يوسف .. متغير وماله خلق شي .. مبين عليه الاكتئاب والحزن راح يطلع من عيونه .. الله يعينهم .. آنا حاسة ان ريم مظلوومة واتوقع يوسف حاس بهالشي بعد بس شلون يجذب عيونه اللي شافت الفيديو .. آآآه الزمن فرقهم مع اني قبل كنت اتمنى اعيش قصة حب مثلهم
[ عالية ما تسمع كلام نورة .. قاعدة تكلم نفسها وتسولف بداخلها : يعني بعد هالسنين كلها ما صدقت اول اتصال من الامارات عطاني امل بعدها ينقطع الاتصال ولا يرد يتصل آآآآه يا القهر .. هه مصدقة نورة تقول على يوسف وريم .. اللي الحين عايشينه ما يوصل ربع اللي آنا عايشته .. آنا عشت مع الهم من صغري وفارقت الغالي من قبل سنين هم عشان كم اسبوع تقول عنهم الحزن بيطلع من عيونهم ]

*+*+*+*+*

&*& مــســكــيـــن &*&

مـسـكـيـن مـن قـال انـه بـدنـيـاه حـزيـن
ويـنـه خـلــووا يـشـوف كـيـف احـنـا عـايـشـيـن
لا يـقـول أنــا حـــزيـــن
بـس يـشـوفـنـا احـنـا والـحـزن اثـنـيـن
لـكـنـنـا تـوم دوم مـتـلاصـقـيـن
نـمـوت بـالـيـوم مـرتـيـن
أو نـنـطـعـن بـألـف سـكـيـن
تـصـدقـيــــن >>
أحـس الـدنـيـا تـقـولـي لا تـفـرحـيـن
خـلـج والـحـزن مـتـقـاربـيـن
صـبـح ومـسـا مـتـجـابـلـيـن
حـتـى وقـت الـنـوم بـنـفـس الـسـريـر مـعـاه تـنـامـيـن
عـشـان بـوجـهـه دووم تـصـبـحـيـن وتـمـسـيـن
وطـول السـنـيـن مـعـاه تـعـيـشـيـن
لـــيـــن تـمـــوتـــيـــن ..
ومــنـــه تــرتــاحــيـن

*+*+*+*+*+*+*
+*+*+*+*+*+
*+*+*+*+

ستوووب انتهى هالبارت ..
ما راح اسأل اي سؤاال ..
بس انتظر توقعاتكم للبارت الاخير من رواية & بدونكـ من أكونـ &

... هديل الحب ...

 

[MeeMeeYoo_2]

امبيييه
مناير شالوقاحه !!

مو صج!!

مشكوره حبيبتي

ناطريين

 

[n00ni]

ثانكس على الروايه

يلا كملي بسرعه

 

[MeeMeeYoo_2]

الووووووووووووووووووو

 

[رووان]

بليز تكفين
كملي القصة بسرعة بنعرف النهاية قبل الويك اند

 

[Absent Hope]

امبيييه
مناير شالوقاحه !!

مو صج!!

مشكوره حبيبتي

ناطريين

ثانكس على الروايه

يلا كملي بسرعه

الووووووووووووووووووو

بليز تكفين
كملي القصة بسرعة بنعرف النهاية قبل الويك اند

من عيوني الحين بنزل لكم النهاية ..

مشكورين ع المتابعه حبيباتي

 

[Absent Hope]

الجزء العاشر والأخير :::

في بيت منصور...

منصور: ما يصير ضحااوي انتي تعبانة شلون تروحين عند اختج .!
ضحى: منصور اختي اهم من اي شي
منصور: بس مو زين للبيبي اللي فـ بطنج
ضحى: ما عليه منصور .. اذا ما تبي تاخذني .. آنا اروح بروحي
منصور: لا من صجج تروحين بروحج آنا اوديج
+*+*+ اول ما وصلوا عند الباب دخلت مناير +*+*+
مناير: هااااي
منصور: هلاا
مناير: وين رايحين ..!
منصور: بروح اودي ضحاوي بيت اهلها
مناير: اهاااا .. تبي تشوف اختها الرقاصة ههههه
منصور: منااير شـ هالكلام عيب عليج ..!
مناير: عيــب علي مو عيب على اختها لما تسكر وترقص مع شباب هههه
ضحى: منااير احترمي نفسج .. اختي انظف منج ومن اشكالج
مناير: نــــعـــــم ... سمعت منصور .. تشبهني باختها .. ليش ساكت رد .. والا خايف
منصور: لا حول ولا قوة الا بالله .. امشي ضحاوي نطلع
مناير: هه اقولك اذا رحت عند ربعك دور بتلفوناتهم .. يمكن هالمرة تلقى فيديو لزوجتك ههههههه
*+*+ طراااااااااااخ +*+*
منصور: حقـــيـــرة .. لو اقدر اعطيج اكثر من الكف عطيتج
مناير: لا والله .. وانا الصاجة اذا الصغيرة طلعت جذي يعني الكبيرة شلون بتكون.!.
ضحى: منصور الله يخليك امش تعبت من الوقفة ما عليك منها هذي خلها تكلم روحها
مناير: ليش شايفتني مينونة يعل اليني اللي يركبج انتي واختج.. سعوود سعووودووو
سعود وهو نازل: نـــعـــم شتبين .. بسرعه بطلع..!
مناير: صج انك مو كفو .. الحين سويت كل هذا عشانك وآخر شي تكلمني بهالاسلوب
سعود: يعني شلون تبيني اكلمج .. خلصي بطلع
مناير: اووف اطلع مع السلامة
سعود: أحـــســـن

في بيت ريم...

ريم: شنو اللي بتعرفه ... شنو بالضبط ..!
محمد: ريووم .. آنا اخوج الوحيد .. وأكثر واحد فاهمج بالبيت .. آنا متأكد مية بالمية ان انتي مالج دخل بالسالفة كلها صارلي اسابيع من انتشر البلوتوث اسألج ولا راضية تقوليلي .. ريحي بالي قولي .. تكلمي
ريم: .......
محمد: والله يا ريم آنا واثق فيج مثل ثقتي بنفسي .. قوليلي يمكن أقدر احل مشكلتج .. آنا مو اخوج المفروض تقوليلي كل اللي بخاطرج
ريم وهي تحضنه: صـــعـــبــه يا محمد والله ما اقدر اقوول صعبه
محمد: ليش ... ليش ما تبين تقولين .. قولي واوعدج ووعد الحر دين ... اني ما اقول لأي مخلوق كان ع السالفة
ريم: محمد آنا مابي اعفس الدنيا واخرب حياة ناس غاليين علي عشان وحدة حقييرة ونذلة
محمد: مدام قلتي هالكلام أكييد انتي عارفة السالفة كلها .. وعارفة منو اللي سوى فيج جذي
ريم: مو بس عارفة الا متاكدة
محمد: انزين قوليلي
ريم: محمد آنـ...
محمد: يلا ريووم قوولي
ريم تنهدت: اوعدني ما تقول لأحد
محمد: وعــــد
ريم: اللي دبر هذا كله اثنين او يمكن اكثر ما ادري .. بس .. والله ظلموني .. مرة من زمان كنا رايحين المزرعة وصارت سالفة بيني وبين سعود وحقد علي منها .. بعدها تقربت مناير مني وصرت اثق فيها واقولها كل اسراري .. لما اول ايام رمضان عزمتني على حفلة بالشاليه ورحت ويا ليتني ما رحت دخلت شربتني عصير وما .. حسيت باي شي الا بتعب .. بعدها شربتني شي طعمه مو حلوو وقالت انه اعشاب شربته ولما شربته ما حسيت بأي شي يمكن بوقتها سكرت أو ما ادري شنو بالضبط اللي صار بس اللي حسيـ.. محمد ... مــــحـــــمـــد وين رااايح..!

+*+*+ طبعا ريم كانت تتكلم ومحمد الدنيا تصير سودة جدامه لأن حس بحقارة سعود ومناير .. وفضحوا اخته عرضه ودنسوا شرفها الحين الناس لما يطالعون الفيديو راح يتخيلون ان السالفة مو بس سالفة رقص وسكر لاا ان السالفة اكبر من جذي من يشوفون شكلها راح يقولون عنها وصخة وعاهرة وفاجرة يعني تعدت الخطوط الحمرا وما وقفت على الرقص وهم شدراهم الناس .. محمد حس بضياع مستقبل اخته من هالفيديو وهو كان واثق انها مظلومة بس كان يبي يعرف منو السبب عشان يمسك رقبته ويقصها له والحين عرف ووصل للي يبي ... وما قدر يظل قاعد بدون لا ينتقم لأخته +*+*

[ محمد أخذ سيارة من سيارات ابوه مع انه ما عنده ليسن بس الحقد والانتقام معمي عيونه وما يشوف طريجه .. ظل طول الطريج يتصل على يوسف يبي يقوله يساعده بس مو قادر يوسف من اول ما عرف السالفة ما يرد على أحد .. مشى لما وصل للقهوة اللي دايم يلاقي فيها سعود .. ومن حسن حظ سعود ما كان موجود نطر بعد ربع ساعة شاف سعود وقف سيارته على جنب ونزل .. راح محمد وقف سيارته بعيد ونزل ورا سعود ]

 

[Absent Hope]

في شقة وسمية...

عمر: آنا آسف يمكن اللي قلته مو وقته بس احنا صرنا عايلة وحدة وقلت يعنـ..
راشد بعصببية: انت شلون تفكر جذي ..!
عمر: راشد الزواج مو عيب ولا حرام ... واختك ما شاء الله محترمة واذا انتوا اخوانها اكيد هي نفسكم
فهد ببرود: شلون يعني نفسنا..!
عمر: تنحطون ع الجرح يبرى
راشد لف على فهد: بايقها صح
فهد يهز راسه بعصبية: اي
عمر: شفيكم ... خلاص اعذروني بس الله يخليكم مابي هالسالفة تأثر على علاقتنا لأن الزواج شي وعلاقــ....
راشد يقاطعه: القلب سلملك امره في حالتي انت ادرى ياللي حنانك وطيبك تنحط ع الجرح يبرى
فهد: شفاااف يا نور ... هههههههه صوتي نشاااز
عمر مستغرب: فيكم شي مخوخكم ضاربة اليوم.
راشد: ههههههه .. لا بس مستانسين بتصير نسيبنا من قدنا
فهد: احم احم اثقل يا ولد شنو بتفتك من اختك
عمر: هههههههههه والله انكم نكتة .. بس شوفوا اذا البنت ما تبيني كيفها مو تغصبونها
راشد: اكيد ما تبيك ... واثق انها بتوافق مع هالويه
عمر: لا انزين نشوف منو راح يزوجك بنت عمه
راشد: خلها ترجع بالأول
عمر: بس ترجع لوريك .. اخليها تيبس راسها وما توافق
راشد: ههههههه ... يعني هي من الاول كانت موافقة من قبل رافضتني

في بيت ام يوسف...

نورة: علوووي الله يخليج طلعي من الغرفة ما اختنقتي
عالية: لا .. انت شتبين خلاص طلعي
نورة:. اوووف تافهة
.... ترررررررن ترررررررن << تلفون البيت ...
+*+* بسمة ونورة يركضون ع التلفون منو تشيله الاول ... مسكت بسمة السماعة الاول جرتها منها نورة +*+*
بسمة: آنا مسكتها قبلج
نورة وهي تجرها: الكبير هو اللي يرد عطيني
بسمة جرتها حييل وكلمت: ألوووو
نورة: ويعه ان شاء الله ( جرتها واخذتها ) هههههه غلبتج احم ألوووو
......: ألوو السلام عليكم
نورة: وعليكم السلام ... نعم
......: لو سمحتي اختي يوسف موجود
نورة: اي موجود منو يبيه
......: قوليله واحد ضرووري يبيه الحين
نورة: ان شاء الله
+*+* بعد خمس دقايق +*+*
نورة: اخوي .. يوسف مو موجود
.......: اختي الله يخليج ضروووري شي ما يتأجل .. انزين قوليله يرد ع الموبايل
نورة: ان شاء الله ان شاء الله ( بصوت واطي ) اووف لزقة
*+*+ شوي طلع يوسف من غرفته معاه نورة +*+*
يوسف: يعني آنا قايل اي واحد يبيني قولوله مو موجود
نورة: قلتله بس لزقة ... خلصني الحين رد ع التلفون
يوسف بدون نفس: ألوووو
.......: معاي اخ يوسف
يوسف: اي نعم معااك .. نعم من حضرتك
........: اخوي نبيك ضرووري الحين تجي المستشفى الله يخليك بسررعه
يوسف: المستشفى..! ليش احد قالك اني طبيب وآنا ما ادري
.......: لا .. بس عندنا واحد مسوي حادث وطالب يشوفك.. الله يخليك لا تتأخر مستشفى الـ...
يوسف: انزين منوو ...!
......: تعال وبعدين تعرف .. مع السلامة
نورة: شالسالفة...!
يوسف قلبه يدق من الخوف: ماا ادري الحين برووح اعرف السالفة

 

[Absent Hope]

+*+* في المستشفى +*+*

[ داخل وحدة من الغرف منسدح وهو متسبح بالدم من فوق لتحت .. الدكاترة يمين ويسار يحاولون يسعفون اللي يقدرون عليه بس للأسف ملك المووت قرب ياخذ روحه .. خلاص هذا يومه والمكتوب ما يتغير ولو لحظة .. دخل يوسف الغرفة بسرعه وانصدم منو هذا ... مـــحـــمـــد ... راح يمووت شلوون ... يحتضر .. محمد كان حاس ومو حاس اشر ليوسف وقرب منه يوسف وقلبه متقطع ع المنظر اللي يشوفه .. محمد رااح يمووت مو قادر يستوعب هالشي عيونه غرقت بالدموع وكم دمعة عاندت ونزلت على خده .. اكيد يبجي ... شلون ما يبجي .. ولد خالته .. شلون ما يبجي وهو يشوف ولد خالته الوحيد بـ المنظر هذا .. قعد يوسف على ركبته ومسك ايد محمد مليانه دم .. قطعه دم .. ومحمد يحاول يتكلم بس مو قادر خلاص عمره قرب يخلص ومو باقي شي على وجوده بالدنيا .. ]
يوسف وهو يبجي: لا تخاف محمد .. ان شاء الله بتقووم .. صدقني بتقوم بالسلامة .. راح نسفرك ونعالجك بره .. صدقني باذن الله بتقوم
محمد بصوت متقطع ونفس ضيق ويبالع بريجه اللي نشف : ر.... ريـ.. ـم ... ما .. اوصيك عليها... يوسـ .. ـــف ... مـ.. ظــلومة .. والله ... لا تتركها ... صير.. لـ.. ها .. الاخـ .. ــو .. والابو ... والـ... ـزووج.. ترى . مـ..الـها ذنب ... والله .. والله
يوسف يمسح على راسه: خلاص يا محمد لا تسولف مو زين على صحتك .. ريم بعيوني .. وبقلبي .. بس لما تقوم بالسلامة راح..
محمد يقاطعه: ديـ...ــر بـ..ــالـ ..ــك عـ.. ـلـ.. ــيـها ولا ... تصـ..ــدق اي شــ...ـي ينقال
يوسف: محمد خلاص اسكت اسكت ... بتقوم وصدقني اول ما تقوم بتزوجها وانت اللي راح تزفها ان شاء الله
محمد: اهــ..ــلــ..ــي دير .. بالك .. علـ... ــيهم... ومــ..ـا اوصيك عـ...لــى بـ.. ــد .. ر .. تراه .. غــ..ــا..لـ... ــي
يوسف: محمد اذا تبي الحين اتصل على بدر واقوله ييي على طول بس انت ريح بالك و...
+*+* محمد زاد شحوبه وتنفسه صار سريييع زفير وشهيق وفجأة +*+*
محمد: أشـ...ـــهد ان .. لا الــ...ــه الا ... الله وأن مــ... ــحـمــ.. ــد رســ..ــول .. الله
+*+* وراحت الروح لباريها .. نزع ملك الموت روح محمد .. وانتقل لمكان ثاني انتقل لعالم ثاني +*+*
[ يوسف مو مستوعب اللي يشوفه .. محمد توفى جدام عيونه ... معقوولة .. لا حول ولا قوة الا بالله .. ]
يوسف زاد بالبجي وصار صوته اعلى: مـحـــــمــــد ... تكفى حاول والله احط اختك على راسي بس لا تموت .. مــحــمــد والله انت غالي شلون .. شلون امك وابوك بيتحملون الصدمة .. ولدهم الوحيد توفى ... شلوون .. رحت وخليت خواتك بدون اخو بدون سند لهم .. وين رحت ... ويـــــن ... قوووم محمد قووم .. لا تسوي فيني جذي .. لا تعذبني محمد .. شقول لأهلك شقول لبدر شقول للناس .. بدر اللي انت اغلى ربعه .. خواتك ... ريم .. شقوول لـ ريم وهي تعزك معزة خاصة .. شقوولهم تكفى كلمني رد علي .. ابي جواب وااحد شلون اقولهم يا مــــحــمــد شلووون...!

 

[Absent Hope]

في بيت ريم...

ضحى: اووف والله ما ادري شقولج يماا .. الحين صج حسيت بمعاناتج بالحمل .. الصغير حيل متعبني
ام محمد: لما الحين ما شفتي شي هذا بداية
ريم وهي تنزل: ضحى انتي هني ..!
ام محمد: انتي ليش نازلة .. آنا مو قايلتلج ما تعتبين باب دارج..!
ضحى: يمااا .. خليني اسلم عليها من زمان مو شايفتها..!
ريم: وين محمد..!
ضحى: اي صح يماا وين حموود
ام محمد: ما ادري عنه
ريم: صارله وقت طالع و.. ما رجع .. ما ادري يعني
ضحى: وليش خايفة دايما يطلع مو اول مرة
ريم: لاا طلع وهوو ... وهو .. معصب
ضحى: معصب ... من شنوو..!
+*+ ريم توها بتتكلم ولا باب البيت ينفتح ويدخل يوسف شكله متبهدل وحالته حاله ... ريم اول ما شافته خافت على طول بتصعد فوق خايفة لا يطقها بس هو وقفها +*+*
يوسف وصوته رايح وعيونه حمر: ريــــــم
ريم لفت بخوف: نـ نـ عم
يوسف بصوت مبحوح وهو مو قادر يتكلم: شــ ... ـــلونج..!
+*+* ريم تطالعه مستغربه.. عيونه حمر وشكله مبهدل وظلت تخز فيه لما شافت دمعته تطيح قلبها نغزها ما عرفت شفيه قربت من عنده +*+*
ريم: يــ.. يــ..وسف ... فيك شي ..!
يوسف انهار وطاح ع الارض: آآآآآآه ياااا ريم آآآآآآه ... خلاااص راح رااااح السند لج رااح .. اخووج رااح .. ترك الدنيا وبلاويها وكل ما فيها وراااح
ريم بصوت متقطع: مـ حـ مـ د
يوسف: آآآآآه محمد مااااات .. مااات ما راح يرجع ... شفتي هذا الباب ما راح يدخل منه مرة ثانية.. شفتي غرفته راح تظل على حالها .. شفتي شهاداته راح تظل على عددها ما راح تزيد .. خلاااااص رااااااح
ريم وهي ترجع ورا من الصدمة: لا ... لا .. لا لا انت تجذب جذااااب اعرفك ... انت متعمد تبي تقهرني وتحرق قلبي على اخوووي ... لاااا محمد موجود .. والله قبل ساعه كان بغرفتي وكلمته والله والله .. طلع معصب .. طلع والله كان بيروح يدافع عني .. لاااا جذاب جذاااب جذاااب
[ ركضت ريم فوق وضحى واقفة بمكانها مثل المسطولة وايدها على حلجها ودموعها على خدها وام محمد قاعدة ما تحركت وتحس رجلها ما تشيلها ... مو شويه اللي فقدوه مو اي واحد اللي مات هذاا محمد .. تعرفون شنو يعني محمد.. هذا الغالي.. هذا الامل فيه .. هذا سندهم .. هذا الوحيييد .. راح ... بسهولة يا يوسف تقول راااح ]

 

[Absent Hope]

بعد مرور يومين ...

في بيت ريم...

+*+*+*+*
*+*+*
والله ما تسوى
أعيش الدنيا دونك
لا ولا تسوى حياتي بهالوجود
دامك انت اللي رحلت وكيف بصبر
ع البعاد وكيف ابنثر هالورود
+*+*+*
*+*+*+*+

[ +*+* الصالات مزدحمة بالمعزين .. الكل موجود تحت ما عدا ريم اللي بغرفتها ما تتحرك منها .. وكل شوي احد يصعد فوق يقنعها تنزل او تاكل شي مو راضية من اول ما سمعت الخبر ما تتحرك من مكانها ... شوي عالية قامت وراحت فوق عند ريم بتكلمها ..+*+* ]

في غرفة ريم...

عالية: تصبري ريوم ... وادعيله ان الله يريحه بقبره .. ويثبته عند السؤال ... ترى الدموع ما راح تفيده وهو بقبره
ريم: آنا السبب
عالية: ريوم .. لا تقولين جذي .. هذا يوومه .. انتي مالج دخل بيومه خلاص لا تبجين حراام عليج
ريم: كله مني .. يا ليتني ما قلتله يا ليتني منطرمه ولا راده عليه آنا هبلة آآآآه .. وينك يا محمد تعال والله ما راح ازعلك بشي والله راح اسويلك كل اللي تبيه والله ما اضايقك ... ليش تروح وتهدني .. آآآآه
عالية غورقت عيونها: لا تسوين بنفسج جذي.. انتي مؤمنة بقضاء الله .. وكلنا رايحين لهالطريج .. تكفين اذا مو عشان خاطري عشان خاطر محمد .. دخلي لقمة بحلجج
ريم حضنت عالية: راااح الغالي علوووية .. راح الغالي .. بس آنا متاكدة شوي راح يدخل علي بالغرفة ويضحك معاي وينصحني .. آنا عارفته محمد ما يقدر على فراقنا .. راح يرجع صدقيني راح يرجع .. اول ما يوصل ناديني علوي بسلم عليه بحضنه ما راح اتركه ثانية .. بقعد عنده واسولف معاه لا تنسين ناديني عفيه
عالية: خلاااص ما اقدر لا تقولين جذي .. مو بس غالي عليج .. والله غالي علينا كلنا بس هذا يومه ومافي شي بيدنا نقدر نسويه
ريم: محمد .. تعااال .. آنا عارفة انت كنت واثق فيني وبتدافع عني .. تعاال اظل طول عمري حقيرة بعيون الكل ولا تروح انت وتخليني حراام علييك آآآه

في بيت ام يوسف ...

<< عزا الرجاجيل

عمر يمسح على ظهر يوسف: لا تنزل راسك يوسف ارفعه .. انت مالك ذنب
يوسف: انت ما تدري شالسالفة .. قبل ما يموت طلبني آنا وما طلب احد غيري بس عشان يوصيني على اخته ... شفته جدام عيوني وهو يموت .. شفت روحه وهي تطلع .. منظر ما تمنيت اشوفه لأي شخص شفته .. ولشخص غاالي
عمر: انزين شلوون ماات .. شلوون ..!
يوسف: يقول الدكتور حادث سياارة .. ريم تقول آنا السبب .. الظاهر عرفوا منو اللي مصور الفيديو ولما راح محمد وهو معصب سوى حادث ودعم لأن هو ما عنده ليسن
عمر: الله يرحمه ... ترحموا عليه
يوسف: آآآآه .. الله يرحمه
عمر: آنا مو كاسر خاطري الا بدر شوف شكله شلون قاعد ماله خلق شي
يوسف: آنا اللي مو حيل مع محمد احس قلبي بيطلع من مكانه شلون بدر وهم كانوا ربع ودايما مع بعض .. شلون راح يتحمل يكمل حياته ورفيج دربه مو معااه .. لو انت صارلك شي لا سمح الله .. ما اظن اني بعيش من بعدك
عمر: انت ماتدري يااخووي الموت حق .. يمكن بأي لحظة نمووت ونترك الدنيا

 

[Absent Hope]

في بيت ريم..

الساعه: 3 فجرا

+*+*+*+*+*+*
*+*+*+*+
ألا يـا عـيـن هـلـي دمعك الصافي على الخدين
لـعـل الـدمـع يـا عـيـنـي يـزيـل الـهـم عـن بالي
سهير الطرف أهوجس والخلايق كلهم ممسين
أنـا واللـيـل وفـوادي ودمـع الـعـيـن هــمــالـي
*+*+*+*
+*+*+*+*+*

عالية فتحت عيونها وردت غمضتهم من الليت: ريووم لما الحينج قاعدة
ريم:.......
عالية وهي تعدل قعدتها: ليش ما تنامين ..!
ريم تمسح دموعها: قاعدة افكر
عالية: بشنوو..!
ريم: افكر بـ محمد .. مرتاح بقبره ولا لأ .. لما مات كان راضي علي ولا لأ
عالية: ريوووم.. حبيبتي .. ان شاء الله مرتاح .. واكييد كان راضي عليج آنا متأكدة محمد الله يرحمه قلبه ابيض ومستحيل يزعل عليج ..
ريم: آآآآه ما راح اسامح نفسي
عالية: لا تقولين جذي ما يصير .. يلا نامي .. وبعدين ما اعرف انام الا بظلمة
ريم وهي تطفي الابجورة: اوكي
عالية: تصبحين على خير
ريم: وانتي من اهله

في اليوم اللي بعده

روان: ريووم .. في وحدة تبيج تحت
ريم: مالي خلق على أحد
..... طق طق طق ...
........: السلام عليكم
ريم تطالع اللي جدامها: رواان طلعي وصكي الباب وراج
روان: اووكي
......: شدعوة ما تبين تسلمين .. المهم عظم الله اجرج
ريم وهي تقوم وتوقف جدامها: ما شاء الله عليج .. لج عين تيين العزا
.....: احنا قرايب ولازم اعزيكم في احزانكم واشارككم في افراحكم
ريم بهدوء: صج ما شاء الله تعرفين الاصول يا بنت الاصول.. شوفي قبل ما اطردج من البيت بقولج كلمتين .. اظنج استانستي بعد اللي صارلي وخصوصا بعد ما وزعتي البلوتوث انتي وشلتج الفاسدة نوال وحسنا .. آنا عارفة انج انتي اللي موزعته وعندي دليل .. بس بقولج شي .. ما راح اقول لأي شخص على اللي سويتيه .. مو من كثر محبتي لج .. لا لا .. ولا تفكرين لأنج اكثر انسانه كرهتها بـ حياتي.. بس اولا مابي اخرب على علاقة اختي مع ريلها .. وهذا انتي اللي تبينه .. بس آنا بعاندج وما راح اسوي اللي فـ بالج .. وثاني شي ... راح اخليج تكملين حياتج وآنا دعيت الله من كل قلبي وتعرفين دعوة المظلوم مستجااابة ... يعني اذا ما حصلتيها بالدنيا راح تحصلينها بالآخرة وعذابج راح يكون عسير.. وصدقيني سمعي هالكلمة مني ما راح تتهنين بحياتج لأنج ما راح تكملين ولا ضميرج راح يقدر يكمل معاج .. اذا عندج ضمير اصلاا .. بس تشوفين عاجلا ولا آجلا .. ضميرج راح يأنبج وما راح يخليج تنامين الليل .. وآنا بخليج انتي وضميرج وهذا بس راح يطير النوم بعيونج بدون ما اتدخل آنا ... والحين ( فتحت الباب ) تفضلي طلعي بره البيت ولا اشوف ويهج سااامعه يا السافلة مابي اشوف ويهج .. بـــــــــــره
مناير: هين يا ريم آنا تطرديني
ريم: وأطرد عشرة من اشكالج ... اذا شفتج معتبة باب بيتنا احش ريولج حش
مناير: مو ميتة عليج ولا على بيتج...
ريم: بــــــــــره ... جد ناس وقحة

+*+*+*+*+
*+*+*+
+*+*
*+*

 

[Absent Hope]

ودااارت ساعة الزمن ومشت مشت ... مرت الايام والشهور والسنين...

وبـــعــد مرووور (( 3 )) سنين ...

*+*
+*+*
*+*+*
+*+*+*+*+*

في شقة وسمية...

وسمية: سلـــوى .. شيلي رئوودي .. ذبحني قاعد ويشوت فـ بطني
سلوى: خليه يا حلاته ... وبعد كااهو راشد الصغير يشوت فـ كرشتج بعد
وسمية: فدييته رشوودي وليدي كيفه خليه يشوت اخته على راحته
سلوى: ضامنة اللي فـ بطنج بنت
وسمية: فضحت نفسي ... ههه سويت سونار طلعت بنووتة
سلوى: وناااسة من زمان ما صار عندنا بنوتة صغيرة
أحمد وهو داش الشقة: وسموو .. وين الكرة اللي اشتريتها امس
وسمية: شتبي فيها .. تبي تكسر الشقة ..!
أحمد: لا بنلعب آنا وخلووف بحوش العمارة
وسمية: تلقاها تحت السرير بس اسمع .. مو تكسرون درايش السيارات اعرفكم عادتكم هذي
أحمد: يوووو ما راح نكسر ما راح نكسر
وسمية: انزين عفية
سلوى وهي تعطيها الصحن: سويتلج اللي تبينه أول مرة اشوف احد يتوحم بحبوب رقي هههه حمدلله والشكر
وسمية: لا تعيبين .. على الاقل اهون من حملي اللي طاف تذكرين بشنو توحمت ..!
سلوى: ههههه اي اذكر ... بيض ني ..ههههه ياااو شلون تاكلينه وهو سائل جذي
وسمية: بس والله كان طعمه لذيذ
سلوى: انزين اقولج وين الشباب ما شوف احد
وسمية: عمر راح مع راشد يتمشون .. وفهد بالدوام ..!
سلوى: قلتي لعمر يشتري رقي .. ترى خلص اللي عندنا
وسمية: لا ما قلتله
سلوى: يووو قوليله ... ههه تونسين انتي تاكلين الحبوب وتنظفين لنا الرقية واحنا ناكلها ع الجاهز
وسمية: اقوول رووحي اتصلي على عمر قوليله لا ينسى الرقي

 

[Absent Hope]

في بيت ريم ...

ريم: يووسف .. !
يوسف: يا عيوون يوسف ... قولي شتبين طلباتج اوامر
ريم: خلاص لا تيي مرة ثانية البيت
يوسف: افاا لييش ..!
ريم: يعني مو معقولة عرسنا بعد اسبوعين وانت لازق
يوسف: اوووف تعجبني طرداتج .. بس ما راح اتحرك من مكاني
منى وهي تدخل الصالة: ريووم في بنت تبيج بالصالة الثانية ..
ريم: منوو..!
منى: والله ما ادري .. اول مرة اشوفها
ريم: اوكي الحين رايحة .. هاا يسووف
يوسف: روحي بعدين ارجعي
ريم: سفسف
يوسف: ياا ربي .. هاا بطلع الحين صج انج ...
ريم: اني شنوو.!
يوسف يغمزلها: عــــســــــل
ريم: ههه .. يلا روح مع السلامة
يوسف: مع السلامة حياتي ديري بالج على نفسج
ريم: من عيوني وانت بعد دير بالك على نفسك
.... في الصالة الثانية ....
ريم: السلام عليكم
البنت: وعليكم السلام
[ كانت البنت قاعدة ومتغطية بالكامل مو مبين منها شي بس منزلة نقابها طبعا ]
ريم: منو انتي ..!
البنت ترفع راسها: شلوونج ريم..!
ريم: بخير الحمدلله
البنت: ما عرفتيني ..!
ريم: لا والله ما عرفتج
البنت: آنا حسنااا
ريم تتذكر منو حسناا بعدين استوعبت: حسناا ... منو ... اهاااا حسناااا
حسنا: كنت ياية اباركلج زواجج .. واستسمح منج
ريم تخزها مصدومة من شكلها:.....
حسنا: ادري انج مستغربة .. بس الله هداني .. بعد سالفتج وبعد ما تعاونت مع مناير ووزعنا البلوتوث ... صرت طول الايام احس بضيقة .. ما تفارقني .. وكنت دايما اشوفج بمناماتي .. لما مرة من المرات حلمت ان ملك الموت ياخذ روحي ومن بعدها التزمت ورحت لنوال وقلتلها اقنعتها وبعد مده التزمت هي وتغطت بعد وسافرنا عمرنا اكثر من مرة وحجينا مرة والحمدلله
ريم: الحمدلله ... ومناير..!
حسنا: ظلت تمشي بطريج الظلام .. لما الحين نحاول نهديها بس مو رادة علينا .. وان شاء الله ما راح نوقف زياراتها ولا نقطعها لما الله يهديها ..
ريم: الله يهديها
حسنا: الحين اخليج .. والله يوفقج بحياتج .. ريلي ينطرني بره
ريم: تزوجتي...!
حسنا: الحمدلله ... واحد ملتزم خطبني من اخوي عمر وتزوجت
ريم: الف مبرووك
حسنا: الله يبارك فيج.. وآسفة ع الازعاج
ريم: لا بالعكس
حسنا: مع السلامة
ريم: مع السلامة

+*+*+*+*+*+*+
*+*+*+*+*+*+
+*+*+*+

 

[Absent Hope]

[ طلعت نورة من مبنى السجن وهي مبتسمة وتهز راسها ... راحت ركبت سيارتها وتوجهت لمكان ثاني .. راحت دار المسنين .. بعد فترة طلعت من الدار وهي حاسة بنشوة الانتصار صج ظلت سنين بس بالأخير سوت اللي براسها .. ركبت سيارتها وراحت هالمرة للمطااار ... تستقبل طيارة نوال اللي جاية من الامارات ]

+*+*+*
*+*+*+*+*
+*+*+*+*+*

في بيت ام يوسف...

[ عالية تكلم تلفووون ]
عالية: صج .. يا بعد عمري والله .. مشتاااقتلك يا حتااتي... اي اكيد شلون ما اشتاقلك.. يا قلبي .. يوصل .. مع السلامة
ام يوسف وهي داخلة البيت: السلام عليكم
عالية: وعليكم السلام.. راحت عليج يا ام يوسف
ام يوسف: لا لا يكون اتصل
عالية: ههه توني مسكرة منه
ام يوسف: شلوونه..!
عالية: فديييته توأمي والله ... يقول ان راجع الاسبوع الياي من السفر
ام يوسف: صج .. الحمدلله يا ربي .. والله مشتاقيله من زمان مو شايفينه
عالية: اي والله .. سافر يدرس وما بين بعدها
ام يوسف: بس طولها صح..!
عالية: يقول باقي سنة ويتخرج .. بس الحين بيرجع لعيون يوسف
ام يوسف: الله يوفقه ياا رب .. الا تعالي وين نوييره..!
عالية: ما ادري قالت بطلع عندي شغلة ضرورية وما رجعت
ام يوسف: والله هالبنت من اخذت الليسن وهي مستخفة

+*+*+*+*

 

[Absent Hope]

في شقة وسمية ...

عمر: وسوووم .. ما تبين رقي .!
وسمية: لا حبيبي كاافي الحب
راشد: ههههههههههه
وسمية: عموور .. شوف راشد
عمر: رااشد .. حدك على مرتي
راشد: هذي مره بالله عليك هههههه
فهد: ههههه عمر شوف رائد شلون يطق راشد
عمر: اووه شكلهم استقوو على ولدي شافوه صغيرون ونتفة قالوا نكفخه
سلوى: لا لا تخاف مافي احد شيطان اكثر من ولدك .. لما تروحون يقوم يكفخ برائد
عمر: اي عفيه هذا الولد السنع هههه
.... طن طن ..طن .. طن << الجرس ...
راشد وهو يقوم: اكيد واحد من الجيران يشتكي على حمادة وخلوف كسروا سيارته هههههه
[ فتح الباب ولا واقفة عند الباب تطالعه وتبتسم .. أول ما شافها فتح حلجه من الصدمة .. ظلت تطالعه وهي مبتسمة .. ]
نوال: ممكن ادخل ولا ما تستقبلون ضيوف..!
راشد فتح الباب اكثر يعني ادخلي:...
[ نوال دخلت داخل .. وظلت تطالعهم وكلهم وققوا مستغربين منصدمين مستانسين .. شنو شعورهم بالضبط ما يدرون .. بس نوال توجهت عيونها على طول صوب عمر واقف عند وسمية اللي بطنها منتفخ .. مشت بسرعه وحضنت عمر .. حضنته بقووة ... أقوى ما عندها .. تبي تعوض سنين الحرمان اللي عاشتهم بدونه وبدون اهلها كلهم .. ظلت حاضنته وهو متجمد ما توقعها بهالجرأة انها حاضنته لا وزوجته واقفة تتفرج .. ما تنلام ما تدري انها زوجته ]
نوال وهي مبتسمة: شلوونك عمر .. مشتاقتلك يا خوووي ..!
... يا خووي .. يا خووي .. الكلمة ظلت تتردد باذن عمر مو عارف شالسالفة .. يااخوووي ..
[ نوال اتجهت صوب وسمية وحضنتها ووسمية من كثر شوقها قامت تبجي ما توقعت تشوف نوال بعد هالسنين لا وحليانة اكثر ... سلمت عليهم نوال كلهم ]
نوال فيها الضحكة على اشكالهم: شفـــيــكم .. وجهي فيه شي نظراتكم غريبة.. اهاا يمكن تبوني اطلع .. حاضر الحين طالعه..!
وسمية جرتها: لا شدعووة يا قلبي .. اقعدي.. راشد سكر الباب
... راحت نوال وقعدت بين عمر ووسمية وحاضنتهم اثنينهم .. الكل تعجب !!!!
نوال: وسووم .. شلوون النونو اللي فـ بطنج ..!
وسمية: شدراااج..!
نوال: هههه شنو عميه ما اشوف بطنج شكبرها
وسمية: نوااالي انت وين كنتي .. وين رحتي .. شلون عرفتي مكاننا ..!
نوال ابتسمت بهدوء: اوووف تصدقين القصة طويلة وما فكرت اختصرها
وسمية: قولي .. الله يخليج فهمينا .. دورنا عليج وما حصلناج وين كنتي ..!
نوال: خلاص راح اقولكم بالتفصيل.. أول يوم رحت فيه اممم اي صح تذكرت كان عمي جراح ... لا ما اقدر اقول عمي .. هه كان ابو عامر .. ماخذني من البيت بقوة طلعني وجرني بره وهو يطقني .. خفت بوقتها حييل لا يقطني بالشارع .. بس الحمدلله طلع اطيب من تفكيري .. سوى شي زين على الاقل راح وقطني عند جدي بدار المسنين .. هههه شكيت بعمري قلت يمكن عجزت .. هه بس لا هو كان يبي يفتك مني وقطني عند جدي .. جدي لما شافني حسيته فرح زعل ما ادري شنو بالضبط.. بس حسيت انه يبي يقولي شي وصج قالي السالفة ...

+*+*+*+*+*+*+*+
ابو جراح: آآآه يا بنتي سالفة طوييلة .. بس لازم اقولج لأنها وصية جدتج ام جراح الله يرحمها وانا ما عرفت بالوصية الا بعد ما رحتي عند جراح .. وخفت اقولج وانتي عنده يعرف بالسالفة ويسويلج مصيبة .. مصيبة يمكن توصل لقتلج.
نوال: اووف قتلي مرة وحدة
ابو جراح: ما تنلامين ما تعرفين السالفة..!
نوال: انزين قول جدي شالسالفة
ابو جراح: ماني عارف شلون ابدا الكلام .. بس ابيج تتقبلين اللي اقوله .. وتفهمين عدل كل كلمة
نوال: ان شاء الله
ابو جراح: انتي تدرين ان امج اماراتية واسمها علياء
نوال: اي ادري
ابو جراح: بس اللي ما تعرفينه ابووج .. سامحينا احنا حاولنا نخبي عنج طول السنين حقيقة ابووج .. مو على شي بس خايفين عليج وعلى حياتج.. ابوج يا نوال مو اسمه فيصل لاا .. فيصل هذا عمج
نوال بصدمه: عمي..!
ابو جراح: اي نعم عمج .. ابوج الحقيقي هو جرااح
نوال: مو معقولة شلوون مستحيل .. اوراقي كلها
ابو جراح: اوراقج هذي احنا زورناها
نوال: جدي انت تتكلم من صجك تزورون اوراقي لييش.. ليش ما خليتوني اعرف حقيقة ابوي..!
ابو جراح: ابوج اللي هو جراح .. كان متزوج من علياء اللي هي امج وهي مثل ما تعرفين اماراتية .. تزوجها فترة بالسر محد كان يعرف بس انا وجدتج .. لانه كان متزوج وحدة ثانية اللي عيالها عيال جراح الباقيين كلهم
نوال: يعني ... عمر .. وخلووف اخواني
ابو جراح: اي نعم اخوانج وكلهم حسنا وفجر ومساعد وسعد وعامر .. كلهم اخوانج
نوال: جدي مو حرام عليكم عندي اخوان وعندي ام وابو وانتوا معيشيني طول عمري يتيمة
ابو جراح: مو انتي ما تعرفين شصاار ... ابوج شارط على امج ما تحمل ولا تجيب عيال .. ولما حملت فيج وقالتله انها حامل عصب وقام يطقها عشان ينزل اللي فـ بطنها بس هي رفضت لما آخر شي اقنعته انها تسافر وتسوي عملية وطبعا هي ما كانت بتسويها صج بس جذي جدامه.. وهذا اللي صار سافرت بروحها بس ما جهضت وردت قالت انها سوت العملية ونجحت .. وعلى طول ابوج جراح طلقها .. هني هي لجأت لنا وقالتلنا .. خليناها عندنا لما وقت الولادة وبهالفترة كان عمج فيصل مسافر الامارات يدرس هناك.. ولما ولدتج امج .. عرف ابوج انها ولدت بس ما عرف انها بالكويت لا كان يظن انها بالامارات وعصب اتصل عليها وهددها ان اذا شافج وعرف انج انتي بنته راح يذبحج على طول بدون تردد .. امج خافت وقررت انها ترجع الامارات واحنا ما رضينا عليج الا تظلين عندنا وظليتي بعدها توفى عمج طاحت الطيارة وهو جاي الكويت .. احنا سجلناج باسمه لأن كنتي صغيرة كم يوم عمرج بس .. ونشرنا الخبر ان فيصل كان متزوج من اماراتية وطاحت فيهم الطيارة بس انتي عشتي.. وهذا المعروف .. بس بـ الواقع ان عمج لا متزوج ولا انتي بنته
نوال: شلووون تسوون فيني جذي .. وشلون جراح او ههه ابوي جراح .. كان بيزوجني اخوي وانت ساكت
ابو جراح: انا ما توقعت من صجه بيزوجج وكنت بقوله بس ما قدرت خفت عليج خفت يذبحج.. لأنه يسويها
نوال: انزين الحين شالحل ... شسوي .. اظل قاعدة عندك هني بالدار
ابو جراح: لاا يا نوال تروحين عند امج
نوال: امــــي ... الله شكثر تمنيت اسمع هالكلمة .. بس شلون اروح عندها ما اعرف مكانها
ابو جراح: جدتج الله يرحمها تعرف بكل شي عن امج .. تصدقين ما قالتلي ولا شي .. مع انها طلعت تعرف علياء من زمان وما قطعت علاقتها فيها ومن فترة لفترة تتصل عليها .. كاتبة كل شي بالوصية
نوال: جـــدي .. يعني انت الحين جدي صج.!
ابو جراح ابتسم: اي يا بنتي انا جدج مو زوج جدتج مثل ما قلت .. كنت بقولج السالفة الاصلية بوقتها بس خفت على ردة فعلج وخفت عليج من ابوج .. عشان جذي قلتلج سالفة ثانية
نوال تحضن جدها: الحمدلله اهم شي طلعت جدي الحمدلله

+*+*+*+
*+*+*+*+
+*+*+*+*+*+

نوال: ورحت للامارات عشت عند امي وزوج امي واخواني الصغار
عمر حضن نوال وابتسم: يا بعد عمري .. طلعتي اختي وآنا ما ادري
نوال: شفتوا شلون عندي اخوان وخوات وابو وام .. ماني مصدقة
وسمية: انزين شلون عرفتي مكاننا شلون رجعتي.!
نوال: هههه يا حليلها والله ... نورة هي دلتني على مكانكم
عمر: نووورة اخت يووسف
نوال: اي نورة
عمر: شوف شلون سوت اللي براسها من سنين من اول ما اختفيتي وهي حالفة الا تلقاج بنفسها وسوت اللي تبيه.. بس شلوون..!
نوال: تقول راحت لعمي .. اقصد ابوي بالسجن وقالها ان خلاني عند جدي وما يعرف عني شي .. راحت عند جدي وقالها كل الموضوع وعطاها الرقم واتصلت علي وكلمتني
عمر: يعني تدرين ان ابوي بالسجن
نوال ابتسمت وهزت راسها: كل شي صار طول هالسنين عرفته بالتفصيل الممل.. كل شي .. الا صج قبل شوي شفت اثنين يلعبون تحت وكاسرين دريشة سيارة شبهت عليهم مو خلووف وحمادة
الكل: هههههههههههه
نوال: شفيكم..!
فهد: عادتهم .. ردوا لها يلعبون تحت ويكسرون الدرايش واحنا ندفع
نوال: يا حليلهم متغيرين والله
[ راشد طوول الوقت يطالع نوال ومبتسم قلبه يرقص من داخل .. هي تسولف وهو يدقق بملامحها ويشوف حركاتها شلون تقولهم السالفة ]
عمر: هههههههه ... ما عليج منه .. ما عنده سالفة غيرج
نوال لفت على راشد وابتسمت:.......

 

[Absent Hope]

في بيت ام يوسف...

نورة: علووي
عالية: هلااا
نورة: ما صارت متى تقولين وصيتج
عالية: نورو تدرين شنو اكثر شي ندمت عليه..!
نورة: ادري انج قلتيلي بس صدقيني بعد اليوم ما راح تندمين
عالية: نعم ... شقصدج..!
نورة راحت للباب وفتحته: حياااك يا الشيخ
.......: احم احم
.... عالية كانت ماسكة قلاص ماي ومن خرعتها طاح القلاص وانكسر ...
.......: انكسر الشر علووية
عالية وعيونها مليانة دمووع: عـبد العــزيـــز
عبد العزيز: يا الخايسة صرت شكبري ناديني عمي عبد العزيـ..
.... ما كمل جملته الا وعالية راكضة صوبه وحاضنته ...
عبدالعزيز: هههههه يا حلوج يا علووي كبرانة وجكرانه
عالية رفعت راسها: عـــمـــي
عبدالعزيز: هههههه لا تزعلين وحليانة ... يا بعد عمج والله مشتاقلج يا العووبه
عالية مو قادرة تعبر بس وسيلتها الوحيدة الدموع:......
عبد العزيز: هاا شحاالج .. ان شاء الله تماام ..!
... عالية ما تدري شتسوي تركته وتناقز وحضنت نورة من فرحتها مو مصدقة اللي تشوفه ...
عبدالعزيز: مااالت حتى مااالت رحت كم سنة رديت بنت اخوي منهبلة ههههه
..........: عــبـــد الـــعـــزيــــز
..... التفتوا كلهم ع الصوت اللي مليان شوق والا ابو يوسف واقف وفتح ايدينه بيحضن اخووه ...
عبدالعزيز راح وحضنه من قلب: شلوونك يااخووي
ابو يوسف: بخيير ربي يسلمك.. انت شلونك .. شلون صحتك .. شمسوي بدنياك
عبدالعزيزبصوت متردد: اممم ماكو عايش مع زوجتي مستانسين
ابو يوسف وهو يحضنه: وينهااا .. خلنا نشوفها ونسلم عليها ..!
عبدالعزيز يطالع اخوه منصدم: يعني رااضي
ابو يوسف: وشلوون ما ارضى وانا فقدتك طول هالسنين ما استحمل افقدك اكثر
عالية: عمـــي .. شلون عليا والامارات.!
عبدالعزيز: ههه يسلمون عليج
نورة: تدرين عاليو منو عليوو
عبدالعزيز: يا بنت احترمي زوجتي وسميها عدل
عالية: منوو..!
نورة: عليا ام نوال .. رفيجة ريم .. نواال نواال
عالية شهقت: نواااال ما غيرها
نورة: ما غيرها .. وآنا لما تعيبون علي المحقق كونان شوفوا شسويت رديت نوال ورديت عمي لديرتهم
عالية ابتسمت وحضنت نورة: يااا بعد عمـــري

+*+*+*+*

تذكرون السالفة اللي تهاوشوا عليها عبد العزيز واخوه ... كانت عن الزواج .. كان عبدالعزيز يحب عليا ويبي يتزوجها بعد ما شافها بالامارات .. ابو يوسف رفض .. اولا انها مطلقة وبعد لأنها مو كويتية والسبب الاخير فرق العمر بينهم عبد العزيز كان صغير وهي كبيرة ... بس عبدالعزيز ما رضا وما سمع كلام اخووه .. لان مستحيل يتخلى عن حبه بسهولة .. وطلع من البيت وراح الامارات تزوجها واستقر هنااك

+*+*+*+

 

[Absent Hope]

بعد يوم ...

في مستشفى الامراض السارية ...

+*+*+*+
تدري وش أقسى جرح في قلب الانسان
وألعن مفاهيم الجفا والاهانة
انك تثق بــ انسان من أزمان
ويجازي سنين الغلا بالخيانة
+*+*+*+*


[ نوال ووسمية وريم يمشون فـ ممرات المستشفى مستعجلين يدورون غرفة معينة .. لقوها وطلوا من الدريشة ع اللي قاعدة داخل .. ضعفاانة وشفايفها بيضا ووجهها شاحب .. قاعدة ماسكة المصحف وتقرا القرآن ]

نوال وهي تبجي: هذي هدى ... مستحيل .. هدى يصيرلها كل هذا .. وينكم عنها ليش خليتوها تضيع ليش .!
ريم: نوال الله يهداج احنا ما ندري عنها وهي مقاطعتنا ومغيرة تلفوناتها من سنين
وسمية: يا بعد عمري .. ما تستاهل
..... انتبهت هدى بحركة ولما لفت شافتهم واقفين رفيجات عمرها واقفين ويبجون على حالتها ابتسمت لهم ابتسامة حزينة وقامت تكلمهم من الدريشة...

وسمية: هدى ... يا قلبي .. شلوونج .. متى .. متى حاشج المرض شلون انتقل لدمج ..!
هدى وهي تمسح ع الجامة: شلونكم انتوا ... نوال شلونج متى رديتي .!
نوال وهي تبجي: امس رجعت واول ما سمعت عنج على طول جيت المستشفى
ريم: هدى حبيبتي الله يخليج قولي السالفة شصارلج .. شلون صار معاج الايدز
هدى: آآآآه شقولكم .. بعد ما تطلقوا امي وابوي .. وصرت مع لولوة 24 ساعه ما اتركها .. ضيعتني خلتني ادمن اول شي الحبوب بعدين ابر هيروين
البنات شهقوا:...
وسمية: شلون تسمحين لها تضيعج ..!
هدى: وسمية عشان خاطري اللي فيني مكفيني مو ناقصة
وسمية: آسفة والله ما قصدت اضايقج
ريم: اي وبعدين
هدى: مرة من المرات كنت متهاوشة مع امي فـ البيت ورحت المدرسة وانا معصبة وبالمدرسة صدع راسي وجتني الحالة احتجت للابرة ... ودتني مكان مهجور بالمدرسة وطلعتلي ابرة وحدة اللي كانت معاها واخذتها والظاهر مستعملينها 10 غيري.. ومرت كم سنة .. لما حسيت وزني ينقص .. وحرارتي ترتفع من فترة لفترة وبعدين طلعوا حبوب بـ كل جسمي .. ولما حللت طلع فيني الايدز آآآآه ... حساافة ع العمر اللي ضيعته حساافة .. الله يسامحني ويكفر لي كل ذنوبي والله يسامح امي وابوي
وسمية: بس شنوو مصلحتها هالزفت .. ليش خلتج تدمنين شنو مستفيدة ..!
هدى: شفتوا لولوة هذي تدرون منو مسلطها علي ..!
نوال: مسلطها ..! يعني اكيد متعمدة تخليج تدمنين
هدى: اي اكيد متعمدة
نوال: انزين منوو..!
هدى بضحكة استهزاء: هه حرم ابوي المصوون
ريم: امبــــي من صجج ... مرت ابوج سوت فيج كل هذا
هدى هزت راسها: اي سوت فيني كل هذا
نوال: شلون عرفتي...!
هدى: من نظرات الاستحقار والفرحة اللي بعيونها لما جت المستشفى مع ابوي .. ومن التشابه في الاسامي طلعت تصيرلها لولوة بنت اخوها
وسمية: الحقيرة لها عين تجي المستشفى
هدى ودمعه تحوس بعينها: وكلت امري لله ... راح ياخذ حقي منهم .. انا غلطانة وثقت بأشخاص ما ينوثق فيهم
وسمية: انتي ضايقتج الدنيا ورحتي ركضتي ورا لولوة
هدى وهي تبجي: مو بس لولوة يا ليت بس لولوة
ريم: منوو بعد..!
هدى: آآآآه لولوة ... وابلة ايمان..
الكل باستغراب: ابلة ايمااان
نوال: شكوو ابلة ايمان..!
هدى تضحك باستهزاء مع دموع: هه ابلة ايمان .. زوجة ابوي المصوونة
..... الصدمة كانت الجو الطاغي عليهم كلهم . مو معقولة ابلة ايمان .. صديقة هدى الصدوق كاتمة اسرارها .. حبيبتها .. امها .. ابوها .. ابلة ايمان تسوي كل هذا ..
ريم وهي تبجي << ذاقت طعم الخيانة المرة من مناير: نــذلــة ... لا تبجين ما تستاهل دموعج حقيرة
وسمية مصدومة: انزين قولي لابوج عن حقيقتها سوي شي
هدى: حاولت اقوله بس ما يصدقني .. شلون يصدقني انا المدمنة ويكذب زوجته العزيزة
نوال: والحين شبتسوين..!
هدى ابتسمت على سؤال نوال: شنو شبسوي .. اللي مثلي له الحق انه يفكر شيسوي .. ما افكر الا بشي واحد بالوقت الحالي .. اني استعد واجهز نفسي لدار الآخرة ..
وسمية: بسم الله عليج
هدى: خلاص اللي مثل حالتي ميئووس مننا .. احنا نقعد بـ انتظار الموت وبس