بدور (الحب الحقيقي)

[زينة الأب]

هاي بنات توني داخلةالبيت رحت أزور أبلاتي اليوم و أسلم عليهمو انشالله اليوم أنزل لكم بارتين. الأول الحين بنزلة و أخليكم تقرونة على ما أكتب بارتات زيادة. ثوانيبس و تلقونة موجود

 

[زينة الأب]

الجزء التاسع
خلونا نتعرف على شيماء شوي لأنها شخصية يديدة وانشالله تحبونها لانها تونس
شيماء عمرها 23 متخرجة من كلية علوم إدارية تشتغل في شركة أبو جاسم لأن جاسم اهوة الي ضبط لها كل شي واهية المسؤولة عن مراقبة الأرباح و الاحصائيات.
شيماء طويلة و ضعيفة، بيضة حيل لدرجة ان جاسم كلة يناديها سنو وايت (snow white) شفايفها كبارووردية، و شعرها أسود طويل وناعم (بالضبط مواصفات سنو وايت) اهية و خوات جاسم رفيجات حيل ( ريم و رغد الي تعرفنا عليهم قبل شوي) و كانوا يدرون انها تحب جاسم و ان جاسم يحبها و بما انهم بنات مراهقات كلة يتخيلون ان شيماء أميرة و جاسم فارس أحلامها بييلها يوم من الأيمام و يخطفها هههههه
ما قدرت تنام شيماء عقب ما قعدها جاسم فقامت و غسلت و نزلت عند امها
شيماء: صباااااااح الخير
أم أحمد بعصبية: قصدج مساء الخير الحين الساعة 5 و انتي توج تقعدين!! ما نشوفج ما تسئلين عن أمج المسكينة الي قاعدة بروحها
اخو شيماء أحمد كان قاعد يم أمة
أحمد: لا والله وانا شنو؟ مو تارس عينج؟
أم أحمد: هههههه لا بعد عمري وليدي بس أنت الي تونسني بهالبيت.
شيماء تطلع لسانها لأحمد و تساسرة بصوت عالي عشان أمها تسمع: أصلا بس جذي تقص عليك عشان ما تبجي علينا
أحمد عمرة 24 و يحب اختة وايد و كلة يطفرون بعض
أحمد: أصلا حبيبتي امي تحبني انا اكثر شي، مو صح يما؟
أم أحمد: أحمــ
شيماء تقاطعها: لا يا عيوني انا امي تحبني انا أكثر شي
و دخل بو أحمد على هالكلام
بو أحمد: أصلا امكم تحبني انا أكثر وحدة مو صح يا أم أحمد
أم أحمد خدودها حمرت و ظلت ساكتة
شيماء و أحمد: اوب اوب
بو أحمد: السكوت علامة الرضا ( و باس أم أحمد على راسها و طلع)
أم أحمد طالعت شيماء و أحمد: ولا كلمة
شيماء أشرت على حلجها و سوت نفسها تسكرة مثل السحاب
أحمد: ههههه، هي انتي وين رايحة؟
شيماء: بروح السوق
أحمد: و منو الي سمح انج تطلعين
شيماء بدلع: يمة شوفي اهيء اهيء
أم أحمد: يمة أحمد مالك شغل فيها خل البنية تستانس
شيماء طلعت لسانها و طلعت بسرعة
أحمد: يمة هالبنت كلة هايتة ما ندري وين تروح ووين تيي
أم أحمد: خلص يا أحمد مالك شغل
قعد أحمد يطالع تلفزيون واهوة مبوز.


نرد الشاليه عند سارة و بدور و ريم و رغد
سارة: بدور شوفي البحر يشوق ودي أتسبح
بدور: من صجج!! برد!
سارة: هههه أدري بس يشوق
ريم: امي قالتلي اقول حق جسوم يشبون الفحم حق الشوي، امشو معاي
بدور: لا أستحي!
رغد: يلا عاد عشان نطفر الصبيان هههههه
سارة: واي عليج شريرة
رغد: شسوي أحب أطفرهم
ريم: اي و تبي تشوف حبيب القلب
رغد استحت و زفت اختها
بدور: ههههه منووو؟ و ليش خاشين علي
ريم: حمود اخوج!!!
بدور انصدمت: محمد اخوي أنا؟؟
سارة حست بغيرة مو طبيعية! تحب محمد!! شلون تحبة.... لا ما أصدق
سارة بقلبها: امبيه شفيني أنا خل تحبة مو معناتة اني انا احبة يعني بس اهوة ملكي! اهوة ولد خالتها بعد و انا بس رفيجة اختة مالي اي حق اني اعصب ( عيونها قامت تدمع )
بدور بسرعة طالعت سارة و شافت انها قاعدة تلعب بالرمل مو منتبهة
ريم: يلا مشينا
و راحو كل البنات عند الرياييل
رغد: السلام عليكم
محمد ما رفع عينة عن تلفونة، خالد كان لاهي مع يوسف قرقة و جاسم سرحان
رغد طالعت بدور.... كانت مرفعة حاجبها ياستغراب
رغد بصوت يبط الأذون: الــــســـــلــــــــــام عـــــــــلــــــيــــكــــم
محمد نقز من مكانة و رفع عينة لعند بنت خالتة
جاسم: رغدو ما تستحين
رغد: مو انتو ما رديتو السلام أول مرة و ليلحينكم ما رديتو علي، ترة السلام لله
كلهم بنفسية: و عليكم السلام
محمد أول ما شاف سارة ابتسم
سارة ردتلة الابتسامة بس مو من قلب
محمد يفكر: شفيها زعلانة
رغد واهية تطالع محمد: شلونكم شباب؟
محمد طالع رغد: الحمدالله ( و وجه انتباهة لتلفونة مرة ثانية)
رغد بقلبها: اف ما يعطي ويه
جاسم: خير شتبون؟
ريم: امي تقول شبو الفحم حق الشوي
خالد و محمد قاموا
خالد: خلك جاسم احنة نشبة
جاسم: اي والله صج مالي خلق
راحو خالد و محمد مع البنات
يوسف: هييي نطروني بيي معاكم
يوسف كان يبي يعرف منو هالبنت الي معاهم ( سارة)
محمد: بدور روحي ييبي الفحم
بدور: اف كلة انا كلة انا اهيء
خالد انا ايي معاج بس لا تتحلطمين ههههه
محمد: يلا بلا دلع و ييبي خلصينة
راحت بدور واهية مبوزة
رغد كانت تبي تقعد مع محمد بروحهم فقامت تحاول تصرف الي معاهم
رغد: ريم روحي يبي جبريت و اخذي سارة معاج ( واغمزت لاختها)
سارة فهمت قصد رغد و تنرفزت صج ما تستحي
ريم: يلا سارة امشي معاي
يوسف بقلبة: أها اسمها سارة، يا حلات الأسماي
يوسف: تبوني أساعدكم بشي
ريم: اي والله يا ريت محتاجين واحد طويل يطول الكبت ( ريم كانت قاصدة تحرجة على طولة)
ابتسم يوسف ابتسامة باردة قعد يفكر: يا كرهج يا ريم من يوم كنا صغار وانا ما اتحملج
سارة انصدمت من اسلوب ريم
يوسف بلا مو بالاة: اوكي
راحو اييبون الجبريت من الكبت الي بالشاليه
رغد: اخيرا احنة بروحنا اقدر اجذب انتباهة
رغد لمحمد: شلون الدراسة معاك يا محمد؟
محمد: تمام هذا اخر كورس لي
رغد: و تصير المهندس محمد
محمد ابتسم و رغد حست ان الأرض ما تشيلها
محمد قعد يطالع الرمل و يلعب في بايدة
رغد: يمة شحلاتة والله أحبة، بس اهوة ولا يحس
شعر رغد الطويل قعد يتحرك بالهوا و لفت انتباه محمد
أول ما رفع عيونة لويها حس انة ما يعرف هالبنت الي جدامة، صج انهم أهل بس مو وايد مع بنات خالتة
و تذكر فجأة سارة، قبل شوي كانت متضايقة، لا يكون رغد مزعلتها.... جاسم كلة يقول ان خواتة مليقين و ما يثمنون كلامهم، تضايق محمد من نظراتها، شفيها هذي بس تخز...
بدور و خالد ردو
بدور: هاك خليتني أشيل الفحم بروحي حسبيالله على بليسك
خالد يتكلم غصب من ثقل الفحم: عن العيارة..... انا...(و يسحب الجيس) الي شلتة....(و يسحب مرة ثانية) وانتي بس قعدتي تأففين على ولا شي....( و قط الجيس صوب محمد)
محمد مات من الضحك: مو هذي حركاتها بس تقص علينا تخلينا احنة نشتغل واهية ما تتحرك، يبيلج رياضة شوي يالبطة...
خالد: الظاهر من المطاعم الي تاكلهم لا و كلة سوبر سايز...
قعدو يضحكون خالد و محمد
بدور انقهرت و مشت عنهم بعصبية
محمد: اوهوو خلود الحين زعلتها شيراضيها
خالد اخترع انا شسويت فشلتها جدام بنات خالتها: امبيه اخاف صج زعلت
محمد: اووو بالطقاق ، وين سارة ما ردت مع الجبريت
بنفس اللحظة محمد شافها متسندة على ريم و يوسف يمها ماسمها من بعيد، و عصب.... شحقة ماسكها هذا!... وهذي كل ما راحت مكان صار فيها شي
حس محمد بالذنب و راح لها بسرعة
محمد بخوف:شفيكم!!
سارة ضحكت: انا الظاهر ام المصايب، وأنا نازلة من الدري زلقت وريلي انعكفت بس اشوة يوسف كان موجود صادني قبل لا أطيح
ابتسم يوسف، كان مفتخر بنفسة
ريم: شدعوة يبا لو ما كان موجود جان صدتج ما سوة شي كبير يعني...
ما تعرف تسكت هالبنت؟ تنرفز يوسف و سكت...

شبو الفحم و قعدو يشوون همبرجر و ذرة حق العشا
خالد يتكلم بالتلفون: اوكي حياك، بس بسرعة عشان تلحق على العشا، يلا مع السلامة
محمد: منو بيي؟
خالد: ناصر اخوي
محمد متعجب، ناصر من توفت مرتة ما يطلع
خالد حس بمحمد: انا بعد مستغرب، بس الظاهر امي مكلمتة
البنات كانوا قاعدين مع الشباب و مسوين دائرة حول الفحم لأن بدا الجو يبرد
بدور: ها سارة شلون ريلج الحين
سارة كانت حاطة ثلج على ريلها: احسن شوي خف العوار
ريم و رغد: ما تشوفين شر
سارة وايد متضايقة من رغد و نظراتهة لمحمد، يا ربي ما تستحي أشكرة جذي تخزة
سارة كلمت نفسها بصوت واطي: محمد ولا يحس فيها؟
بدور سمعتها: يحس بمنو؟
سارة: لا ولا أحد بس.... رغد وايد تخزة
أخيرا طلع الغيرة، فديتها رفيجتي عاشقة
بدور: لا تخافين اخوي تكانة ما يعطي ويه
ارتاحت سارة شوي، صح كلام بدور محمد ما يعطي ويه... مؤدب
محمد رفع عيونة من الفحم و عينة طاحت بعين سارة و ابتسم
سارة ابتسمت من كل قلبها
رغد شافت الي صار وانقهرت، شتبي هذي... و محمد من مساع يبتسم لها وانا المسكينة من مساع احاول معا ولا معبرني
قعدت رغد تأفئف
ريم الي كانت مراقبة الوضع ساسرت أختها: لا تخافين انتي أحلى منها...
وصل ناصر الشاليه و سلم على الكل قعد مع القروب
ناصر: السلام عليكم
الكل: و عليكم السلام
محمد: هلااااااا بو بدر منزمااااااان مو شايفينك
ناصر ابتسم: بعد تعرف يا محمد شغل و حوسة
خالد: هلا بأخوي زين ييت
ناصر: اي تعرف حنة امي ما أتحملها
خالد: حاس فيك و يغمز حق محمد
قعد محمد يضحك
بدور قعدت تطالع ويه ناصر، ما يشابه خالد، و أسلوبة عكس أسلوبة تماما، خالد مليق و قرقة بس ناصر هادي و حزين نوعا ما بس وااايد وسيم، حستة ناضج و عاقل مو مثل خالد الي ليلحينة ياهل و ضحكت بصوت واطي
سارة: شيضحك؟
بدور تساسرها: توني استوعب ان خالد مثل الياهل...
سارة: ههههههه حرام عليج!
قعدو يسولفون بس ناصر كان ساكت سرحان بالفحم
ااه يا شوق وينج عني، كنتي تموتين بالبحر (شوق مرتة المتوفية بس أذكركم فيها)
سمع ضحكة ناعمة و بقق عيونة، نفس ضحكة شوق و قعد يتلفت يدورها، بس مثل كل مرة ما كانت شوق، شوق راحت يا ناصر متى بتفهم! شاف بدور الي كانت تضحك وابتسم.كانت قاعدة تأشر على ولد خالتها فهودي الي مخترع من الماي و الخدامة تحاول تلعبة
شافت ناصر يطالعها و ابتسمت و كملت سوالف مع سارة
صج كبرت بدور، تغيرت واايد اخر مرة شفتها كانت ليلحينها تلعب مع بواربي (ناصر كان كلة يروح بيت محمد من كانوا صغار) بس الحين.... و قعد يتأمل عيونها العسلية و شفايفها الوردية..الحين صارت مرة
رغد بصوت عالي: واااي ملل
الكل قعد يضحك عليها​

 

[b6ooo6a*_*]

واااي يلالالالا عشتي يلا كملي لا يوقف ولا يوقف نااطرينج يلالالالالالالالالا

 

[زينة الأب]

لووول ثانك يو حبيبتي نشالله بنزل البارت الثاني مال اليوم بعد شوي

 

[زينة الأب]

ااااااااااااااااااااااااب

 

[b6ooo6a*_*]

يلا ناطرينج حبووو

 

[kity]

وااااو البارت حلو مثلج


يلا نبي البااارت الي وراااه نياهاهاهاها

 

[زينة الأب]

لووول انشالله بس الحين أحس إن بارتاتي صاروا وااايد خيالة وودي أمسحهم وأعيدهم بس جذي وااايد راح أطول عليكم... شنو رايكم أنزلها مثل ما أهمة ولا أغير؟

 

[b6ooo6a*_*]

لالا عادي احسن والله لايوقف ولا يوقف نبي بااااارت الحين ابليييييييييييييييز ولا يوقف نبي الحيييييين نبي الحييييييييين يلالا

 

[kity]

لا لا مثل ما اهيه بالعكس حلوه

 

[dlo3t^baba]

لا خليهم لا تمسحين شي بس بليييييييييييييييييييز كملي ^_^

 

[kity]

waiting

 

[زينة الأب]

يلا كسرتوا خاطري و بنزل بارت... انا قدي عن أخر بارتاتي أحسهم واايد خيالة بس يالله ماني ماسحة شي و بنزلهم مثل ما اهمة.. ثواني بس

 

[زينة الأب]

ترا هذا جزء طوييييييييييييل و بس ماني منزلة غيرة اليوم. و خل أشوفكم تحنون <<<<<<جني أم معصبة على عيالها

الجزء العاشر
بعد 3 أشهر من كل الي صار
بدور كانت تتكلم بالتلفون بدارهة

بدور: خالد يا مليق والله دمك ثقيل

خالد: اهيء اهيء زعلت

بدور: عاااادي!!!!!!!

خالد: واااي ما تعطين ويه

بدور: اي شعبالك

خالد: بدور!! بدور!!

بدور: هاها؟

خالد: أحـــــــــــــــــبــــــــــج

بدور ابتسمت لنفسها

خالد: ألوووووووووووو

بدور: خالد ولا مرة قلتها بالتلفون

خالد: هههههه يلا قوليها

بدور: مابي !!

خالد: افا يغلى علي؟

بدور بدلع: خلود بس عاد

خالد: اموت على الي يقولون خلود

بدور انحرجت: والله العظيم أصكرة بويهك

طبعا خالد تعرفون طبيعتة و اسلوبة: حبيبتي أدري فيج ما تقــ

طوط طوط طوط

خالد @@: طع! صكرتة بويهي!!!

بدور بدارهة ميتة من الضحك: امبيه قاعدة أتخيل شكلة أكيد منصدم ههههههه

محمد دخل دار بدور: شفيج ميتة ضحك

بدور مسحت دموعها: انت شكو

محمد: المهم نزلي امي تبيج

بدور: انزين

طلع محمد من دار بدور و بنفس اللحظة وصلها مسج من خالد

" تصكرينة بويهي ها!"

بدور" اي أصكرة ليش لا"

خالد"الصراحة ما توقعتة منج بس انا زعلان عليج تعالي راضيني عاد"

بدور" انا مشغولة الحين امي تبي تكلمني بعدين أكلمك"

حطت تلفونها سيلنت و نزلت عند امها

بدور: يمااااااااااااااااااااااا

أم محمد: بسمالله شفيج تنابحين

بدور: وييييييييييييييينج

أم محمد: بدور عقلي يمة أبيج بسالفة

بدور: اف قوية أكيد السالفة جد

أم محمد تبتسم: اي والله يمة و السالفة تونس

بدور: الله ونسيني زهقت من الامتحانات

ام محمد: يمة شرايج تتزوجين؟

بدور @@ ارتبكت خلاص : يما انا توني صغيرة ليلحيني حتن ثانوية ما تخرجت، شياب فكرة الزواج؟

ام محمد: يمة باقيلج بس جم شهر و تخلصين وهالأيام حتن الجامعيات يروحون الجامعة متزوجين، في ناس يمة يسئلون عنج

بدور قامت تبجي: لا يمة مابي أتزوح الحين.توني صغيرة و....

ام محمد: خلاص يمة خلاص لا تبجين

ارتاحت بدور شوي لانها كانت خايفة ان امها تغصبها عالزواج

مسحت بدور دموعها و ظلت ساكتة

ام محمد: بدور شلون سارونة

فجأة تذكرت سارة و حال سارة، ااااااخ يا سارة ربي يصبرج فديتج رفيجتي مسكينة

بدور: والله يمة مسكينة تكسر الخاطر


فبيت سارة اليديد

سارة منسدحة على فراشهة تطالع السقف، تعبت من الدنيا تعبت من البجي، حست ان خلصو دموعها

مشاعل درعمت و قعدت تصارخ: سويرة أبي أفهم انتي صمخة؟ صارلي ساعة اناديج يلا نزلي غدا

سارة بدون نفس: مو يوعانة

مشاعل: اوووووو مادري ليش متعبة نفسي وصاعدتلج

سارة: شدعوة صاعدة الدري عاد

مشاعل عصبت طلعت من دار سارة و رقعت الباب وراهة

(يمكن مضيعين، سارة الحين عايشة فبيت ابوها، امها مريضة فيها سرطان و الحين بالمستشفى قاعدة تعالج و هذا كان السبب الي ابوها ية و يتعرف عليها و يقترح عليها فكرةة انها تعيش عندة، فاضطرت سارة انها تعيش مع ابوها، بس ما كانت مرتاحة ابوها ما تشوفة الا على الغدة و خواتهة ما يشتهونهة، و مرت ابوها.... لا داعي للتعليق
حصة الوحيدة الي كانت زوينة مع سارة بس خواتها يشيشونها عليهة و يزفونها كل ما شافوها مع سارة)

بغرفة الطعام

مشاعل: ما تبي تتغدى شسوي لها

عادل: وليش انشالله؟

فاطمة براسهة شر: كلة تتحلطم تقول اكلنة مو من مستواهة و اهية متعودة على أحسن من جذي

حصة عفست ويها: يمكن تعبانة .

مشاعل: لا يا حصة كل شي بهالبيت مو عاجبها، زين منة مقعدينها معانة.

عادل قعد يسمع كلام بناتة

دانة بخبث: حبيبي المفروض تأدبها و تحطها جدام الأمر الواقع، هذا بيتها و حياتها خلاص لازم تتعود

فاطمة بدلع: اي بابا ولازم تقول لها ان لازم ما تضحك علينا لان هذا عيشتنا عايشين على قد حالنة و الحمدالله على كل حال

مشاعل و فاطمة قعدو يضحكون

عادل: أول ما قلت لها تيي تعيش عندي توقعتها بتستانس و تفرح، خاصة ان ما عندها اخوان توقعتها تستانس مع خواتها

فاطمة: حتن احنة، انا كنت متشوقة واايد انها بتقعد عندنة بس اهية ما تبينة و ما تحبنة

حصة: قصدج انتو الي ما تبونها، البنت مسكينة امها بالمستشفى وانتو جذي تتحجون عنها، ولا انتي يا مشاعل معاملتج لها زفت

مشاعل بغرور: ماما شوفيها

دانة: حصو بس عاد ولا كلمة، ما تستحين على ويهج تجذبين

حصة @@: انا مو قاعدة اجحذب لو تشوفون فاطمة و مشاعل شلون يكلمون البنت...

دانة بعصبية: حصة!!! بــــــــس!!!

قامت حصة من مكانهة متنرفزة: الحمدالله وصعدت فوق لدارهة

(حصة و سارة كانوا بدار واحد)

دخلت داخل و رقعت الباب وراهة

سارة بصوت مبحوح من البجي: مشاعل قلت ان مابي غدا تكفين خليني بروحي تكفين!!!!

حصة عورهة قلبها على حال اختها: انا حصة

التفتت سارة لحصة وابتسمت: سوري عبالي مشاعل

حصة حذفت نفسها على فراشها: سارة حبيبتي لازم تاكلين ترة والله خواتي مو هينين قاعدين يشيشون ابوي عليج

سارة بحزن: وانا ابوي في مرة وقف معاي، اهوة مو حاس فيني ولا شي، كل شي غصبني عليه بدون لا ياخذ رايي
و مو شايف شقاعدين يسوون بناتة فيني

حصة تضايقت شوي من كلامهة صج ان الي قالتة سارة صح بس لو مهما صار هذول خواتهة

حصة: ميخالف سارة تحملي و صيري زينة معاهم ترة والله لو تعرفينلهم و تعرفين شلون تعاملينهم راح ترتاحين و راح يحترمونج
بس انتي مخليتهم يدوسون عليج، وترة ابوي يحبج وايد و خايف على مصلحتج

ضحكت سارة: لو يحبني جان خلاني اقعد مع امي و أعيش حياتي بعيد عن مشاعل و فاطمة

حست حصة ان ماكو فايدة، خذت ايبودها و قعدت تسمع اغاني

شافت سارة ان تلفونها قام يرن

سارة: الو

بدور: سارة حبيبتي وينج ما تدقين

سارة: اسفة
بدور: حبيبتي شفييييج

سارة: اااخ بدور لو تدرين انا شنو عايشة، احس ان حياتي عذاب خواتي يكرهوني ويحطوني بمشاكل مع ابوي، وامهم اهية الي تشيشهم

بدور حطت ايدها على قلبها: شدعوة سارة مو معقولة يمكن انتي فاهمة تصرفاتهم غلط

سارة تضحك ضحكة حزن: ههه جان زين، جان زين كل هذا حلم و امي ما فيها شي و الحين قاعدة معاهة

بدور عيونها قامت تدمع: لا يا سارة لا تقولين جذي هذا شي الله كاتبة وانشالله يشفيها

سارة من كل قلبهة: انشالله!!

بدور يت على بالهة فكرة: انزين شرايج ايي و أقعد معاج؟

سارة استانست: اي والله تكفين بدور تعالي
بدور: يلا دقايق وانا عندج
سكرت بدور الخط و راحت دار محمد
بدور: محمد! محمد!
محمد كان نايم: هاااااااا
بدور: محمد تكفة ودني بيت سارة بشوف رفيجتي مو شايفتها منزمان واهية مكتأبة حدهة
محمد من سمع اسمها حس ان مو قادر يتنفس، ااخ بعد عمري سارة مسكينة الله الي عالم انتي شنو فيج الحين
محمد: يلا الحين اوديج
قامت بدور و تبدلت بسرعة

بعد فترة
نزلت سارة الصالة مستانسة

مشاعل: وين علالله؟

فاطمة: مسكينة الظاهر خرفت حسبالهة انها بتطلع، الظاهر نست ان ابوي مانعها من الطلعة

سارة مبتسمة مو مخلية خواتها يأثرون فيها: رفيجتي بتيي

بنفس اللحظة الجرس يدق

بطلت سارة الباب ولا بدور بويها

بدور: ساااااااااااارة و لمت رفيجتها حيل

سارة عيونها بدت تدمع

سارة: اااااااااخ بدور فديتج دخلي حياج

اول ما دخلت بدور البيت صفرت بتعجب، كشخة كشخة.

عقبها لاحظت خوات سارة

بدور: السلام عليكم

مشاعل طالعت بدور من فوق ليه تحت بعدين طالعت فاطمة و انفجرو من الضحك

بدور عطتهم طاف لان سارة قالت لها عنهم من قبل

راحو قعدوا بصالة ثانية

بدور: ما كنتي تتغشمرين عن خواتج

سارة عفست ويها: عشان تعرفين انا عايشة بشنو

بدور: الله يعينج يا سارة، بسنة ضيقت خلق يا ناس باقي شهر و نتخرج!!!!

سارة: اي والله نسيييت

بدور: شلون تنسين والله حدي متشوقة اخيرا نفتك من المدرسة و ندرس بكليات، صج كبرنة

سارة: اي و بعدين كل وحدة فينة تتزوج

من يابت طاري الزواج تضايقت بدور و تذكرت سالفة اليوم

بدور: اي بس انتي راح تتزوجين قبلي مثل ما اتفقنة

بدور و سارة ليمن كانوا صغار اتفقوا ان سارة تتزوج اول بعدين بدور، عشان سارة بتييب بس صبيان و بدور بتييب بس بنات و بنات بدور يتزوجون صبيان سارة ههههههههههه صج سوالف يهال

سارة: هههه والله أيام

قعدوا يسولفون ساعة تقريبا، استانست سارة و نست انه ضايق خلقها و نست المشاكل. بس للأسف الفرح ما تم، رن تلفون سارة و المتصل كان الدكتور الي يعالج امها

سارة قلبها قام يرقع شيبي داق علي؟

بدور: شفيج؟ منو الي داق

سارة بصوت واطي: الدكتور

بدور ارتبكت: اي ردي شفيج خايفة اكيد بيقولج شي مهم.

بعد ما قعدت تفكر ردت عليه سارة بخوف، سترك يا رب... كانت حاسة ان في شي: ألو....

الي قالة الدكتور كان مثل الطراق لسارة، مثل الماي البارد على جسمها ما كانت متوقعة، ظلت ساكتة منصدمة

طاح التلفون من ايدها و قعدت تطالع الأرض.

اخترعت بدور من شكل سارة: سارة شفيج!! شقال الدكتور؟

نزلت دمعة، دمعتين و ثلالث حست ان الدنيا وقفت دخلت نوبة من البكاء، لا لا مستحيل.... ليش يا ربي ليش!!!

مسكت بدور سارة : سارة ردي علي!!

رفعت عيونها و طالعت بدور: بدور! امي خلتني و راحت! و قامت تبجي من كل قلبها

سارة:ااااااخ يا يمة حرام عليج تخليني مالي غيرج بالدنيا، يماااااا يماااااااا و ظلت تنادي امها ناطرتها تيي لها و تقول لبنتها ان مافيها
شي، تقول لها ان مستحيل تترك بنتها بروحهة، تبوسها على راسها نفس كل مرة و تهمس لها انها تحبها وانها نور عينها وقلبها

بدور قامت تبجي و لمت رفيجة عمرها و اختها: سارة سارة سمعيني ذكري الله هذا الله كاتبة يا سارة.. بس حبيبتي لا تبجين

سارة بصوت يعور القلب: بدور انتي عندج امج و ابوج و اخوانج و خالاتج و عماتج!! أنا ما عندي أحد!! امي اهية كانت ابوي اهية كانت خواتي و اخواني و كل اهلي... اهية كانت كل شي يا بدور!! كل شي!! الحين ما عندي شي... فقيرة يا بدور انا فقيرة صرت فقيرة بالحب و الحنان، منو بقالي بالدنيا منو!!!

بدور: لا يا سارة عندج أبوج و خواتج واخوج انتي مو وحيدة!!!

سارة: اااااه بدور هذولي ناس ما اعرفم و ما يعرفوني و لا يبون يعرفوني أصلا، الشي الوحيد الي يربطنة مع بعض هو اسم العايلة لا أكثر ولا أقل!

بدور بصوت مبحوح من البجي: وأنا وين رحت؟ عمري ما راح أخليج يا سارة!!

لمو بعض حيل و قعدو يبجون بكل حراق... ااااخ تخيلو لو امكم تروح و تتركم شنو موقفكم؟ شتسوون؟ سارة مسكينة ما عندها أهل ،امها كانت كل شي بالنسبة لها... احس ان محد يقدر يتحمل هالشي انا عن نفسي ما اقدر.

دشت مشاعل على ازعاج البجي

مشاعل بعصبية: وانتو ما تعرفون تســـ

شافت سارة رامية نفسها بحضن بدور تبجي واستغربت

مشاعل تسأل بدور: شفيها هذي؟

بدور مسحت دموعها و خذت نفس تحاول انها ما تبجي عشان سارة، ما عرفت شتقول حق مشاعل، شلون تقولون حق شخص ان انسان قريب منك راح؟

بنفس اللحظة دش ابو سارة مع مرتة الي كانوا طالعين قبل شوي و شافوا نفس المنظر

عادل باستغراب: سارة شفيج؟

دانة تسوي نفسها مهتمة و بدلع: سارة حبيبتي شفيج تبجين؟

دشت فاطمة الي كانت حاطة فل ميك اب: واااي من يوم دخلتي هالبيت وانتي تبجين! تييبين المرض والله

عصبت سارة على ابوها و خواتها و مرت ابوها، حست ان اهمة السبب بكل الي صار، اهمة الي خربو حياتها قبل 3 أشهر كانت عايشة أحلى عيشة و الحين......

قامت سارة من مكانهة و مسحت دموعها، طالعت الي واقفين جدامها، حست انها قاعدة فبيت ناس ما تعرفهم، و هذا اهوة الصج الريال الي جدامها واحد غريب ما تعرفة

سارة بحراق: امي............. ماتت!!


بعد اسبوع من كل الي صار

نزلت دمعة تحرق مثل السم، بس ما مسحهة خلاهة تنزل و طاحت على ايدة، شافهة وابتسم ابتسامت حزن، اااه يا دنيا!! شلون أقولها؟
رفع خالد عيونة للسما، جان زين كل هذا حلم... جان زين، الدنيا مو رواية حب و انا مو بطل القصة و نهاية قصتي مع بدور للأسف حزينة....

اكتشفت ان الأحلام ما تتحق و ان الأمنيات الي نتمناهة....

ام خالد الله يهديها راحت خطبت حق خالد بنت عمة علي ووافقت من غير لا يدري خالد، خالد المسكين الي يعشق بدور، الي يهوا بدور، الي عايش حق بدور....

و طبعا ابو كونة ريال عصبي و شديد و كلمتة تمشي، وافق على الزواج و مستانس لأن علي اخو غالي و عزيز عليه و خالد اولى فبنتة، كان يبي يقوي علاقات العايلة و هذا كان أحسن حل، ملجتة بعد 3 أيام و بدور ليلحين ما درت

خالد:ااخ بدور انا اسف والله اسف بس مو بئيدي! عمري ما توقعت ان تنتهي علاقتنة جذي، ما فكرت ان اجمل شي بحياتي بيروح بهالطريقة

لا عبالكم ان خالد ما حاول ان يغير راي أهلة، طلعت روحة واهوة يحن و يحاول يوضح لهم موقفة، قعد يتذكر خالد اليوم الي بلغتة امة بزواجة وحط ايدة على راسة

كان منسدح على فراشة توة ساد التلفون من بدور والابتسامة محفورة على ويهة، يا ربي والله اموت فيها هالبنت مو طبيعية

دخلت ام خالد بهاللحظة

أم ناصر مبين عليها مستانسة: خالد حبيبي نايم؟

قام خالد ولم امة، باسهة على راسهة: يماااااااا أحببببببببج!!!! الدنيا حلوة و الحياة حلوة، صج لي قالوا ابتسم للحياة يبتسملك

ام ناصر: انشالله دوم مستانس، وعندي لك بشارة

خالد مبتسم: بشري يا يمة بشري!

أم ناصر: يمة تعرف بنت عمك علي بتتخرج بعد جم اسبوع، و جمال و دلال

خالد: انزين

أم ناصر: يمة احنة خطبناهة

خالد استانس: خل أروح أبارك حق نصور العيار ما قالي انة بيخطب

عفست ويهة: لا يمة ملناصر...

خالد مو فاهم: عيل حق منو؟

ابتسمت: لك يا وليدي

خالد انصدم ما توقع ان امة تروح من ورا و تخطب!

خالد بعصبية: شنووو! من قال اني ابيها؟ انتي على كيفج؟

أم ناصر معصبة: شوف عاد انا امك ما تكلمني جذي! وانا اعرف مصلحتك!

خالد: يما انا حاط فبالي وحدة ثانية مابي بنت عمي علي ما أحبها!

أم ناصر: و مو لازم تحب عشان تتزوج! و البنت الثانية شيلها من راسك من الحين! انت الحين خاطب و بعد اسبوعين ملجتك!

خالد حس ان بيخسر كل شي بس لازم يحاول: أنا ما راح تغصبيني على شي مابي و روحي قولي حق البنت اني غيرت رايي تصرفي!!

دش بو ناصر على صوت صراخ زوجتة وولدة

بو ناصر ماسك عقالة بايدة: شالسالفة؟

أم ناصر: شوف ولدك يا بو ناصر شوف تربيتك

بو ناصر: شتخربطين انتي شفي ولدي؟

أم ناصر: يقول ما يبي يتزوج هدى، ما يحبها و حاط فبالة وحدة ثانية!

بو ناصر بعصبية: شوف يا خالد بنت عمك اهية اولى وانا و عمك متفقين منزمان على زواجك، لا تفشلني جدامة!!! راح تتزوجها غصبن عليك عاجبك ولا مو عاجبك!! والبنت الي فبالك تشيلها خلاص انت ريال بتتزوج

خالد: بس يبــ

بو ناصر بصراخ ويحرك العقال جدام ويهة: خاااااااالد مابي ولا كلمة خلصنة

طلع بو خالد من دار ولدة

خالد: شسويتي فيني شسويتي!! حرام عليج تغصبين ولدج على شي ما يبي!!! هذي اخرتهة يا يمة؟ تروحين من وراي و تسوين فيني جذي

أم خالد: هذا لمصلحتك يا خالد و محد يعرف مصلحتك غير امك و ابوك

خالد: ماشي يا يمة بسوي الي انتو تبونة بس عرفي اني مو راضي وانكم ضيعتو أحلامي

أم خالد: يا خالد انت مو فاهم

خالد: امبلا فاهم... خليني بروحي

طلعت أم خالد من دار ولدها متضايقة من كلامة، اهوة مو فاهم اني ابي مصلحتة، عيال هالزمن ما يعرفون مصلحتهم، و مع الأيام راح يعرف هالشي

خالد ميت قهر يحس بنار داخلة! شيسوي ما يقدر يسوي شي مستقبلة مو بايدة بايد أمة و أبو و للأسف ضيعو، اهدموا بكلمة وحدة كل الي بنا من حب و أحلام، بحركة و حدة طفو شعلة حياتة. بس المشكلة ان مو مستقبلة بس مستقبل حبيبتة بدور. شبيقول لها؟ ان مو ريال و ما قدر يكلم ابو؟ ان مو قد كلمتة؟ ان بيخون بكل الي واعدها في... بالزواج والسعادة

رجع خالد للحاضر على سماع رنة تلفونة، كانت اغنية أحبك يا راشد لراشد الماجد

قالت أحبك يا راشد قلت من قدي
هالكلمة هذي تموتني وتحييني
قالت أحبك و كانت سبحتي بيدي

المتصل: حبيبتي

ااه يا بدور ما أقدر أكلمج ما أقدر مفتشل من نفسي شلون أكلمج؟ خالد ما كلمها تقريبا 4 أيام و بدور يانة مليون فكرة يت على بالهة

وصلة مسج منها " خالد حبيبي تكفة رد علي تكفة"

بعد فترة مسج ثاني" خالد انا اسفة على اي شي سويتة و بس خلاص ما راح ءأذيك راح أتأدب بس تكفة رد علي"

خالد ما قدر يتحمل أكثر من جذي واتصل عليها

بدور عقب أول رنة و بشوق: ألوووووووو هلا حبيبي هلا بالصوت

خالد و صوتو مبحوح: هلا بدور

من نبرة صوتة حست ان مو طبيعي: خالد حياتي فيك شي؟

قص خالد بكلامة: بدور تقدرين تيينلي؟

بدور: اي اقدر وين تبينة نتواعد؟
(بدور طلعت الليسن)

خالد: انا على البحر
دلاهة خالد اي بحر و قامت بدور تبدل

كشخت بدور كشخة مو طبيعية لانها تبي تساحل خالد على اي شي سوتة غلط، لبسها كان ناعم جدا و حطت كحل خفيف و قلوس وردي
تعطرت بالعطر الي يحبة خالد و نزلت تحت

محمد: وين انشالله بهالكشخة؟ كان يتمنى ان بتروح عند سارة عشان يتلزق

بدور: بيت رفيجتي باخذ منها صور حق ألبوم التخرج

محمد: اي رفيجة؟ سارة؟
بدور بخوف: لا لا مو سارة وحدة ثانية ما تعرفها.
تحبط محمد و ضاق خلقة منزمااااااااان مو شايف سارة: اها يالله عيل مع السلامة
خذت مفتاحهة من الدرج
مع السلامة

طلعت بدور و بالطريج قعدت تفكر شبتقول لخالد عشان يفرح و يضحك، اي خل أطفرة عن ساعتي ليلحين ما يابلياهة (الساعة الي نستة يوم الأفنيوس)، و بعدين بقولة اني أحبة و مشتاقتلة 4 أيام مو مكلمتة حرااام، الشوق واصل حدة!

بعد 10 دقايق سفطت بدور سيارتها يم سيارة خالد، تأكدت من شكلها بالمنضرة وابتسمت. نزلت من السيارة و راحت لعند خالد الي كان قاعد بعيد عالصخر يطالع البحر. شكلة كان حدة روعة الشمس وراة تغرب و الهوا يلعب بشعرة، طلعت بدور تلفونها و صورتة و خشتة بملف خاص عشان تورياه بعد شوي.

قربت بدور من خالد و قعدت يمة عالصخر

بدور بتوتر: السلام عليكم

خالد بدون لا يطالعها: و عليكم السلام

قعدو ساكتين، يسمعون صوت أمواج البحر تلتطم بالشاطىء

خالد بهدوء واهوة يطالع البحر: بدور الدنيا مو قصة حب و بعض المرات ما تتحق الأحلام....

بدور قامت تخاف، أكيد الشي جايد: مو فاهمة قصدك؟

أخيرا حط عينة بعينها و كانت حمرة من البجي، قام يعورها قلبها على شكلة ، صارلة يومين مو محلق لحيتة و شعرة معفس، يعني شكلة كان رومنسي جدا بس باين عليه التعب

خالد: بدور انا بعد 3 أيام بتزوج بنت عمي علي... هدى، امي و ابوي زهبو كل شي من وراي وانا ما ادري، حاولت اني اغير رايهم يا بدور والله اني حاولت بس أبوي يا بدور ابوي تعرفينة...

ما أقدر أوصفلكم شكانت تحس في بدور بهاللحظة.. ألم؟ حزن؟ قهر؟
شنو اهوة القهر؟
ليمن الياهل تقولة انك بتشتريلة لعبة، و ينطر طول اليوم لهاللعبة و متشوق! اخر شي تغير رايك و ما تشتريلة، يقعد الياهل و يبجي ايام...

و ليمن يكون عندك صديق عزيز على قلبك و تثق في 100%، يوم من الأيام يخونك هالشخص و يطلع عنك حجي أو يفضح أحد أسرارك عند شخص ثاني...

بدور شكانت تحس في؟ أغلى انسان و أحب شخص لها بيتركها.. بيتخلى عنها عشان وحدة ثانية.
و أحلامها و أمنياتها وين راحو؟ وين الوعود الي واعدها فيها، كل الي بنو مع بعض بأشهر انهدم بيوم واحد.
بدت دموعها تنزل من غير لا تحس، كانت تطالع البحر الي يشوفها بس ما يتكلم ، جم شخص قعد عند هالبحر و رمى في بقاية أحلامة المهدومة؟
شاف خالد دموعها و حس ان بيموت، نزل على ركبه جدامهة و قعد يبجي، بدور حبيبتي لا تبجين ترة دموعج غالية، انا بدمعة وحدة منج أموت و أحيى تكفين لا تبجين!! ترا ما أستاهل والله ما استاهل.
آسف يا بدور والله اسف و لو بإيدي شي أسوي جان سويتة، لا تحسبين اني قصيت عليج فيوم من الأيام، كل يوم مضيتة معاج كان أحلة يوم في حياتي، و كنت أحبج و ليلحين أحبج من كل قلبي

قعدت تبجي بحراق، ما تبي تسمع الي قاعد يقولة خالد، تبي تكرهة و تلومة بس جذي ما تقدر... تحبة والله تحبة والي يحب لا يمكن ان يكره... بس والله كانت تحس ان قلبها قاعد ينزف من داخل، ما قدرت تتحمل أكثر.
بلعت الورمة الي تكونت فبلاعيمها: خلاص يا خالد، الظاهر انك مو من نصيبي وهذا قدر ربي
قامت من مكانها الي سمعت في أسوأ خبر في حياتها


رفع خالد عيونة و قام وقف على طولة

عظت برطمها عشان ما تبجي

بدور: مع السلامة خالد

بدت بدور تمشي لعند سيارتها

خالد: أحبج بدور

غمضت عيونها بقوة و نزلت دمعة أخيرة و بصوت يقطع القلب: وأنا بعد

​

 

[زينة الأب]

اميبيييييييييييييييييييه ستووووووب في غلط لحد يقرا هذا مو البارت العاشر أنا خطرت بااااارنت

 

[زينة الأب]

بنات أأأأأأسفة نطروا خل أنزلكم البارت الصح لا يتخربط كل شو انشالله أحد يقرا هالشي عاد

 

[زينة الأب]

لا تقرووون اف ضاق خلقي حدي اسفة قاعدة أعدل بشوف ايهو البارت الصح ثوااني
!!!!!!!!!!!!!!!!!!!!!!!1

 

[زينة الأب]

بنات اللي قبل مو البارت العاشر اهوة البارت الحادية عشر و هذا البارت العاشر... ووايد اسفة مليون اسفة اني خربطت القصة عليكم و انالله تسامحوني... شتبون بعد نزلت لكم بارت ثاني (غصبن عني ههههه)

الجزء العاشر
سارة وحيدة امها، امها و ابوها منفصلين من قبل لا تنولد، ابوها قبل لا يتزوج امها كان متزوج و عندة عيال بس طلقها و تزوج نادية وأمة ما كانت راضية، ياب من نادية نور عينة و ثمرة حبة سارة بس ما تهنة بعمرة من مشاكل امة فطلق نادية المسكينة و رد حق مرتة الأولانية (دانة)
نادية: يمة سارة لازم تروحين ابوج يبيج تيين عندة غدة اليوم
سارة بعصبية: مابي... طول هالسنين ما يدري عني ،الحين صار يبيني
(تقريبا 18 سنة ابوها ما يدري عنها واليوم فجأة داق يبيها تيي عندها)
نادية بضيق: سارة يمة ما يصير هذا ابوج
سارة: شيبي فيني؟
نادية كانت متضايقة تبي بنتها تروح و تقوي علاقتها مع أبوها
نادية: يمة ما تدرين يمكن تستانسين مع خواتج و مرت ابوج
سارة: هذول مو خواتي!!!
نادية بعصبية: ابوج بعد نص ساعة راح يوصل و راح تروحين معا!!
قامت نادية و راحت دارهة
سارة شوية و تبجي اول مرة امها تعصب عليها جذي: شيبي فيني الحين! مابي اروح ما اعرفهم اكيد ما راح يحبوني و امي الله يهداها الا تبيني اروح، راح اروح يا يمة عشانج بس و مسحت الدمعة الي نزلت من غير لا تحس، اااخ يا يبا شكثر مشتاقتلك! طول هالسنين كنت محتاجة حق حنان الأب وانت ما تدري عني... حرام عليك يا يبة حرام
قامت سارة عشان تتبدل، لبست تنورة بنية و بلوزة تركواز فيها ورود بيضة، لبست حجاب أبيض في أطرافها شوارفسكي رينبو و جوتي كعب ال في مع جنطة طقم
حطت كحل خفيف و تعطرت، وقفت جدام المنظرة و قعدت تطالع شكلها، يا رب هبلي قوة عشان أقدر أكسب محبتهم...
شافت بالمنظرة امها واقفة وراهة
سارة تطالع أمها بالمنظرة: راح يحبني؟
نادية عيونها تدمع:اهوة منزمان يحبج! يلا يمة ناطرج برة
سارة خذت نفس عميق و نزلت الدري
عند الباب لمت امها حيل و باستها على راسها: يلا يمة مع السلامة
نادية: الله وياج
شافت سارة سيارة جقوير مغيمة سافطة عن بيتهم (jaguar)
يلا يا سارة لا تخافين
قعدت تمشي ببطء و قلبها مثل الطبل بصدرها، بطلت الباب شوي شوي و ركبت السيارة، طلت من الدريشة و شافت امها تراقبها، عيونها طاحت بعين سارة و فبالها امية شي تقولة ( لا تخافين يا سارة هذا ابوج مو واحد غريب)
سارة بصوت واطي: السلام عليكم
أبوها: و عليكم السلام، افا مافي بوسة حق ابوج
سارة ما شافت ويهة اول ما ركبت والحين اضطرت انها تشوفة، التفتلة و شافت ريال وسيم جدا لابس دشداشة و مغتر،عندة لحية خفيفة و عيونة سود كبار، ابتسامتة هادية و أسنانة بيض ( أكيد تبييض)
قامت سارة و باستة على راسة
ابتسم لها ابوها و حرك السيارة
عم الهدوء بالسيارة و كانت مستحية واايد، الي يمها واحد غريب ولا مرة شايفتة بالصج (بس بصور الي امهة كانت تبجي عليهم) ولا كأنة ابوها
سارة: يبا...
حست ان اللفظ غريب على لسانها
أبوها: هلا يبة
سارة: ممكن سؤال؟
أبوها: تفضلي..
كانت مترددة و مفتشلة من نفسها بس الا تبي تعرف
سارة: يبة ليش يايلي اليوم عقب كل هالفترة؟
عادل (ابوها) تضايق و ما عرف شيقول... أقولها الصج، لا مو وقتة .. اخيرا قرر ان يجذب جذبة بيضة صغيرة
عادل: يا بنيتي انا مشتاقلج وايد و اخوانج يبون يشوفونج
عادل صج كان ميت شوق على نور عينة سارة بس اخوانها كانو معارضين الفكرة و ما يبونها، زفهم زف و حلف ان اذا شاف اي شي منهم غلط راح يروحون فيها
سارة مو مصدقة: اها
و رد الهدوء
بعد فترة وصلو بيت ابوها، البيت ضخم جدا و بالضاحية، 3 أدوار و زاوية وارتداد، جدام البيت 3 سيايير 2 بي ام (BMW) وواحد اودي
سارة بروحها كانت خايفة والحين اخترعت اكثر من الي شافتة، انا ليش ييت يا ربي
ابوها نزل من السيارة بس اهية ظلت قاعدة
عادل: يلا يبة امشي لا تخافين
نزلت سارة و مسكت جنطتها حيل، لحقت الريال الي اهوة ابوها ليه البيت، أول ما دخلت البيت شهقت من وسعة وارتفاع السقف
بيت سارة كان صغير و متواضع جدا و كلش مو مستوى هالبيت، دخلو صالة كبيرة فيها حوض سمج و قنفات الي بس تشوفهم بالمجلات
عادل لنفسة: وينهم الحمير
ابتسم لسارة: نطري اهني و اخذي راحتج البيت بيتج
راح عادل يدور الأهل و يناديهم
سارة ظلت واقفة خافت ان اذا قعد على القنفة تخربه و تخرب شكلة الجميل اليديد
حست انا المكان محد يقعد في والأثاث كأن يديد، عكس قنفات بيتهم الي لونهم باهت من الاستخدام
قعدت تأمل الرسومات و الصور المعلقة ليش اهية نفسها رسامة. في صورة بالذات جذب انتباهة، كانت صورة لعايلتهم ابوهة واقف يم وحدة حلوة و تحتهم قاعدين 4 أطفال
دشت العايلة واهية تطالع الصورة
عادل يأشر على وحدة حلوة يمة: هذي دانة زوجتي
ابتسمت دانة ابتسامة خبث و بصوت ناعم: هلا والله يا سارة البيت بيتج و باستها على خدها
ابتسمت سارة ابتسامة توتر: مشكورة خالتي
و أشر عادل على واحد يمة شكلة 24 و يشابه أمة واايد: هذا وليدي حمد
حمد مد ايدة وصافح سارة بس ما قال شي
وهذول بناتي مشاعل و فاطمة وحصة
كلهم سلمو عليهة بس محد بين ان فرحان على ييتهة
ظلو واقفين بلحظة صمت
دخلت الخدامة: ماما غدا جاهز
دانة: يلا عيل سارة تفضلي
اتجهوا كلهم الى غرفة الطعام و كانت فخمة جدا فيها طاولة تكفي 20 شخص
خلف الطاولة كان في كبت عريض مليء بالصحون المزخرفة
قعدوا خواتها بعيد عنها و قعدت سارة يم ابوها على يسارة و دانة على يمينة
الأكل شكلة حدة يشوق بس سارة ما كلت وايد لان بطنها يعورها من التوتر
عادل: اي صف انتي الحين سارة؟ تاسعة
فاطمة و حصة قعدوا يضحكون بس مشاعل كانت معصبة
ابتسمت سارة ابتسامة حزن حتن عمري ما يعرفة: لا يبة انا خريجة هذي اخر سنة لي
عادل منصدم: والله ان الأيام تمر بسرعة
وصف لشخصياتنة اليديدة
حمد أكبر اخوانة عمرة 24 طويل و عريض... شفايفة وردية و أبيضاني.. من النوع الي يوقف شعرة مثل صبيان هالأيام... لبسة سبورتي كلة جينزات و بلوزات و ماركات
مشاعل أكبر خواتها 20 بيضة و طويلة مثل اخوها... جمالها عربي روعا.. شعرها أسود قصير يوصل ليه تحت اذونها ، لبسها كشخة عبارة عن ماركات قوتشي و بربريز و من هالطقة، كانت تحط مكياج وايد و حواجبها جاينيز (الي هابين في الحين) و باين أنها مغرورة و متكبرة
فاطمة بعد مشاعل بالعمر لبسها نفس لبس اختها (ماركات) شعرها طويل بني مخصلتة بأشقر.. حنطاوية من الشمس و من كثر روحاتها للبحر، حواجبها سود و مرسومين... حلوة بس مو كثر أختها
اخيرا حصة أصغر اخوانها عمرها 16سنة انولدت عقب طلاق ابوها من ام سارة بسنة حدها كيوت عكس خواتها لبسها سبورتي و شعرهة كستنائي طويل كلة تربطة بعناقيص، جمالها طبيعي ما تحط مكياج و من ابتسامتها يبين انها طيبة
حصة: سارة شنو تبين تصيرين ليمن تتخرجين؟
مشاعل رفست اختها من تحت الطاولة
حصة غمضت عيونها بألم
سارة: ودي أدش هندسة
ابتسمت حصة و ظلت ساكتة خايفة من اختها
عادل: بنات ليش ما تورون سارة البيت وتسولفون
مشاعل بنفسية: بس بطلع بعد شوي
عادل عفس ويهة: احنة شنو قلنة يا مشاعل
مشاعل مخترعة: انشالله يبة!
عقب الغدة صعدو البنات الدور الثالث بالأصنصير حتن الأصنصيروسيع و كشخة يكفي 13 شخص
فاطمة قعدت تتحلطم على أظافرها: امبيه تقشر الصبغ لازم أعدلة شكلة حدة خايس
حصة قعدت تغلد صوت اختها: امبيه لا تموتين
مسكت سارة ضحكتها
فاطمة: سكتي انتي قليلة أدب المفروض تحترميتن الي اكبر منج
لفت فاطمة ويهة و حصة طلعت لها لسانها بدون لا تشوفها
وصلو الطابق الثالث
و لحقو مشاعل ليه دارهة و دخلو
مشاعل بدون نفس: هذا داري الصغير!!
سارة انصدمت من مشاعل، دارهة ما كان صغير ولا شي بالعكس..... دارهة يمكن أكبر من دار سارة بأربع مرات و حتن كبتها كبر دار سارة
واطوف دارهة مغطية بوال بيبر وردي و أثاث دارهة خشب بني غامج
سريرها يكفي 4 أنفار و أرض دارهة خشب
طلعت مشاعل من الدار و لحقوها خواتها، بس سارة ظلت داخل الغرفة تتأمل، دارهة كان مثل دار أميرة من الاميرات الي بالقصص
استوعبت سارة انهم مشو عنها و بسرعة لحقتهم
فاطمة: هذا داري
طبعا دار فاطمة ما خاب ظن سارة كان كبر دار مشاعل بس لونة أزرق و كان عندها كبتين و تسريحتها مليانة عطورات و مكياج، الطوفة الي بين الكبتين مليانة أرفف والأرفف مليانة جواتي و جنط من جميع الألوان و الماركات يعني تخيلو اي ماركة و أي لون كان موجود و الاطوف كلها بوسترات لفرق انجليزية مشهورة مثل pussy cat dolls
طلعو من دار فاطة و خطرو دار الي سارة توقعت ان اهوة دار حمد و راحو لدار معزول عن باجي الغرف
حصة مبتسمة و بصوت يونس: و هذا ملجئي و قصري....و بصوت عالي قالت: تادا ( وأشرت على الدار)
ابتسمت سارة و دخلت داخل
دارهة كبير بس مو كبر دار خواتهة، لونة عنابي و ملابسها مقططة كل مكان
مشاعل: يلا امشو تحت
حصة افتشلت من أسلوب اختها مع سارة
أبي أرد البيت ابي اروح عند امي، ما يحبوني
نزلو عند أبوهم
عادل: ها شرايج سارة بالبيت؟
سارة ما عرفت شلون تعبر،البيت روعة مثل قصر بالقصص الرومنسية
سارة: وايد حلو
ابتسم عادل، وصدمها باللي بعدين قالة، ما كانت متوقعة هالشي و لا عيالة توقعو الكل منصدم حتن زوجتة ما عرفت شتقول
عادل: أبيج تعيشين عندي....​

 

[زينة الأب]

يعني اللي باللون الوردي قبل اللي باللون الأزرق... اف اري قادين تقرون و ما راح تسوون ريفرش الا عقب ما تخلصون قراية و كل شي بيكون مخترب... حسافة افف حدة ضاق خلقي... خربت على مشاهديني

 

[الاحاسيس المبهمه]

لاا لاخربتي ولا شي صج اني قرييت بس الحين اقرا مره ثاانيه و ارت القصه بمخي :krkrkr:

وبعدييين ترى اناا ماا احب احن واايد بس عرفت نقطة ضعفت بسرعه نكسر خاااااطرج نيااهااهااا وناااسه يعني نيااهااهااا_03BA: