بدور (الحب الحقيقي)

[زينة الأب]

يالله كملي بليز

القصة حدهااااااا عجيبة

بس بليز خلي سااااره تغط الحبوب لا تستعملهم

انتي شنو تتوقعين؟ وانشالله راح تشوفين شراح يصير بالبارتات الياية

 

[زينة الأب]

رجعت لكم حبيباتي و بنزل لكم البارت الساااابع واهوة اخخر بار لليوم. وانشالله يعجبكم و اتابعون معاي. وانشالله تندمجون مثل ما انا ندمج بكتابة هالقصة الة اهوة اول قصة لي وانشالله مو ااخر قصة. و احتمال اسوي هالقصة جزئين ولا شرايكم؟ المهم يالله هاكم البارت السابع

الجزء السابع

سارة كانت في بيت بدور
سارة: اخيراً عطلنة!!
( توهم مخلصين امتحانات نص السنة و بدت عطلة 15)
بدور: اف حدة ما بغينة!!!
سارة: شبتسوين بالعطلة؟
بدور : بنااااااااااااااااااااااام
بدور واهية تضحك: اف انتي بس تحبين النوم؟
بدور بقلبها: واحب خالد بعد
أنا احب خالد!!! لااااا وييييييع ما احبة مستحيل. أنا أحب هالمليق الغثيث، لا مو صج بدور شكلج خرفتي.
بدور كانت تحبة بس ما تدري لأنها ولا مرة حبت فما تدري شنو اهوة الحب أصلا.
سارة تحرك ايدها جدام ويه بدور: الووو وين وصلتي. شكلي اكلم الطوفة...
بدور استحت كلة منك يا خالد: لا معاج
سارة تطفرها: شنو اخر شي قلتة؟
بدور توهقت: مممم اي... ممم
سارة: خلاص خلاص. انا اصلا لازم أروح الحين امي توها دقت علي
بدور: لااا تو الناس
سارة: ميخالف اييلج باجر
بدور: اوكي
سارة: يلا باي يالمليقة
بدور: باي يالهبلة
سارة طلعت من دار بدور واهية تضحك. ما انتبهت لمحمد الي كان قاعد عند الدري تحت يطالعها واهية تنزل الدري.
محمد بصوت عذاب: قوة سارة
سارة وقفت على اخر درية: الله يقويك محمد
محمد بقلبة: واااي يا حلات اسمي على لسانج.
محمد: شلونج؟ شلون العطلة معاج؟
سارة بصوت واطي: تمام (ونزلت من اخر درية متجهة للباب)
ااااخ يا محمد لو تدري انا شكثر أحبك و شكثر أفكر فيك ماخذ عقلي و تفكيري
توهق ما عرف شيقول بعد، ما كان يبيها تروح.
محمد: سارة...
سارة و قفت بمكانها: هلا
كان ودة يقول انة يحبها و يموت فيها و ما يفكر بأحد غيرها، بس كان خايف من ردة فعلها، خايف من انها تحبطه
وقلبة ما يتحمل ان ينجرح مرتين.
محمد ابتسم بويها: سلامتج
سارة ابتسمت ابتسامة حزن و طلعت من البيت. كانت ناطرة كلمة وحدة تطلع منة، ناطرة الكلمة الي كل يوم تحلم فيها.
محمد صعد دارة متنرفز من نفسة، و رقع الباب من ورا: انا حمار! ليش ما تحجيت. ليه متى وانا ساكت .
زين ما أسوي مو وقتة، لازم أحل مشكلتي مع فيصل.
محمد و خالد صارلهم اسبوع تقريبا يراقبون فيصل، ناطرين اي زلة منة بس فيصل كان ذكي.
محمد رمى نفسة على الفراش تعبان.

بدار بدور
بدور كانت ماسكة شي بايدها و ضامتة لصدرها، كان هالشي أغلى ما تملك،و كل يوم تطلعة و تضمة و تشمة.هالشي كان ساعة خالد، الساعة الي باقتة من دارة
ابتسمت و اهية تتخيل شنو ردت فعل خالد لو كان يدري ان اهية الي كانت بدارة.
حست بالذنب و بعدين بسرعة ألغت هالشعور: قلعتة اهوة الي بدة...يستاهل
لبست بدور الساعة... كان شوي وسيع عليها بس عادي
سمعت صوت محمد يناديها
بدور تصرخ: نعععععم
دخل محمد دارها فجأة: ما تسمعيني اناديج من مساع؟
بدور: لا... شتبي؟
محمد: الخدامة طالعة مع امي و نوفة، و ربعي يايين، ابيج تصبين عصير و تييبينة الدوانية
بدور تنرفزت: وانت ليش ما تصبة انشالله، مو شغالة عندك انا
محمد معصب: ما تستحين على ويهج؟انا لازم اقعد معاهم. ما يصير أخليهم، قومي خلصيني، ولبسي عدل
طلع محمد من دارهة و قامت بدور تلبس.
بدور واهية تلبس حجابهة: وانا شنو خدامتة، انا شكو اييب العصير حق ربعة.. الله و ربعة عاد
نزلت بدور المطبخ و نست لا تفصخ ساعة خالد، صبت 5 قلاصات عصير و حطتهم على صينية.
راحت لعند الدوانية و ايهة تتحلطم: لا يكون يقولي بعد شوي سوييلي جاي
دشت الدوانية و قعدت توزع العصير بسرعة بدون لا تطالع ويوه الي قاعدين، وصلت عند واحد منهم و ساسرها:
خوش ساعة من وينلج
بدور انصدمت الي كان قاعد.... خالد!!
ايدها قامت ترجف وانكت العصير على خالد. قام خالد من مكانة بسرعة و خذا كلنكس عشان ينشف العصير
بدور واهية مرتبكة: آ آسفة
خالد: لا عادي
محمد عصب على اختة : ما تعرفين تمسكين الصينية! روحي وري خالد الحمام الي داخل
طلعت بدور بسرعة ، وخالد وراهة يلاحقها
بدور تكلم نفسها: غبية غبية والله اني غبية
خالد سمعها: أف حدج
بدور لفت عليه واهية معصبة: انا مو غبية... ما تستحي على ويهك تقولي جذي!!
خالد: انتي الي قلتي عن نفسج جذي، وانا بس اتفقت معاج.
ويها صار أحمروأشرت على الباب الي وراهة: هذا الحمام
خالد واهوة مبتسم: ممكن ساعتي؟
بدور الي ويها بروحة كان أحمر من العصبية إحمر زيادة من الموقف، فصخت الساعة و حطتة بايدة(اف الحين يحط فبالة اني ميتة عليه، وانا صج ميتة عليه …. شوية و تبجي من كل الي صار) توها ياية بتمشي ولا يمسك ايدها
بدور عيونها دمعت: صج اني مقرودة
خالد ليمن شاف دموعها قلبة شوي و يطلع من مكانة: أحبج
انصدم من نفسة، أنا شلون قلت هالكلمة... بروحهة تكرهني
رفعت عيونها العسلية لعند عيون سودة مثل سواد الفضاء و حست بإمية شعور
خالد بدة يسحب ايدة و اهوة مفتشل من نفسة: انا اسف مادري شلون طلعت مني و عادي لو انتي ما تبادليني هالشعور
بدور مسكت ايدة و بصوت واطي قالت: وأنا بعد
خالد: و من حقج انج تعصبين علي و تقولين حق محــ
قعد خالد يستوعب اهية شنو قالت...
خالد: نعم؟
بدور ضحكت: انا بعد
كان خايف ان فاهمها غلط
خالد: وانتي بعد شنو؟!!!!!
بدور حدها مستحية: وانا بعد .... أ... أحبك
خالد طار من الفرحة و ضغط على ايد بدور
دخل محمد عليهم فجأة
محمد: خالد عسى ما خـــ
شاف محمد ان خالد ماسك ايد بدور و عفس ويهة معصب
بدور انصدمت و بسرعة سحبت ايدها من ايد خالد
محمد بعصبية: شتسوون؟
خالد: لا بس بدور لقت ساعتي طايحة بالأرض و ردتلياه
و بطل خالد ايدة يوري محمد الساعة
ارتاح محمد و افتشل من نفسة هذا خلود شلون افكر في جذي
محمد يوجه كلامة حق اختة: انتي هبلة ما تعرفين تشيلين الصينية عدل
بدور منزلة راسهة: اسفة ( و صعدت بسرعة دارها)
محمد كان متوقع انها تعصب او تراددة مثل كل مرة بس كلش ما كان متوقع انها تتأسف
محمد يكلم خالد: شفيها هذي؟
خالد كان ردة الضحك بس
محمد: شفيك انتة بعد
خالد واهوة حدة مستانس: مافيني شي ( و دخل الدوانية)
محمد هز راسة متعجب العالم كلة مستخف و دخل ورا خالد

بدور حدها مستانسة بس متعجبة من الي صار! خالد يحبني وانا احبة، اخيرا عرفت شنو الي كنت قاعدة احس في طول هالفترة
هذا الحب! ااااااخ أحبة والله أحبة
حطت ويها بالمخدة و قعدت تضحك


من طرف ثاني
سارة كانت فبيت وحدة من رفيجاتهة بالمدرسة اسمها مريم.
سارة: مريوم ما شفت أهلج وينهم؟
مريم ارتبكت: طالعين (وبسرعة غيرت الموضوع) شتشربين سارة؟
سارة: مشكورة بس مابي شي
مريم شوي تضايقت: يلا عاد ترة ازعل ما يصير ما تشربين شي
سارة: لا ولا زعلج، خلاص أشرب اي عصير عندكم
مرير ابتسمت: يلا الحين اييبلج
دخلت مريم المطبخ وكان في واحد قاعد ناطرها
طلعت مرير عصير منجا من الثلاجة و صبتة بقلاص
قام الريال من مكانة و كسر حبة و حطاهة بعصير سارة
مريم طالعت الريال و ثنيناتهم ابتسمو ابتسامة خبث
....: تأكدي انها تشربة كلة
مريم: لا تخاف
شالت مريم الصينية و دشت الصالة
مريم: تفضلي
سارة: مشكورة تسلمين ( و خذت لها رشفة من العصير)
قعدت مريم تراقب سارة تتأكد انها تشرب العصير كلة
سارة حست ان مريم نظراتها مو طبيعية
مريم: بقلبها: اف هذي متى تخلصنا و تشربة كلة
سارة شافت مريم تخزها و ابتسمت
مريم: ها شلون العصير؟
سارة خذت اخر رشفة و خلصت العصير: حلو بس في طعم غريب شويـــ
فجأه راسهة قام يدور و قامت تشوف ألوان
مريم بخبث: شفيج؟
سارة: مادري بس احس اني تعبانة ابي اروح البيت
قامت من مكانها بس فقدت توازنها و طاحت على الأرض
( تعرف ليمن تكون منسدح مدة بعدين تقوم من مكانك بسرعة و تحس ان الدنيا تفتر فيك؟ هذا الي كانت قاعدة تحس في سارة)
قامت تضحك مريم: مسكينة ، فيصل فيصل تعال، بدا تأثير المفعول
سارة بعصبية: شسويتي فيني!!!
ما جاوبت مريم
غمضت سارة عيونها و ردت بطلتهم تبي تركز على الويوه الي جدامها
شافت مريم و ويه واحد مو غريب عليها
سارة حطت ايدها على راسهة: انت!!
فيصل: هههه اي انا
سارة: انت الي ذاك اليوم.. بوكي.. و الورقة... حبوب
فيصل و مريم قعدوا يضحكون
حاولت تقوم سارة من مكانهة مرة ثانية عشان تروح عند مريم بس يالها فيصل و دزها على القنفة
فيصل: انتي انثبري مكانج
ووجه كلامة لمريم: انتي تعالي معاي
طلعو من الصالة و سارة قامت تبجي
سارة: ستغفرالله يا ربي، اللهم يا رب ساعدني
و سمعت تلفونها يرن و المتصل كان بدور
سارة خذت تلفونها بسرعة و ردت على بدور
سارة واهية تبجي: بدور لحقي علي!!
بدور كانت بالسيارة مع محمد: سارة شفيج؟ شصاير؟!
سارة: تعرفين مريرال(...)
بدور: اي اعرفها ليش؟
سارة: بدور تدلين بيتهم تكفين قولي اي
بدور مخترعة: اي ادلة سارة تحجي شفيج
محمد قلبة قام يعورة و حس ان فيها شي
سارة: بدور انا فبيتها و حطت بعصيري شي يا بدور. و في صبي و مو قادرة امشي!!!
سارة: بدور تكفين بسرعة الحين بيردون تكفين
مريم و فيصل دخلو الصالة و شافو سارة تتكلم بالتليفون
فيصل سحب من ايدها التلفون و صكرة معصب و مخترع (هذي لا تخرب علينا)
بدور: الو الو!!! ساااارة!!
محمد قلبة شوي و يطلع من مكانة: بدور شصاير
بدور قامت تبجي على رفيجتها: محمد بسرعة روح بيت ال(..) الي بالضاحية تدلة؟
محمد: اي ادلة كاني رايح رايح!! بس شصاير تحجي!!!
بدور قالت حق اخوها السالفة و قعدت تبجي
محمد مو مصدق باللي قاعد يصير، سارة... حبيبتي سارة يصير فيها جذي!! شلون يسوون في هالبريئة جذي
طلع محمد تلفونة و اتصل على خالد
خالد: الو
محمد: خالد بسرعة تعال الضاحية قطعة ..... و شارع .... بيت ال(...)
خالد: ليش شصاير؟
محمد: انت تعال بسرعة في مشكلة مع سارة و دق على الشرطة بسسرعة خالد بسسسسرعة​

 

[kity]

امبيييييييييييييييييييييييييييييييييي

لا تكفين كملي كملي


ليكون صار شي بين فيصل وسارة بليز قولي



امبي شنو هاذا وسارة شعليها

 

[MC ANFAL]

up up up up

 

[kity]

up

up


up

up

up

up

up

up


up

up

up

up

up

 

[الاحاسيس المبهمه]

بلييييييييييييييييييييييز بلييييييييييييييييييييييز قولي شصاار لأ امبيييه حراام مو صج لييش يسوون جذي الحمدلله ان رااح يتدخلوون بالموضوووع محمد و خاالد و راح يطييح فييصل بأيدي العدااله << صرت مووصج ادري

بس من صجي حد ام الاندمااااج

 

[kity]

امبي كملييييييييييييييييييييييييييييييي

 

[b6ooo6a*_*]

ابلييييييز كملي واايد اندمجت يلالالالالا نااطرينج ولا طولين

 

[زينة الأب]

بس حبايبي لا تكسرون خاطري شبتخلون بارتات حق بعدين هههههههههه. مممم مادري أفكر ذا بنزل بارت ولا لا<<<<<<< وحدة نحيسة صج صج اذا صج تبون بارت خلاص بنزل لعيونكم بس عفية يكون آخخر بارت اليوم اتفقنا؟

 

[الاحاسيس المبهمه]

اتفقنااااا

يالله نزليييه برووح اناااام واحلم فييهم << كاااااك موصج حدي

يالله نااطرين الباارت الحيين نبي طوييييييل

 

[زينة الأب]

هاكم البارت لعيونكم وانشالله تعجبكم وانشالله باجر أنزل بارتين بــــــــــس لوووول مو تقصون علي

الجزء الثامن
وصلو البيت و نزل محمد بسرعة من السيارة: بدور لا تتحركين من مكانج
دخل محمد البيت و قعد ينادي اسم سارة
سمعت سارة أحد يناديها...راااسييي... هذا صوت محمد؟ لا الظاهر اني خلاص بموت

دخل محمد الدار و لقة سارة طايحة على الأرض، شكلها يعور القلب... حجابها مقطوط يمها و كحلها سايح من البجي
ركض لها محمد و وقفها على ريولها و لبسها حجابها.
محمد: سارة أنــــــ
سارة بطلت عيونها على حدهم من الخرعة: لا لا تعورة
محمد طالع ورا و شاف فيصل بيهجم عليه
نط فيصل على محمد و قامو يتطاققون و قعدت سارة تبجي على محمد..
مريم راحت عند سارة و قامت تطقها
مريم: انتي شسويتي!!!! خربتي كل شي!!
سارة: هديني! هديني!
بدور من ورا مريم: هدي رفيجتي يا اللي ما تخافين ربج.
بنفس الوقت دخل خالد مع المباحث و الشرطة و مسكو مريم و فيصل.
بدور لمت سارة الي ميتة بجي و قامت تسكتها: بس اش خلاص انا اهني محد يقدر يضرج....
محمد يوجه كلامة لسارة: سارة شسوو فيج؟
بدور منصدمة من اخوها و كثر خوفة على سارة..
سارة تمسح دموعها: مادري بس متأكدة انهم حطو شي بعصيري و راسي يعورني!!
مسكت راسها و قعدت تبجي من الالم
محمد راح عند فيصل و مسكة من بلوزتة: ما تستحي على ويهك يا واطي!!
ابتسم فيصل: الحين المخدرات صارو بجسمها و راح تعاني... قلت لك اني ما راح اهدك
الشرطي: في علاجات و راح ترد مثل قبل بس انت يا فيصل راح تظل طول عمرك بالسجن
طلعوا برة البيت و لقو سعاف ناطر سارة، ركبت سارة الاسعاف و بدور معاهة
محمد: انا بلحقكم ليه المستشفى
الشرطي: عفوا يا سيد محمد لازم تيي معانة
بدور: ميخالف محمد بعدين تعال
محمد و اهوة عافس ويهة: اوكي بس خل خالد يروح معاكم
خالد: اي انا ألحقكم بسيارتي
راحو البنات و خالد المستشفى ومحمد مع الشرطة
بالمستشفى الساعة 11 بالليل
بدور: ها سارة شلونج الحين؟
راسها كان يعورها وايد كان ودها تصرخ و تطق راسها بالطوفة بس ما حبت تقول حق بدور جذي: أحسن شوي
بدور تعرف تقرة علامات رفيجتها و عرفت على طول انها قاعدة تجذب: تجذبين علي ها...
عمري ما قدرت أجذب عليها... دايما تصيدني: راسي يعورني بدور! يعور وايد!
بدور: بعد عمري سارونة والله انا من قبل مو مرتاحة حق مريم، شلون رحتي بيتهم و ليش؟
سارة: مادري ما كنت أدري انها جذي أحس نفسي غبية!
و قعدت تبجي على حالها
بدور: خلاص يا سارة هذا قدر ربي و قضاءه و الحمدالله ما صار الا الخير
سارة: الحمدالله
النرس: لو سمحتي مادام بدور.. الحين لازم نعطي سارة ابرتها
بدور: اوكي سوسو انا بعد شوي ايي اتطمن عليج
سارة: اوكي بس قبل لا تروحين دقيتي على امي؟
بدور: اي لا تحاتين يلا ارتاحي
طلعت بدور و دخلت غرفة الانتظار
خالد: ها شلونها
قعدت بدور و حطت ايدها على راسهة تعبانة: راسهة يعورها شوي
قعد خالد يتأمل بويه بدور، كانت مغمضة عيونها مبين عليها التعب
حست بدور ان خالد كان يطالعها و جسمها قشعر، ما حبت تبطل عيونها عشان ما تشوف لون عيونة الي تدوخ
خالد: بدور ممكن سؤال
بدور واهية مغمضة: امممممم
خالد متردد: كنتي قاصدة الي قلتي..... فبيتكم؟
بدور خدودها حمرو و بطلت عيونها شوي شوي و شافت عيون سود يراقبونها
بدور بحيا: اي
ابتسم خالد ابتسامتة العجيبة و اشوة انها كانت قاعدة لأن ريولها ما تشيلها ليمن يبتسم
خالد: بس انا أحبج أكثر منج
بدور: شدراك؟
خالد: احساس، بدور أحبج كثر ما النار يحب الحطب و كثر ما الفراشة تحب الوردة!!!! أمووت فيج
بدور الي بس بتموت من الحرج: خاالد بس أستحي
خالد: وااااي فديت الي يستحون!!
محمد: السلام عليكم
خالد و بدور بتوتر: و عليكم السلام
محمد: ها شلونها؟
بدور: شوية تعبانة بس الدكتور يقول هذا طبيعي
محمد: يصير أشوفها؟
بدور ابتسمت بينها وبين نفسها بعد عمري خايف على سارة
بدور: اي يصير
راح محمد و بدور مبتسمة
خالد: شفيج تبتسمين؟
بدور:لا بس محمد وايد خايف على سارة
قعد خالد يبتسم معاهة: اي والله وايد خايف عليها
بدور: اي لو انا يصير فيني جذي أكيد انت تسوي نفس الشي
خالد يبي يطفرها: وايد مصدقة عمرج
بدور تنرفزت: لا والله!!! عيل شتسوي؟
خالد: أصلا ما اخليج تروحين بيت رفيجاتج
بدور: اي مو اهوة على كيفك
خالد: اي على كيفي
قعدت تأفئف و قامت تروح تدور لها قهوة لأنها داخت

بغرفة سارة بالمستشفى
محمد: سلامات سارة
سارة بصوت مبحوح: الله يسلمك
كان شكلها حدة يكسر الخاطر بشرتها صفرة و تحت عيونها أسود
محمد حس بغضب على الي صار حق سارة حس ان مو كافي فيصل دخل السجن ليلحين ما خذا حقها
سارة شافت ان محمد عاقد النونة و معصب: محمد خلاص صار الي صار وانا الحين الحمدالله مافيني شي
محمد: وانتي ليش رايحة بيت هالأشكال أساسا!!!
انجرحت من نبرة محمد و عيونها بدت تدمع
تحسف محمد ان صرخ عليها جذي، اهية مسكينة بريئة ما تدري، بس لا تخافين يا سارة من يوم و رايح راح ادير بالي عليج عدل
محمد: سارة انا اسف بس احس اني ضعيف مو قادر اساعدج
سارة: لا يا محمد لو مو انت جان فيصل... ( وقعدت تبجي)
محمد ما تحمل يشوف دموعها: سارة بس لا تبجين الحمدالله ما صار شي و ما جاسج، ترا ما أتحمل أشوف دموعج!!
ابتسمت سارة و مسحت دموعها: خلاص ما أبجي
ابتسم محمد و سارة قلبها قام يرقع
محمد واهوة مبتسم: دايما ابتسمي... ويهج ينور وانتي مبتسمة
استحت و ما عرفت شتقول
محمد بقلبة: آآآآه سارة والله حسيت اني بموت اليوم ولو جايسج فيصل جان ذبحتة، بس الحمدالله تخلصت من ليلى و فيصل و شرهم
سارة مترددة: الولد فيصل انا شايفتة من قبل
محمد مستغرب: متى ؟ وين؟
سارة كانت مترددة... أخاف يزفني إذا قلتلة: مرة كنت رايحة طالبة عصير و الظاهر بوكي طاح مني، و فيصل ردلياه و لقيت اببوكي ورقة فيها حبوب و رقمة
محمد: الخسيس ما يستحي!! وانتي ليش رايحة بروحج!!!!
سارة: امي كانت مطرشتني اشتري أغراض و اشتهيت عصير
محمد مسك أعصابة عشانها: مرة ثانية ما تروحين مكان بروحج
سارة مستغربة من تصرفات محمد
محمد: سارة ترة اليوم وايد خوفتي بدور و ترة قلبها ما يتحمل (كان يقصد نفسة)
سارة: اسفة وانشالله مرة ثانية ادير بالي أكثر
محمد بقلبة: لازم ادير بالي عليج ما أتحمل يصير فيج شي بعد بس شلون....
طلع محمد من عند سارة و راح حق بدور
محمد: بدور أبيج تعزمين سارة معانةالشاليه
بدور: اي والله خوش فكرة!!
خالد: ايالخاين ما تقولي!
محمد: ههه نسيت والله لا خلود لازم تيي
خالد: مممم أفكر بالموضوع
محمد: لا والله خلاص لا تيــــ
خالد: فكرت خلصت ببيي
محمد و بدور: ههههههه
قعدت بدور تتثاوب
محمد: بدور انتي ردي البيت أنا أقعد اهني
بدور ثاوبت مرة ثانية: لا بقعد
خالد: عادي بدور أنا أقطج البيت و محمد يقعد. مبين عليج حدج دايخة
محمد: يلا بدور لا تحاتين اي شي يصير انا أدق عليج (محمد ما كان يبي يطلع من المستشفى)
بدور: انزين بس اذا صار اي شي لازم تدق
محمد: انشالله
قاموا خالد و بدور للسيارة
صعد خالد السيارة و بدور صعدت ورا
خالد: لا والله أنا سايق؟
بدور: لا بس عيب ماني قاعدة جدام
خالد متضايق: على راحتج
شغل خالد السيارة و مشى. قعدو ثنيناتهم ساكتين و خالد ما يحب الهدوء فشغل اغنية يوسف العماني يعشقني
بدور كانت مستحية و ساكتة تسمع الأغنية
خالد بين كل فترة و الثانية يطل على بدور من المنظرة
خالد: أحب هالأغنية وااااااااااااايد
بدور: حتن أنا
خالد: اي قلادة
بدور:لا أنا أصلا أحبها منزمان
خالد: اي قصي علي أدري تحبينها عشان أنا أحبها
بدور تبتسم: كيفك قص على عمرك
خالد يسوي نفسة زعلان: أهيء أهيء زعلت
بدور تطفرة: بالطقاق
خالد: مااشي يا بدور خليج قدها (و قعد خالد يدوس بالسيارة 100 و 120 ، 140)
بدور الي تخاف من السرعة قعدت تصرخ على خالد: خالد شوي شوي لا تموتنا
خالد: تأسفي
بدور: خالد تكفا
وصل العداد 180 و السيارة قامت ترجف
بدور: اسفة اسفة خلاص يلا تأسفت
نزل العداد 120
خالد:قولي انج تحبيني
بدور: أحبــــــــــــك
صعد العداد 140
بدور: هي خالد قلت اني أحبك
خالد واهوة يضحك: أدري... كلمة أحبك أثرت فيني
بدور: خالد والله أزعل
فجأة نزل العداد 100
خالد: ولا زعل الحب عاد ما أتحمل
بدور كانت معصبة من الي سوا خالد، تخاف من السرعة واايد لأن واحد من عيال عماتها مات من حادث والسبة السرعة
خالد حس انها متضايقة منة : شفيها الحب ساكتة؟
بدور: انت جب ولا كلمة!!
خالد: أفا انا الي...
بدور عيونها تدمع، عبالة يضحك وية ويهه..
خالد: بدور أنا اسف بس بعض المرات اسوي حركات غبية
ظلت تحقرة
خالد: بس شسوي انا بكبري غبي
همن حقرتة
خالد: مو انا حمار ما اضحك
غطت ابتسامتها
قعد يغني خالد بحبك يا حمار
و اهني ما قدرت تقاوم و بطتها ضحك
خالد: هاااااااا خليناج تضحكين
وصلو بيت بدور عقب خمس دقايق
بدور: مشكور خالد و ما تقصر
خالد: اي غصبن عليج (و يطلع لها لسانة)
بدور: لا والله يلا عيل بااااااي
خالد: بدور لحظة لحظة
بدور بغرور: نعـــــــــــم
خالد: نعامة ترفسج...أحبج
بدور: والله بتينني باي
خالد: هي وانا؟
بدور: وانا بعد
ودخلت البيت بسرعة قبل لا يرد عليها
خالد لنفسة: ايالملعونة عليج حركات
و مشى خالد راح بيتهم

بعد 3 أيام من الي صار و عقب ما طلعت سارة من المستشفى كانت بدور بالشاليه مع أمها و أبوها و أخوها و سارة و أمها و خالد و أهلها من عماتها و خالاتها ( يعني كان حدة زحمةو اليمعة كبيرة)
أم سارة كانت رفيجة أم بدور من قبل فترة و أبهاتهم يروحون نفس الدوانية
أم محمد لأم سارة: منزمان ما قعدنة مع بعض يا نادية (أم سارة)
نادية: اي والله مشتاقة حق هالقعدات
أم محمد: تتذكرين ليمن كنة نروح البحر سارونة و بدورة كانو بالروضة
نادية: اي والله صج أيام، شوفيهم الحين خريجات و وراهم جامعة و زواج، صج البنات يكبرون الواحد
أم محمد: وانتي الصاجة
قعدو يطالعون بناتهم الي قاعدين يلعبون اليهال
سارة: بدور هذا الحلو منو؟
سارة كانت ماسكة ياهل عمرة سنتين تقريبا و متبتب
بدور: هذا فهود ولد خالتي شهد
سارة: سمالله عليه يهبل
سارة تعرفت على بنات خالات بدور و بالذات بنات خالتها شهد، اساميهم ريم و رغد كانو من نفس عمر سارة و بدور تقريبا
ريم: سارة عيل كل مرة تعالي مع بدور بيتنة والله تونسين
سارة: مشكورة بعد عمري انتو تونسون بعد، الصراحة انا حاسدة بدور عليكم انا ما عندي خالات ولا خوال و انتو ماشالله وايد أكيد كلة وناسة عندكم
رغد: اي اهوة وناسة بس بدور مليقة كلة ننحاش منها ( وتغمز رغد حق سارة و ريم)
بدور: لا والله قصدج انا و ريم الي كلة ننحاش منج يا مواليد 92
رغد كانت وايد حساسة على عمرها لانها أصغر وحدة فيهم: بدووووووور اهيء
بدور: اي عشان تعرفين مرة ثانية تقولين شي جذي، تراني ما ارضة على نفسي
ريم و سارة قعدو يضحكون
ظلو البنات يطفرون بعض و يلاعبون اليهال بالرمل

صوب الرياييل
محمد كان قاعد مع خالد وولد خالتة جاسم وولد خالة يوسف
محمد: الجو مو طبيييعي
جاسم: اي والله عجيب صج جو شاليه
جاسم عمرة 25 يشتغل بشركة ابو، طويل حنطاوي ملامحة عربية أصيلة واااااايد حلو و مؤدب ، جدي حيل بس ليه تغشمر يفصل، ما يحب يطلع بسبت الأشكال الي طلعت هالأيام
بس اذا طلع كل البنات يلحقونة.
يوسف يصير ولد خال محمد و جاسم و كانوا ربع من أهمة صغار، عمرة 23 كلة يطلعون مع بعض طلعات حداق و دوانية، يوسف شاب طويل حيييييل تقريبا 185. عيونة عسلية و شعرة بني غامج. من النوع الي يستحي وايد و مو إجتماعي..بس إذا حب شخص يعزة و يحطة بعيونة.
يوسف كان سرحان اب سارة رفيجة بدور أول مرة يشوفها، وايد انعجب فيها و بسبت أسلوبها مع اليهال، حس انها أنيقة ما تحط مكياج وايد مثل باجي البنات و ملابسها بسيطة
محمد: يويو شفيك سرحان
محمد و جاسم و خالد مع بعض: هاااااااا منو شاغل بالك (و كلهم قعدوا يغمزون و يضحكون)
يوسف: هههههه مالت عليكم قاعد اتأمل بالجو
خالد: عليييييييينااااااا
يوسف غمض عيونة و قعد يتلذذ بالجو: كيفك لا تصدق
مو بس يوسف الي قعد يتأمل بسارة حتن محمد كان سرحان فيها و كل شوي يطالعها و يبتسم ليمن اهية تبتسم و يضحك ليمن اهية تضحك و يعفس ويهة ليمن اهية تعفس ويهة
محمد واهوة سرحان: ااخ والله احبها، لو كنتي تدرين يا سارة... يوم من الأيام راح تصيرين لي وراح تعرفين أنا شكثر أحبج
قعدوا يسولفون الشباب و بعد شوي يه ابو جاسم الي اهوة
بو جاسم: جاسم تعال بقولك شي قبل لا انسى
جاسم قام و راح عند ابو: هلا يبا
بو جاسم: يوم الأحد بسافر عندي شغل أبيك تدير بالك على الشركة و توقع أوراق بو فاضل، بنصير شركة وحدة باذن الله
جاسم: انشالله يبا بغيت شي بعد؟
بو أحمد: لا يا وليدي خلاص
بدال لا يرد جاسم عند ربعة راح يتمشى على البحر و اتصل على شيماء
شيماء بصوت مبحوح: ألو...
جاسم: هلا والله بالصوت الحلو
شيماء بدلع: جاسم بنااااااااام
جاسم يقلد صوتها: بس مشتاقلج واااايد
شيماء ابتسمت: يا بعد عمري فديتك، خلاص قمت
جاسم: شوشو سمعي أنا وين ( ووجه سماعة التلفون عند البحر عشان تسمع)
شيماء: ونااااااسة ابي اروح بحر
جاسم: حرررررة
شيماء: اهيء اهيء
جاسم: مسكينة نامي نامي لازم ارد عند ربعي
شيماء: هههههههه يلا عيل good night
جاسم:هههههه هبلة ، نوم العوافي
سكر جاسم الخط و قعد يطالع البحر
جاسم: اااخ يا قلبي احبها!!!
جاسم كان يحب شيماء من كان عمرة 19 و كان ناوي يروح يخطب بس كان لاهي مع أبو و الشركة، ابو وايد يضغط عليه بالشغل و كلة يسافر فلازم يتحمل مسؤولية البيت و خواتة.​

 

[زينة الأب]

يلا هذا اخر بار لليوم وانشالله يعجبكم بس لا تنصدمون من خيالي الواسع هههههه بس انشالله يعجبكم. انشالله اقرة تعليقاتكم عقب ما تخلصون و عقبها اروح أنام.

 

[الاحاسيس المبهمه]

تسلميييين
واشواا عرفناا شلوون نكسر خااطرج و تنزليين لناا بارتااات << نيااهااهااا

نااطرينج بااجر بعشر بارتااات هاااهاااهااهاا

 

[kity]

واوو انتي عجيبه روايتج حيل حيل حلوه


بليز باجر جم بارت بتحطين ؟

 

[زينة الأب]

مشكورين حبايبي. سارونة ضحكتج الشريرة عجبتني لوووول. و كتي باجر بنزل بارتين بس مادري لأني مو ملحقة أكتب فيمكن بس بارت واحد وانتوا شايفين إن بارتاتي طوال. بس انشالله عجبكم قصتي و دوم متابعين. يلا تصبحون على خير xoxoxoxoxo

 

[kity]

وانتي من اهله قلبووش

 

[zqertya]

الصرااااااااااااااااااااحه انا قريت كل البارتات وما قدرت اروح الا وانا مكمله القصه

القصه وااااااااااااااايد حلوه بس ماراح اصوت الا اخر شي عند النهايه افضل وكملي حبوبه ناطرينج

 

[MC ANFAL]

البااارت روعه و يلا خلصي القصه قبل لا تبدي المداارس

 

[b6ooo6a*_*]

امبي شنو بارت وااحد نبي 4 بارتاااااات ابلييييييز انا صرت حنانه من قصتج واااايد اعجبتني نااطريمد لا طولين

 

[kity]

واااو


يلا ننطرج حياتي