بخصوص دورة المعلمين الجدد

[النوراء]

انا بعد معاكم

 

[منال القلب]

العفو بنات.. وأب لعيونكم..

 

[ذكريات عشاق]

بنات اللي مخلصين الدورة
هل وزعوا عليكم اوراق مذكرات شي والا بس نستمع
ويصير نكتب ملاحظات ونسال والا لا


صج يقوولون ان تكون معانا ورقة لازم كل محاضر او موجه يوقعها لنا

 

[ذكريات عشاق]

بنات عندي سوال ومحتاره فيه
الححين بالكتاب المدرسي في انشطة استهلالية والتقويم
خلوا التقويم على جنب نجي للاسئلة الاستهلالية شلون اذا بعرف الاجابة النموذجية
يعني هل هناك كتاب خاص للمعلمة يكون محلول والا انا احححل كل شي واراجع المدرسة الاولى

 

[Q8Buying]

مشكورة على الموضوع .. ومشكورة منال على تلخيص المعلومات :d .. وتجميعها ووضعها في رد واحد هيهيهي

ويعطيكم ألف عافية بنات ..

بنات شرايكم تقولون كل وحدة تبع أي منطقة تعليمية ..

إذا ما عندكم مشكلة!

آنا ~~ العاصمة التعليمية ~~

 

[Q8Buying]

بنات عندي سوال ومحتاره فيه
الححين بالكتاب المدرسي في انشطة استهلالية والتقويم
خلوا التقويم على جنب نجي للاسئلة الاستهلالية شلون اذا بعرف الاجابة النموذجية
يعني هل هناك كتاب خاص للمعلمة يكون محلول والا انا احححل كل شي واراجع المدرسة الاولى

اعتقد بلى يوجد كتاب خاص للمعلمة .. فيه تفاصيل أكثر.. وحل أسئلة التقويم

لأن أتذكر أبلتنا الرياضيات كان عندها كتاب جذيه .. وأتوقع نفس الشي باجي المواد ..

وأيضاً يوجد مذكرات جمعية المعلمين .. وغيره من المؤسسات ..

تحل أسئلة الكتاب .. أنصح بإقتنائها

 

[حلاي غيــر]

انا تعين جديد ومنطقه حولي التعليميه ودورتي 5/9 في مدرسه ام كلثوووم جنوب السره

مدتها اسبوووووووع وفي محاظرات وانا متشووووقه لها حيل لاني مو عارفه النظم هني لاني دارسه بالسعوووديه

فاحسها راح تفيدني حيل

 

[حلاي غيــر]

بناااات صج اخر يوم في الدوره اليوم اللي بعده نداااااوم بالمدرسه

 

[نفول]

حبيبتي فراي انا معاج بهالتجمع حق ابلات الاجتماعيات غير تربويات
عاد كنت بقترح عليكم نسوي تجمع حق كل تخصص اريح واحسن
وياااااااااااج

 

[صدقني@صعبه]

بنات تووني جايه من المنطقه
صج صج حدي مكتئبه لانه لما سلموني الورقه قبل رمضان قالوا لي انتي ابتدائي ومحطووط ابتداائي
والحين لما رحت ولا قالوا انتي متوسط تعرفون شنو صدمه بالنسبه لي لانه تعودت على الابتدائي وغير كل تفكير شنو اسوي لهم وشنو ابدع لاني كنت مجربه هالشي بالميداني بالله المتوووسط شلون اتعامل معاهم ياااربي

وهذي اللي تووقع الاوراق نفسيه زفت وزين تتكلم وتقول العلوم دايركت على المتوسط ما تدرون انتوا وين عايشين؟!!

امانه بالله شرايكم بردهااا مو يجيييب الحرره

بنات شنو اتشووروون علي؟!!
حدي متضااااايقه

 

[منال القلب]

صدقني صعبة

ميخالف ماعليج من اسلوبها الظاهر صايمة وبتحط حرة الصيام فيج.. انتي صرتي احسن منها الحين..

ترا على فكرة منهج العلوم مال المتوسط زوين مو صعب ولا سهل ووسط ولا تحاتين ازعاج الطالبات فيه

بالعكس راح يكون الصف عندج اهدى من الابتدائي.. وتأكدي انها خير.. انتي شوفي نفسج خلال هالسنة

واذا ماعجبج الوضع سويلج نقل شهر 3 للمتوسط مافيها شي..

 

[MisS *-* BMW]

يعطيج ألف ألف عافية * وحدة من الناس *


على هالتجمع الي راح يكون بإذن الله مفيد وايد حق كذا معلمة قيد الإنشاء..


وفعلا الموضوع ما قط وانفتح في هالقسم كلش. وراح يساعد شريحة معلمات حق السنة الياية بعد..


=====


وانا من مؤيدي فتح الموضوع سواء ألحين أو 1-9 ماكو فرق كلها جم أسبوع..


====


خلوني أقولكم عن تجربتي أو عن الي أعرفه من معلومات عن " دورة المعلمين الجدد "
من بعد اذن اختي وحدة من الناس..... وعلى حسب ما شفت وسمعت:



1- الدورة هذي مدتها أسبوع إلى أسبوعين وتكون قبل بداية دوام الطلبة.

2- في هذي الدورة يعلمونكم على نظام الغياب والاجازات والمرضيات يعني تقدرين تقولين الي لج والي عليج بالتدريس..

3- يعلمونكم عن كيفية التعامل مع الطالبة أو الطالب

4- نصائح عامة حول التربية والوظيفة

5- الي يلقي المحاضرات مدرسين أوائل أو موجهين وموجهات فنية..

6- نسبة بسيطة من الي راحوا للدورات هذي استفادوا منها

7- أكثر الي راحولها رجعوا يتحلطمون منها وانها حجي وسوالف وملل

8- تكون طريقة الدورة كراسي داخل مسرح، يعني نفس نظام محاضرة علشان جذي البعض يتملل من القعدة على الكرسي 3 ساعات متواصلة..

9- بعد انتهاء الدورة على طول يعطونج الورقة الي ترسلج على المدرسة الي راح تدرسين فيها، هذا أغلب الي شفته من كذا بنت صادف وياها هالشي.. يعني يحولونج على المنطقة التعليمية الي انتي تابعة لها وعلى طول يعطونج ورقة مباشرة العمل وعلى مدرستج..


10- انا توظفت سنة 2010 شهر 4 يعني من الكورس الثاني فعلشان جذي الدورة هذي ما حاشتني كوني اني توظفت نص السنة مو من أول السنة نفس حالتكم..

11- هالسنة 2011 سوو نظام يديد لدورة المعلمين الجدد بحيث الي بتتوظف أول السنة أو نص السنة راح تحوشها الدورة
يعني الي بتتوظف على الكورس الاول شهر 9 أو الكورس الثاني شهر 2 راح تحوشها الدورة

12- وايد يقولون هل اذا كشتنا بالدورة وما رحنا هل راح يخصمون من معاشي شي؟ للأسف اي ويقولون يخصمون يوم واحد من معاشج.. بس احسه أقرب الى التهديد وخاصة ان فيه اسامي حضور وغياب يعني ان ما حضرتي راح يعرفون لان اسمج ما يكون موقع يمه. بس انا متأكدة ان ما يخصمون على معاشج امبي وين قاعدين!! فعلشان جذي انتي روحي ميخالف واستفيدي وكلها أسبوعين مو أكثر فكي نفسج علشان لا تسمعين قيل وقال..


13- الحسنة الوحيدة ف هالدورة انها نفس نظام الجامعة يعني يالجامعيات تمتعوا فيها لأنها راح تذكركم بالجامعة وبعدها عاد خلاص بتصيرين موظفة راعية معاش...

14- شي مهم جدًا: ما يعطونج مباشرة العمل الا لما تنتهين من الدورة من خلال حضورج وتوقيعج يم اسمج. يعني مثل ما تقولون حضورج شرط اساسي علشان تاخذين ورقة مباشرة العمل.. >> قمة الملاقة بس شتسوين شي احسن من شي


وبس.. موفقات ان شالله

يعطيج العاافيه اختي منال القلب فعلا انتي مبدعه واحسج فاهمه ومنقرصه بعد بوايد اشيااء ما اتقصرين حبيبتي على جهوودج الملحوظه بهل القسم ,, واختي وحده من الناااس يعطيج العاافيه على هل التجمع واناا معااااكم

>> قبل شوي ييت من المنطقه التعليميه ,, وعطوني ورقه الدوره وحددولي اسم المدرسه بس فيه شي خايفه منه كنت متوقعه بناااات قطوني عند بنين الله يستررررر

 

[fri2010]

نفول حبيبتي بس انتي ما خلصتي كل الاجراءات ولما تخلصين بنضيفج ان شاء الله

صدقني صعبه الله يعينج والله

 

[وحدة من الناس *]

بنات اشفيكم اهني التجمع

http://www.q8yat.com/t918023.html

 

[أنـوآر الـكويـت]

بنات تووني جايه من المنطقه
صج صج حدي مكتئبه لانه لما سلموني الورقه قبل رمضان قالوا لي انتي ابتدائي ومحطووط ابتداائي
والحين لما رحت ولا قالوا انتي متوسط تعرفون شنو صدمه بالنسبه لي لانه تعودت على الابتدائي وغير كل تفكير شنو اسوي لهم وشنو ابدع لاني كنت مجربه هالشي بالميداني بالله المتوووسط شلون اتعامل معاهم ياااربي

وهذي اللي تووقع الاوراق نفسيه زفت وزين تتكلم وتقول العلوم دايركت على المتوسط ما تدرون انتوا وين عايشين؟!!

امانه بالله شرايكم بردهااا مو يجيييب الحرره

بنات شنو اتشووروون علي؟!!
حدي متضااااايقه

ليش غيرو؟
انتي خريجه تربيه جامعه والا تربيه اساسيه؟

وقبل كانت بورقه مباشره العمل كانو كاتبين لج المرحله ابتدائي والحين غيرو الي بالملف؟
مو من حقهم اذا كانو مدخلينها الملف وخلصو
اف شهالملاقه
انزين ماعرفتي اسم مدرستج