بخصوص دورة المعلمين الجدد

[وحدة من الناس *]

السلام عليكم

شخباركم يا احلى ابلات في العالم :eh_s(15):

هذي احلى ورده لكم :eh_s(17):

كل ما في موضوعي اني بحجز لي مكان في القسم :krkrkr:
بمعنى اني حجزت تاريخ 1/9 حق تجمعي اليديد

وتجمع اليديد بيكون عن دورة المعلمين اليدد

وعشان محد يفتح اكثر من موضوع ونتشتت

بيكون التجمع اللي بحطه عن كل تفاصيل الدورة

وعقب ما نخلص من الدوره راح يتسكر الموضوع

وننتقل لموضوع منال القلب لان شامل حق كل المعلمات بكافه التخصصات والمراحل

والحين باخذ موافقتكم بالاجماع عشان ما تصير اي حجه بعدين

وموفقين كلنا يارب :eh_s(9):

 

[صدقني@صعبه]

عساااااااااااااكم على القووووووووه وشكررا ل منال انها نبهت الكل على هالنقطه عشان ما يصير تشتت
عاد تدرين اول ما ادخل اقول ياربي الحين باي مكان اسئل باي تجمع؟ لانه صج احتار واشوف المواضيع واقرى الردود بكل تجمع يمكن وحده سالت نفس اللي ابي

وشكرااا لج وحده من الناااااااااااس

وانا معااج وابصم بالعشررره عشان ما اندووووخ باكثر من موووضووع

 

[fri2010]

كلامج عين العقل حبيبتي بس ليش ما تسوين التجمع بأخر يوم من لرمضان؟

يمكن 1/9 يكون العيد ما تلحقين

ويمكن في اشياء لازم نسويها وناخذها معانا!

فنكون على بينه

انا بعد عن نفسي بفتح تجمع خاص حق ابلات الاجتماعيات بكافه المراحل خاصه احنا الغير تربويات بحاجه لوايد نصايح من بعضنا

من ابلات غيرنا وهم يكون من نفسنا كل وحده تقول شنو المواقف اللي بيصير وياها

 

[بنات حواء2]

سيروا و نحن و رائكم

 

[ذكريات عشاق]

وانا معاااااااااااااااااااكم

 

[miele]

ويااااكم 

 

[منال القلب]

يعطيج ألف ألف عافية * وحدة من الناس *


على هالتجمع الي راح يكون بإذن الله مفيد وايد حق كذا معلمة قيد الإنشاء..


وفعلا الموضوع ما قط وانفتح في هالقسم كلش. وراح يساعد شريحة معلمات حق السنة الياية بعد..


=====


وانا من مؤيدي فتح الموضوع سواء ألحين أو 1-9 ماكو فرق كلها جم أسبوع..


====


خلوني أقولكم عن تجربتي أو عن الي أعرفه من معلومات عن " دورة المعلمين الجدد "
من بعد اذن اختي وحدة من الناس..... وعلى حسب ما شفت وسمعت:



1- الدورة هذي مدتها أسبوع إلى أسبوعين وتكون قبل بداية دوام الطلبة.

2- في هذي الدورة يعلمونكم على نظام الغياب والاجازات والمرضيات يعني تقدرين تقولين الي لج والي عليج بالتدريس..

3- يعلمونكم عن كيفية التعامل مع الطالبة أو الطالب

4- نصائح عامة حول التربية والوظيفة

5- الي يلقي المحاضرات مدرسين أوائل أو موجهين وموجهات فنية..

6- نسبة بسيطة من الي راحوا للدورات هذي استفادوا منها

7- أكثر الي راحولها رجعوا يتحلطمون منها وانها حجي وسوالف وملل

8- تكون طريقة الدورة كراسي داخل مسرح، يعني نفس نظام محاضرة علشان جذي البعض يتملل من القعدة على الكرسي 3 ساعات متواصلة..

9- بعد انتهاء الدورة على طول يعطونج الورقة الي ترسلج على المدرسة الي راح تدرسين فيها، هذا أغلب الي شفته من كذا بنت صادف وياها هالشي.. يعني يحولونج على المنطقة التعليمية الي انتي تابعة لها وعلى طول يعطونج ورقة مباشرة العمل وعلى مدرستج..


10- انا توظفت سنة 2010 شهر 4 يعني من الكورس الثاني فعلشان جذي الدورة هذي ما حاشتني كوني اني توظفت نص السنة مو من أول السنة نفس حالتكم..

11- هالسنة 2011 سوو نظام يديد لدورة المعلمين الجدد بحيث الي بتتوظف أول السنة أو نص السنة راح تحوشها الدورة
يعني الي بتتوظف على الكورس الاول شهر 9 أو الكورس الثاني شهر 2 راح تحوشها الدورة

12- وايد يقولون هل اذا كشتنا بالدورة وما رحنا هل راح يخصمون من معاشي شي؟ للأسف اي ويقولون يخصمون يوم واحد من معاشج.. بس احسه أقرب الى التهديد وخاصة ان فيه اسامي حضور وغياب يعني ان ما حضرتي راح يعرفون لان اسمج ما يكون موقع يمه. بس انا متأكدة ان ما يخصمون على معاشج امبي وين قاعدين!! فعلشان جذي انتي روحي ميخالف واستفيدي وكلها أسبوعين مو أكثر فكي نفسج علشان لا تسمعين قيل وقال..


13- الحسنة الوحيدة ف هالدورة انها نفس نظام الجامعة يعني يالجامعيات تمتعوا فيها لأنها راح تذكركم بالجامعة وبعدها عاد خلاص بتصيرين موظفة راعية معاش...

14- شي مهم جدًا: ما يعطونج مباشرة العمل الا لما تنتهين من الدورة من خلال حضورج وتوقيعج يم اسمج. يعني مثل ما تقولون حضورج شرط اساسي علشان تاخذين ورقة مباشرة العمل.. >> قمة الملاقة بس شتسوين شي احسن من شي


وبس.. موفقات ان شالله

 

[بنات حواء2]

مشكوره منال على المعلومات الحلوه
و انا عندي اروح اسمه محاضراتهم و اتناقش وياهم بالي يفيدني احسن من قمتت المدرسه و الله ياريت دوامنه كله دروات
خخخخخخخخخخخخخخخ

 

[miele]

مشكوره منال على المعلومات الحلوه
و انا عندي اروح اسمه محاضراتهم و اتناقش وياهم بالي يفيدني احسن من قمتت المدرسه و الله ياريت دوامنه كله دروات
خخخخخخخخخخخخخخخ

لو دوامنا يسير كله دورااات؟؟؟!!!! لااااا يحوووووووشك

اكره الدورات والتفلسف 


قواج الله منال القلب ؛)

 

[jen2n]

مشكورة وحده من الناس واحنا معاج بأي وقت تبين

ويعطيج العافيه منوووله على النصايح بس انا سمعت ينحسب المعاش من اول يوم في الدوره

وهم هالشي مكتوب بالورقه فمعناه اللي ما يحضر من اول يوم يخصمون من المعاش

والحمدالله مدة الدورة اسبوع من 5/9 -13/9

وهم رايي من راي بنات حواء على الاقل نفك نفسنا من قمتت المدرسه

لان ما احب اقعد اسمع سوالف الابلات من غير شغل ويكون في بنات لوووول

 

[ابلة غزالة]

الله يعطيكم العافيه وموفقين انشالله
والله يعينكم على الدوره لان في ايام فيها ممله حدها
المهم انا سبق و سالتكم عن موعد دورتكم بس كنتوا للحين ما عندكم خبر اكيد عن موعدها
فبغيت اسألكم دورتكم بالضبط باي تاريخ تنتهي
بصراحه احاتي النقص عندي بالقسم و التوجيه بلغني ان راح يوزوع لمدرستنا تعيين يديد
كل سنه يداومون التعيين اليديد قبل اولى ابتدائي بيوم فهل السنه نفس الشي ولا العيد بيغير المواعيد
موفقين مره ثانيه

 

[jen2n]

ابله غزاله الدورة من 5/9 - 13/9

 

[miss shouq]

وانا بعد معاكم ويعطيج العافيه وحده من الناس على هالموضوع

 

[ابلة غزالة]

ابله غزاله الدورة من 5/9 - 13/9

لأ مو معقوله يوم 13 يعني ثاني يوم دوام الطلبه
صدمتوني :eh_s(11):

يالله الله المستعان و مشكوره جنان

 

[ذكريات عشاق]

مممشكووورة منوووول على النصايح

تحمممست اكثر تصدقون باقي 22 يوم بسسس

 

[صدقني@صعبه]

الدوره 13/9 تلخص
ودوامات الطلبه الابتدائي يوم 17/ 9 صح؟
هذا اللي اعرفه

 

[أنـوآر الـكويـت]

صدقني صعبه

دوام اولى ابتدائي ١١-٩
وباقي المراحل للابتدائي ١٢-٩

 

[( المـلاك )]

وياكم وياكم

 

[ذكريات عشاق]

اب اب اب اب لعيووونكم يا احححلى ابلات

 

[صدقني@صعبه]

اهااااااا وانا طول هالمده على بالي 17 يداوموون
قلت احسن عشان انشووف اصفوفناا وانتعرف عليهم
يالله على خير