باقي على عرسي 4شهور شلون اضعف )؛

[عسى الله يهديني]

بناااات وزني 77طولي164 ابي اضعف واشد جسمي
تهقون يمديني؟؟
وشلون اصعف برمضان/كل مابغيت اشتري ملابس ااجلهم والسبه جسمي شالحل تكفوون

 

[Daisy chain]

[[/color]
الله يهداج حسستيني انج حيل سمينة أنتِ بس زيادة وزن مو سمنة روحي لدكتور تغذية الحين وبلشي ترى يمدي تقريباً يبيلج ١٣ كيلو مو واجد مع مشي 5 أيام بالاسبوع أقل شي نص ساعة بالنسبة للشد ما أقدر أفتي لج بس أنا سمعت ان المشي يشد كل الجسم مادري صح المعلومة أو لا

 

[مدّهره !]

مااعندي فكررره ..’

 

[مـهـــابــــه]

نادي مع نظام غذائي يبيلج تبلشين من الحين و راح تضعفين باذن الله

 

[lulu0]

اشتركي بالنادي والتزمي مع اكل صحي وابتعدي عن الخبز والعيوش وراح تضعفين وجسمج راح يكون متناسق مع الرياضه روحي كلاس اسمه سبننغ اهو علي الغاري وشوفي اشلون بتضعفين بالتوفيق حبوبه

 

[lulu_q88]

النادي احسسسن واسرع من النظام الغذائي ماباقيلج ششششي

 

[Mrs.H]

لاتحاتين سهلة بس اول توكلي على الله وادعي لنفسج انج تضعفين

بعدين ابدي بنظام غذائي.. خلي ريوقج توستة مع جبن او لبنة خالية الدسم وزعتر وخيار مثلا

ولاتشربين عصاير استبدليهم بالفاكهة لان العصاير سعراتها اكثر واليافها اقل بس الفاكهة سعرات اقل والياف اكثر

اذا يعتي اكلي برتقال او تفاح.. ممكن خيار مقصص وجزر وفلفل بارد

قللي من الحليب والشكر.، شربي جاي اخضر او جاي اعشاب يفضل جاي اعشاب بدون شكر

الغدا اختاري من الاكل صدر دياية مثلا مع سلطة

اما برمضان

نصيحة تفطري تمرة وماي تالي شربي شوربة و نطري ساعتين جذي بعدين اكلي اي شي خفيف مثلا دياي او لحم مع سلطة وروب

خلي سحورج توستة وجبن مع روب

وكل مايعتي فاكهة او خضرا او روب

والحركة بركة

 

[مـهـاآ]

آآب آآب

 

[عسى الله يهديني]

حباااااايبي ماقصرتوووو والله
بس مشكلتي ماقدر اروح نادي ودشيت دايت سنتر وضعفت بشهر كيلووو واحد


احس اني محبطه ):

 

[شربـــات لـــوز]

شوفي حبي انا حاسه فيج لاني اعاني من هالمشكله وعرسي بعد شهر ونص ويبيلي اقط 10 كيلووو
اول شي سويت رجيم وضعفني 3 كيلو باسبووع وهالرجيم اذا كنتي كارفه نفسج رياضه تضعفين 4 كيلوو والرجيم الله يسلمج
الريوق 2 كيوي وونص موزه
الغدا نص صدر ديايه ركزززي نص مو صدر كامل لا بس نص معا سلطه الي اهيا تتكون من خيار وخس وملفوف وتقدرين تحطين خل وملح بسلطه بس لا تكثرين منهم
العشا قوطي روب
الملاحظات وركزي علا كلامي بين كل وجبه والثانيه 6 ساعات وممنوع تشربين عصاير
المسمو ح اهوا جاي من غير سكرر ولا نقطه سكر ولا حتى سكر رجيم وقهوه عادي تشربين بكميه مفتوحه وماي شربي ماي واااايد
وكرفي نفسج رياضه اذا ماضعفتي مااكون انا شربات
ولاتقولين اليوم بخربها عادي لاا حبي ترا كل يوم ينحسب عليج
دشي يوتيوب وطبقي تمارين زنود وحق زوايد الظهر وفخووذ بس لا تلعبين معده دربالج لان العضله بتكبر وتكبر كرشج معاهاا
وابي دعوواتج الحلوه ان الله يوفقني معا ريلي
وان شاءالله بكتب موضوع شامل عن رياضه وشنو الي سويته وخلاني اضعف

 

[شربـــات لـــوز]

روب خالي دسم او قليل دسم طبعا

 

[<miss botamba>]

4 شهور يمدي وزياده

سكري حلجج هههههه جد والله حرمي نفسج عدل واكلي شغلات صحيه والله ماكثر الدكاتره و العيادات والرجيمات بالكويت

ودشي نادي او يبي مدربه بالبيت او كلش كلش فري فريجكم ساعه

اقل شي بتقطين 10

 

[سور المدينه]

يمدي 4 شهور لو التزمتي بالنظام غذائي صحي وكثري خضروات وفاكهة
وكثري سلطات من غير صوص
والرياضة حتى في البيت دخلي اليوتيوب وتمارين انواع كل يوم نص ساعه لشد الجسم ولحرق الدهون
وامشي مشي سريع
انا الحين الحمدلله باقي لي كيلوين 3 واصير مانيكان
بس خايفه في رمضان ارد اللي نقصته

 

[خلطات المذهله]

عادي جدا وزنج زيادته بسيطه نصيحه تركي العشاء واخر وجبه خليها الساعه 6 ويفضل تكثرين بروتين

 

[Daisy chain]

حباااااايبي ماقصرتوووو والله
بس مشكلتي ماقدر اروح نادي ودشيت دايت سنتر وضعفت بشهر كيلووو واحد


احس اني محبطه ):

شركات التغذية تنزل بطيء روحي للدكتور محمد ربيع بمجمع الخليجية أحسن بظرف شهرين أو شهرين ونص وانت إن شاء الله واصلة للي تبينه

 

[M!SS.LOBY]

وزنج 77 مربربه مو متينه تقدرين تسوين حمية غذائية ويطيح جم كيلو حلو وطولج مناسب مع وزنج

 

[عسى الله يهديني]

واي في كذا وحده ردووودههم تبرد الجبد ماتقصرووون ياقلبي

 

[عسى الله يهديني]

فدييتكم فديتكم

 

[قدساوية 99]

حبيبتي انصحج بالدكتور بوعباس سواء تروحين او تحصلين رجيمه بالمنتدا بنت عمتي مشت على نظامه وضعفت وايد بشهر بس وكل يوم اشربي خلطة الدكتور جابر القحطاني اللي اهي حزمة بقدونس اعصريها واخذي منها نص فنجان وبعدها على طول اخذي قشر الليمون مو الليمونه نفسها لا القشر وابشريه بعدين اغليه واشربي منه راح تلاحظين الفرق اذا استمريتي وموفقة يا عروسه

 

[الحورية الصغيرة]

4 شهور وقت وايد زين تضعفين و تشدين

برمضان قبل الفطور بنص ساعه أو ساعه الا ربع سوي رياضه أشتري جهاز مشي و الغزال طائر وايد زينين و خففي أكل

ما أنصح بالشركه لانها تثبت الوزن أكثر من انها تنزله

أهم شي رياضه قب الفطور برمضان و أكل خفيف