باقي على زواجي شهر ...انقذوني

[مدام زيزو]

رد : باقي على زواجي شهر ...انقذوني

مو تنسين طقم ابرة وبكره للخياطه

 

[كرز حالي.]

رد : باقي على زواجي شهر ...انقذوني

شوفي قسم الحياة الزوجيه يفيدج

 

[L A T T E]

خليج دايما كاشخة.. واستمتعي بهالشي.. بس تكونين كاشخة بنعومة.. =)

و دايما خلي ريحتج حلوووة .. بخور و عطور و لوشنات.. خلي حتى الحريم يسألونج عن ريحتج =)

استغفري دايما.. والله يسهلج امورج يارب.. فكري قبل لا تردين على اي سؤال.. لا تذمين بأحد حتى لو انه فعلا يستاهل المذمة.. ولا تطيحين الميانة خلي علاقتج معاهم طيبة و محترمة و حلوة.. و عليييج بخالتج .. هالله هالله فيها.. و هم حمواتج.. اما حريم حموانج خلي علاقتج فيهم سطحية حيل

استمتعي بحياتج و استانسي ولا تحاتين.. هذي احلى ايام عمرج .. استانسي لانج عروس.. واكشخي لانج عروس.. وابتسمي بنعومة لانج عروس.. وصيري انثى لانج عروس !

والله يوفقج يارب .. بس في خلطات مثل مالت مزيونة وشقرا اشتريها وحتى بالزواج استخدميها وايد حلوة.. وهم سوالف الترطيب و الحماية تنفعج

 

[L A T T E]

الحمدالله تقريبا كل شي جاهز بس يبي لي كم تنوره رسميه طويله والعطورات اجلتها اخر شي لاني خفت اشتريهم بدري وتتغير ريحتها

بس للحين مادري شنو اخذ عطور وان شاء الله بنزل هالأسبوع واخذهم

بس دايم اسمع لازم يكون عندي عطر خاص لليل بس مو فاهمه نوعية هالعطر يكون من الغالي حيل والا عادي وكيف تكون ريحته قويه والا خفيفه

وبس بالليل اتعطر منه؟؟؟؟؟

ياليت احد من الاخوات اللي جربوا ينصحونا بأحلى عطر واروح اشمهم واشوف اللي يناسبني

وجزاك الله كل خير حياتي

روحي الحمرا مول والعربيد بلازا .. عندهم تنانير حلوة =)

العطور لا تكثرين نصيحة.. وبعد الزواج تقدرين تشترين على كيفج.. انا اعرف وحدة شارية مليون عطر و دهن عود واحد.. عقب فترة حطت الدهن عود جان يقولها اول مرة اشم ريحة عطر حلو عليج !! مسكينة ماكان عاجبته عطوراتها

المهم حبيبتي بالعطورات اشتري انواع.. في بنات ماقصروا حطوا اسامي عطور حلوة.. وانتي اخذي الاسامي و روحي شميهم و شوفي ستايلج..

وترى في عطر حلو بس اهوا ليمتد اديشن.. اسمه ايفوريا بلوسوم.. اهم شي كلمة بلوسوم لان في من ايفوريا 2 او 3.. المهم عالعطر احنا مسمينه عطر النظافة ريحته خيااال ينفع تحطينه الصبح و طول اليوم بشقتج عطر عجييييب و يحسسج ان الحياة حلوة لوول

عندج بعد عطر كوكو مودموزيل .. هذا شوي قوي و يصلح للحمولة او للطلعات..

عطورات الليل تكون العطورات المركزة شوي.. وانصحج بديور بيور بويزن الابيض..

وقتلج انتي اختاري اللي يعجبج واللي يناسب ذوقج..

و ترى الرياييل يحبون الدهن عود.. في دهن عود اسمه سفاري من القرشي انا عاجبني احطه لما اطلع من الحمام تكرمين عقب ما اتنشف احطه على رقبتي و صوب صدري و تكرمين اباطي و باجي جسمي.. وكل ماعرقتي شوي تفوووح ريحة الدهن عود

والله يوفقج و يتمم عليج..

عاد باجر بتصير عندج خبرة وانتي اللي بتنصحينا لوول :eh_s(7):

 

[برورة2005]

رد : باقي على زواجي شهر ...انقذوني

عسى الله يوفقج ويتمم عليج وعلينااااا ياااارب

انا مع كلاااااام خوااااااااتي .. وخلييييييييييج ع طوووول مبتسسسمه مع أهله مو تكشرين يقولون شفيها هذي !!

الابتسسسامه حلوه وحتى الرسوول صلى الله عليهو سسلم أوصى بااالابتسامه

وحاولي أنج تستغفرين بينج وبين نفسسسج عشان الله ييسر أأمورج كلها ع مايرااام ...

وبالنسسبه لبشرتج أأهتمي فيها خلطات ولوشنات جذي .. وبعد شعرج لاتهملينه أهتمي فيه

وملابسسج حاولي تنوعين فيها علشان ريلج مايمل !!

وخلي دااااااااااايمن نفسيتج حلوووووووووووه علشان تكسبين الكل


واتمنى انج تدعين لي بالتوفيق وييسر أموري كلهااااا


وبالتووفيق حيااااااااااتي ..

 

[Something wooow]

أهم شي ياقلبي اي شي يصير بينج وبين زوجك حتى لو مشكلة

او صفة ماحبيتيها فيه احتفظي فيها سر ولاتعلمين اي مخلوق كان حتى لو كانت امج

واهلج لو كل عيوب الدنيا فيهم ماتذكرينها جدام ريلج عشان باجر لايستصغرهم

 

[فنجال الكيف]

ااااااااااااااااااب

 

[طموحه بزياده]

موضوع روعه ويستحق التثبيت لان النصايح يكتبونها البنات من تجاربهم


انا عن نفسي املجه...وانصحج لا تكشرين ترا التكشيره مو زينه ولا حلوه وخليج على طول مبتسمه وفكري بعقلانيه ولا تحكمي على الامور بسرعه واصبري على كل شي حتى لو زوجج مو زين اصبري عليه وادعي الله يسخره لج وصدقيني بيتغير ان احسنتي الظن بالله لان كل شي يتغير الا وجهه سبحانه

واكد اهتمي على طول بنظافتج وريحتج خصوصا الابط والحلج يمكن انتي ما تشمينهم ولا تحسين بنفسج بس غيرج يحس ويشم واشتري علوووج وحلام واشتري اللزقات اللي على نعناع ودارسين اللي يتلزق بسقف الحلج يذوب ويعطر الحلج صراحه عجيب دايما اشتريه عند قسم العلوج والحلاو بجمعيتنا..

على طول حطي مرطب شفايف اللي يكون فيه لون احمر خفيف وانا احب الفراوله مال البودي شوب لونه حلو وريحته تفوووح جني راشه عطر

وخلي علاقتج مع الكل رسميه حبيهم عشان يحبونج ولا تصيرين مليقه لان هذول اهل زجج هم اهلج لانج بتعيشين عندهم خلاص صيري حليوه معاهم واسألي عنهم وتطمني عليهم وسولفي معاهم واعتبريهم مثل خواتج بس هم خلي علاقتج رسميه بس تحت بالصاله تكون جمعتكم عندهم ولا تتعمقين لانج انتي الخسرانه لان بعدين مرح تقدرن تفتكين منهم اذا تعمقتي بالعلاقه وقلتي اسرارج ودخلتيهم شقتج واجد ولا تصيرين سخيفه لي قالج احد بدش شقتج ولا بقعد عندج ولا احد سير عليج استقبليه براحبه صدر ولكن انتي احرصي انج ما تعزمينهم لشقتج ولي استقبلتيهم بشقتج حسسيهم انهم ضيوف وخليهم يقعدون بصالتج وقدميلهم عصير ولا ككاو عشان يحسون انهم ضيوف والبيت مو بيتهم هههههههههه يارب اطبقها عدل..

 

[ليالى الحنين]

ماقصررو البنات الله يعطيهم العافيه

 

[aya faid]

موضوع حلو



موفقة




رفع

 

[المليحه]

الله يوفقك​

 

[واقعية حـلـم !]

الله يوفقج يا عرووس

انا مو متزوجة بس حيل استفدت من الموووووضوع و بالذات اختي شقاوة الله يعطيهااااااا العافية



الله يهنيك و يوفقك و يجمع بينك وبين زوجك على الخيررررر و السعادة يا رب

 

[7noOna]

شوفي حبيبتي عالسريع بقوللج جم شغله طرت علي:::eh_s(17):

لاتكثرين قمصان نوم أنا شريت 15 تقريبا لأن لازم تعرفين ذوقه

امممم وبعد وايد قالولي كثري من البجايم وملابس البيت لأن أغلب لبس بيشوفه عليج ريلج

و مكياج مو شرط كله ماركات غاليه،،أنا ليلحين ماشريت مكياج بس ناويه الشغلات الأساسيه اللي متعوده عليها بشتريها أصلي والباجي عادي من سرداب الشايع في شغلات حلوه ويديده

و لاتنسين أصباغ أظافر اشتري ألوان غامجه وفاتحه

و ملابسج نوعي بين الموديلات والألوان أنا غلطتي نص بجاماتي لونهم وردي اللي شريتهم لووول يبيلي أشتري أوان أكثر انشالله

ويلا ما أطول عليج::: أتمنى اني فدتج ماحبيت أمر وماأقوللج شي :friends::nbvppw: