باقي على زواجي شهر ...انقذوني

[لذة التوت]

أبيكم تعالواااا


..








خواتي الله لايحرمني منكم

انا عروس وباقي على زواجي شهر والله يجمعني مع زوجي على خير

انا للأسف كل يوم اكتشف اني جاهله بأمور كثيره عن الحياه الزوجيه

اللي أبي منكم

نصيحه تقدمينها لوجه الله لاني محتاجه لاأي احد ينصحني

وماراح احدد شي معين تنصحوني فيه يعني اشياء سويتيها وفادتك من باب شقتك الين اخر مكان فيها

كل شي يطري على بالك قوليه لاني جد جد محتاجته :eh_s(2):


وشنو الأشياء المهمه اللي اسويها هالأيام قبل العرس من خلطات وغيره

واذا شي تستحين تقولينه او ماتبين على العام عندك الخاص وبدعيلك من كل قلبي لان ممكن من كلمه تكتبينها تنفعيني وتنفعين خواتي اللي يقرون الموضوع

والله محتاجه نصايحكم لاتبخلون علي



والله يجزاكم كل خير ويستر عليكم ويوفقكم

 

[روح اليآسمين..}]

ي ـآرب يسـآعدونج ..

 

[الترف الخجول]

ابشري والله باللي يفيدج... حبي مفروووض مبلشة عناااية من يوم انخطبتي لين يوم العرس. شوفي روحي حق الحوااج قولي ابي خللطات تبيض وهو راح يفيدج حياتي ثاني شي غرفتج اللي في بيت زووجج لاتخلين ولابنت امها تدخل حتى لو اقرب الناس. بتقولين شلون امنعهم اذا وحدة تليقفت او تبي تشوف الغرفة عندي لج خووووش عذر.... اول شي قفلي الغرفة وقولي زوجي حالف علي ان محد يدخل الغرفة حتى امي وخواتي << بس جذية عذر. ولو بيدي وجات علي لا ادخلج وماعندي مانع بس هاذا طلب منة اهو وبهالعذر تنقذين نفسج وماتدرين بنات الحرام واجد حتى اقرب الناس... ولأن غرفت نومج شي من خصوصياتج يالغالية مو كل من حب ودب يشووفها بعدين يعرفون شخصيتج من غرفتج ..ولا شرااايكم؟؟؟

 

[الـــذربـــة]

الله يتمم عليج ويجمعكم بالخير ,,
أنا نفسج عروس وماعندي خبره لكن إلي أعرفه إن كل شي بيدج,,
بيدج إنتي تكسبين ريلج,,خلي منج المظاهر <صج مهمه بس مو كل شي
أهم شي المعاملة والاسلوب هالله هالله بالحجي الزين والابتسامه والاهتمام فيه وبنفسج,,
وإنشالله المتزوجات يفيدونج والله يعطيكم العافيه,,

 

[الأموره لولو]

السلام أختي انا مو عروس بقول لج نصايح من خبرة بنات خالاتي , والأخت الترف الخجول مع احترامي لها بس مافيها شي يشوفون غرفت نومج اصلن اغلبية الي بشوفونها اهل المعرس واذا مارضيتي يشوفونها ياخذون عنج فكره سيئة حتي اصلن اهل المعرس دايما يحبون يورون اقاربهم شقق عيالهم , المهم اول شي لا تطيحين الميانة خصوصا مع خوات زوجج خلي العلاقه رسميه وبعدين كوني دائما مستمعة واذا قالوا شي يعني سوالف وناقشوا موضوع لا تجادلينهم وتقولين لا غلط سكتي , وأهم شي خلي لسانج دايما حلو واذا تبين اهل زوجج يحبونج حيل عليج بعيالهم اذا امهاتهم موجودين لميهم وحبيهم واذا بنت صغيرة قولي مشاء الله تهبل جميلة وجذي كلام ومن وقت لوقت مدحي مثلا طبخ خالتج او حماتج وا حتي هدومهم بس مو وايد علشان لايقولون منافقه وخالتج دايما حبيها علي راسها وعلمي عيالج هذا الشي واتمني اكون فدتج وتري كل ناس مختلفين انتي حاولي تعرفين طبع اهلا وموفقة انشاء الله :::
مشاء الله ولا حول ولا قوة الا بالله

 

[نمله معصبه]

الله يوفقج ويهنيج يااارب ..
انا ماتزوجت للحين بس اهم شي اذا تبين تكسبين زوجج اكسبي أمه..
وخليج على طول مرتبه وخلي شقتج ريحتها بخور وعطور ..وريحتج دايم عطورات ودهن عود...هذا اللي اعرف انه مهم حيل..

 

[ذكرى]

لازم الحين تبلشين بالصالونات وبس روحي سويلج برنامج كامل واهتمي بشعرج خلطات روحي حق ابو مبارك العطار واخذي منه خلطات الشعر وفيه خلطه اسمها ام بدر حق التبيض هاذي وااايد تنفع اذا خلصتي من الصالون قبل لاتنامين حطيها بكل جسمج شرط يخليج جنج زبده وبيييييضه عن تجربه كان عرسي قبل شهر واستعملتها وايد انفعتني وريولج وايدينج وريولج لازم تهتمين فيهم ويهج رطبيه علطول قبل لاتنامين غسلي ويهج وسنفريه وحطي كريم والبياض مو شرط ايي بالخلطات لا ترى هم النظافه تخليج بيضه وعسى الله يوفقج

 

[ذكرى]

واما عن حياتج الزوجيه من ناحيه اهل زوجج لازم تكسبينهم وخصوصا ام زوجج اذا تبين زوجج يرضى عليج خلي امه ترضى عليج بوسي راسها دقي عليها سألي عنها سوي طبخه حلوه وطرشي لها سولفي معاها وفعلا مثل ماقالو خواتي لاتحتكين بخواته وايد والله عن تجربه خلي بينكم سلام وبسسسس ومن ناحيه زوجج خلي لسانج دااايم حلوو ولاتنكدين عيشته ليش وليش وكلمه ان شاء الله خليها دايم بلسانج سبحان الله تلين قلب الواحد والنظاافه ضروريه لازم شقتج تكوون نظيفه وريحتها لازم الريحه تكون حلوه والبخور دايم تحطينه روحي الشايع عندهم بخوور حلو انا استعمله لان نظافه الشقه تعكس عن نفسج عسى الله يوفقج

 

[اللاندكروز]

سويلج برنامج بهالشهر حق البشرة والشعر عندج صالون رنيم جلسات الشعر وايد زينه واهتمي بتنظيف البشرة والحمامات المغربية والراحة التامة والنوم مبجر , ولمن ادشين شقـتج وانتي عروس صلي ركعتين انتي وزوجج ترا فيها الكثير من البركة وخليج مرتبه ومتخرة ومتعطرة على طول قدام زوجج والناس بعد وخليج رسمية جدا جدا مع الناس ..
تحياتي ،،،

 

[Smetk 3'lay]

وانا بعد مثلج عروس وابي نصايح من خواتنا الله يجزيهم خير

 

[فرفوشه ؟؟]

خوش موضوع

الله يوفقج ويوفقنا يارب

 

[frasha.q8]

الف مبروك الله اوفقج انشالله واتمم عليكم يارب اهم شي لاتخلين احد بالكون يتدخل بينج وبين ريلج بس هالشي مايمنع انج تاخذين نصايح من اقرب الناس لج ولاتخلين اي احد اخرب علاقتج بزوجج وانتي وشطارتج اشلون تكسبين زوجج لج واهم شي الريال مايحب الحنه كلششششششش ولاتقوليله شوف امك وخواتك
والمهم الحين اتريحين وخلصي شغلج بسرعه ولاتتوترين ابدااااااا

 

[".. دلـولـه .."]

إن شاءالله البنات مايقصرون بالنصايح

والله يوفقج ويهينيج إن شاءالله

​

 

[لذة التوت]

كلمة شكر ماتوفيكم


جزاكم ربي الجنه على كل حرف كتبتوه

والله يعين والله اني احس بضيقه وخايفه

 

[مااايا]

الله يوفقج ويسهل أمووووووووورج



أهم شي كثري الاستغفار والدعاء خلال هالفترة

والله يسخره لج ويسخرج له ويرزقكم الذريه الصالحه آآآآآآآآآآآآآآآآآآآآآآآآآآآمييييييييييييييييييييييين

 

[{عسوله مطير]

الله يوفقج


والرجال عنده أهم شي بالمرهـ نظافتها وولسنها الحلو ...عاااد مومن اول يوم يآىعمري يآآقلبي احبك
كآآآآآآآآآآآآآآآىك تثقلي وتغنجي وبآآقي أنتي أخبر ومافي وحدهـ مغمضه دام في نت خخخخخخخخخخخخخخخخخخخخ<<<2010 مافي بنت بريئه

 

[المتـ ف ـائله]

الله يووووفقج ويهنيج

اهم شييييييي تكون كلمتج موزونه ومقلبتها براسج قبل لا تقولينها

واي شي يصير بينج وبين زوجج لا اطلعينه لناس وتسولفين زوجي حطلي وجابلي وماني عارفه ايش ترى النفس تفز لحد اسألج قولي الحمد الله ميسره اموري



واممممممممممممممممممممممممممممم بعد شنو ياربي الحين ما فبالي شي

والله يهنيج

 

[برموشي اداويك]

جزاكم الله خير خوش نصايح

 

[لذة التوت]

يامال العافيه حبايب والله يجعله بميزان حسناتكم

وان شاء الله استفيد ويستفيدون البنات معاي



عسوله هلا هلا

انا بريئه وربي واحس بنات الطعش افهم مني


بس الله كريم

 

[ام خدود ورديه]

الف مبرووك حبيبتي

عن تجربه
خلي علاقتج مع ام ريلج سطحيه سلمي وسوي الواجب وبس
لاتتناقشين معاها بامورج انتي وريلج
حتى بالترتيبات خلي اهلج يتفاهمون عشان ماتختلفون على شي

واذا تبين صالونات حق الحمام المغربي
روحي صالون مس برونيل وادعيلي
والله تطلعين منهم زبده ايننن حمامهم
ويمدحون خلتاهم اللي حق الشعر

وموفقه حبيبتي