باركوووو لي سويت عملية التكميم ولله الحمد

[ZajiL]

رد: باركوووو لي سويت العملية ولله الحمد

حمدالله على سلامتج حبيبتي والفال يوم تبشرينه بالضعف والنتايج الحلوه

 

[eng.q8]

رد: باركوووو لي سويت العملية ولله الحمد

الحمدلله على سلامتج حبيبتي..

 

[* اجمل ملاك *]

رد: باركوووو لي سويت العملية ولله الحمد

الحمدالله على سلامتج

 

[dalal art]

رد: باركوووو لي سويت العملية ولله الحمد

وينج حبيبتي نحاتيج احسن الحين وشرحي لنا بالتفصيل شنو ووين سويتي العمليه والف الحمدالله على السلامه

 

[جمانه2009]

رد: باركوووو لي سويت العملية ولله الحمد

السلام عليكم
شخباركم يااحلى اعضاء
سامحوني عالتاخير عليكم
واشكر كل الاخوات اللي دعوا لي :yaaaaaarb:
بالنسبة للتفاصيل راح تملوا وانتو تسمعوا معاناتي وحكايتي مع الوزن
اولا صلوا عالنبي هههههه <<<<<<< بتقول قصة سندريلا ههههههه

انا ياحلوات يااحلى رشيقات في المستقبل ان شاء الله قولوا امين :yaaaaaarb:
بدات معاناتي مع الرشاقه من زماااااااااااااان
صرت احلم واطمح للرشاقه من كنت في الجامعه
وبالفعل قررت اني انزل وزني اللي وصل اعلى شي في ذاك الوقت ، تصورا كم كان وزني وانا في الجامعه
105 كيلو:eh_s(11): وبما اني شوي شاطره في الدراسه وماخذه وقتي كله تقريبا فقلت يابنت ليش ماتسوين رجيم وشوي تمارين :weight_lift:
وبالفعل استمريت على رجيم الصوم لمدة سنتين مع رياضه 4 ايام في الاسبوع اسويها لحالي من خلال اشرطة فيديو لمدربات اجنبيات وماخلصت السنتين الا انا نازله قاربة 40 كيلو وصار وزني 65 يااااااااااااااااااااي بجد فرحت وماسعتني الدنيا
وصرت اروح اشتري اللي ابغيه وكل شي يناسب هههههه :eh_s(9):
وبقى وزني على هذا الحال لقرابة السنه محافظه عليه لحد ماتخرجت وصرت انتظر التوظيف بفارغ الصبر سنه بعد سنه لحد مااحبطت ويأست وصرت احط همي في الاكل وعدم المبالاه وعدت سنه ووراها سنه الا وانا رديت اسمن بلا شعور ووصل وزني 93 كيلو
بجد كانت صدمه بعد كل هالمعاناه والصبر والتحمل ورجع الوزن .... صج مارجع مثل اول بس شنو باقي ؟؟
اهني عاااد قلت لا يابنت لمتى راح تخلي الاحباط واليأس يسيطر عليج ؟؟
ساعتها قررت اسجل في نادي رياضي لمدة 3 ايام في الاسبوع وبالفعل سجلت وانتظمت واتبعت حميه وراها حميه ونزل وزني بس مو وااااايد لاني احيانا اعفس الرجيم فوق تحت هههههه :botetoo:
وتقريبا اللي نزلته 22 كيلو فقط يعني صار وزني في السبعينات فقلت الحمد لله خير وبركه
وهكذا الحال صار وزني يرتفع وينزل وانا موتي الحلويات والمعجنات لذلك اجد صعوبه كبيره في اتباع حميه لفتره كبيره
ومن كثر مااتبعت حميات اشكال وانواع واقرا عنها وعن اهم التمارين اللي تساعد في انزال الوزن حسب الحميه صار عندي خبره صرت افيد بعض البنات زميلاتي وبالفعل استفادوا من بعض تجاربي وانا مكانك سر ارتفاع وانخفاض
لغاية الطفرة الاخيره اللي غيرت مجرى حياتي ...
بالصدفه وكعادتي طبعا افرفر في المواقع والمنتديات عن انواع الرجيمات والحميات جذبني موضوع لاحد الاشخاص يسأل عن المغنية ديانا كرزوان ويستغرب شلون صار جسمها بهذا النظام والترتيب والدقه ؟؟ معقول كل هذا رجيم ؟؟
ومعروف عنها انها تحب الاكل وتعشقه موووت يعني اي رجيم بتتبعه راح تخربه بعد فتره ؟؟
وبالفعل خلاني هذا الموضوع ابحث في كل مكان عن السر الخطير اللي خلى ديانا بهذا الشكل الرهيب ؟؟
لحد ماشفت كذا موضوع تعترف فيه بنفسها انها اجرت عملية للتخلص من السمنه والبدانه ؟؟
واهني كانت البدايه

بعدين بكمل تعبت وان شاء الله ماازعجتكم بحكايتي واسمحولي
من بعد ماكنت اتفشل اروح المحلات واشوف النظرات والتعليقات اللي على جنب لما كنت امسك قطعه مو مقاسي :eh_s(16):​

 

[أحلى همبه كويتية]

رد: باركوووو لي سويت العملية ولله الحمد

الحمد لله على سلامتك
خطاااااك السوء
وأن شاء الله تتمتعين باللوك الجديد

وعقبالنا يارب

 

[No LOVE]

رد: باركوووو لي سويت العملية ولله الحمد

اهم شي حمدالله على سلامتج اللى اعرفة ان ديانا كرزون سوت عملية تحويل مسار المعدة بس مو متاكدة

 

[فيرونا]

رد: باركوووو لي سويت العملية ولله الحمد

الحمد الله على سلامتك اهم شى وان شاء الله توصلين الوزن اللى تحلمين فيه
وهالعمليات صارت سهله اذا كانت عند طبيب متخصص فيها وشاطر
ناطرين الحلقة اليايه على احر من الجمر

 

[جمانه2009]

رد: باركوووو لي سويت العملية ولله الحمد

اشكركم حبايبي
وبالفعل ديانا كرزوان سوت عملية تحوير وهي اصعب العمليات
بروح اشرب عصير وبرجع لكم
سي يو ​

 

[إستبرق الكويت]

رد: باركوووو لي سويت العملية ولله الحمد

تبارك الرحمن

الحمدلله على سلامتج وإستمري

خاوي وصادقي الميزان طول عمرج , عشان من تصعدين كيلو والا حتى 500 غرام تنتبهين

مشكلتنا نسوي ريجيم ونهد روحنا عقبه بالأكل

عليج بالعافية ويارب توصلين لوزنج المثالي وكلنا معاج يارب :eh_s(15):

 

[pandora]

رد: باركوووو لي سويت العملية ولله الحمد

الحمدالله على سلامتج

 

[حرم الحوت]

رد: باركوووو لي سويت العملية ولله الحمد

الف الحمدلله على سلامتج

 

[oum 5ald]

رد: باركوووو لي سويت العملية ولله الحمد

الحمدلله عالسلاامه

ومبروووك عالعمليه حبيبتي

وياااارب نشوفج رشييييقة المستقبل لووووووووووول ودايمن تكونين رشيقه يارب

التكميم اهوا نفسه السليف على ماظن

 

[أم الفهود]

رد: باركوووو لي سويت العملية ولله الحمد

يلا يا جمانة كملي قصتج
بنعرف وزنج ووين سويتي عمليتج وشنهى بالضبط
ومنو دكتورج وبجم سويتيها وجم يوم نمتي بالمستشفى
ادري انا موذية بس تحمليني

 

[زينة2008]

رد: باركوووو لي سويت العملية ولله الحمد

الحمدلله على سلامتج .....:eh_s(15):

 

[Eng_7asasa]

رد: باركوووو لي سويت العملية ولله الحمد

حمدالله على السلامة موفقة انشالله

 

[عاشقة الكاكاو]

رد: باركوووو لي سويت العملية ولله الحمد

الحمدالله على سلامتج حبيبتي

بس قوولي لنا وييين سويتيها وهي عبااره عن شنو بالتفصييل الملل

نااااااااااااااااااااااااااااااطرتج

 

[جمانه2009]

رد: باركوووو لي سويت العملية ولله الحمد

مرحبا يابنات
بصراحه انا حدي مقهوره
كتبت موضوع اشطوله ويوم اعتمدته الا المنتدى تحت التطوير وماتسيف الموضوع
الحين وين اجمع افكاري من اول :eh_s(14):
شسوي راح اكتب لكم بعدين لاني الحين بروح اشرب ادويتي واصلي وبدعي لكل الدببه الا انا وحده منهم
يارب نضعف ونصير رشيقات يارب
بعد الصلاه راجعه لكم ان شاء الله اذا ماانشغلت ​

​

 

[ZajiL]

رد: باركوووو لي سويت العملية ولله الحمد

جمانه لاطولين علينه ونصيحه كتبي بالورد تالي نسخي لانه النت ماله امان

 

[الكويت غالية]

رد: باركوووو لي سويت العملية ولله الحمد

الحمد لله على سلامتج