بأي ولاده تنفستي ببيتج؟؟ ودي ودي اتنفس بشقتي بس ........!؟

[Lechi]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

مادري والله بس هم أنا عندي سؤال. عادي اذا ام زوجي نفستني؟؟ احس فشله. أنا اول بيبي تنفست عند أمي بس كنت بصاله مفتوحه عالثانيه وماكو باب وأي احد يطل لان ناعندنا غرف تحت وانا عمليه ماقدر اصعد. واليهال الله يحفظهم ازعااااااااااااج. ومحد من خواتي يقعد عندي وايد بس يطلون ويروحون أمي حبيبتي تنام عندي او 10 ايام بعدين راحت فوق دارها. واحس أمي تعبت وكبرت الله يطول بعمرها. بس خالتي ماعندها بنات وصغيره وتحب هالسوالف احسها بتستااااانس اذا تنفست عندها. وفرصه أتقرب منها وله شرايكم؟؟؟؟؟

 

[مدمنة ككاو]

والله انا بعيالي الاول والثاني عند امي الله يطول بعمرها ويخليها
الحين افكر بس 10 ايام على ما يطيب الجرح وارتاح بعدين بروح شقتي لان عيال وحوسه ولوووويه وفوق هذا ياهل وولدي مدرسه وواجبات والحمدلله ان شقتي يم بيت اهلي ييران فاحدد ايام معينه للضيوف عشان اييوني وتكون امي مجهزه مكاني
الله يسهل عالجميع

 

[eman84]

انا اول نفاس كان عند امي الله يحفظها وقعدت تقريبا 40 يوم وبصرااحه ضيقة خلق

صج خواتي اييوو يروحون بس هم ملل ابي مكاني وانا ماحب اغير فاخذت جم يوم بس علشان اتعود عالمكان مع سبحان الله تنفست بغرفتي قبل لا اتزوج بس خلاص انا طبعي جذي ..

غير هذا تنفست فوق وريلي كل مابغى ايي يستحي ومايطول

وغير النرفزه اللي تصير بيني وبي اخواني اسمالله عليهم مادري احس اني ماحب اثقل على احد وهم احاتي ريلي منو يغسل له و منو يطبخ له و شنو يسوي مايسوي يعني بعد هم وااايد 40 يوووم الريال بروحه !!

وهالمره ناوية ان شاء الله اقعد اسبوعين بس طيبة خاطر علشان امي وتالي اكمل بشقتي

 

[فديت قلبه]

الحمدلله على كل حآل ..
انا ابجري والثاني عند امي الله يرحمها..
وهذآ اول نفآس لي من غير امي الله يعيني.. وبتنفس بشقتي..

 

[om deaj]

انامثلج حامل بالثاني

كان بودي اتنفس في ولادتي بس ليلحين شغالة ماعندي وماراح اقدر على ولدي وشغل البيت وريلي ما يوصل حتى ولدي الروضة كل شغلي بروحي

ويقولي مابيج النفاس كله>>>لدرجة امه اقترحت اروح اتنفس عندها بس عييت حمواني شباب وماراح اخذ راحتي

انا بقعد في بيت امي وبس توصل الشغالة طيران على بيتي بصراحة تاخذين راحتج وترتاحين وعلى قولتج النفسية تصير اكس بالنفاس

اذا تقدرين سوي مثل ما قلتي خلج اسبوعين وردي بيتج وان شاء الله ريلج يساعدج والخدامة موجودة تشوي ترتاحين

 

[ام - وهابي]

بصراحه انا بجر وعندي احسن لو كل ولاداتي انشالله عند امي
منها اريح ومنها انه مايصير اكل نفاس وانا سمعت لازم المره فتره ماتتسبح كل هذا وريحت الحلبه والاعشاب واقعد اجابله ؟؟ احس صعبه
وهم عشان عقب النفاس تكونين مسويه نيو لوك لازم الحمال مشالله مايخلي فينا شي مو مخربه سواد وكرش ومتن لوول حمدالله على كل حال

 

[الدميره ..]

اول نفاس عند الاهل والباقي ببيتي

 

[Diva-Q8]

رد : رد: بأي ولاده تنفستي ببيتج؟؟ ودي ودي اتنفس بشقتي بس ........!؟

اشـــــــــــــــــكر كل من رد
وماااا قصرتوا


بس هم عندي سؤال .. اذا قعدتي بشقتج تنامين بغرفتج يم ريلج؟؟ ولا بالصاله او غرفه ثانيه؟؟
انا افضل الصاله ولاااااابد احط فراش بالصاله .. بس امس فاتحت ريلي بالموضوع مره ثانيه وقتله بحط فراش بالصاله
ولا يقول ليش بتقعدين عندي عيل؟؟ خخخخخخخخخخخخخخخخخ

بس احس ريحه نفاس وبجي الياهل راح ياذيه!؟
وفوق هذا اخاف طلعت نفاس ما يصير لها طعم اذا كنت كل ليله يمه
يعني حلاتج تنقطعين عن دارج فتره..
ولا شرايكم؟؟؟؟؟

انا من رايج يستحسن تكونين معزوله شويه عشان يصير في شوق لي رديتي دارج وهم مثل ماقلتي ريحت اكل النفاس تبط الراس احنا لي رزنا وحده ابيت اهلها من اول المدخل نشم ريحت الاعشاب رسمي الكل يدري عندهم وحده نفاس اهوا اكثر شي يطلع ريحة الحلبة بس يقولون الحلبه بس اول 10 ايام

لو تتفسين 10 ايام وتنطرين 5 ايام عقبها ابيت اهلج على ماتطلع ريحت الحلبة من الجسم وتردين بيتج وهم تقعدين بالصاله احسن

 

[alkanz5]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

عند اهلك احسن وافضل





الحامل
www.alhaml.con/vb

 

[الملكة كوكو]

انا نفاسي كان بالبيت عند زوجي لانة امي كانت تبي تسافر امريكا اسبوع و ترجع قلت ما يسوى اشيل اغراضي و قعدت البيت و كانت كل يوم تمرني و خالتي بعد ما قصرت معاي شالتني بالنفاس و الحمدلله كنت مرتاحة و زوجي بعد مستانس اني معاه , و قعدت بالصالة اسبوع كنت حاطة فراش و بعدين رحت نمت في غرفتي , و ساعات بليل لمن بنتي كانت تقوم يحليله زوجي اشوفه يفز قبلي يقوم يشيلها يسكتها و يقومني يقولي رظعيها , الحين بالبيبي الثاني ليلحين مو مفكرة ..

 

[ياسمين العمري]

ليش مكبرين موضوع النفاس ..
وين ماتحبين عند اهلك .. اوفي شقتك .. كلها عشر ايام وترجع الوحدة لطبيعتها ..