بأي ولاده تنفستي ببيتج؟؟ ودي ودي اتنفس بشقتي بس ........!؟

[أسري إليك]

السلام عليكم ورحمه الله وبركاته

شلونكم ؟؟ شخباركم؟؟

بنات انا حامل بالثاني وعندي بنوته الله يحفظها عمرها سنه ونص .. وعلى ما اولد يصير عمرها سنتين،،
طبعا بولادتي الاولى تنفست عند امي والله امي ما قصرت نفستني خوش نفاس بعد قلبي ..
بس ما ادري ليش حابه اتنفس هالمره بشقتي بس خايفه امي تزعل:s141:
طبعا تدرون النفاس تصير وحده نفسيتها زفت .. وانا تزيد نفسيتي حزت العصاري لما امي تدرس اخوي الله يصلحه اتوتر وتييني البجيه :eh_s(11): ونفس الوقت ابي ريلي يمي الصراحه مع انه ما يقصر كل يوم يمرني بس تدرون الريال يتحرمص ببيت اهل المره وما يحب يطول :hjy5jewf: بس انا فاتحته بالموضوع ووايد ايد الموضوع يقول حتى انا ارتاح خصوصا ان انا بشقه معزوله عن اهله واهو بنفاسي ينام بالشقه وعيزت وانا اقوله روح نام ببيت اهلك ما يرضى يقول تعودت..
يعني انا فكرت اقعد عن امي 15 يوم .. واكمل بشقتي
وبدخل بنتي الحضانه .. وجذي ابوها يوديها ،،

قولولي متى اول ولاده تنفستي فيها ببيتج؟؟
وشنو الاريح؟؟

وشاااااااااااااااااااااااااااكره لكم
:edbf4317b9:

 

[om al ghaleen]

بس ما ادري ليش حابه اتنفس هالمره بشقتي بس خايفه امي تزعل:s141:

لوول مثلي بالضبط ... بس انا برآعي صحتها لانها ماقصرت معاي الله يطوٌل بعمرها ويخليها
بكل عيالي تنفست عندهآ وكل مره اسولف معآها تقولي تعالي عندي بس آسبوع

تنفسي عند امج اسبوع او 10 ايام ورجعي لاتكملين الاربعين كله ميخالف طيبه خاطر "
والله يسسهل عليج يارب




\\

 

[أسري إليك]

هلا والله ام الغالين<<< صح اسمج جذي ؟؟

اي اساسا لاااازم اقعد عندها 10 الى 15 يوم ولا جان الزعله تصير جايده.. بس هم ترى عشان الجرح لازم اقعد عنها بعد قلبي
بس مادري ليش الامهات يشوفونها اهانه لهم ان البنت تتنفس عند ريلها!؟

فديت امهاتنا والله

شاكره لج حبيبتي

 

[أسري إليك]

نسيت اذكر شغله مهمه

انا ردت دورات ناعمه الهاشمي
واهي من مؤيدين النفاس ببيت الزوج
وسبحان الله في حقيقه علميه ان وايد زين الزوجه والزوج والمولود يكونون يم بعض بالفتره

 

[مي الحلوة]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

حبيبتى الله يتمم عليج ان شاء الله..
ويقومج بالسلامة..بس اتوقع انتى محتاجة احد يساعدج وانتى نفاس وبنتج صغيرة
ومافيهاااا شيء اذا قعدتي عند امج اسبوعين وبعدهاااا اذاحسيتى انج زينة روحي شقتج..
انا عندي ولدين وبنت وبولدي الصغير قعدت اسبوعين ورديت شقتى..لان عيال وحوسة
وهم ما حبيت اثقل على اهلي..والله يسر امورج ان شاء الله..

 

[إستبرق]

الله يسهل عليج حبيبتي
انا اول ولاده قبل الاربعين بجم يوم رديت بس تعلمت على بنتي
وثاني ولاده لا بشقتي انا من النوع الي احب بيتي وغراضي بمكانهم وما احب اللويه
وصج احسن وايد بنتي بمكانها وزوجي مو متبهذل وانا وغراضي بمكاني وزوجي الحمدالله مايقصر يشيلني واهلي يزوروني ويطولون عندي وانا ولاداتي عمليه والموضوع الحمدالله سهاله وامي قالت لي تعالي لو جم يوم على ما تتحركين عدل بس قلت لها مكاني زاهب ومرتب وما ابي ابهذل الكل بنتي وزوجي
والله يسهل عليج

 

[om.7madiiin]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

انا تنفست عند امي اسبوعين و صعدت شقتي فوق لان انا ساكنة عندها بس اريح ريلي يمي
حسيت باستقرار ما احاتي شنو ياكل و شنو يشرب و وين يروح و يرد
وكله يمي روحي تنفسي بس عالاقل اسبوعين و كل يومين ختييلج انا جذي
ولدت بفتره امتحاانات و اخواني وااااي بس ابجي منهم
بس حمدلله عدت على خير..
الله لايحرمني من ماماتي و يخليلج امج يارب..

 

[اشتياق]

على حسب راحتج ياقلبي واللي تشوفينه
انا عندي بنت وولد وتنفست عند امي الله يخليها لنا
ودايما اقول طول ما امي عايشه الله يطولنا بعمرها اهي اللي بتنفسني..

 

[Brounzi_girlly]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

آنا افضل اتنفس عند أمي الله يخليها لي اهي وابوي مع اني كنت حييل اكتأب وابجي وابي ريلي بس هم عند امي اريح
مع التحية............

 

[hooryah q8]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

وانا اقولج مثل ماقالوا البنات
اذا امج ابتزعل من هالموضوع قعدي عندها 10 ايام بعدين روحي شقتج
انا اول حمال لي وتنفست ابشقتي وماعندي خدامه بعد .. بس كانت امي تيني كل يوم حبيبة قلبي
احس اذيتها رايحه راده ..

الله يهون عليج وتولدين بالسلامه ان شاءالله

 

[ELFAD3Ah]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

والله انا بعيالي عند زوجي لان حبيبي مايتحمل لازم انا يمه ولا يستاحش

 

[أسري إليك]

اشـــــــــــــــــكر كل من رد
وماااا قصرتوا


بس هم عندي سؤال .. اذا قعدتي بشقتج تنامين بغرفتج يم ريلج؟؟ ولا بالصاله او غرفه ثانيه؟؟
انا افضل الصاله ولاااااابد احط فراش بالصاله .. بس امس فاتحت ريلي بالموضوع مره ثانيه وقتله بحط فراش بالصاله
ولا يقول ليش بتقعدين عندي عيل؟؟ خخخخخخخخخخخخخخخخخ

بس احس ريحه نفاس وبجي الياهل راح ياذيه!؟
وفوق هذا اخاف طلعت نفاس ما يصير لها طعم اذا كنت كل ليله يمه
يعني حلاتج تنقطعين عن دارج فتره..
ولا شرايكم؟؟؟؟؟

 

[أشبـاهـ المطـر]

لا حبيبتي ماتنامين عنده بالغرفه
حطي لج سرير بغرفة القعده او اي غرفه فاضيه

شووفي انا ماانصحج تنفسين عند ريلج لان بنتج بتكون صغيره
بتقعدين تحاتين نومتها واكيد بتنام معاج وبيبي بقعدها ..

اما اذا انتي بيتج اهلج امج بتنومها عندها وماتحاتينها
انا بصراحه بتنفس عند امي لان شقتي بالثالث وماينفع اتنفس فيها
يمكن مستقبلاً افكر اتنفس فيها

 

[ام عفاف الكويت]

في ولادتي الثانيه
كانت ام زوجي الله يرحمها صار لها اسبوع متوفيه
تنفست اول اسبوع في بيت اهلي ماقصرت امي
ورديت بيتي اكمل نفاسي هناك لانه نفسية زوجي تعبانه واهلي كانوا لاهين عرس اخوي

 

[أحب الصدق وأعمل به]

انا جذي الحين حامل بالثاني ومفكرة اتنفس بشقتي صراحة لوية اغراض وايد بتاخذين معاج في بيت اهلج صج ضيقة بس عادي اهلي عندي كل يوم وراح اطلع من احس بضيقة والله اختي في بنتها الثانية اسبوع وعقيها ما تقعد بالبيت سبحان الله ما حسينا بنفاسها جنها اسبوع وطلعت من نفاسها احنا نقعد 40 يوم ماكو طلعة شالسالفه

 

[عيش و ملاس]

شوفي في البجر تنفست 40 يوم بيت أهلي ، وبالثاني تنفست بس 20 يوم في بيت أهلي ، وبالثالث تنفست في بيتي ، بس اذا حابه تتنفسين بشقتج عادي وخلي أمج بين الفتره والثانيه تزورج وتييب أكل النفاس

 

[فـراوله]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟





انا أفضل اذا بجر أول نفاس بيت أهلج

اذا الثاني أو الثالث وأكثر من جذي

قعدي عندهم 10 أيام وكملي بيتج

 

[حرم يوسف بيك]

رد : بأي ولاده تنفستي ببيتج؟؟ ودي ودي اتنفس بشقتي بس ........!؟

انا ابجري وحملي الثاني تنفست ٤٠ يوم عند امي لكن الحين ثالث بيبي وبتنفس بشقتي واكل النفاس امي تسوي واحد ايبه لي صعبه اروح عند امي وبنتي مدرسه اول سنه لها وصعبه اغيبها فأتنفس ابشقتي اريحلي واريح حق عيالي ومدرسة بنتي يم بيتي فليش اشيل القش اشكثره ماتسوى والي بزورني من اهل ريلي بحدد عقب جم اسبوع ارتفع واستقبلهم عند امي الله يطول بعمرها

 

[أسري إليك]

هلا والله

بالنسبه للي تقول بنتج صغيره
انا اساسا ان ربي سهل بدخلها حضانه .. ابوها بوديها واييبها
بجذي راح تتنظم نومتها ويومها منظم

ومشكووووورين على الردود

 

[دلع86]

والله انا ببجري والثاني عند امي الله يخليييها لي انشالله