بأمانة شنو اللي تغير فيك بعد الزواج؟؟؟!!؟؟!

[رومانسيه 89]

انا من يبت بنتي الله يخليها لي انشاءالله وانا مااني مصدقه ان عندي بنت والله حدي مستاااانسه و قعدت أتذكر أيام قبل شلون والحين شلون
وقبل يوم كنت بالثانويه والله ودي ترد هالأيام وانا بالثانويه وحتى يوم تزوجت قبل لا أييب بنتي كانت مسؤوليه بس مو مثل ألحين ألحين اذا بنطلع يبيلنا سنه على ما ابدلها وأزهب أغراضها وكل شي وانا عندي ياهل مسؤوووليه صج وسهر وقبل على كيييييفي انام
وبالجسم مثل ما قالت dnyay_mll الخطوووط والسيلوليت ومكان غامج ومكان فاتح وييييع والله أبيييه يروووووح والصدر مادري شفيه صاير صدر عيوز

 

[Hanane2010]

اللي تغير انه كل ما اطلع ابي ارووح سوق ما اشتري لنفسي اشتري للبيت خخخخ

 

[لاتكابر غلطتي]

ودج تعيشين طووووووول عمرج عزوبيه
لكن خوفج من كلام هالناس
لكن هذي هي الدنيا وهذا نظامها
عسى الله يصلح الحال ويخليلكم ازواجكم وعيالكم ويتمم عليكم

 

[.،:"$الـعـوبــــة$":،.]

:bbbiu:ضيقتوا خلقي!!!:bbbiu:​

 

[احلى ـآ وحده]

انا عكسج صرت اجتماعيه اكثر .. >> خو عمتي معودتني ..

والشي الثاني صرت كسلانه بالدراسه ..

وصار فيني كروشه .. من الحماله ..

 

[نونه العنونه_H]

واااااااااي على كلامكم هذا الوحده تخاف تتزوج!!!
انزين شنو سبب هالتعاسه ومالي خلق ودمي صار ثقيل؟؟؟

 

[ندوش المزيونه]

والله اللى تغير فى طبعى صرت قويه اكثر صار فى احساس بالمسؤوليه اكثر صرت حنونه اكثر صرت احاتى كل شى وافكر بالمستقبل وايد وصرت اضحى وايد علشان اسعد اهلى وزوجى وجسمى طبعا تغير كنت سمبتيك والحين صرت مليانه وبس وسلامتكم

 

[جوري الفيلجاوي]

لما اتزوج اقولج <<< شتبيبن براا

 

[دانة العين]

والله الواحد يبى يعرس ،،،بث يدخل يقرى الموضوع يهون يعرس هههههههههههه
يابنات خلكم ايجابيات صح الزواج مسؤوليه بث انتوا حاولوا تشوفونه من منظوور ثاني ...
والله يخليلكم ازواجكم وعيالكم ...
ويرزقنا بالزوج الصالح ...


بث انا جسمي حلو واخاف يخترب مع ان اختي اللي معرسه ما شاء الله عليها جسمها يرد نفس قبل جنها بنت ...
انا ابى مثلها ان شاء الله ...ههههههههههههههه بكيفي لان

 

[حبيبه بدر]

صرت ام ومسوله

 

[*جبرني الوقت*]

الزواج حلو
بس الزواج بعدني عن أهلي خلاني اصير حنونة عليهم ..
خلاني حساسه ياناس شسوي لدرجة صار مرض نفسي
قبل تطلعين وفجا منثبره بالبيت ماكو شغل
قبل تكلمين بتليفون اي وقت الحين منجعمه
ورفيجاتي انقطعت عنهم ممنوع الصحبه نهائيا

قبل تنامين على كيفج وريوق ياعمري امياقوم القاه جااهز الحين انتي تقومين على حيلج جهزينه موحقج حق زوجج
قبل اااااااااااه ياقبل اسهر مع خواتي وضخك واصل لي غرفة ابوي ويجي يزفنا
ااااااه الحين اسهر على جاهل فيه حراره غير الزوج بصوب يبي النومه


بس الحمدلله هذي سنة الحياة رزقني الله باهل زوج الله يخليهم لي على نيتي يارب وغير هذا الله رزقني بزوج حدث ولا حرج ذهبه

يااااحلو بيت اهلي ياناس


ماالوم علي بن محمد لما غنى ليت الزمن يرجع

 

[ياوحشة غيابك]

اكيد حياتي تغيرت بس اللي صج فقدتــــــه اهئ اهئ اهئ :eh_s(14):

النـــــــــــــــــــــــــــــــــــــــــووووم

يازين العزوبيه تنامين بكيفج وتقومين بكيفج مو الحين لازم تقومين قبل يجي ابو الشباب بساعتين تتسبحين وتتعطرين وترزين

طولج عشان اذ جا يلقى وحده سنعه قدامه

 

[حصووونه]

تغير جسمي (زغاديد بضهري-شخوط ببطني-اماكن داكنه متفرقه لووووووووول)طبعا بسبب الحمل والولاده والبلع وعدم متابعة الموضه
تغيرت نفسيتي(دمي ثقيل-تعيسه-حزينه-كئيبه)يمكن من المسوؤليه والضحكه تطلع غصب مجاملات
صرت بيتوتيه ماحب الطلعات واذا طلعت اضايق اللي طالعه معاهم لازم 9 بالبيت مومن زوجي والله لا مني سبحان الله صرت عجوز...
مالي خلق مكياج ولبس وكشخه وشعري كله كبه ولا ماني فاضيه لووووووووول
كنت اجتماعيه صرت العكس تماما مقصره حيل مع رفيجاتي وحتى الجماعه خبري فيهم قبل عرسي اعتزلت العروس اعتبرها مضيعه وقت
سبحان الله في حريم الزواج يقلب حالها اللى افضل ويرفعها فوق فوق وتصير ليدي انا قلب حالي اللى اسوء وصرت ماما عوده والكل يقولي كبرتي 10 سنين جدام ميسوى عليج ...الحمدالله على كل حال
بس ان شاء الله يبيلي نفضه نفضه جامده والله كريم قاعده احاول

 

[shoooshooowa 83]

ممممممممممممممم
يعني بالمختصر كنت ياهل وكبرت وصرت ام وقمت افكر بمستقبل عيالي اكثرمن مافكر بنفسي بس طبعا مانسيت روحي ومن ناحية اللبس والكشخه لا الحمدلله لالحين اكشخ واهتم بنفسي والجسم مثل ماهو ماتغير عصلة ليلحين بس والحياة سعيده
يا بنات ليش اردودكم جذي هذي سنة الحياة ولو ماكنتو متزوجين جان الحين كل وحده ذابحه روحها اتدور ريل بكل مكان
الزواج حلوووووووو والعزوبيه هم حلوة بس لمتى ؟؟؟؟؟

 

[احلام روحي]

امبيييييييييييييييييييييييه لا

تبجون والله

حسيت انكم دخلتو عالم نكدي وتركتم وراكم الافراح

تفاؤل شوي بليييييييييييييييييز

 

[SANFOORA_Q8]

أنـا سبحان الله ماتغيرت انا اهيا انـا
لكن جسمي طبعن تغير لووول كنت عصلة مرت باباي وصرت متينه بس

 

[جوهرة القصر]

ماتغيرت حييل بس اهتماماتي تغير واحس صرت صغيره لاني اصغر من زوجي بسنين

 

[.،:"$الـعـوبــــة$":،.]

?!!!!!!!!!!!!!!?!!!!!!!!!!!!!
لا عاد مو لهدرجة!!!
ضيق ومالك خلق واكتئاب ليش؟!؟!؟!

 

[فوز وفواز]

خوش موضوع العوبة يسلمووووووو الانامل
انا تغيرت كليااااااااااااااااااا قبل كنت مغرورة وانانية ودلوووووووووووووووعة مووووووووت وونيسة ودمي خفيف وكله مطنشه الناس ولا ارد على احد كل مونسة روحي مع رفيجاتي
والحين صرت مليغة ودمي ثقيييييييييييييل وحاسه بملل ومحسسه اللي معاي بعد وكل احاتي عيالي وابوهم وهادييييييييييييه حدييييي وبيني وبينج صرت عوووبة شوي ومااسكت عن حقي خخخخخخخخخخ
وسلامتج عاد كل ما اشوف لي وحده بتتزوج اقولها وييييي بتصيرين ملييييييغة وعوبة الله يعينج لوووووووووول

 

[ام الديات]

طبعا هذا نك أختي وأحنا متشاركات فية
المهم بختصرلكم الزواج قبل وبعد
قبل على كيفي بكل شي
وبعد الزواج أمعصي

ونفس الكلام ياحلوها من ايام صعب تنعاد والظروف والناس والعمر كلش شىء تغيير الله يخلي ويبارك في عيالنا اللهم امين يارب:016: