بأمانة شنو اللي تغير فيك بعد الزواج؟؟؟!!؟؟!

[مليت الغربة]

تغيرت حياتي 180 درجة

 

[al-doja]

كل شي تغير احساسي تغير شعوري احساساتي بالعالم بالكشخة بالناس صرت احاتي كل الناس احاتي مشيتي كنت مسؤولة عن نفسي بس صرت مسؤولة عن رجال وعن اعيال وعن عمة وعن حموات وعن حتى الخدامة في البيت كنت ازور الي ابيه مثل الجدة او الخوات وقت ما ابي صرت اقدم عريضة بالطلب قبل اسبوع علشان كل ما تنرفض احاول مرة ثانية ويمكن ترفض بالمرة حتى اني صرت امل لي بغيت اطلع من كثرة الاسالة
انت معزومة ولا رايح بروحج واذا كنت معزومة ليش ما اعزموا امي ولا خواتي ..................الخ
والله الزواج يبط الجبط اسفة جني طلعت كل الي بقلبي
يسلموا على الموضوع

 

[engnera]

جسمي

صار فيه خطوووووط وسيلوليت + الطلعه الزايده والهياته راحت فقدت الاحساس اني اطلع متى ما طق براسي

 

[.،:"$الـعـوبــــة$":،.]

الجسم أكيد راح يتغير ومو مشكلة مع الارادة يرجع!!!
بس النفسية شلون ترجع!!!
حاز بخاطري بعد ماكنت اجتماعية واعرف كل الناس صرت بيتوتية ومنعزلة!!
والله يوم الجمعة رحت عرس ولد بنت عمي في البيت ،، أحس الناس تغيرت ،، فيه ناس ماعرفتها ،، وفيه ناس ماعرفتني!!
اختي اللي اصغر مني هي اللي تقوللي هذي فلانة وهذي ام فلان!!

 

[خشف الرعآبيب]

لي تزوجت بقووولج ان شاءالله

====> حزب الطمآآآآشه

 

[وردة النرجس]

بصراحة الزواج غيرني للأحسن

قبل كنت حيل خجوله وخوافة وماعندي ثقة بنفسي الحين لا

زوجي عطاني الثقه خلاني أواجة بعض الأمور بروحي حطاني بالمواقف وقالي تصرفي

وشوى شوى مع الأمومه زادت الثقة والمسؤليه وأعبائها وبصراحة أفقتد العزوبيه من خلال النوم على كيفي والرفيجات ودلع وحنان الماما والبابا ولو أنهم للحين مايقصرون معاى بدلعهم حق عيالي

بس الحياة مع الزواج أفضل لأني عرفت انا حق شنو عايشة وشنو مسؤليتي بهالحياة

تعلمت التضحية والصبر والعطاء بدون مقابل بالزواج والحياة

وكل يوم قاعده أتعلم شي يديد يزيد برصيد حياتي الزوجية والإجتماعية

 

[eman12]

كنت هاديه وخجوله وانطوائيه والحين عصبيه كبريت

 

[مطيرية فلة]

حلو الموضوع يسلمو
اول الشي البدي تغير البشره بعيد عنك المزاااااااج كنت لميس مالي صوت صرت زكيا زكريا خخخخ
النووووووووم ما انام رزق الله على ايام العازبيه النوم متى مابغيناه باالمخباه اي حزه ,,,,

 

[cheese cake 84]

آآآآآآآآآآآآآآآآآآآه دستي عالجرح يااحلو ايام العزوووبيه كفااااايه بالج فااااااااااضي والله اني اقعد بالجامعه لي 4 و5 المغرب تخلص محاضراااتيوبااالي فااااضي ارد البيت انام آكل نخلص محاضراتنا مبجر نطلع نتغدى فاااااااضيه ماوراي يهال ومسؤوليه اللحين فقدت راااحه البال ياااا احاتي هاليهال وعند منو اخليهم لاني اخاف من الخدم ومن اطلع اخلص شغلي عالسريع وارجع بس احاتي نايمين ماكلين مغيرين لهم بامبرز :ioljnmlk:وهالريل ومشاكله وهالحموله ومشاكلها والله انصح كل بنت تستمتع بحياااتها الف مره قبل الزواج اول ويييييين هاللبس وهالمكياج:sfg: اللحييين وييييييين يالله اطقين هالعبايه عالسرييع عشان تنحاشين ومايشوفونج اليهال وبالغصب اذا طلعت ويه ريلي اقول عييب عليج كشخي بالغصب احط مكياج خفييف وياللهوااايد اشياء تغيرت منداخلي فقدت روح الفرفشه صرت عصبيه وااايد وكله باالي مشغوووول الللله يعيييييين والله:eh_s(16):

 

[AUK GirL]

كرهتووني بالزوااااااااااج بروحي لايعه منه :'(

 

[شراره الكويت]

طبعا هذا نك أختي وأحنا متشاركات فية
المهم بختصرلكم الزواج قبل وبعد
قبل على كيفي بكل شي
وبعد الزواج أمعصي

 

[Om JooD]

ما تغير شي

غير الحب زاد

8

888

يعني عالرومانسية

 

[سمسومه]

أمبيه بنات صرت عصبيه ... و قل إختلاطي بالناس

مشكوووووووووره على الموضوع الحلو

 

[مشتطـه]

امبي خرعتوني
واااي


انا اكثر شي احاتيه دراستي
لان بالجامعه وعرسي بعز الكورس
و يبقالي سنه بعد

فـ احاتي اتغير بالدراسه وينزل معدلي
لان انا نوعي حيل حيل حيل احاتي دراستي واشيل همها
فـ اتوقع اذا بيتغير شي فيني ان بوجب الناس وبروح كل مكان مع امي
لان انا الحين ما اروح حق الحريم ولا ولادات ولا شي
ودراستي بتتغير مو نفس الحين اتوقع


هذي توقعاتي
بس ياربي السميع العليم إتك ما تغيرني الا للأفضل يارب وتسعدني

 

[.،:"$الـعـوبــــة$":،.]

والله والله أعرف وحدة قبل العرس كانت حدها كشيخة وذربة وك شي غالي!!!
ألحين لبسها مش حالك ودايم تطلب سلف!!!
عاد هذي قطعت قلبي!!!
أحس صدق فرق بين ألحين وقبل الزواج!!!:27d66a9c24b146327bf​

 

[kookiss]

صرت افكر بالمستقبل وبزوجي الله يصلحه والي فقدتهم صج امي وابوي واختي الله يخليهم يااااااااااارب احس اني تغيرت من داخلي ازعل وايد واخذ على خاطري واني مقصره على امي وابوي واختي ودايم بالي مشغول مادري بشنو كله مالي خلق بس والله الحمد اوجب خالتي لازم اشوفه كل يوم وامي وابوي واختي اكلمهم باليوم اكثر من مره وريلي الحمدلله زينه بس ازعل واااااايد ماتحمل منه شي والمواجيب الحمدلله والشكر اروح بس بالغصب

 

[شوداتي]

الحمد الله اني مو متزوجه

 

[شمس 20]

العزوووووووووبيه تهبل والله صج لو وحده ربي ماكتبلها نصيب يمكن خيره يااخي نوووووووم بكيفي واكل وارتاح لاهم زوج

ولا عيال ولا غسال ووطباااااااااااخ والبس قميص وانطره بليل متى يشرف وابي اسبح وانااام وراي دووام وعععع

والله العزوبيه تهبل تهبل بالج فااضي وصرااحه والله :27d66a9c24b146327bf


والحمدالله على كل حاااال يارب

 

[chocolate fondue]

موضوعج حلو وايد

آنا بالنسبه لي التغيير إيجابي يعني زادت ثقتي في نفسي صرت جريئه أكثر و إجتماعيه أكثر حنونه وااايد عالكل
تعلمت أضحي و أعطي من غير مقابل
تعلمت الحب الحقيقي
صرت حذره أكثر بالتعامل يعني الوحده بعد الزواج اتكون الحركه وحتى الكلمه محسوبه عليها
إهتماماتي ولله الحمد مثل ما إهي ليلحين أحب ألبس و أكشخ و أهتم في نفسي

 

[~ الــــزيــــن ~]

حيات العزوبية غير اكيد في اشياء كثيرة تغيرت
انا عن نفسي صايرة ماحب اكلم بالتلفون قبل كنت قرقه وحيييييييييييييل اجتماعية الحين لا
كلة مالي خلق وقبل كنت رومانسية وعندي اسلوب الحين كلمتين ماعرف اصفهم واللة ما ابالغ
بس زوجي عداني اهو مافية ذرة رومانسية :eh_s(16):

غير هذا وذاك المسؤليات كثرت مونفس قبل ببيت اهلي فراغة ومدلعة ومالي شغل بشي
الحين كل شي فوق راسج البيت والزوج وولدي والثاني جاي بالطريق باذن الله المسؤليات تزيد يوم عن يوم

باختصار يا حلو حيات العزوبية حلووووووواه