بأمانة شنو اللي تغير فيك بعد الزواج؟؟؟!!؟؟!

[.،:"$الـعـوبــــة$":،.]

بكل جد خل نصارح بعض،،
شنو تغير فيك بعد الزواج؟؟؟
بصفاتك بشكلك بأحساسك؟؟؟


أنا مشغوووووووووووووووووووولة !!!!
حيل والله ياناس حييييييل مشغولة وماني فاضية الا لأهلي وزوجي وعيالي!!!
ماعاد أدري عن الناس والأعراس والزيارات وغيره!!!!
مع العلم اني كنت حييييييييييل اجتماعية قبل الزواج!!!!
حتى عرسي الكل كان يقول نص العرس رفيقات العروس؟؟؟!!!
أف ودي أرجع نفس قبل موحيل لو شوي؟!​

 

[نورهـ]

اممممممممم
اشياء كثيره تغيرت
العزوبيه غيرررررررر واحلى طبعا
كفايه اني كنت بين احضان امي وابوي الله يطول بعمرهم
عقب الزواج صرت حساسه وقلبي صار رهيف حييل بسبة العيال الامومه تكسر القلب لو كان صخر
صرت مو حرة نفسي طبعا لازم اشاوره في كل شي الا الامور اللي اشوف ماله شغل فيها
موضوع مميز يسلموووو

 

[نآشب بشعرهآ علك]

الحمدالله ماتغير علي شي غير ..

اني صرت انتبه علي شخص واحد اكل ماكل متي تطلع متي راح اوفي كل واجباته ..

 

[hello!]

وايد اشياء. والحمدالله ايجابيه
بتكلم عن الجانب الشخصي

عرفت شلون اضحي واحب حياتي تغيرت وايد وصار في سبب اعيش علشانه واهم بنتي وزوجي الله يحفظهم يارب
شعور حلو حيل انج تكونين عايله وخصوصا العيال يلونون الحياة حتى لما تكونين متضايقه مجرد ما انج تقعدين
مع زوجج وعيالج تنسين كل هموم الدنيا.. صرت قويه عكس قبل كنت خوافه
وايد اشياء غيرت فيني والحمدالله كلها اشياء ايجابيه..

 

[.،:"$الـعـوبــــة$":،.]

تدرون عاد،،،
والله العظيم اني مرات أطالع بعيالي ماصدق ان صار عندي عيال واتذكر نفسي بالثانوية!!!
كنت وحدة وطلعوا مني اثنين!!! واضحك،،!!!
اقول ياسبحان الله قبل كنا نقول لما نتزوج ونجيب عيال،،، والحين هذولي عيالي عسالله يخليهم لي !!!

 

[يالبا قلبي]

اممممممممم
اشياء كثيره تغيرت
العزوبيه غيرررررررر واحلى طبعا
كفايه اني كنت بين احضان امي وابوي الله يطول بعمرهم
عقب الزواج صرت حساسه وقلبي صار رهيف حييل بسبة العيال الامومه تكسر القلب لو كان صخر
صرت مو حرة نفسي طبعا لازم اشاوره في كل شي الا الامور اللي اشوف ماله شغل فيها
موضوع مميز يسلموووو

وربي قلتي اللي بقوله

خوش موضوع بصراحه .. تسلمين :tek:

 

[the note book]

انا ما عاد تهمني المظاهر مثل قبل اول امووت على اللبس و التكشخ و احب اطلع ويه رفيجااتي

وكل لبسي مرصص و جينزااتي ضيجه


الحين كله مالي خلق اطلع المكياج ما احطه الا من وين لي ويين و لبسي مستر 100%

ما اطلع الا مع ريلي الله يخليه يارب و قام تلوع جبدي من اللي يكشخوون واايد و اولهم اختي اقولها شدعوه عليييج!!!!

ما قمت اسمع اغاني وااايد *و غيرت نظرتي للزواج 180 درجه

و ما قامت تهمني غيره البنات اول كنت اشوف هاذي شتلبس و شنو تشتري و شنو سوت بعرسها و منو خذت

الحين اهم شي عندي حياتي الخاصه و زوجي و اهلي واهل زوجي و بالباجي ظاربه فيهم عرض الحايط

 

[dnyay_mll]

اول شي تغير فيني

جسمي

صار فيه خطوووووط وسيلوليت ومكان غامج ومكان فاااتح

وبعدين

صرت حساسه حيل وقمت ابجي على اي شي اشوفه ولو اني ماكنت جذي قبل

صرت حنوووونه حيل

 

[دلع العتبان]

اباايبووووووو لعيونج


اب

اب

 

[د.مشمش]

انا عقب الزواج والغربة تعلمت فن الصبر الطويل
وعقب ماصرت ام صار بقلبي حنان يغرق الدنيا بحالها

 

[لامـــــار]

وااااااااااااي قبل >> ضاربه الناس بالحايط ويا ارض انهدي ماعليك ادي

وكل شي عندي واحله شي البسه

بعدين تزوجنا ومالي خلق الا اكشخ لزوجي

وحمال وولاده ووااااااي وسهر الليل

والمشااااوير صارت ثقيله

غتره وتعدي انشالله

بس المسؤوليه تهد الحيييييييل يا نااااااااااااااااااااااس @@

 

[باش مهندسة]

أيام العزوبية واااااااااااااااااايد أونس كافي إني كنت حرة محد يقيدني أسوي اللي آنا أبيه مو اللي غيري يبيه, أيام الجامعة والبنات كلنا عزوبيات واااااي ذكرتيني بالذي مضى والله أحلى أيام مرت علي.. آنا دايما أفكر لو يرد فيني الزمن ورى راح أوافق أتزوج ولا لأ, الزواج مسؤولية والعيال زيادة مسؤولية ..
آنا أحس إن دمي صار ثقيل مو مثل قبل مفرفشة والقلب فاضي وكل شي يونسني وأي شي يضحكني , الحين إذا ضحكت مع الناس يكون من باب المجاملة غالبا أحس قلبي دايما مشغول ,,
أول أموت عالعروس والرقص, الحين والله إن إذا رحت عرس أروح غصب عشان أوجب وأقول بقلبي عن اللي يرقصون فرااااغة !!! ,,
أول أحب أطلع أتونس أروح السينما , الحين وييييع ما أواطن الأفلام أحس مضيعة وقت بدون فايدة ولا أندمج مثل أول حتى ريلي دايما يقولي خنروح أقوله إذا سينما روح مع ربعك,,
يعني باختصار أحس عقب الزواج و العيال كبرت 10 سنين أو أكثر وحياتي قبل أسعد من الحين معني بس عندي بنت وحدة وماصارلي سنتين من تزوجت وريلي يحبني الحمدلله بس كل شي له ضريبة يمكن إذا مرت كذا سنة أتأقلم عالوضع وأرد إنسانة سعيدة؟ ياااارب

 

[تآعِبنْ قَلْبِيْ]

ماتغير شئ

بس كنت هآآآدئة ومآآآلي صوت كلش ومآحب الفوضى

وآلحين بس أصآآرخ من الإزعآآآج ..

سآعآت ودي يرجع آلزمن لورآآ عشآن أكون بين أحضآن أمي وأبوي

ولهت عليهمــ

 

[omyasoof]

شوفي حبيبتي اول شي من الناحية الخارجية:
اهئ اهئ اهئ متنت والسبه الحمال والولاده
اما من ناحية المشاعر والتصرفات:
صرت حيل حساسه اكثر من اول وبجايه بعد وصرت عصبيه ومخي كله مشغول وبالي مشوش وايد احاتي صرت بيتوتيه بشكل رهيييب وخاصه عقب ماتخرجت من الجامعه وعلشان جذي ناطرة الوظيفة على احر من الجمر لكني هم استفدت من زواجي الاستقرار الداخلي والعاطفي واكتسبت احساس الامومة الله لايحرم اي مراة منه وصرت عقب الزواج اكثر صراحه خصوصا مع زوجي اي ونسيت شي بعد عقب الزواج زادت فيني الامراض شلت المرارة واسناني وايد تعبت وغدتي اعتفست فوق حدر بس الحمدلله على كل حال بس مع ذلك الزواج وايد حلو والله يرزقك كل وحده ماتزوجت بالريال الصالح والذرية الطيبة ويعوض كل وحده افشلت بزواجها بالخير انشاله

 

[سكووون]

الزواج و بعدي عن أهلي خلاني اصير حنونة عليهم ..

و الشي اللي افتقده الطلعة مع صديقاتي هذه انحرمت منها ..

 

[دمع القلوب]

يااااااااااااااااا عزااااااااااااااااااه

قبل الزواج كنت على كيف كيفي بالنوووووووووم

الحين لا والله ما انااااام الا اذا رحت لهلي ههههههههههه هذا همي الوحيد

يوه يوه يوه يااااا حلو ايام الثانويه كانت احلى اياااام عمري انا وقفت دراسه بعد الثانويه عاد ودي اكمل واصير مدرسه بثانويه وارجع ايام قبل

الزواج مسؤوليه وهم وغم بس حلو شوي

 

[كبرت قبل اكبر]

بصراااااحه كنت بريئه حيل ومااعرف شيء والحين احس اني صرت اصارخ واعصب واسوي حركات الحريم اللي تغث بس جااااااااااااااري التعديل

 

[Marymary]

في البيت انا اخر العنقوووووووود وكنت الصراحة المدلله والي طلباتي اوامر كان في حرية اكثر روحة وردة طلعاتي مع صديقاتي ... وابوي الحمدالله كان وايد وايد متفهم صحيح ان متفهم بس كان ديمقراطي ومتفهم وحتى باللبس كنت البس واتكشخ وكنت ستاييل حدي والكل يسألني عنها"

الحين ممنوع التكشخ ممنوع اللبس الوسط مو الضيج الوسط يعني لازم البس خيمه يوم اطلع "
ممنوع الطلعات مع صديقاتي ممنوع اروح وارد على كيفي
ممنوع ارد البيت متأخر من بيت اهلي يعني حدي 10 بعد العشر راح انزنط

هالاشياء خلتني حساسه وايد وخلتني وايد افكر بحياة
صرت الحين مالي خلق اتكشخ ومالي خلق اطلع "

 

[دندنه23]

تدرون عاد،،،
والله العظيم اني مرات أطالع بعيالي ماصدق ان صار عندي عيال واتذكر نفسي بالثانوية!!!
كنت وحدة وطلعوا مني اثنين!!! واضحك،،!!!
اقول ياسبحان الله قبل كنا نقول لما نتزوج ونجيب عيال،،، والحين هذولي عيالي عسالله يخليهم لي !!!

لووووووووووووووووووووووووووووووووووووووووووووووووووووووووووول
لووووووووووووووووووووووووووووووووووووووووووووووووووووووووووول

عجبتني كلمتج كنت وحده وطلعوا مني اثنين :dddds:

الله يخليهم لج ان شاءالله والفال لي اتزوج واشوف شنو التغيرر بحياتي:eh_s(8):

 

[أم عامر]

جسمي تغير