اول زفه حاشتج من الزوج ؟؟ شنهي ؟؟

[mariam k]

الله يعينكم كلكم بشهر العسل

 

[حسايف*]

انا انزفيت بعد ساعتين من زواجنا

 

[Rnwah~q8]

LooooooooooooooooooooL


عجيبه زفاتكم

 

[.. Om Mr.7sN ..]

انا اول زفه انزفيتها ايام الملجه :0bee2e8d89:
كنا نبي نروح نشتري اثاث قالي بسرعه صلي علشان نطلع
وانا كانت علي الدوره ومستحيه اقوله :s141:
المهم يطلع من الدار يقول يالله قومي اقوله اوكي الحين
يطلع بعد شوي اقوله لحظة وهاذي حالتنا :eh_s(10):
المهم راح صلى وطلعلي جان اقوله صليت قالي تقصين علي
وين صليتي قلت له بدار خواتك
ما صدقني سوالي سالفه وزف انتي جذابه ليش ما تبين تصلين طبعا ابعصبيه وصريخ
وانا عيوني كلها دموع واحس جسمي كله حار وعرق واهو مو راضي يفهم :eh_s(2):
جان يقول خلاص ما راح نطلع انتي ما تصلين
والمشكلة ان كنا قاعدين بصالتهم يعني الي يمر يسمعنا :nocommint:
قمت ابجي جان اقوله بصوت عالي خو علي العااااااااااده ليش ما تفهم استحي اقول الا تحرجني
شنو ما تصلين ومن هالسوالف
سكت وانصدم قالي عادي انا ريلج مره ثانيه قوليلي :cxxxp:

وسلامتكم ..

 

[مـعـجـبـة]

لووووووول .. خوش مواقف

انا اذا شسمونه بيي بكتب لكم موقف زفة شبه محترم هههههههههه

 

[عيمية^والقلب^كندري]

انا مافي اول زفة لان احنا تزوجنا بعد حب 3 سنوات وصارلي متزوجته3 سنوات ففي سنوات الحب الاولى قبل الزواج حصلت اول زفة شبعنا زف ازفني وانا ازفه هههههههههههههههههههه

 

[تحبني ولا ...]

انا اول زفه حاشتني من ريلي
بأول ليله شرايكم خوش عروس هههههههههه
كان يبي يدخل علي (يعني افهموا يافهيمات ههههههههه )
شرايكم عروووووووس منحوسه

 

[مـعـجـبـة]

الأفندي متصل لي من رقم غريب وانا مادري ان هذا رقمه
وكنت حزتها مع رفيجتي ، فقلت لها بليز ردي على تلفوني شوفي منوو
قالت اووكي .. جان تقوله السلام عليكم ، من معاي !
>> الأفندي عباله هذي آنا ، وحب يستخف دمه ، فقال : مــعــجــب !!
على طول رفيجتي سكرت الخط بويهه .. قلت لها ليش ومنو ... قالت لي هذا معجب..

تم الافندي يتصل ويتصل ويتصل ، واحنا نسكره بويهه هههههههههههههههههه
آخرتها تشجعت وقلت خلاص إلا اعرف هذا منووو واشيبي ومن وين له رقمي..

أخيرا دق ورديت ، انا من سمعت الصوت عرفته ، واهاهاهاها هذا هوو
اقوله فلان !!
يقول لي : وانتي خليتي فيهاااا فـــلااااااان بــعـــد !! >> لووول عصب
وانا شدراني فيك مغير رقمك ومو مخبرني لووووووول

قلت له ، وين رقمك الأولي ؟
قال لي بارجعه عما قريب ..

والموقف ما ينتهي اهني ..

لي عـــــــودة

 

[مـعـجـبـة]

المهم ، تكلم وقال اللي يبيه
وانا طول الوقت سوووري ، ما كنت ادري ان هذا انت
والله يهداك ، تقول معجب ، بالله شدرانا احنا عبالنا واحد صج يبي يلعب ..

اهو اوكي مشاها ..

بالليل ، رديت ادق عليه على رقمه اليديد ، بس حضرته ما يرد
قلت اممممممممم ، أكيد خلاص رجع رقمه القديم
فشسويت ( من ذكائي )
دقيت على رقمه القديم ، جان يررن يرررن
ويشيله
وانا ألووو ..
واهو يرد بنفس شينة كللش : الو ..... إنتي من تبين ؟
وانا .. هااا !! شنو من ابي بعد ( بقلبي )
وتميت ساكتة!!
وهو: انتي متصلة تبين منو !! هــا !
تبين فلان !! .. تبين فلان الفلاني !!
كل هذا وانا ساكتة ، اسمع الصوت اعرفه بس ليش هالكلام عاد ماااادري
جان يـبـطـهــااا فيني واهو معصب

انا مووو قاااايل لج اتصليلي على رقمي اليديد ..
>> اهني نطقت ، انت ما تشيل تلفونك عبالي رجعت تستخدم الرقم القديم
جان يقول: هذا الرقم عطيته رفيجي وصدفة انا وياه الحين
(( يا عيني ... طلعت داقة على رفيجه ))

عاد أبرر حق روحي ، قلت له انت قلتلي إنك بترجعه عما قريب وانا عبالي رجعته !!
اهوو: لاااااااا ماااااا رجعته تحملي تتصلين على هالرقم مرررررررة ثاااااااانيــة .. مع هالويه

كلما اتذكر الموووقف اضحك واهاهاهاها ..

 

[منورة الكويتية]

اب
اب
اب

 

[فيافي]

اول زفه حاشتني قبل لانتزوج كانت بنت خالته داقه علية وانا على بالي وحده وطنقرت وعصبت ولا دقيقه واشوف البنت داقه علي عقبها حصلتلي زفه محترمه وانا طبعا بقمة الاحراج
خخخخخخخخخخخخخخخخخخخخخخخخخخخخ

 

[ضمر الخصور]

اب اب اب

 

[ScarletteO'Hara]

اول زفة انزفيت فيها كانت ايام الملجة, خزتها كنت ادرس برا, كان ستايلي اني ادزله مسج اذا قمت من النوم, اذا ابي اطلع, اذا ابي انام.... عشان لا يحاتي اذا اتصل و ما رديت عليه خصوصا اني لما انام احط تلفوني سايلنت, المهم مرة دزيتله مسج اني بنام الساعة 1 بالليل, و فجأة الساعة 5 الفير اقعد و اطالع تلفزيون لي الساعة 10 الصبح ولا دزيت له مسج, حطيت راسي و نمت لي الساعة 6 المغرب ولا اشوف بالتلفون 15 مس كول!!!! اتصلت فيه ولا احصليى زفة محترمة يقوللي"انتي وينج؟ قاعد احاتي, 17 ساعة نوم شنو هذا؟؟" عاد انا قعدت اقولله قمت الفير, زعل ابو الشباب ليش ما عطيته خبر؟؟؟؟ من بعدها لو اخطي خطوة اعطيه خبر و بالتفصيل الممل

 

[Babystyle]

عاشوااااااااااااااااااااااااااا بنات لا يوقف

 

[فطـــومه^_^]

ههههههههههههه الله يسعدكم
توني في ايام الملكه وان شاءالله ما ألقى الا زفات دلــع<<<< ياثقل دمك ههههههه

 

[ή ő 0 и Ч *]

ههههههههههههههههههههههه معجبه عشااان جذي نكج معجبه من المعجب لووووووووووووول


اااااااااب

 

[عيمية^والقلب^كندري]

اب اب

 

[ombaza]

تخيلو احنا كنا بتايلاتد شهر عسل
وبالليل واحنا رادين يم الفندق يسوون مساج ريوول وانا من وصلت احن ابي اسوي واهو يقول لا ذاك اليوم قال روحي بروحج ماراح انطرج وكان بالليل متاخر قلتله اوكي اهو ماهقى بقعد بروحي ودخلت المحل واهو كمل الفندق سويت مساج وانا خايفه ورديت الفندق جان يزفني يقول انتي ماتخافين وانا اقوله انت رضيت زعل وطنقر وصرخ شكثر ويوم صار باجر طلع بروحه خلاني بالفندق خمس ساعات فكرت اروح السفاره يردوني الكويت لوووووووووول
بس عقبها يوم رجع تراضينا

 

[Q8 New Style]

انا اتذكر اول زفة بجيت بجيييييييييييييييييييييييييي
كنت مع زوجي ما ادري نسيت المنطقة بيننج ولا جنتنج كلها جبال وفنادق يم بعض بشهر العسل
كنا نتمشى على ريولنا ومستانسين وعرفنا من البرنامج مال الفندق ان الفندق اللي يمنا فيه بالليل مسابقة لملكة جمال المنطقة وكان شوي ويبدي
جان اقول لزوجي وانا توني عروس واتدلع واهو ماسك ايدي عفية الله يخليك خل نروح المسابقة خل نشوفها
قالي ماكو شغل نشوف هالمفاصيخ
زوجي شوي ملتزم انا واهلي فري فقلت له عفية عفية الله يخليك وناسة خل نروح نسهر هناك ونشوف المسابقة
قالي لأ
جان اقول له يالله عاد ماعندنا شي نسويه خل نروح نستانس هنااك
جان يزفني زفهههههههههههههههههههههه
هد ايدي وقالي قلت لج لأ شفيج انتي ما تفهمين ؟؟؟؟؟؟؟؟؟؟؟؟؟ :eh_s(14):
لا تشوفوني حزتها
وقفت ،، شفتوا اليهال شلون براطمهم تنزل اذا اخنقتهم العبرة ؟؟؟؟؟؟؟
ويهي انخبص وانا ماسكة روحي كل ما ارجع برطمي مكانه يرجع يتدندل من كثر ما اخنقتني العبرة :dddds:
قمت امشي بسرعة ركض على غرفتنا واهو وراي والله آسف والله مو قصدي
ميوووووووو سيييييدة ركض على التلفون دقيت على بيتنا انا سمعت صوت ابوووووووووي
وابجي بجييييييييييييييي يبا ابيكوووووووووم يبا ابيكووووم
لووووووووووووول

عاد عقب ما سكت وطخيت
زوجي قالي واهو يضحك واي لأ لأ انتي شنو دلوعة انا ما زفيتج اصلا شالدلع
قلت له كل هذا مو زف ؟؟؟؟؟؟؟؟؟؟
يالدفش
:dddds:​

هههههههههههههههههههههههههههههههههههههههههه

أمبييييييييييييييييه أحلى شي البراطم المدندله خخخخخخخخخخخخخخخخخخخخخخخخخخخخخخخ

 

[ombaza]

لا لا تذكرت في هوشه قبلها
كنا تونا مالجين اسبوع او عشر ايام عالكثير
وبزوارة بيت يده اهو ماياكل سمج وانا كنت مادري لين الحين ويوم الزواره صدف كلهم مسوين سمج جان الاخ يطلع جطو الغدا والكل يسأل وينه انا استغربت وقعدت تغديت قعدت يم حماتي اقولها وين راح تقول يمكن شوي ويي اكلي لاتستحين
شوي ولا يدش بيده جيس برجركنج الاخ راح طلبله خلصنا الغدا وركبت معاه السياره بنروح نشوف الصبغ جان اقوله اناانحرجت وينك ليش خليتني ومن هالحجي جان يزفني يقولي لايككون علبالج بستأذن بالطلعه والرده لا انا مو من هذيل الخواتم انا خفت حيل اهو بروحه ماشالله طوله وعرضه يخوف بعد رفع صوته انا رجفت بكرسيي وبطيتها بجوه واهو سكت