اول زفه حاشتج من الزوج ؟؟ شنهي ؟؟

[Pissy Missy]

اول مره انزفيت فيها ايام الملجه
دق على وقالي تجهزي انا حاجز مطعم بروح نتعشى انا ياي بالطريج موطولين جان اقوله اوكي
ولا يرن جرس البيت وبنات خالتي يايين و مو قايليلي انهم بيون ورحت قعدت معاهم بالصاله وضحك وسوالف و اواريهم البوم صور ملجتي ونسيت الريال ودق على عقب جان يقول يالله طلعي انا بره
وانا بكل ثقه وبرود اقوله انطر شوي بنات خالتي عندي جان يزفني ذاك الزفه وعيوني غورقت من الدموع
بنات خالتي ماتوا علي من الضحك
وطبعا بدلت ملابسي وطلعت معاه بس طول الطريج انا واهو مطقرين

 

[Fa6oM]

لووووووووول خووش سوالف بس حسافه خلصو .. نبي بعد

 

[m e m e]

أنا ريلي باااااااااااااااااااااااااارد ومستحيل يعصب
يعني ساعات أنا أغلي و أهوه يرد علي بكل برود
بس ترى هاذي مو ميزة لان البرود الزايد ايبلي الأعصاب

اوووف حده حااسه فييج بس انا احمد ربي ريلي بارد لو عصبي نفسي جان صار حرب نووويه بيني و بينه

صراحه ماذكر اول زفه لي بس توه زفني ليش اني مادرس عندي امتحان باجر هههههههههه قلتله ليش تزفني ؟
يقوولي انتي يااهل ماتدرسين الا بالزف

 

[yam_yam]

:dddds::dddds::dddds::dddds::dddds:


ونانسة كملوا خوش موضوع

 

[شيخه_البيض]

مرحبا

انا اول زفة حصلتها كانت ثاني يوم زواجنا كنا بالمطار قاعدين بستار بكس بمكان بروح يعني صاد عن البشر
واحنا قاعدين شربنا عصير على ما اتيي وقت رحلتا قالي قومي خلينا نتمشى قلتله اوكي بس لحظة انا حزتها طلعت الحمرة وتحمرت يعني محد يشوفني بس اهوا بغى يذبحني لا تسألوني ليش طلعتها والله ردت فعل لاني خايفة اسافر تدرون اول مرة اسافر عن اهلي

مابجيت بس طنقرت ويهي عريض بعد :dddds:

وبعدها بماليزيا كانوا رايحين معانا حماي وزوجته معانا اهما بعد متزوجين

يقولي ريلي شوفي بنت عمي متنقبة وماقالت شيء عن الجو وانتي تبين تفصخين العباية كنا قاعدين بمطعم والكل مستانس علينا وعلى شكلنا شلون نضحك وجذي وعقب ماقال هالكلمة طقيته على حلجه بس مو بدفاشة لا بطريقة رومانسية اهوا تفشل وقام يزف اهما يقولون شنو قاعد يقول انا اقولهم يقولي احبج اموت فيج انتي حياتي وجذي لانه مايعرف يتكلم انجليزي

عاد اهوا اهني مات من الضحك

قالي بصراحه انتي عجيبة بسويلج كوبي وباخذج معاي الدوانية لي ردينا

 

[جوجو.]

ههههههههههه خوش شي

 

[الراسيـ؟ـه]

<< تجديد
اول زفه استملتها
احنا املجين و كان متضايق حيييل لانه متهاوش مع اهله و طلع من البيت
فقلتله خنطلع قال وين تروحين قلت البحر بس و نرد << شهره
قال خلاص .. رحت لبست تنوره قصييييييييره تحت عبايتي امبطله يعني اغراء له بالسياره
لانا قلنا مراح ننزل .. بعدها قال خنتمشى بالسياره لانه ما يحب البحر قلت له اوكي
مرينا من عند المطعم قال خنتعشى قلت اوكي و نسيت اني لابسه عبايه امبطله
و انا ماشبه :eh_s(1)::eh_s(1)::eh_s(1):

الحظ المنيل عباتي تبطلت و اهو بالغلط لف علي بهالوقت و لاااااااااا تشوفون ويهه
زين ما قام طقني جدام الله و خلقه ردنا السياره و قعد يزف و يسفل و انا دموعي بعيوني لووووووووووول
آخر شي قلت له انا حطيت دبوسي سكرت عباتي بس ما تسكرت عدل
عاد ردينا المطعم و محد اكل كلنا كنا مطنقرين حدنا و انا ببجي بس ابي امي و اهو يحاول ينسى
اني لابسه جذي :tomato2:

لوول الله يرده من يوم خايس :dddds:

 

[ام عبدالوهاب555]

مواقفكم حدها عجييبة

أنا ما أتذكر أول زفة بس أتذكر هوشات السفر


احنا نحب نسافر بس لازم نتنكد:tomato2:


أول سالفة::

كنا رايحين العمرة أول سقرة لنا وانا نوعي أحب اصرف كل الريالات عندي واهو عادي عنده يرد فيهم يحولهم كويتي ( طبعا هالاكتشاف بعدين عرفته)

فقلت باخر يوم لزمت اروح مجمع الضيافة توه فاتح لاني بصرف واهو مو راضي وانا طنقرت للردة:eh_s(14):



ثاني سالفة::

كنا مسافرين دبي وبالردة بمطار دبي بقى عندي دراهم والا بتسوق بالسوق الحرة واهو معصب يبينا نروح صالة انتظار الكويتية حق الريوق

طبعا عصب وقالي تسوقي بروحك وانا سابقك الصالة

خلصت شغلي بربع ساعة ورحت اتمشى ادور الصالة

تدرون مطار دبي قارة شكبره..............المهم قلت شحقه أتعب روحي أسال الاستعلامات
ولا يقولي الريال خلي سيارة المطار توصلك .................جان أركب وتمشي السيارة وطلعت الصالة بعيييييييييييييييييييدة



أنا نزلت من السيارة وبدخل ولا الحبيب توة واصل ودخل معاي:eh_s(1):

طبعا ويهه كل علامات الاستفهام والتعجب:eh_s(1)::dddds::dddds:

 

[نور الكويت]

ياحلوكم وياحلو ازواجكم والله اقرا وكأني بمسرحيه صج ذبحني الضحك عليكم

 

[Nice Lips]

يالله بنات كملوا لايووقف
+
صج مواقف حلوة وان شاء الله دوم ايامكم حلوة جذي
اللهم اختي اللي انطقت طراق ( الله يهديه بس)
+
كملوا كملوا

 

[مزيونه وشقره]

اول زفه بشهر العسل بس مو زفه بس انا عندي زفه

كان يمشي وانا وراه ما اقدر امشي حيل يعني شنو اركض اهوا طويل ومشيته سريعه جان يقولي حدج حدج بطيييئة جان ابجي وابجي وابجي هههههههههههه


ღ♥ღ♥ღ♥ღ

مع تحياتي ياحياتي

مزيونه وشقره​

 

[soseta]

ههههههههههههههههههههههههههههههه
ههههههههههههههههههههههههههههههههههههههه واييييييي مزيونه حدج دلووووووعه الريال ماقال شي خخخخخخخخخخخخخخخخ
خخخخخخخخخخخخخخخخخخخخخخخخخ

 

[( مي )]

انا اتذكر اول زفة بجيت بجيييييييييييييييييييييييييي
كنت مع زوجي ما ادري نسيت المنطقة بيننج ولا جنتنج كلها جبال وفنادق يم بعض بشهر العسل
كنا نتمشى على ريولنا ومستانسين وعرفنا من البرنامج مال الفندق ان الفندق اللي يمنا فيه بالليل مسابقة لملكة جمال المنطقة وكان شوي ويبدي
جان اقول لزوجي وانا توني عروس واتدلع واهو ماسك ايدي عفية الله يخليك خل نروح المسابقة خل نشوفها
قالي ماكو شغل نشوف هالمفاصيخ
زوجي شوي ملتزم انا واهلي فري فقلت له عفية عفية الله يخليك وناسة خل نروح نسهر هناك ونشوف المسابقة
قالي لأ
جان اقول له يالله عاد ماعندنا شي نسويه خل نروح نستانس هنااك
جان يزفني زفهههههههههههههههههههههه
هد ايدي وقالي قلت لج لأ شفيج انتي ما تفهمين ؟؟؟؟؟؟؟؟؟؟؟؟؟ :eh_s(14):
لا تشوفوني حزتها
وقفت ،، شفتوا اليهال شلون براطمهم تنزل اذا اخنقتهم العبرة ؟؟؟؟؟؟؟
ويهي انخبص وانا ماسكة روحي كل ما ارجع برطمي مكانه يرجع يتدندل من كثر ما اخنقتني العبرة :dddds:
قمت امشي بسرعة ركض على غرفتنا واهو وراي والله آسف والله مو قصدي
ميوووووووو سيييييدة ركض على التلفون دقيت على بيتنا انا سمعت صوت ابوووووووووي
وابجي بجييييييييييييييي يبا ابيكوووووووووم يبا ابيكووووم
لووووووووووووول

عاد عقب ما سكت وطخيت
زوجي قالي واهو يضحك واي لأ لأ انتي شنو دلوعة انا ما زفيتج اصلا شالدلع
قلت له كل هذا مو زف ؟؟؟؟؟؟؟؟؟؟
يالدفش
:dddds:​

 

[ناعم العود]

واااااااااااااااااااايد لا تعد ولا تحصى

 

[EviL^^GirL]

up
up
up

 

[ام خالد 78]

مااذكر اول زفه

 

[white**angel]

زفاتكم عجييبه
الله يديم المحبه بينكم وبين ازواجكم

 

[قلبي ابيض]

الضحكة :sfg: عشتو من الغيرة حتى الضحكة ما يبيها جدام اخوانه :rgewrg: بس انا بطبعي :dddds: كريكرة :ggdw:

 

[ktkota_we9we9]

اول زفه كانت بايام الملجه
كنت مومتعوده عالاستآذان من ريلي وكنت طالعه مع امي ( متعوده مع امي خلاص ) شوي ولا يدق ريلي يبي يمرني نروح بيت عمه وانا ناسييييته ولاهيه بالسوق واكلتها زفه محترمه الا الحين تردين انزين شلون؟؟ كيفج تردين تردين ؟؟ عاد اخر شي مر خذاني وبالسياره اول مره اشوفه مطنقر جذي يخرع طحتله بجيييي
بس حتي اهوى اخترع لانه اول مره يشوفني ابجي وتراضينا لوووووول*

 

[عطورات شرقيه]

هههههههههههههه
الله يوسع صدوركم بالعافيه مواقفكم حدددددددددها عجيبه