اول رواياتي { انا حزن}

[ba6re8a]

ماشاء الله اسلوبج حلووو بعرف قصه حقيقيه والا لا

 

[so_what]

ان شاء الله حزن يعني ما اطقها سوالف مع علي كل شوي :x مادري ليش مو مرتاحتله ، ناطرينج

 

[Riooma]

hatha warah salfa chaida alah yaster bss. **** al part alyay 7bebti

 

[ba6re8a]

امبييييييييييه مينونه هذيييييييييييي طاقه سوالف مع علي شكووووووووووووووو خير

وشكو دزي اصورت كوجا مرحببببببببا نعم

 

[اكابر]

لا تتسرعون بالحكم على حزن اهيا سوت جذي عشان لانها متاكده انه الشخص الوحيد اللي يقدر يمسح الصور من تليفون ريلها اهوا علي .. وباجي السالفه بتعرفونها بالبارت اليديد ..

حبيبتي بطريقا القصه مو واقعيه من تأليفي بس تقدرين تقولين مستوحاه من الواقع .. والافكار الاساسيه بالقصه جذورها واقعيه

 

[ba6re8a]

يالله ناطره

 

[Riooma]

waitingggggggggggggggggggggggggggggggggggggggggggggggg

 

[ba6re8a]

طوللللللللللللتي

 

[so_what]

waiting

 

[عاشقه رويشد]

ناطرينج لا اطولين علينا

 

[ba6re8a]

ماصاارت ترا؟؟؟؟؟؟؟؟
يعني تكتبون روايه واخر شي ما تكملوونها شنو هذا

 

[أميرة العود]

طولتي

نبي بارت

 

[عاشقه رويشد]

فديتج لا اطولين حدي متشوقه اعرف شنو يصير

 

[اكابر]

انا اسفه اللي خلاني اتأخر انه كان في مشكله بفتح المنتدى معاي ..

مابي انطركم اكثر بجمع باجي الروايه فبارت واحد وانزله لكم ..

حييييييييييل اسفه

 

[اكابر]

الجزء قبل الاخير:

علي: انا بمكان ماتتصورينه ؟

انا: وين ؟؟

علي: بشقتج

انا: نعم؟؟!!

علي: اشفيج مستغربه ؟؟

انا: انت من صجك ؟؟

علي: والله اشفيج بسرعه انت وين يمين ولا يسار بسرعه ؟؟

انا: شنو يمين ولا يسار ؟؟

علي: وين تنامين عالسرير يمين ولا يسار ؟؟

انا : لا يمين بس ليش ؟؟

علي : هووووووووووبا عشان بنام مكانج

انا: شوف عليوي سوالف يهال مالي خلق زين

علي: تدرين انج طلعتي حلوه

انا : نعم ؟؟

علي : جد والله انا حاليا بايدي صورتج مالت العرس شكلج روعه حده طفولي انا لما كان حمد يسولف عنج ما توقعتج بهالجمال؟؟

انا : انت اشقاعد تقول حمد متكلم عني جدامك؟؟

علي : اي اشفيج انا اقرب واحد له واهو قالي كل شي عنج وقالي بعد انه خذاج لانج حلوه ..

انا : غلطان حمد تزوجني لانه يحبني ..

علي : يمكن الحين يحبج بس قبل لا كان معجب بجمالج بس

انا: مادري ليش مو مصدقتك؟؟

علي: حرام عليج والله وغلاه خواتي اني ما اجذب عالعموم هذا مو موضوعنا نرجع
حق كلامنا انتي وايد حلوه عيني عليج بارده بس تدرين الميك اب الناعم احلى عليج اتوقع انه اذا ماحطيتي ميك اب بتطلعين وااااااااااو

انا: انا شاللي يثبت لي انك صج بشقتي ؟

علي : شوفي في صوره لج صغيره بحطها تحت الكلينكس مقلوبه ولما ترجعين شقتج شوفيها ..

انا : حمد وينه ؟؟

علي: راح مع ضروي صاحبنا ايبون عشا وانا قاعد بالشقه بروحي مو قتلج راح اشوفج يعني راح اشوفج بس صج صج طلعتي كيكه ..

انا : عليييييييييييييي شكلك بديت تتمادى ؟؟ انا غلطانه اني عطيتك ويه من البدايه ..


علي: اشدعوه يبا اتغشمر ما تتحملين الغشمره من اخييج

انا : انزين علي تبي شي انا بنام ..

علي: افا تنامين وانتي زعلانه ؟؟ ما يصير؟؟

انا: يا يبه مو زعلانه ولا شي بس بنام تعبانه..

علي: ماشي على راحتج تعالي عندكم كاكاو .. حدي يوعان وابي شي اكله اتصبر على ما ايون الربع ..

انا : تحصل الكاكو والبيبسي بالثلاجه وفي سلطه اذا تبي ..

علي : منو مسويها لايكون الخدامه ..

انا: لا يبا انا مسويتها ..

علي: اممممممممممم لذيذه ..

انا : بالعافيه .. يله تصبح على خير

.........................................................


ظلت بقلبي الحسره والافكار تاخذني واتيبني معقوله حمد توصل فيه الجرأه انه يوصفني حق رفيجه هذا يا إما مو صاحي او انه موصاحي ..

قلت لازم ارجع شقتي عشان اسكرها بويه حمد وما اعطيه مجال يكلم هبه .. وقبل لا ارجع شقتي مريت الصالون اظبط عمري وانا بالطريج اتصلت علي هبه ..

- الوو

- هلا حبيبتي هبه شلونج

- والله تمام انتي شلونج

- انا بخير ها بشري في شي يديد ؟؟

- لا ماكو بس قبل شوي اتصلت عليه وقالي انه مشغول وبيتصل علي بالليل

- اها

- وبس شكله مع ناس وايد

- الظاهر بالديوانيه

- مادري ماعطاني مجال اسأله كان مستعيل

- اها

- انزين عفيه ماصار شي على صوري ؟؟

- لا والله ماصار شي لين الحين قتلج لا تحاتين انا راح امسحهم راح امسحهم

- خلاص انا راح اواعد حمد فمكان وامسح الصور بنفسي دام علي مو قادر يسمحهم

- لا لا ليش اتواعدينه قتلج بيمسحهم خلاص

- بشوف اذا ما مسحهم انا راح امسحهم بنفسي

- عل راحتج

- والله والله ياحزن الله يشهد اني حبيتج مثل اختي

- وانا بعد

- ودي اشوفج حزن انا من كلمتج وحسيت بطيبه قلبج صار بخاطري اشوفج..

- ا ن شاء الله

- دزيلي صورتج؟؟sms

- اوكي انا الحين بالصالون اخلص وادزها لج

- اتصلت على حمد مارد علي واتصلت على طول على علي هم ما رد علي شوي ورجع دق علي
وطلعوا انهم بصاله بيريالدو قاعدين يلعبون عشان جذي مشغول حمد عن هبه استأذني علي وقال بس اخلص اتصل عليج وفعلا اول ما خلص
راح بروحه وكلمني واسمع صوت يقوله بسك بسك مكالمات سألته منو هذا قال ريلج المصون ورجع نفس الصوت قاله
يا اخي ظبطنا بس مظبطروحك والله نحيس رد عليه علي يصير خير اظبط لك اختها بعدين اي اي تكفا شوفلي اختها

.............................................................

قهرني رد حمد حسيته مستهتر ومو حاس بالمسؤوليه لي هالدرجه انا رخيصه عنده و
مو هامه مشاعري ولا هامه ولدنا ؟؟ وباع العشره ؟؟؟!!!!!!! ااااااااه ياحسره قلبي على هالزواج اللي بينهدم بسرعه ..

قلت حق علي كل اللي دار بالمكالمه بيني وبين هبه ورد علي :

تكفين انتي اشرديتي عليها ؟؟

- قلت لها على الصوره اوكي اتدزلج ياه لما اخلص من الصالون ومادزيت لها وعلى انها تواعده قلت لها براحتج

- اااااااااااااااااااااااااااااااااااااخ انتي اشفيج بتيننيني تبينها تواعده عشان يتعلق فيها اكثر

- يعني شسوي ما بإيدي شي

- شوفي ان دزيتي صورتج لها ياويلج هذي تبي تمسك حمد من ايده اللي تعوره ي
عني امسح صوري لا افضح صور زوجتك فهمتي وخلي هالياهل علي انا اعرف شلون امسح صورها

- ماشي انا راجعه البيت الحين

......................................................................

رجعت البيت وكان بداخلي بركااااااااااااااااااااااااااااااااااااااااااان غضب وحزن
بنفس الوقت على الحال اللي وصلنا له انا وحمد وبدون تفكير اتصلت على حمد وطلب انه ايي البيت بسرعه ..

اول ما ييه وبكل هدوء كلمته

- حمد انا ادري انك تكلم

- انزين

- واعرف البنت

-انزين

- يعني ماله داعي تنكر الموضوع انت تكلم هبه الياهل اللي عمرها 16 سنه وبينكم علاقه بالتليفون وعندك صورها

- انزين

- حمد لا اتينني شنو انزين ؟؟ انزين

- اوكي عرفتي شتبين يعني

- صح الحجي اللي اقوله ولا لا ؟؟

- اي صح وبعدين

- وبعدين ؟؟!!! تسألني انا وبعدين ليش؟؟ انا شمقصره معاك فيه شنو اللي طلبته مني مره
وانا رفضت اسويلك ياه حطيتك بعيوني وتحملت اهانه اهلك وكلامهم اللي يطعني بشرفي وسكت تحملت تنغز امك وكلام الناس وسكت اخر شي اتجازيني بالخيانه
؟؟ ليش شاللي تبيه بالظبط ماتبيني ؟؟ مو مرتاح معاي ؟؟ قولي صارحني انا ناقصني شي ؟؟ انا مقصره تحجى تكفا رد علي ؟؟

- خلصتي حجيج؟؟

- اي

- هذا انا عاجبج عاجبج مو عاجبج روحي بيت اهلج برووووووحج
مثل ما اخذتج بروحج تردين بيت اهلج بروحج انا هبه ماراح اهدها احبها واهيا تحبني راضيه تعيشين معاي وانا اكلمها اوكي مو راضيه الباب يوسع جمل ..

- تبيعني يا حمد عشان ياهل ؟؟

- جب الياهل هذي تسواج وتسوى .. اهــ

- بس تكفا لا تكمل لي هالدرجه انا رخيصه بعينك تساويني ببنت شوارع ..

- قتلج لا تغلطين عليها

- حاظر يا طويل العمر ماني غلطانه عليها انا مابي منك شي بس ابي ولدي يعيش معاي

- قتلج مشاري مايطلع من هالبيت ..

- اوكي اقعد معاه هني بس مالك شغل فيني وماتلمسني اللي علي اسوي واجباتي كزوجه

- شوفي مالج شغل بهبه فهمتي ولا تتصلين عليها ولا تكلمينها وان كلمتيها بتشوفين شي عمرج ماشفتيه ..

.........................................................................

كنت مضطره ادوس على قلبي وكرامتي واقعد بالشقه ماكان عندي استعداد انفصل بهالوقت خصوصا عشان اهل ريلي لا يثبتون كلامهم علي وعشان ولدي المسكين

ما ودي يعيش بعبد عن ابوه

كلمت هبه وقتلها انه انا صارحت حمد وقالت لي انها بتتصل عليه ونفس الوقت اللي كانت تكلمني هبه فيه كان حمد يتصل ويتصل عليها وعليه

ويلاقي اثنينا عندنا ويتنج

ويدزلي مسجات والله اذا عرفت انه انتي اللي قاعده اتكلمين هبه راح اراويج شغل الله

خفت قلت حق هبه ردي علي ولا تحقرينه ردت عليه وكان اول سؤال سأله : منو تحاجين صارلي ساعه اتصل كله ويتنج ..

- اشفيك حبيبي كنت اكلم حزن

- منو حزن
- اشدعوى ماتعرفها حزن زوجتك ام ولدك مشاري

- الله يسمع منج اتزوج ويصير عندي ولد ان شاء الله منج يكون

- حمد كفاااااااااااااااااااااااايه تمثيل انا عرفت مل السالفه ماله داعي تجذب وتكابر

- هبه اشفيج انا ما امثل انا احبج وهذي يمكن وحده حاقده علينا ليش نحب بعض

-حمد انت جذاب ومنو قالك انا احبك

- هبه انا شوي وادق عليج

...........................................................................

سكره من هبه وياني الشقه وقضبني من ملابسي وصرخ ابويهي

انا قتلج وخري عنها صح ولا لا؟؟

- منو اهيا

- لا تستعبطيييييييييييين قتلج وخري عن هبه ومالج شغل فيها صحححححححححححح

- صح وانا ممالي شغل فيها حمد وخر عني اشتبي

- اذا تبين تقعدين بهالبيت فتحطين لسانج بحلجج وتسكتين فاهمه واذا مو عاجبج ذلفي بيت اهلج

- حمد انت ليش اتسوي جذي حرام عليك

-وانتي مو حرام عليج تنزلين راسي بالقاع وتسوين اللي سويتيه

- حمد انت شقاعد تقول انت مصدق الكلام اللي

- حتى لو انا مو مصدق الناس مصدقه بس ابيج اتحسين بلحره اللي انا حسيتها

- حمد انا مالي ذنب باللي صار

- يمكن

- شنو يمكن والله ماسويت شي

- .......

- حرام عليكم كلكم ضدي كلكم ضدي مايصير مو عدل اهئ اهئ اهئ

خلاني وطلع لانه حمد من اول ما تزوجنا ما يطيق يشوفني ابجي


اتصل على علي وقلت له اللي صار عصب علي وزفني ليش اني استعيلت وقتله بس والله مو بأيدي حره بقلبي ..


حمد كان ناوي يطلقني بسببها مايبيها بنفس الوقت مايبيني قال حق علي انه انا جرحت
كبريائه وطبعا عشان يبرر غلطه بنفس اليوم اللي صار فيه هالحجي كله طلب مني انه اروح بيت اهلي عشان يبي يقعد مع نفسه ويعيد حساباته ويشوف لي وين بوصل

رفعلا رحت بيت اهلي امي شكت وقامت تسألني ليش قاعده عندهم بس انا تهربت من الاجابه وقتلها انه حمد نايم بالشاليه مع ربعه

دزيتله مسج انه انا برجع الشقه لانه امي بدت اتشك بالوضع وانا مابي احد يدري باللي صار

وفعلا يومها رجعت الشقه ومشاري كان افبيت يده بدلت ملابسي ولبست نفنوف كحلي قصير
عليه رسمه طاووس وقعد اتفنن برسمه عيني وحطيت ميك اب خليط الكحلي والاسود وكان حده قوي وصارخ على غير العاده ورفعت شعري كان شكلي غيييييييير

وطلعت صوره يحبها من صور الملجه وصوره من صور العرس وحطيتهم مع رساله كتبت فيها

زوجي العزيز حمد

انا يمكن اكون قصرت خلال الفتره اللي كنت قاعده فيها افبيت اهلي اسفه جد اسفه لا الوضع كان مو بأيدي انت شفت بعيونك المشاكل الي صارت

على كل حال انا عاذرتك لانك خربطت يمكن لانك انجرحت من الموضوع بس والله انه انا مالي ذنب

يا ولد خالتي اذا تبي هبه من عيوني انا اروح اخطبها لك تبي تخربط تبي بنات تبي اتسوي اي شي غلط

انا ماعندي مانع بس خلني اعيش لولدي والله اني ما بفضحك ولا بقول طلقني وما ابيك انا بكون ستر وغطى لك لانك قبل لا تكون زوجي انت ولد خالتي

عالعموم هالصور انت تحبها حطيتها قلت يمكن تردك ذاكرتك لانسانه انت اخترتها وتحبها

والله انا مثل ما انا بكلمه حلوه تكسبني

حزن

حطيتها عالسرير وقعدت اظبط مكيجي وقتها ييه حمد الشقه ويوم شافني وقف يطاااااااااااااااااااااااالع وسويت روحي مو منتبه له وظل يطالعني حسيت نظرانه كانه اول مره يطالعني

- نعم في شي ؟؟

- ها لا ماكو شي السلام

- وعليكم السلام

خليته واخذت فراش وفرشت لي بالصاله وظل اهو بالغرفه وقعد يقرى الورقه

طلع وصادف بنفس الوقت بدخل الغرفه اييب باجي اغراضي وقفت لانه جبالي بس وبس رفعت راسي وصارت عيني بعينه شفت عيونه متروسه دموع وقالي ظبطي حالج ورجعي اغراضج الغرفه انا بس ارجع اتفاهم معاج

وخلاني وطلع وشوي ولا يدزلي مسج

{انا اسف والله احبج ومادري شلون سويت جذي }

رديت عليه

{ حصل خير ياو لد خالتي }

..........................................................................................

اتصل علي علي

- ها حزون شلون الاوضاع

- عادي

- شنو عادي

- ماكو حمد اعتذر بس انا مصممه اهو بصوب وانا بصوب

- يابنت الناس تعوذي من بليس وقصري الشر هذا ريلج وابو عيالج سامحيه اخر مره عشاني

- مو اذا سامحته بيتمادى ؟؟

- على ظمانتي اذا تمادى انا بقولج تطلقي منه

- ماشي

- يله روحي كشخيله خوو بعد ما يحاي اعلمج شنو تسوين اليوم ظبطي عمرج بشيشه عليج بخلي تصير معركه بالغرفه عندكم

- - هههههههههه عليوي استح

- فديت الضحكه اي يبه ضحكي ضحكتج بالدنيا لا تفكرين وايد ترى حمد وايد متحسف لانه سوى هالشي والله اهو يقولي مادري شلون غلطت هالغلطه

- الحمدالله على كل شي

.........................................................................................

 

[اكابر]

جزء الاخير


عقب ماخلصت السالفه ظل علي يتصل ععلي ويدز مسجات واغلب الوقت اطنشه وما ارد عليه

فمره اتصل علي وقال

حزن انا بقولج شي انا بصراحه حبيتج ووايد منعجب فيج انتي ماشاء الله كل شي فيج حلو جمال واخلاق وجسم و

- علي هوووووووووووووب لي هني وبس انا اعتبرتك كاخ مو اكثر واانا لو بفكر بشخص غير زوجي فانت راح تكون اخر شخص لفكر فيه لانك
رفيج ريلي وعيب على الرفيج يخون امانه رفيجه انت ساعدتني يزاك الله الف خير غير هالحجي اسمحلي ماعندي وياليت تنسى كل شي صار وتمسح رقمي وما ابي اشوف رقمك بتليفوني باي يااااااا يا رفيج ريلي

كنت لازم اصده لانه كان راح يتمادى

....................................................................

الحمدالله مرت السالفه على خير وصارت حياتنا مستقره

ولكن كاعاده انا مكتوب علي الشقا بهالدنيا بس هدى الموضوع وبردت السالفه اااااااااااه صارت لي سالفه يديده

انا افبيت اهلي اتصلت على احمد وقتله اني برجع الشقه قالي ييبي عشا معاج وتعالي

فعلا مريت المطعم وشريت العشا ورحت الشقه ولا حمد نايم ما ازعجبته

قلت على ما ابدل ملابسي واصخن الاكل بعدها اقعده

مادري ليش عيني يت على الاب توب مع اني كنت رايحه اغير ملابسي

رحت وبطلت الاب توب اول شي لفت نظري انه سله المحذوفات متروسه مع اني قبل لا اروح بيت اهلي مفرغتها بطلتها ولا محداثه حمد حذفها بس ناسي يمسحها طلعت وقريتها بس ياليتني ما قريب

ااااااااااااااااااااااااااااااااااااااااااااااااااااااااااااااااااااااااااااه على اللي قريته كلام وصخ وصخ وصخ وصخ بينه وبين وحده لا ومن ظمن الكلام انه مبطلين حق بعض الكام ووووووووووووووووووووو.............. انصعقت

معقوله حمد مره ثانيه ليش ؟؟ لا هالمره اكثر وبتمادي وختمها بنهايه المحادثه انا جسمج حيل عاجبني وودي انام معاج !!!!!!!!!!! معقوله حمد ينزل مستواه جذيه ؟؟

وترد عليه بكل وقاحه اوكي بس الحين انت تدزلي كرت وانا بعدين اسويلك كل اللي تبي بليز دزه بسرعه على هالرقم ..

اخذت الرقم واتصلت رن ورن ورن

شالوه ..

- الووو
-.......

-الووو

- نعم

- سوري اخوي انا الظاهر غلطانه

-طلع لي واحد يعني حمد طلع خروف وصار ضحيه ليهال قاصين عليه على اساس انهم بنت مقابل كرت ؟؟؟؟؟

طلعت وانا ابجي ابجي ابجي ركبت سيارتي وظليت افتر ببالشوارع وانا ابجي وابجي تعبت خيانات مليت ..

اول شخصفكرت فيه اهو محمد خصوصا اني لقيت نفسي بنفس المنطقه اللي ساكن فيها ليش مادري اشيابني مادري كنت اسوق بدون وعي اتصلت اول مره مارد ثاني مره مارد ثالث مره شاله

- الوو

- حمووووووير والحين غير اول كنتي بنت والحين بلووووووووووووووووووووووووووووووووووود اهئ اهئ اهئ

- حبيتبي حزن اشفيج

- حمووود تعبانه حمد يخوني وانا ملييييييييييييييييييييييييييييييييييييييييييييييييييت اهئ اهئ اهئ

- انزين هدي هدي انتي وينج فيه الحين ؟؟

- انا بمنطقتكم بس مادري وين بالظبط حموود مقهووووووووووووره

- خلاص حبيبتي لا تحاتين انا معاج

وقفت بمكان وياني محمد وخذاني بسيارته رحنا بيتهم كنت منهاااره حدي امي واخته كانوا مصدومين من الوضع دخلني غرفته وفهم امه اني زميلته بالجامعه وعندي ظروف يعني رقع الوضع

دخل وقفل الباب وظلينا انا معاه بروحنا انا ابجي واهو يطالعني ..

لين اخذني بحظنه ..

- حبيبتي هدي اعصابج ابي افهم الموضوع منج مو قادر لا تبجين شوفي عيونج شلون تورمت

رفع راسي ومسح دموعي ويابلي ماي وشربني بايده .. وهديت شوي وهو يمسح على راسي

وقتله اللي صار وظل ساكت

- حزن انتي تحبين حمد ؟؟

- ما احبه لا

- بلى تحبينه ولا جان ما تأثرتي هالكثر بالموضوع

- محمد تخيل انا صاينه نفسي والحجي يطلع علي واهو يخون ويرخبط ويطلع بشكل الملاك الوديع

- ميخالف ياعمري انتي بس هدي اعصابج وضحكي ولا تفكرين فيه خليه اخر همومج

قعد يسولف ويضحك ويضحكني لين حسيت اني بديت اتغلب على حزني وانا معاه بس للاسف محمد ريال حاله حال الريايل تحكمه شهوته .. حاول يتقرب مني وياخذ مني اللي بيبيه بس انا وقفته عند حده

وفهمته مو معناه انه حمد يخوني انا اخونه

- شاللي غيرك يا محمد وين كلامك اول انا مستحيل اضرج

- عادي حبيتي اول غير والحين غير بعدين انتي حبيبتي اسوي معاج اللي ابي

- اااااااه كلكم نفس الشي كلكم نفس الشي

خليته وطلعت واتصلت على اعز صديقاتي وقعدت ادردش معاه وانا بالطريج وحمد يدصل وانا ما ارد علي الساعه صارت 11 بالليل وانا برا واهو يتصل وانا حاقره اخر شي قررت ارد عليه ..

بصوت عاالي

- تو الناس توج تتفرغين لي وينج فيه حظرتج؟؟

- كاني الحين برجع البيت ..

- لا والله خاف صج بس الحين برجع البيت لا عيوني روحي المكان اللي كنتي فيه وانا باجر حسابي مو معاج مع اهلج ..

- مو بكيفك انا لازم ارجع البيت واتفاهم معاك

- مالي تفاهم معاج روحي بيت اهلج ومفتاح السياره خليه برا

- اسمع مو بكيفك انت تفسر الامور على مزاجك هالمره انا اللي بتكلم وانت اللي بتسكت مو كل المره بتقلب الموضوع علي هالمره لازم احط حل حق هالسالفه يا انك تشوف صرفه لنفسك يا انك تطلقني ..

- شالسالفه ؟؟

- بتعرف السالفه لما ارجع

- لا ابي اعرف الحين

- تبي تعرف الحين ؟؟ بطل الاب توب وانت تعرف باي يا ياااابو مشاري

رجعت البيت لقيته مبطل الاب توب وماسح المحادثه وويه متغير معناته عرف الموضوع

انا وبضحكه ساخره

- عسى عرف السبب

- انتي صج مو صاحيه

- صج انا اللي مو صاحيه زين قتلي

- يبا والله مو انا

- كافيي بس جذب جذب حياتنا صارت جذب

- والله مو انا

- عيل منوو؟؟

- مادري يمكن واحد من ربعي
ااقول انا مو غبيه واحد من ربعك اسمه نفس اسمك ونفس مواليدك وبباسوورد الايميل رقم تليفونك اشهالرفيج ..

مادري حزن مادري

- ياخي حرام عليك خاف ربك فيني صاينتك وعازتك وعمري مافكرت اخونك وانت اتجازيني جذي حرام عليك

قعدت ابجي من حر مابقلبي


- حبيبتي لا تبجين

- خلني ابجي وانا قاعده اشوف اللي صار بامي قاعد يصيرلي

- لا انشاء الله ما يصير الا كل خير

- حمد انت مو فاهم ابوي كان يخون امي وانت نفسه وامي صبرت اكثر من 20 سنه يالله اتطلقت على امل ابوي يحس ويتأثر بس ماكو فايده اما انا فماراح اغلط غلطتها وماراح انطر لين يرووح عمري

حمد طلقني

- لا حزن تكفين شلون اطلقج وانا احبج

- بس تكفا لا تمثل وتقول احبج انت نفسك تقول ما كو حب بهالزمن

- لا يا حزن تكفين عطيني فرصه ثانيه ..

- عطيتك فرصه من قبل بس رجعت وخنتني

اهئ اهئ ماما اهئ اهي صوت مشاري يبجي مسحت دموعي بسرعه ورحتله

اخذته بحظني ورجعت ابجي ياحسره قلبي عليك ياوليدي بتنحرم من ابوك بسبب سوالفه وبلا ويه

- تكفين حزن والله احبج لا تبجين انا اسف على كل شي بس والله هالمره مو انا انا هذيك المره وعدتج وانا عند وعدي تكفين مابشوف دموعج


دست على قلبي وطوفت الموضوع بس هالمره حلفت بعيالي انه لو تكرر الموضوع راح افضحه جدام العياله كلها مث ما اهله شهروا فيني جذب انا بشهر فيه بس هالمره صج ..

............................................................................................... ..

وصلنا للنهايه حبيباتي

علي: سافر الامارات يكمل دراسته وكان لما يرجع الديره يتصل علي يعني بين فتره وفتره بس انا كنت اطنشه ..

محمد: شلته من قاموس حياتي لانه بالنهايه عرفت انه يبي حاله حال الشباب وهالشي مستحيل اسوي انا اولا اخاف من غضب ربي ثانيا مابي فضايح

عزوز+خالتي شريفه: مازالوا يكرهوني ويغارون مني وخالتي لي هاللحظه هذي واهي ماتواطني بعيشه الله

ابوي: لاهي بحياته مع زوجته وبنته صج تغير وايد للاحسن طبعا بس الله يهيده لين الحين مرافج رفقاء السوء ويشربون هالزحير

امي: صامده وماتزوجت قعدت تربي اختي الصغيره ولانها كرهت الرياييل على قولتها ما تزوجت

حمد: قلبه طيب بس الحمدالله ما شفت عليه خيانه يديه مع انه الشكصار يذبحني بس يعني حياتنا ماشيه

انا: علمتني حياه شغلات وايد كبرتني 10 سنين جدام بس الحمدالله استفدت منها, اي ماقلت لكم انا حامل وفيني بنت وبسميها غاليه ..

{انا حزن} هذي قصتي قلتها لكم بكل احداثها المره والحلوه ولو اني اتوقع الحو فيها نادر اغلها مر بمر .. تصدقون قصدتي تصلح فلم هندي .. يله الحمدالله على كل حال

 

[ba6re8a]

وااااااااي وايد تاثررررت
حبيبني اسلوبج وايد حلوووو


انزين القصه صجيه والا شنو؟؟

 

[عاشقه رويشد]

رووووووووووعـــــــــــه بدعتي بدعتي اتهبل القصه وناطرين روايه يديده

 

[اكابر]

تسلمون حبيباتي وماقصرتوا ..

حبيبتي بطريقا قتلج القصه من خيالي ولكن ممزوجه بالواقع يعني اغلب احداث القصه صايره بالواقع لوااااايد بنات يعني تقدرين تقولين انها تتكلم عن واقع البنات لكن صغتها باسلوبي

 

[فيلجـ كول ـاويه]

امبي القصه رووووووووووووووعه والله .......
.يعطيج الف الف عافيه وماتقصرين حبيبتي