اول رواياتي { انا حزن}

[ba6re8a]

waaaaaaaaaaaaaaating

 

[عاشقه رويشد]

وينج غبتي عسي ماشر حبوبه ناطرينج

 

[{ام رتاج}]

وايد حلوه القصه متى ينزل البارت

 

[ba6re8a]

waitiiiiiiiiiiiiiiiiiiiiiiiiiiiiing

 

[عاشقه رويشد]

نااااااااااااطرينج علي نااااااااااااااااااااااااااااااااار

 

[عاشقه رويشد]

نااااااااااااطرينج علي نااااااااااااااااااااااااااااااااار

 

[so_what]

waiting

 

[عاشقه رويشد]

طولتي علينا وينج

 

[عاشقه رويشد]

وينج ناطرين القصه

 

[so_what]

waaaaitiiiiiing

 

[ررروووان]

وينج حبوبه ناطرينج

 

[عاشقه رويشد]

وينج حبوبه

 

[اكابر]

حبيياتي انا اسفه حيييييييييييييييييييييييل لاني تاخرت وايد بس وعد انشاله بحاول انزل كثر ما اقدر اليوم من القصه السموحه

ما ردني عنكم الا الشديد القوي وانا ان شاء الله راح انزل هالروايه وراح انزل لعيونكم روايه احلى منها بعد بس سامحووني عالتأخير ..

 

[اكابر]

الجزء الثامن..

نفس ماقلت لكم خالتي بلشت معاي الحرب البارده مايعجبها شي فيني لا لبسي لا طريقه مكياجي ولا تصرفاتي ولا طريقه دراستي ولا اااااااااااااا شي ..

ذاك اليوم نزلت لابسه بيجامه واسعه بس شافتني تقولون شاافت عزرائيل واحس عيونها قلبوا حمر وما تكلمت ولااااااااااا كلمه سلمت حبيتها على راسها وقعدت حسيت انه الوضع متوتر .. حاولت الطف الجو ما قدرت دخل ريلي علينا الصاله لقانا ساكتين حسيت انه خالتي بقلبها حجي ..

انا: حمد تبي اسويلك شي ؟؟ تاكله..

حمد: اي والله اي شي خفيف حدي يوعان ..

انا : انشاله .. خالتي تبين اسوي شي حق الصبيان ..

خالتي: لا شكرا ..

طلعت رحت المطبخ ونفس ما توقعت بس طلعت بلشت الحش .. طبعا عرفت من حمد بعدين ..

سويت حق حمد كلاب ساندويش اكل بهدوووووووووووووووووء ولا كلمه خلص صعد فوق شقتنا بدون اي كلمه استأذنت خالتي ورحت وراه ..

انا : حبيبي اشفيك ؟؟

حمد: مافيني شي ؟؟

انا : شلون ما فيك شي وانت اعتفست مره وحده ..

حمد: سإلي نفسج وانت بتعرفين ..

انا : حمد بدون الغاز تكفا تحجى ..

حمد : انتي شلابسه ؟؟

انا : حبيبي لابسه بجاما ..

حمد : والله بجاما مو عيب تنزلين افبجاما .. مافي شباب تحت ومافي مراهقين وم عيب عليج وانتي بطنج اشكبره جدامج ومرصرصه عمرج بهالبجامه ؟؟؟؟

انا : حمد انت اشقاعد اتقول انا مجامتي ضيجه وراس امك انت شايف انه بيجامتي ضيجه ؟؟ انت من قبل ما تاخذني وانت تدري انه انا لبسي محتشم حق برا قبل البيت .. اتي الحين تقولي لبسج وبيجامتج بعدين الشباب اللي تقصدهم حسبه اخواني وانا ما قصدت شي يوم لبست جذي لانه افبالي انه عادي ..

حمد: افففففففففففففف فكويني خلاص ترى مالي خلقكم انتي من صوب وامي من صوب لو سمحتي مره ثانيه لبسي لا رحتي تحت دراعه لا تلبسين بجايم زين ؟؟
انا : ياربي حاظر هذا اللي مضايقك ولا يهمك البس دراعه ..

بحمالي وااااااااااااااااااايد تعبت واضروا انهم يولدوني بطلق صناعي بس الحمدالله ولدت طبيعي ويبت ولد سميته مشاري مو عشان شي بس ريلي حاب هالاسم وايد .. واهو اللي قالي انا بخاطري مشاري ..

يبت مشاري تعبان شوي وقعد بالمستشفى 10 ايام تقريبا عقبها طلع حيل كنت فرحانه فيه بس ماكنت اتوقع انه هالياهل راح ايي واييب معاه المشاكل ..

خلصت الاربعين ورحت اخذت ولدي ورحنا البيت العود بيت يدي وسلمنا عليهم طبعا الكل كان منبهر بأناقتي ونعومتي وجمالي لانه بعد الولاده شكلي تغير 180 درجه رد جسمي الاولي وهي المتفخ فش وردت زهاوته وكنت حاطه ميك اب خفيف ولابسه بلوزه سوده قصيره وفيها صوب الصدر شك خفيف وتحتها تنوره قصيره وليجنز بس كان ستايل غيررررررر عن كل مره شكللي طالع جني عروس وطبعا خالتي الوحيده اللي اشوف بعيونها الغيره والحقد علي بس يومها قالت لي ..


خالتي: حزن يمه خلي مشاري عندي اليوم ..

حزن: لا خالتي راح يأذيج ..

خالتي:اشدعوه لا ما راح يأذيني ..

امي: حزن اشفيج خوو خالتج مربيه من قبل واتعرف اكثر منج ..

حزن: لا والله مو قصدي ما تعرف له بس اخاف ياذيها وما ينومها بالليل بس على راحتها دام تبي تاخذه ..

رحنا انا وحمد تعشينا برا ورحنا سينما .. بس حمد كان متغير علي كأنه احد لاعب ابمخه ..

ردينا البيت بدلت ملابسي ولبست قميص نووم جذاااااااااااااااااااااااااب حيل ومثير وبطلت شعري ومسحت مكياجي وحطيت ميك اب ثقيل شوي عشان يغير شكلي .. عيون حمد كانت تاكلني اكل واحسه يتعمد يطرشني عشان يشوفني ..

بس الصدمه انه قالي انا تعبان وبنام .. توقعت عقب هالغيبه بشوف لهفه علي بشوف شوق بس كل هذا تبخر .. واستمرينا على هالحال 5 ايام ..

عاد كنا قاعدين انا وامي نسولف بالتليفون ..

امي : ها شلون الصغير معاكم ..

انا : زين الحمدالله ..

امي: لين الحين ينام عند خالتج ؟؟

انا : اي يمه ..

امي: عيل بومشاري ماخذ راحته عالاخر يطلع حره الايام اللي طافت ..

انا : شنو يعني ما فهمت ..

امي : اشدعوه ما فهمتي يعني اهو محروم منج فتره طويله اكيد بيفرغ طافته المكبوته ..

انا : يمااا ح ح حمد ما لمسني ..

امي : ليش ؟؟

انا : مادري يمه حمد متغير ..

امي: عادي يمه في رياييل يخافون من التغيير اللي يصير عقب الولاده فتلاقينه متوتر ومو عارف شلون يتصرف ميخالف شوي شوي اهو بتلاقينه بييليج من كيفه عاد انتي لا تصيرين جافه تقربي منه ..

انا : احظر يمه ..

.................................................................................................................................

حمد: ها مشوري نايم عند امي ..

انا : اي مو راضيه تعطيني ياه تقول انا اخذه بالييل واعطيج ياه بالنهار ومن يصير الصبح عطتني ياه جم ساعه ورجعت خذته مره ثانيه .. انا خايفه يأذيها ..

حمد: لا عادي يله عيل دام المشوري كله عند امي يبيله انييب غيره اشرايج هههههههههههههههههههههه ..

انا : طالعته بنظره حزن .. ليش يعني تبيني احمل من الهوا ؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!

فهم حمد انا شنو اقصد وصار اللي صار وبعدها حسيت حمد حيل تغير وكان مرتاح طلع اللي قالته امي صح وحمد كان متخوف من التغير اليديد .. مو اكثر ..

كمل البيبي اسبووع عند خالتي بعد الاسبوع ملت ..

.......................................................................................................................................

خالتي: شكلكم استانستوا ؟؟ شنو ماتبون ولدكم ؟

حمد: اشدعوه يما مداج مليتي ..

خالتي: لا ما مليت بس انا مريضه اليوم وراسي يعورني ظغطي مرتفع شوي وابي اريح ..

انا: ماتشوفين شر خالتي انا قتلج جم مره راح يأذيج خليه عندنا واي وقت تبونه من عيوني اعطيج ياه ..

خالتي : الشر ما ايج ..

.......................................................................................................................................

اخذت ولدي عندي وصار من يومها ينام عندي ما قامت تاخذه بالييل وتتحجج يوم تعبانه يوم مريضه يوم مصدعه يوم معزومه ..

ياخذوونه بالنهار .. واخذه منهم لما راجع من المدرسه ..

.......................................................................................................................................

صادف انه عيد ميلاد حمد قلت حق رفيجتي اتوديني واحد من هالمجمعات عشان اشتري له هديه رحنا انا معاها طبعا قلت حق زوجي اني بطلع مع رفيجتي ما قتله انه بشتريله هديه .. واحنا قاعدين بالكوفي شوب جان رفيجتي تقولي ..

رفيجتي :هذا اشفيه يخز قطيعه ؟؟

انا : منو ؟؟

رفيجتي: هذا بو قميص ..

انا :ماشاله عليج والله انا ما انتبهت انه في احد يخز وينه ..؟؟

رفيجتي : اشفييج هذا اللي قاعد بالطاوله اللي جبالنا ..

انا :................................................... قعدت اطالع الهويه مو غريب علي شايفته بس مادري وين ..

رفيجتي : هييييييي هييي اشفيج تنحتي بويه الريال ؟؟

انا :ها مادري جني اعرفه ..

رفيجتي: عشتو تعرفينه قولي عاجبج ؟؟

انا : شكوو ؟؟ بس معقوله اهوو ؟؟ شكله متغير وايد ..

رفيجتي : انتي اشقاعده اتخربيطين ..

انا : ماكو شي ..

بقلبي قاعده افكر معقوله اهوو اشهالصدفه اللي بعد سنه اشووفه جدامي ؟؟ معقوله ؟!!!!!!!! لا لا ما اظن مو اهو جان عالاقل ييه سلم مو بس قاعد يخز ..

وانا افكر بيني وبين نفسي قطع حبل افكاري صوت رفيجتي تظحك بصوت عالي ..

انا : هي هي انتي شفيج صوتج ترى قاعدين بمكان عام ..

رفيجتي : ادري بس هذا السخيف ضحكني ..

انا : ليش اشفيه ..

رفيجتي : دز بلوتوث عباله حقج ولما استقبلت انا جان يقول مو حقج حق اللي معاج .. مت من الضحك الاخ عباله ميتين عليه عاد قتله انتي متزوجه قال ادري بس وريها اللي دزيته مو صاحي والله ..

انا: ليش اشداز ..

رفيجتي : دز معقوله انتي اللي افبالي ماني مصدق .. عاد قتله لا تكفا صدق انا مو ينيه ..

انا اهني حسيت شعر جسمي وقف .. اهو اهو والله اهو من مسجه معقوله عرفني وما تغيرت بعينه مستحييل بس قالت رفيجتي اللي قالته اتلفت عليه بسرعه بصدمه كبيره .. واهو فهم اني تاكد انه اهوو ..

قام ييه صوبنا.. رفيجتي طاع هذا من صجه قام يايلنا .. انا ما ني قادره اتحرك ..

....: السلام

احنا : وعليكم السلام ..

مد ايديه لي سلم علي قال حزن شلونج؟؟

انا انصعقت ورفيجتي انصدمت وقامت اتطالعه واتطالعني .. ويوم مد ايده كان فيها كلينكس مسك ايدي حي لفهمت انه كاتب شي بالكلينكس .. اخذته بدون لا تحس رفيجتي ..

انا: ه هه هلا محمد ..

محمد: شلونج شخبارج شالدنيا فيج ..

انا : انا بخير ماشي حالي .. انت شلونك..

محمد: انا عايش الحمدالله ..

انا : انشاله دووم ..

محمد : يله ما اعطلكم تامرون بشي ؟؟

انا : بقلبي اقول لا تروح ما كحلت عيني بشوفتك .. لا سلامتك الله معاك ..

بس عطاني ظهره رفيجتي منو هذا ؟؟؟

انا : هذا واحد يصيرلنا من بعيييييييييييد ..

رفيجتي : علينا هالحركات يصير لكم من بعيد صارله ساعه يخز ..

انا :اشفيييج مشبه اهو ماكان متاكد انه انا لما تاكد ييه سلم ..

رفيجتي : ايي خير انشاله صدقتج ..

انا: عاد والله كيفج صدقتي ولا لا شسويلج .

تتوقعون شنو اللي كاتبه محمد بالكلينكس شي مهم ولا تافه وشنو بيصير عقب هالموقف راح تكون حياه حزن عاديه ولا بتتغير ؟؟

تابعوني بالبارت اليديد وانشاله بتعرفون

 

[ررروووان]

ثانكس على البارت

 

[أميرة العود]

القصة حلوة

ناطرينج

 

[عاشقه رويشد]

لا اطولين علينا كملي بعرف شصااار

 

[اكابر]

حاظر ما راح اطول

 

[so_what]

نبي بااارت

 

[اكابر]

لعيونكم البارت التاسع ..


الجزء التاسع..

كنت قاعد على اعصابي ابي اقرى شنو في بالكلينكس وهل اهو قاصد يعطيني ياه ولا صدفه ولانه مرتبك سوى جذي حطيت الكلينكس بالجنطه وكملت تسوقي عشان بس رفيجتي ما تلاحظ شي ..

شريت الهديه وغلفتها اللي اهيا عباره عن بوك ماركه ومداليه نفس البوك .. مع ساعه ..

رجعت البيت لاول مره من تزوجت تمنيت انه حمد مايكون فالبيت .. بس للاسف صار عكس اللي تمنيته وكان موجود ..

حمد: ها حبيبتي اشريتي من السوق ..؟

انا: ها ماشريت شي ..

حمد: اشدعوه ما شريتي شي لمحت اغراض معاج ..

انا: اي اي مو ملوتي لا تتعبث انا بروح الحمام وايي ..

رحت الحمام حجه عشان اشوف الكلينكس .. بطلته ولقيت محمد كاتب لي شي نفس ما توقعت ..

نونه مابي احرجج جدام البنيه اللي معاج بس هذا رقمي كلميني لما تكونين فاضيه
هذا رقمي اذا ناسيته ********

اول شي يت عيني عليه اهو رقمه بعدها قريت الكلام .. شلون انسى رقمه وانا باسوورد ايميلي رقمه وبطاقه البنك الباسوورد مالها اول اربع ارقام من تليفونه ..

خفت وبنفس الوقت اشتقت وولهت وصارت الافكار اتييبني وتوديني وماني عارفه شسوي .. لين حمد ناداني ..

حمد: حزن يله يبه غدا والله ماتبين بعد ؟؟ ان قلتي اكلت برا يا ويلج مالنا خلق سوالف مع امي..

انا: حاظر حبيبي الحين ابدل وانزل ..

حمد: يله انطرج ..
شققت الكلينكس وببلته ماي عشان لا يبين فيه شي غسلت ويهي وتعوذت من بليس
ورحت بدلت ونزلت تحت اتغدى معاهم .. اكلت بكل هدووء وكنت اقلب الاكل بالصحن مالي نفس اكل عمي لاحظ انه انا مو قاعده اكل وشكلي جنه احد بتغصب ..

بو حمد: ها يبه شكله اكلنا مو عاجبج ؟؟

انا : لا عمي حلو مافيه شي..

بو حمد: وين حلو وانتي ما اكلتي لقمه على بعضها الظاهر لين الحين ما تعودتي على اكلنا وباجر امج اتقوول انتو ما توكلون بنتي ؟؟

انا: لا اشدعوى عمي خالتي فيها الخير والبركه ونفسها عالاكل حلوو وامي ماعليك منها عارفه انا طريقه اكلي ما راح تلومكم ؟؟

بوحمد: انت يابطه ماتشوف زوجتك وكلها ولا بس همك بطنك حطيت الاكل جدامك ونسيت البنيه ..

حمد: شنو يبا الاكل جدامها اذا تبي تاكل ..

بو حمد : ويي خلاص وين اول شوي وتبجي عشان تاخذها الحين الاكل جدامها ..

حمد : يبه ما بجيت اشدعوه بس اهيا كله جذي تاكل لقمتين وتقول شبعت حتى افبيتهم ..

بو حمد: ماعليج منه وقف لي اهني متخووصر يعني شللووون وظيفه وتوظفنا متى تخطبوولي البنت قلنا له يا ابن الحلال غير بدل قال ابد مابي غيرها انزين انطر لين تستقر بدوامك.. ابد شنو باجر احد يصبقني ويخطبها واتطير من ايدي..

انا : يه يه يعني طلعت اتحبني وانا مادري ..

بو حمد: ماعليج منه مو يقص عليج يقولج امي اخطبتج لي ترى اهوا اللي نقاج من بين بنات العايله كلهم ..

حمد: يبا ترى قاعدين ناكل مو وقته هالسوالف ..

بو حمد: ويه ويهك يعني تستحي اشوف ما استحيت يوم وقفت وقلت ابييييييييييييهاااااااااااااااااااااا ..

انختم الموضوع بضحك وكلمن خلص غداه وراح غرفته ..

بيوم عيد ميلاد حمد شريت كيكه وزينت شقتي وخليت مشاري عند خالتي واحتفلنا عيد ميلاده ..

مر جم يوم على صدفه محمد ولكن ظلت السالفه افبالي اتصل ؟؟ ولا لا محتاره ليش اكلمه اشيبي فيني مو تزوجت خلاص بعد شنوو .. ونفس الوقت اقوول خل اتصل علييه لاني حييل ولهانه عليه ..

مسكت التليفون واتصلت اول ما حسيت انه رد قبل لا يقول الو بغيت اسكر بس سبقني وقال الو ...

انا :................

محمد: الوووووووووووووووووووووو..

انا : أأ الو.

محمد: الوو منو معاي ..

انا: شنو ما عرفت صوتي ..

محمد: اختي هالحركات انا ما احبها بتقولين منو ولا اسكر الخط..

انا : لا لا تسكر الخط هذي انا حزن ..

محمد: ........................................

انا: محمد انا ..

محمد: شلونج مرتاحه ..

انا : الحمدالله ..

محمد: انشاله دووم .. مريحج ها ..

انا : منوو ؟؟

محمد: منو يعني ريلج..

انا : حمد انسان طيب وعلى نياته..

محمد: حبيتيه ..

انا : الا ما قتلي انت شلونك شمسوي شالدنيا فيك تشتغل تدرس شنو ؟؟

محمد: انا زين الحمداللله انا ادرس حاليا اداره اعمال بالجامعه الاستراليه ..

انا: اي زين يله موفق..

محمد: ماجاوبتيني .. وتكفين لا تتهربين ..

انا: ما تهربت قتلك حمد انسان طيب وعلى نياته وفي صفات اي بنت تتمناها تكون في ريلها ..

محمد: انا مالي شغل بالبنات . . لي شغل فيج انتي ...

انا: اااااااااااااااااه يامحمد شنو تبيني اقول .. انت عارف اللي بقلبي تدري منو حبيبي الاولي بس شكلك تبي تتطمن لا تخاف بعدي على العهد القديم وعمري ماراح انساه ..

محمد: تذكرين سوالفنا قبل ؟؟ والله كل ما اتذكرها اقعد اضحك من كل قلبي ..

انا : اي ايام حلوه ..

محمد: عندج عيال ؟؟

انا : اي عندي مشاري ..

محمد: اي ماشاله الله يخليه عاد حلو نفسج ؟؟

انا : انا بعيوني حلو بس ما يشابهني يشابه اهله ..

محمد: عيل مو حلو دام ما يشابهج ..

انا: حموود يله عاد ولدي حلوو يشبهني ما يشبهني حلوو..

محمد: الله من زماااااااان ما سمعتها منج حموود والله انتي لما تقولينها غير بلسانج غير .. الله يحفظج يبا لشبابج ولولدج ..

انا: تسلم ..

محمد: يسلمج يالمليقه مستخسره فيني كلمه حلوه ,, قالها بضحكه قويه ..

انا : انزين اقول بس بعدين ..

محمد: اممممممم خير ان شاء الله ..

انا : اوكي محمد انا ..

محمد: يرحم امج لا تقولين محمد ناديني نفس قبل ..

انا : اوكي حمود انا لازم اسكر الحين مابي احد ايي ويسمعني وانا اتكلم ..

محمد: ماشي يالغاليه وانا بعد مابي اسبب لج احراج او اخرب حياتج واكون اناني انتي بيتج وزوجج اولى فيج مني ربي يحفج ييالغاليه ..

انا: حمود ابي اسإلك ايميلك نفس ما اهو ولا غيرته ؟.؟

محمد: لا غيرته ليش؟؟

انا: انا ايميلي نفسه القديم سولي اد فيه .. ممكن..

محمد: من عيوني تامرين ..

انا : ما يامر عليك عدو ولا ظالم يله فمان الله ..


.......................................................................................................................................

سكرت التليفون مع اني كان بداخلي شي يقولي الي سويتيه غلط ولكن بنفس الوقت احساسي كان كبيييييييييييييير لا يوصف كنت سعييده حييل وبطييييييييييييييييير من الفرحه لاني كلمته ..

هذي كانت المكالمه اليتيمه اللي صارت بيني وبينه بس .. وبعدها خفت اخرب بيتي بسبب حبي القديم .. لكن مشكلتي اني قلت حق رفيجتي اسما المطلقه اللي كانت اتدور ريل مو موهم منو .. المهم ريال..

اسما: وبعدين ..

انا: بس ولا ابلين..

اسما: شنو بس ماصار شي بعد؟؟

انا: شي مثل شنو .. يعني قصدج اواعده وجذي ؟؟

اسما: اي عيل شنو ؟؟

انا: لا يبه استغفر الله ماكو شغل انا متزوجه واحب بيتي..

اسما: ياخبله دام ريلج مخدي وما يدري عن هوا داره لعبي بأيدج وريولج ..

انا : ومنو قاللج ريلي مخدي .. ؟؟ حمد صج انه مو مكمل دراسته بس يظل ريال ويعرف بهالسوالف اكثر مني ومنج .. شلون تبيني اجرح رجولته ..؟؟

اسما: وي لا تعقدين السالفه لا تجرحين ولا يجرحج انا عندي الحل اشرايج الهييه عنج اتزوجه انا واخليه لاهي فيني وانتي عيشي حياتج مع محمد وبنفس الوقت تكونين محافظه على بيتج ههههههههههه اشرايج بفكرتي ..

انا : الريال كاهو جدامج اذا اهوا رضى يتزوجج انا بيي بنفسي واخطبج مو عشان العب واعيش حياتي لا عشان اهوو يبي يتزوج واليوم اللي يملج عليج بيطلقني فييه ..

اسما: واااااااي نحيسه ليش خوو عشان اطلع عيون خالتج اشفييج ونستفيد اثنينه ..

انا : لا يبا خل الفايده لج انا هالفايده ما ابيها ..

اسماا : خلااص عيل ادورلي ريل انا ..

انا: دوريلج منو قاضبج

......................................................................................................................................

انتهى الحوار اللي بينا بوقتها ما انزعجت ولكن بعدييين لما دارت الايام عرفت شغلات واااااااااايد كانت واضحه وضوح الشمس بس انا ما كنت اشوفها ..

علاقتي بمحمد صارت بس بالماسنجر ومو على طوول بعد يعني بين فتره وفتره يطمن علي واطمن علييه مو اكثر رجعنا نفس قبل لما كنا يهااال ..

علاقتي بحمد عاديه ما فيها شي مميز ولا في شي تغير غير حنه الياهل قلت حق حمد اييبلي خدامه لانه انا باخر سنه ثانويه عامه ومو حلوه بقط الياهل على خالتي يبت خدامه مسترجعه ويها كان سمح صغيره اسيويه .. تعرف عربي
لما سألتها ليش رجعووج معزبينج اللي قبل قالت انه البيت كله شباب وانا اخاف من الشباب وولدهم الكبير يشرب ايي اخر الليل سكران ويقعد يكسر ويغني بصووت عالي وشكله يصير يخوف ..

فهمتها وضعي وانه انا بروحي مع زوجي وولدي وانه البيت اللي قاعدين فيه بيت اهل زوجي .. وكانت مطيييييييييييييعه....

اول ما اخذتها عطيتها ملابس نظيفه كنت شاريتهم من قبل واللي عباره عن اليوني فورم لانها كانت لابسه بلوزه قصيره وتنوره ضيييييييييجه وفيها فتحه طويله ما اعترضت اخذتهم ولبستهم كانت مثال للخادمه المطيعه النظيفه المؤدبه اللي تخاف من ظلها واذا صوت ريلي عليها قامت ترجف وجنها خايفه .. وقتها حرصت انا اللي اباشر ريلي اول بأول ما اعطيها مجال اتسوي شي حق ريلي لو حتى كلاس الماي انا كنت اييبه .. لا حظتها فيها شوي طفاقه يعني عادي تدخل علينا الغرفه واحنا نايمين على ابو انها تحط الملابس او بتاخذ مشاري .. نهيتها عن هالموضوع واشوه طخت ..

ذاك اليوم على اساس انها تحت نايمه وانا كنت لابسه قميص نووم ستان قصير ناعم ورافعه شعري ما وعيت الا اللي داشه تبي تقولي انها اتذكرت انه الحليب مال مشاري فيه شويه .. يوم شافتني بققت عيونها ..

دامي: اللله مدام انتي واااجد حلوو ..

انا: بقلبي اجعمناج بالله .. مشكوره ..

دامي: والله مدام انتي بودي فري سكسي ..

انا: انزين اشتبين ؟؟

دامي: ويي نسيت والله مدام انا يبي قول شي .. ياربيييييييييييي اي ا ي مدام الحين قبل يجي بابا قول حليب ماكو في شويه حق مشوري ..

انا: حسبي الله عليج قاعده من عز نومج عشان تقولين الحليب فيه شويه خلاص باجر بابا اييب ..

دامي : والله مدام انتي وااااااااااااجد زين قلبي مال انتي زين مو سيم سيم ماما تحت قرقر وايد حق انا ...

انا : ههههههههههه انزين مشكوره بس يله روحي ..

....................................................................................................................................

بدايه مصيبه راح تعرفونها بالجزء اللي ياي تابعوني