اول رواياتي { انا حزن}

[ba6re8a]

ناطرييين

 

[اكابر]

الجزء السادس..

مشاري : حزن انا احبج والله احبج وانا الحمدالله مكون ونفسي واحس روحي خلاص مليت من حياه العزوبيه وودي اكمل نص ديني .. وماراح الاقي وحده احسن منج ..

- مشاري انت من صجك اذا انت ترضاها على نفسك انك تاخذ وحده تحب غيرك انا ما ارضاها .. صج اعزك واحبك بس احبك مثل اخوي ..

- ادري مع الايام بتحبيني انا ماطلبت منج الحين تحبيني بس انا ابيج تكونين لي ووعد علي اني راح انسيج محمد ..

- مشاري السالفه مو سالفه انسى محمد ولا ما انساه السالفه انه احنا مستحيل راح نتأقلم مع بعض حتى لو نسيته انا تتوقع انت بتنساه .. اصلا انت بتظل تحتقرني بكل دقيقه وكل لحظه .. انا اهون علي اتزوج واحد ما يعرف عن ماضيي شي ويكون ما اعرفه ولا يعرفني ..

- افهم من كلامج انج ما تبيني زوج .. الظاهر انتي معترضه علي انا مو على فكره الزواج

- لا والله مو قصدي الاعتراض مو عنك بس انا ما ادري شقولك انت تدري اني ما...... اقصد اني احب غيرك ..

- قوليها عادي ماتحبيني ..

- .................................................

- حصل خير انسي الموضوع وجني ما قلت لج شي ..

..........................................................................................................

استمرت علاقتنا عاديه وبين فتره وفتره اكلم حمود بالماسنجر ..

ذاك اليوم كانت بنت خالي الصغيره نايمه عندنا عمرها 12 سنه اسمها هيونه { هيا}

اتصل عليها اخوها افبيتنا وكلمته وكان اخوها طالع مع عزوز .. سألها عني قالها وين حزن قالت كاهي يمي عزوز يبي يكلمها .. عطتني ياه استغربت طلبه بس بنفس الووقت وافقت ..

- الو

- هلا شلونج ..

- بخير وانت ..

- انا تمام ..

- وينج ماتبينين ما قمنا نشوفج ..

- ماكو تدري عقب وفاه يدووه قمت ما احب اروح الزواره احس الجو متكهرب ..

- أي الله يرحمه مكانه فاضي ..

- الله يرحمه ..

- شخبار الدراسه .. انشاله ماشيه فيها ..

- الحمدالله ماشيه ..

- يله ابيج تشدين حيلج ولج هديه مني ان شاله ..

- مشكور ..

- اقول حزن متى اشوفج..

- اتشوفني ؟؟ أي ان شاء الله الاسبوع الياي بروح بيت يدوه اشوفك اهناك ..

- لا بيت يدوه ما ناخذ راحتنا .. اشرايج نطلع برا ..

- عزوز انت تدري انا ما اطلع الا مع اهلي .. خل نشوف يوم نتيمع كلنا مع بعض انشاله ..

- لاا انا ودي نطلع انا وانتي بروحنا .. تدرين انتي امهاتنا مايطلعون ..

- لا عزوز نطلع بروحنا شلون ما اقدر ..

- حاولي عفيه .. عشان خاطري ..

- يصير خير ..

اخوي كان رافع السماعه من الغرفه الثانيه وسمع المكالمه ولانه ريال عرف تفكير عزوز الوصخ وفهم مغزى كلامه اللي انا ما فهمته .. ناداني واهو معصب وغسل شراعي وقال لامي وابوي وطبعا كالعاده وصله الطق يومها ابوييي حده عصب وقالي حطي شي على راسج وامشي معاي انا ذابج ذابج انتي بتنزلين راسي بالطين وبتييبيلي العار اذبحج وافتك منج ..

...........................................................................................................................................

خفت ولبست عباه وشيله وانا ميته من البجي ووداني صوب البر وبالطريج طلع خنجر من السياره وقال شوفي هذا اللي فييه بتكون اخرتج وانا مييييييييييته من البجي واهو ولا فالبال بس كل اللي قاله جب ولا كلمه ذابحج ذابحج .. انا شبه منهاره والله مالي ذنب انا اشدراني اهو اشيقصد وكلمته لانه ولد خالتي وماكالمتنا واضحه مافيها شي .. يوم حسيت انه خلاص باقيلي بين الموت شعره انهرت وصرت ابجي بصووت عالي واترجى ابوي يبا تكفا لا تذبحني تكفا يبا والله ما اعيدها واللي يرحم والديك مو عشاني حرام اتيتم خواتي وترمل مرتك وتدخل السجن بسبتي تكفا يبا والله مالي ذنب .. عقب كلمتي غورقت عين ابوي وقال بس سكتي والحمدالله ربي كاتبلي عمر يديد اخذ ابوي فوق تحت ورجع البيت وعطاني اخر انذار وقال والله ان كلمتي عزوز ولا غيره هالمره اخذتج بالبر وربي مره ثانيه اذبحج افمكانج فاهمه ..

طبعا السالفه ما عدت على خير امي اتصلت على حمد اخوه الكبير .. وقالت له السالفه كلها ..

حمد كبر اخوي خالد .. اسمراني واحلى من عزوز بوايد .. من زماان اول مراهقته خالتي قالت انه حمد يحبني وانه قايل لها بس اتوظف بخطبها .. وانه حاط عينه علي بس عمري ما كنت اتخيله زوج كان دايما بنظري حاله حال خلود اخوي ولانه كان حييل هادي ولما ايي بيت يدي او بالمناسبات ماكنا نسمع صوته .. الا لما يسولف مع الشباب ..

حمد يوم ييه نادتني امي ورحت وانا مبين علي اثار الانكسار والطق وتكلمت جدامه بكل اللي صار بعدها طلعت حسيت بنظراته نظرات حزن والم ..

اتصل على عزوز بس الاخ عشان يطلع روحه من السالفه ويكون بالسيف سايت قام يقول انه انا اللي اتصل عليبه واتحرش فيه واتبلى عليه ومن هالحجي بس طبعا خلود اخوي كان سامع المكالمه وعارف منو اللي يحن عالثاني على الشوفه ..

حمد قال لامي خالتي انا ادري انه جذاب ومالج الا طيبه الخاطر انا اتصرف معاه ..
راح لعزوز وغسل شراعه وطقه طق وخلاه يتصل على امي ويعتذر بس عزوز قلبه اسود وتم حاقد علي وخلاها بقلبه عشان يرد لي الصاع صاعين ..

...................................................................................................................................

طبعا خالتي ما درت عن الموضوع بعد السالفه باسبوعين حمد كلم امه عشان تخطبني له .. انا وقتها كان عندي امتحانات كنت بثالثه ثانوي علمي .. امي ما تكلمت ليين اخر يوم امتحانات طبعا انا وصلني الخبر من بنت خالي بس سويت روحي ما ادري .. عقب اخر امتحان ..

امي: ها يما حزن قاعده ..

حزن : أي يمه ..

امي : اشرايج نروح نتغدا برا وناخذ هيونه ويانا ..

حزن: أي والله ياريت يمه حدي لاعت جبدي من الامتحانات ..

امي: وبالمره بكلمج بموضوع ..

حزن: شنوو يمه قولي الحين .. ما احب جذي ..

امي: لبسي واقولج بالمطعم ..

لبست وواخذنا هيونه واختي ورحنا المطعم ووعقب ما اكلنا وووقت الحلو..

امي: ها شبعتوا ..

حزن: الحمدالله ..

امي : عيل بقولكم شي في واحد ياي خاطبج ..

حزن: شنوووووووووووو؟؟؟!!!!!!! منو تعيس لاالحظ اللي بياخذني ....

امي : واحد يحبج ومصر الا ياخذج انتي وغيرج مايبي..

حزن: ههههههههههههه يحبني طلع واحد يحبني وانا مادري.. حشى سعاد حسني مو حزن.. صج يمه منو؟؟

امي: حمد ولد خالتج شريفه ..

حزن: بصدمه منوووووو؟؟؟ حمد !!!!!!!!!!!!!!

امي : أي حمد اشفيه فيه شي ؟؟

حزن: ها لا يمه سلامتج مافيه شي ..

امي: ها اشرايج ..

حزن: مادري ؟؟

امي اوكي استانسوا الحين وبعدين لا ردينا يصير خير ..

..................................................................................................................................

كنت مصدومه حمد يبيني ويحبني لاا والف لا مستحيل اوافق عليه .. رجعنا البيت ورجعت كلمتني امي ..

امي: ها اشقلتي عن الموضوع ..

حزن: لا يمه مابي ..

امي: ليش؟

حزن: يما حمد احسه نفس اخوي بعدين لا تنسين السالفه ..

امي: لا اصلا حمد يحبج ويبيج واهو من زمان يحن يبيج واصلا خالتج من قبل السالفه تقولي حمد ينني كل يوم والثاني يله يمه خطبيها لي لا تطير البنيه مني يماا عفيه ..

حزن: مادري يما اخاف اهوا يبي يتزوجني عشان يعوض عن اللي سواه اخوه ..

امي: لا اقولج لا خالتج من زمان مكلمتني ..انا اقول يابنتي توكلي على الله ووافقي ناس نعرفهم احسن من اللي مانعرفهم وبعدين خالتج يعني تعرفينها ما راح تاذيج ..

حزن: بسكن بشقه بروحي؟؟

امي: لا ويا خالتج بنفس البيت انتي توج صغيره وحتى لو بيطلع ريلج بتخافين تقعدين بروحج ..

حزن: أي صح ..

امي : هاا اشقلتي ..؟؟

حزن: يمااه مابيي

امي:ليش يابنتي فرحيني وريحي قلبي خل اطمن عليج ولا تبين اتموتيني ناقصه عمر وناويه اتكررين سوالفج..؟

حزن: اسمالله عليج يمه لج طوله العمر .. خلاص اللي اتشوفينه ..

امي: لا مو اللي اشوفه انا اللي تشوفينه انتي ..

حزن : كيفكم يما .. انتو اذا شايفين الصبي زين انا ماعندي مانع ..

امي: عالبركه يايمه .. خل اتصل فأبوج ابشره .

..........................................................................................................................................

اتصلت على ابوي وبلغته موافقتي ولكنه اصر انه ايي بنفسه ويكلمني يشووف موافقه او لا ..

يوو وخطبوني وبسرعه صارت الملجه ..قبل الملجه قلت حق ساره تتصل على مشاري وتتعذر منه وتقوله انه انا ماراح اتصل عليه مره ثانيه واني بتزوج ..

- الو

- هلا ساره ..

- هلا والله مشاري ..

- مشاري بدش بالموضوع بسرعه لاني ما اقدر اطول..

- خير اشفيج ؟؟

- مشاري نونه يالها نصيبها وبتتزوج الاسبوع الياي ..

- شنوووووووووووووووو؟؟؟؟!!!!!!!!!!!!!!!!!!!!!1 مستحيل اقول لا تقعدين تتغشمرين وياي ترى هالغشمره بايخه ..

- لا والله مو غشمره هذا الصج ..

مشاري قام يبجي .. ليييييش ليييش اتسوي جذي انا ابيها واحبها ليش تتزوج جم مره اقولها ابييج انا احبج ابيج لي بروحي حرام عليها ليش تعذبني جذي انا اشسويت لها ؟؟

- مشاري صل على النبي وتعوذ من ابليس اننت ريال منت ياهل صغير تبجي ..

- احبها تفهمين شنو احبها اموت فيها انا اتنفس هواها عايش عشانها ليش اتسوي جذي يانااااااااااس حراااااااااااام والله حراااااااااااااااااااااااااااااام ..

- مشاري انا اسفه بس هذا النصيب والله مو كاتبها لك ..

- ليش ربي ظالم جذي ليييش .. عطاها للي ما يحبها وحرم اللي يحبها منها ..

- مشاري مايجوز هالحجي استغفر ربك ..

- استغفر الله العظيم .. استغفر الله العظيم ..

.........................................................................................................................................

انهار مشاري لخبر زواجي اللي كان له صدمه كبيره .. بعكس محمد حب حياتي اللي اتصلت علييه انا من تليفوني طبعا خطيبي شرالي تليفون ..اتصلت .. واتصلت الجهاز مغلق مو قصدي اتصل عشان شي كثر مو قصدي اسمع صوته لاخر مره ..

نفس يوم ملجتي كنت رايحه الصبح مع امي استلم نفنوفي مال الحفله لانه كان عند الخياط يبيله شوي تعديلات نزلت بروحي ولا يدق محمد ..

- الو

- هلا

- داقيين ؟؟

- ماعرفتني ..؟؟

- صوتج مووو غريي....... حزن؟؟

- أي زين ذاكر صوتي !!!

- تليفون منو هذا ؟؟

- تليفوني ..؟

-سويتيها ؟؟ شريتي تليفون من ورى اهلج؟؟ ادري فيج عنيده وماتسمعين الحجي يله يله باي ..

- هوب هوب لحظه مو من ورى اهلي ..

- ها عيل انا اعرف امج مستحيي ترضى يكون عندج تليفون ..

- حموود انا انا ملجتي اليوم العصر ..

- صج .؟؟؟؟!!!!!!!!!!!

- أي والله ..

- منو خذيتي ؟؟

- حمد ولد خالتي اخو عزوز ..

- اهااااااااااااااا .. والله ياحزن ما اقدر اقول الا الله يوفقج دنيا واخره ..

- حمود انا اسفه ..

- على شنو يالغاليه ؟؟

- لاني ما وفيت بوعدي..

- أي وعد ؟؟

غنيتله الاغنيه اللي يحبها ومن كثر ما يحبها خلاني احبها وكان كل ما اكلمه يغنيلي ياها ..


{ اوعدني عني ماتغييب } .. كملها معاي( تبقى هنا جنبي قريب محتاج )

- ميخالف حبي .. يمكن القدر فرقنا بس اذا الله كاتب بنتجمع راح نتجمع على يوم ..

- ان شاء الله ..

- عاد مو تنسين عزميني عالعرس لانه صج كان بخاطري اشوفج وانتي بالابيض ..

حاظر ولا يهمك ..

..............................................................................................................................

ماكان لي طلبات شنو تبين كيفكم تبين عرس كيفكم شلون عالفرش كيفكم ماشاركت بشي شقتي تاثثت على ذوق خالتي وزوجي .. وزوجي ماشفته الا عقب الملجه بالحفله ..

..............................................................................................................................

صورنا مع بعض وقصينا الكيكه حرام اهو كان مستانس فيني اما انا احس اني متزوجه اخوي .. بدلت وطلعت معاه اول شخص شفته واقف عند الباب اهو عزوز كاشخ وقاعد يرقص عند الباب ووراه باجي عيال خالاتي مستانس او يتصنع الوناسه وبكل وقاحه يباركلي ...

........................................................................................................................

ركبنا الليموزين اول شي قلته لريلي عقب السلام ..

حزن: اتمنى انه ننسى اللي فات ونفتح صفحه يديده وانه سالفه عزيز ماتأثر على حياتنا ..

حمد : اكييد اصلا انا نسيت السالفه خلاص ومابي افكر فيها .. ولا انتي اتفكرين فيها ..


رحنا تعشينا وافترينا بالسياره شوي وبعدها وداني البيت كانت امي بإنتظاري اهيا وخالتي حنان ..

خل اقولكم عن خالتي حنان شوي .. خالتي حنان وامي فرق العمر اللي بينهم حمل البطن بس .. خالتي حنان اكبر من امي .. واهما صغار حييل متعلقين افبعض جنهم توائم لما كبروا امي تزوجت صغيره وخالتي حنان لا .. حبت لها واحد من غير محددين الجنسيه وتحدت الكل وخذته وبعد 7 سنين قطاعه رجعت لبيت اهلها وردجعت المياه الى مجاريها ..

المهم امي اهيا وخالتي حنان اذا اجتمعوا يكونون ثنائي مرح ما تقولون هذي امي تتغير 180 درجه ..

بس وصلت واهما اسإله سن وجيم اشسويتوا اسولفتوا اشكليتوا ..

استمرت الملجه شهر يعني تقريبا تطلعت شبه يومي مع حمد 3 اسابيع .. والاسبوع اللي قبل العرس ما شفته ولا كلمته ..

قبل العرس بجم يوم اخذت 3 بطاقات من بطاقات دعوه الحريم وبطاقه من بطاقات دعوه الريايل حق محمد وخواته وامه ..

..............................................................................................................................

بالعرس رحت صالون مشهور بانه يحط ميك اب للفنانات .. طلبت مكيااج ناعم .. الكل انصدم اني العروس ..كان عمري 18 سنه وشكلي صغيير واساسا انا ويهي طفولي .. وجسمي ضعييف وقصيره فيعطيني عمر اصغر ..

وقت العرس كنت متوتره حدي .. وخايفه من هاللحظه .. دخلت القاعه الكل انبهر .. عروووس جذي .. ميك اب ناعم وتريعه ناااااااعمه رفعت شعري كله وسويته بف من ورى بس وحطيت الطرحه من تحته ..

والميك اب حطيت لبناني .. حتى خبيره التجميل قالت انتي عروس ما اقدر احطلج ميك اب ناعم بالصور ماراح يبين .. بس انا اصريت ..قللت اللون الاسود وكثرت الوردي مع ل ستك وردي لانه نفنوفي ابيض بس الشك اللي فيها ريمبو يعطي كذا لون والابرز اللون الوردي ..

..........................................................................................................................

يتبع

 

[HYoOoN:*]

نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت نبي بارت

 

[اكابر]

انشاله .. من عيوني .. اتمنى بس تكون عاجبتكم الروايه

 

[asolamalsona]

هااااي حبيبتي " اكابر" مشكوووره وايد على القصه حدهااا عجيبه
واسلوووبج مو صج " اتمنى ماطولين علينا " نبي بارت

 

[اكابر]

تسلمين حبيبتي .. وماتقصرين

انشاله اليوم البارت اليديد بحطه عشان خاطرج..

 

[Zoz.Q8]

تـسلم إيدج قلبوو ع البارتاااااااات

الرواايه روعه و إسلوبج ينن =)

ناطرين الباارت =)

 

[اكابر]

حبيبتي انتي مشكوره وماتقصرين انشاله من عيوني شوي وانزل البارت اليديد ولا يهمج ..

 

[HYoOoN:*]

ناطرينج

 

[ba6re8a]

خوش روايه كمليييييييي

 

[اكابر]

اسفه عالتأخير ..البارت السابع وصل ..

 

[اكابر]

الجزء السابع:


بسبب الظغوط اللي صارت علي قبل الامتحانات .. يبت دور ثاني .. تزوجت ولهيت .. فرسبت .. حمد ماكان يبيني اكمل الثانويه .. بس انا اصريت اني اكمل دخلت مسائي .. وحولت من علمي ليي ادبي .. وكانت المدرسه شويه بعيده مو وايد عن البيت .. اول ما داومت كنت البنت الوحيده اليديده بينهم .. تعرفت على جم بنت واغلبهم كانو هاديين .. انا اساسا مو اجتماعيه .. بس مرحه مع اللي اعرفه ..

ذاك اليوم رحت مبجر المدرسه وداني ريلي .. قعدت بالصف بروحي وشوي شوي يوو البنات لفتت نظري بنت من اول ما دخلت ..

....: اففففففففففف استغفر الله ياربي قتلكم ما احب التنوره ما اعرف امشي فيها قلتوا لا ولامره لابسه تنوره ..

لفتت نظري عفويتها واسلوبها الدفش نوعا ما .. وعطتني نظره واظح انها لاحظت اني يديده وكلمت رفيجاتها بصوت واطي .. بعدين ..

.....: انتي يديده اهني ..

حزن : أي.. صارلي ثلاث ايام مداومه ..

..... : انا اسماء وانتي شسمج ..

حزن: انا حزن ..

تعرفت علي ومع السوالف عرفت انها مطلقه وعندها بنت عمرها 4 سنين .. اهي شكلها حبوب بس اللي مخرب عليها انها دفشه شوي وماتعرف تتحجى الا بدفاشه..

ذاك اليوم .. دزلي زوجي مسج وقال انه احتمال راح يتأخر علي لانه عنده شغل .. اتصلت عليه عشان اعرف شكثر بيتاخر .. شلون البنات كلهم يروحون وانا اتم بروحي قاعده .. اسمعتني اسماء وانا اتكلم يوم خلصت قالت لي انا اوديج ..قلت لا اشدعوى ريلي بيمر ياخذني بس قال بيتاخر شوي .. . اصرت انها توديني .. اهيا بيتها يم بيت اهل ريلي .. كلمت ريلي وقال اوكي احسن من ما تظلين بروحج ..

قالت.. بدال لا كل يوم ريلج ايبج ويوديج انا على طريجي خلاص باجر انا امرج .. ريلي ماقال شي اصلا اريح له اهو ..

صارت علاقتي بأسماء قويه .. نروح ونرجع مع بعض لانه انا ماكنت اسوق اول ماتزوجت حملت فقالي زوجي بس تولدين اتطلعين الليسن ..

مع اسماء الحياه كانت غير .. طلعه وروحه ومجمعات حسيت انه الحكره اللي كنت فيها خلاااااص راحت .. قز عالبحر وطلعه وروحه .. مره بعلم ريلي ومره لا ... كنت احس بمتعه كبيره وانا معاها احس انه مافي قيود عايشه حياه فريييي حدها .. لدرجه اني ماكنت اشوف عيوب اسماء اللي كانت واضحه وضووح الشمس بس من كثر وناستي بالحياه اللي عايشتها كنت ما اشوف شي ..

ماتم مجمع ما قزينا فيه .. وشارع الخليج والبلاجات لو ينطقون جان قالوا بسسسسسسسسسسسس رحمونا من قزكم ..

اسماء كانت تكلم اكثر من واحد وكل يوم والثاني لها صديق على امل تتزوج وكانت مييييييييييته وتتزوج ساعات كانت تقولي اشرايج اتزوج ريلج عشان نكون افبيت واحد .. ماحطيت افبالي واخذتها على انها غشمره ..

..........................................................................................................................

من اول زواجي وخالتي اشتغلت الغيره فيها .. على لبسي ومكياجي وعطوراتي .. وحتى صديقاتي ماتبي يكون عندي وما عجبها الوضع انه ريجتي اتيبني واتوديني ...


مره من المرات سوت سالفه طلعت علي حجي انه انا ما انظف شقتي وانه شقتي مو نظيفه مع انها مادخلت شقتي الا مرتين بس وكانت الشقه نظيفه ...

لا وبعد تقول اني ما استحي ناشره ملابسي الداخليه برا الشقه وكلها الوانها مغيره وما استحيت من عمي اللي يمر ولا الشباب ..

واني مو مهتمه بنظافه ريلي واني اطلع مع وحده مطلقه وسلوكها مو مظبوط واتروح واتي معاي وانها راح تخربني .. ومن هالحجي..

صارت سالفه سبب حجيها وزوجي وقف معاي ضد اهله ويومها خالتي انكرت انها تحجت وقالت لا انا ماقلت شي غير انه انتي ماتهتمين بريلج كثر ماتهتمين بنفسج وقلت عن رفيجتج المطلقه بس ماقلت انج ماتنظفين شقتج ولا عن ملابسج الداخليه ريلي وقف جدام امه ويدافع عني قالت له توقف ابويهي عشان زوجتك ؟؟ طلع واهو معصب ... ويومها انا تعبت حييل ومعدتي قامت اتعوني وقمت بس استفرغ ونتوا بكرامه .. ريلي حييل خاف علي لانه وييهي قلب اصفر وشفايفي صاروا بييض ..

حمد: حزن قومي خل اوديج الطبيب مو زين عليج جذي ..

حزن: لا مافيني شي .. شويه تعب مو اكثر ..

حمد : شنو مافيج شي شايفه شلون صار ويهج..

حزن: حياتي مافيني شي .. وقمت ركض على الحمام وانتوا بكرامه عشان بأسفرغ ..

حمد : واتقولين مافيج شي ها ..

حزن: عادي انا لما اتضايق يصير فيني جذي ..

حمد: قومي قومي اوديج موبكيفج قومي ..

حزن: قتلك مافيني شي .. مابي ارووح..

حمد: تكفين اذا مو على شاني عشان اللي افبطنج قوومي ..

تميت طول الليل وانا على هالحال رايحه راده على الحمام وانتو بكرامه .. ومعدتي تعورني حيييييييييييييل ..

لين صارت الساعه 2 .. زاد الام وقمت احس انه روحيي قامت تطلع من كثر العوار .. وحمد قاعد يمي اقوله ناام ..مو راضي واهو مسكين فيه النوم يغفي ويقوم بسرعه ..

شفته غفى رحت الصاله عشان لا يحس فيني وانا اتألم .. وما وعيت الا اللي يايب عباتي وريقولي يله يله عبالج مادري انج لين الحين تعبانه قومي .. اوديج ..

اتصل بامي ورحنا مستشفى حكومي ولكن كان زحمه حييل وطلعت لقيته افويهي ..

حمد: ها اشصار ؟؟

حزن: ولا شي زحمه وما دشيت عالدكتور ..


صرخ ابويهي .. اشفييج مو خايفه على نفسج وعلى على الياهل .. يعني انتي مو شايفه شكلج شلون صار وكل شوي رايحه تستفرغين ..

قعدت ابجي بصمت من الزفه لانه اول مره يصرخ ابويهي جذي ومن الام اللي قاعد يزيد .. امي اتصلت قالت تعالولي دار الشفا انا اهناك ..

بعد التحاليل طلع دمي نازل واحتاج دم .. ركبولي دم وظلينا لييييين ثاني يوم العصر امي راحت وانا وحمد ردينا البيت .. عالساعه 3 العصر الكل كان نايم بهدوووووووووء دخلنا شقتنا..

امي طبعا قالت ليدتي اللي صار واني انقهرت وحت الطبيب و و و و و و كل شي .. ويدتي عندها خالتي شريفه اهيا الطفله المدلله اللي كلامها الصح وان قالت الشمس تشرق من الغرب واتغيب من الشرق اتقولها صاجه ..

وقفت مع خالتي ..

يدتي : شلون يعني خالتها بتتبلى عليها لو اهيا مو حاطه ملابسها الداخليه جدام اللي ايح واللي راد ما تكلمت خالتها ولا اهيا اشبينها وبين حزن كبرها اهيا كبرها تتبلى عليها وبعدين بنتج ماتستحي داقه عليج الفير ومطلعتج وانتي مره مطلقه وعندها خالتها وعمها بالبيت ما قالت لهم ..

امي: يمه حزن توها صغيره وتستحي من خالتها وعمها ..

يدتي : اشوف عرفت حق الزواج ماقالت صغيره واستحي .؟؟ بعدين انتي مو عيب عليج اتطرشين حق بنتج اكل وفواكه .. شنو شقصدج بيت اختج اميوعينها ...؟؟؟

امي: لا يمه انا اعرف بنتي من النوع اللي تستحي واهيا ماعندها مطبخ بشقتها فراح تستحي تنزل تحت وتطبخ بمطبخهم وتدرين بعد حامل وتتنسى تتشهى فواكه ولا تيوع بالليل تبيلها خبيزه وجبينه ..

يدتي : الا قولها من ربادتها ودلعها مااتبي تنزل تحت .. يمه منها اشهالعبو الحين صارت تستحي ..

امي: يمه اهيا توها متزوجه وعلى طول حملت وتوها مو متعوده على طباخهم ..

يدتي: عشتوا ما ايوز لها طباخ شريفه من فيصلوا .. هذا اللي ناقص بعد اصلا شريفه لو تطبخ ماي بس وتعطيها ياه خل تحمد ربها مو تروح اتطر منج اكل .. خالتها مسكينه تطبخ كل يوم وبنتج ماتقعد الا الظهر ..

امي: يمه بعد معاريس .. بعدين انا مايبت طاري السالفه بس اللي قلته انها تعبانه ..

يدتي : هو هو هو اكليني بعد خو انا اشقتلج كل هذا عشان نصحتج على بنتج هذا يزاي ما ابيها تتطلق وتقعد يمج ..

طلعت امي من يدتي واهي مكسوره الخاطر بسبب كلامها اللي يدقر ويجرح ويعور القلب..

.......................................................................................................

خالتي يوم درت اني رايحه الطبيب عصبت ومدت بوزها .. ليش اتروجون ابروحكم والناس اشبيقولون عنا ماندري عنج ومن هالحجي .. صار الليل قعدنا من النوم ماكو احد كنت لين الحين تعبانه رحت بيت اهلي قعد معاي حمد هناك .. قال انا يتروالي تقعدين افبيتكم هاليومين احسن لج عشان ترتاح اعصابج ..

ليلتها نام عندي افبيت اهلي ما يبي يشوف اهله .. اليوم اللي وراه قالي امشي معاي بروح اخذ اغراض من البيت رحنا ودخلنا حق خالتي الغرفه .. وليتنا مادخلنا بطلت نفس الموضووع عصب ريلي ودش شقتنا وصك باب حيل استأذنت انا وطلعت وراه اهدييه كان حده معصب يقول بس تعبت من المشاكل انا اتزوجت عشان افتك من مشاكلهم والمهاوش معاهم خلصوا مني يوو عليج ؟؟ هديته وقعدت احط لنا ملابس عالسريع .. وبطلعتنا ولا خالتي ..

خالتي: ماخذ اغراضك وين انشاله ..

حمد: بنروح بيت خالتي حزن تعبانه شوي ..

خالتي : اهيا تعبانه وانت اشفيك ولا تعبان على تعب زوجتك ؟؟

حمد: مافيني شي بس بروح وياها نفسيتها تعبانه ..

خالتي: أي البيت صار مايعجبكم يتعب النفسيه دام ست الحسن مو عاجبها انت الحين صار ما يعجبك ..

حمد: يما الحين حزن شكو بالموضوع ..

خالتي: الله يالدنيا ترفع صوتك على امك سبب زوجتك اقدرت تغيرك علي بهالسرعه ..

رز ويها عزوز ويعني بيسوي روحه ريال جدامي ويعني اني مو هامته .. قام صرخ ابويه ريلي ..

عززووز: هي لا تعلي صوتك على امي فاهم ..

حمد: حط السانك بحلجك واسكت مالك شغل..

عزوز : شنو انت ماتحس ماتفهم تتهاوش مع امك عشان زوجتك ولا نسيت اهي شنو ..

حمد: جب ولاكلمه زوجتي اللي مو عاجيتك تسواك وتسوى 10 نفسك ..

خالتي : بعد بعد تبيع اخوك واهلك عشانها ..

حمد : أي ابعكم زيييين عساكم تحترقون كلكم زييييييييييين يله امشييييييييييي ..

انا مابطلت حلجي بولاااااااااا كلمه ماحبيتاتدخل بالتقاش الحاد اللي صار .. حمد كان حيييييل معصب وظل طول الطريج يدخن زقاره ورى زقاره ..

حمد: تروحين سينما ؟؟

حزن: الله يهديك أي سينما وانت بهالحاله ؟؟

حمد : مالج شغل بالعكس انا هادي اشرايج عاج بعشيج بعد ووكلج برد ..

حزن: بعد مشكور مقدما ..

وداني عشاني برا واحسه مو قادر ياكل لانه متضايق ويتصنع البسمه عشان لا يضايقني وحتى يوم بالسينما اهوا بوادي والفلم بوادي .. ماتكلمت معاه بالموضوع عشان مابيه يتنرفز اكثر ..

رجعنا بيت اهلي .. ووقت النوم انا غفيت واهو ظل قاعد رديت قعدت واهو مازال قاعد..

حزن: اشفيك حياتي ؟؟

حمد: مافيني شي ..

حزن: ليش مانمت ؟؟

حمد :مو يايني النوم مادري ليش احس نفسي مقموت وكانه جبل على صدري ..

حزن: تعوذ من ابليس انشاله مافيك الا العافيه ..

حمد : انقهرت من اهلي وااااااااااايد ..

حزن: حياتي انت ميخالف مهما يصير هذول اهلك واللي مافيه خير بأهله مافيه خير للناس ..

.........................................................................................................................................

رن تليفونه ولا ابوه متصل ومارد عليه شوي ولا يدزله مسج ..

امك طاحت غشيانه علينا بسببك

ووديناها الطيبيب .. حرام عليك اتسوي فيها جذي..

تضحك .. وقال ..

حمد: على بالهم انا غبي وما اعرف حركات امي .. جنها فلم مصري اتسوي روحها طايحه غشيانه وتمثل عشان تكسر خاطري ..

حزن: لا تظن فيها ظن سوء .. يمكن صج ..

حمد: على بالج ما اعرف امي يبا والله اعرفها .. حركات بس جذي تفلم ..

حزن :انزين ميخاالف اتصل عليهم عالاقل حسسهم انك مهتم ..

حمد : اووووووووووووووووه حزن لا تحنين ترى اللي فيني كافيني ..

..........................................................................................................................................

سكت عنه وقلت لامي تحاجيه وتكلمه وتحاول تقنعه يروح لامه لكنه اصر اني اروح وياه ..

رحت معاه وكلم عمي وخالتي اللي خذت الموضوع بصيحه ولجه وانت وانت وانت ..وزوجتك .. قال لها انتي يتخربين حياتي ..

خالتي : شنووووووووووووو انا اخرب حياتك في ام بالدنيا تخرب حياه ولدها حسبي الله على بليسك لعنبوك انا لو بتحجى عشان اخرب حياتك كنت قلت اشياء تخلي زوجتك اهيا اللي تطلب الطلاق منك ..

اصدمتني كلمتها .. شتقصد فيها شنو شايفه على حمد اللي خلاها تقول هالحجي ..

طبعا نفس ماقال حمد سوت روحها طايحه غشيانه وصح صحناها واعتذرنا منها وردت الوضع عادي .. ولكن

خالتي ابتدت معاي الحرب البارده ..

تبون تعرفون شلووووووووووووووووووووون؟؟؟؟

تابعوا البارت اليديد ..

يتبع

 

[ba6re8a]

مشكوووووووووووره وااااااااايد

 

[HYoOoN:*]

ويتنق!!

 

[اكابر]

اليوم ماكو بارت يديد السموحه لاني راح اكون مشغوله شوي بس وعد ان شاء الله باجر

 

[عاشقه رويشد]

ناطرينج لا اطولين

 

[عاشقه رويشد]

وينج حبوبه لااطولين علينا

 

[عاشقه رويشد]

وينج

وينج

وينج

ناطرتج

 

[انين الانتظار]

ناطرين لا يووووقف

لالالالالالايوقف لالالالالالالايوقف

وبس

وثاااااااااااانكس

 

[so_what]

waiting