اول رواياتي { انا حزن}

[اكابر]

يسلمو حبيباتي وما قصرتوا هذا من ذوقكم ..

راح اكمل ان شاء الله بس بعد شوي ..

 

[ba6re8a]

يالللللللللللللللللللله كمممممممممممممملي

 

[اكابر]

لعيونكم البارت اليديد..


الجزء الرابع

شفت صورته شكله كان حده حلو وويهه طفولي .. اكثر شي لفت نظري له كشته كان موقف الكشه نظام يعني انا ستايل..

محمد: ها شرايج؟

حزن: ماشاله مزيون بس فيك عيب .

محمد: شنو اهو ؟

حزن: شعرك ليش جذي موقفه ترى مو حلو؟

محمد : لووووووووووول تصدقين حتى امي كله تقولي قصه بس انا عاجبني جذي ..

حزن: امك معاها حق مو حلو جنه قاضبتك الكهربا ..

محمد: مو عاجبج يعني .

حزن : لا ويع مو حلو..

محمد : احسن .. لا اتغشمر معاج..

حزن: حمود اليوم تعرفت على واحد بالشات ..

محمد: انزين؟

حزن: بس اسمه فارس ساكن بقرطبه .. وحيد امه عمره 17 .. ابيض ضعيف ..

محمد: بس بس بس كل هذا عرفتيه من اول يوم ماشاله عليج طايحتله سوالف ها..

حزن: شسوي بعد مو حظرتك تاخرت على ما دشيت النت..

محمد : أي قتلج كنت قاعد مع امي حرام قاعده بروحها خووو تعرفين ريمو تنام مبجر مع الدياي ..

حزن: أي زين اتسوي .. الزم ماعليك الوالده ..

محمد: حلو؟

حزن: منو .؟

محمد:فارس..

حزن: ههههههههههه شكو مجرد واحد تعرفت عليه

محمد: اها .. نونه عشان خاطري ديري بالج مابي يصير معاج موقف بايخ من واحد من هالشباب

حزن: عاد تدري بطل الكام وشكله كان زوغه ومن الستايل اللي احبه بس انت تدري خلاص انا مستحيل احب مرره ثانيه .. اصلا انا قلبي خلاص ما فيه يتحمل جروح..

محمد: ردينا مو قلنا انسي الموضوع وانسي الحزن يا حزن استانسي وعيشي حياتج مو عشان شي عشاني انا ولا انا مو كفو وما استاهل .. تعالي اخاف انا مالي خاطر عندج وانا مادري ؟؟

حزن: بالعكس انت الوحيد اللي لك خاطر وكلامك اوامر ..

محمد: غصبن عليج مو طييب منج

حزن: حمووووووووووووووووووووود؟؟

حزن: بايخ ..

محمد: من زمان توج تدرين ..لووووووووووووول .

..............................................................................................................

استمرينا على هالحال للمده شهرين بعدها..

محمد: هلايالغاليه ..

حزن : هلا والله ..شلونك..

محمد: بخير دام شفتج..

حزن: انشاله دووم بخير.. ودامك انت بخير انا بعد بخيير قبل لا تسأل لووووووووول

محمد: ملقوفه يمكن ماني سائلج؟؟

حزن: عادي امون عليك..

محمد: فديتج .. وين رحتي وين يتي ؟؟

حزن:ماكو فالبيت..

محمد:شنو كليتي ؟؟اليوم

حزن:الغدا كان مجبوس دياي

حزن: والعشا توست وجبن..

محمد: مو اقولج انتي فار لازم جبن حياتج كلها جبن بجبن..

حزن: حموود لا تقول فار خوو احب الجبن شسوي..

محمد: انززيييييييييييين لا تزفين مو فار قطوه زين جذي؟.؟

حزن:وانت؟

محمد: ماكو قعدت من النوم متاخر وطلعت مع الربع ونسيت اكل عاد وانا راد البيت .. مريت بورجر تعشيت ورديت

حزن: بالعافيه

محمد: يعافيج ياقلـ

حزن:...........

محمد: نونه

حزن:هلا

محمد: بقولج شي ..بخاطري اقوله..

حزن: قول..

محمد: بس امانه لا تزعلين مني..

حزن:شنو قول لاتحرق اعصابي..

محمد:نونه انا حييل احترمج ولج معزه خاصه بقلبي وتعودت اني اكلمج كل يووم واعرف اخبارج .. نونه انا بصراحه .. احبج ..

حزن: .......................

محمد:نونه والله العظيم احبج صدقيني انا اقص عليج ولا العب عليج ..

محمد:نونه ردي علي ..

محمد:واللي يرحم والديج لا تسكتين ردي تكفين والله احبج من كل قلبي ..

حزن: محمد.. انت ما تحبني .. انت تشفق علي..

محمد: لا والله وربي احبج ليش اشفق عليج اشناقصج انتي ؟؟ مو ناقصج شي تسوين البنات كلهم ..

حزن: محمد انا ما استاهلك .. ( صوري الفيس اللي يبجي)

محمد: حزن لا تقولين جذي انتي تستاهليني ونص وتستاهلين احسن مني بعد .. تكفين حبيبتي لا تبجين ..والله احبج انا غير وعزوز غير لا تفكرين فييه انا احبج والله احبج ..ما ابيج تقولين لي ياها الحين فكري فكري زين وتالي قوليها ..

................................................................................................................

مروا شهرين ثانين على هذي المحادثه وصرت اعرف محمد من 4 شهور صج حسيت بانجذاب له ونفسيتي حييل تغيرت صرت متفائله اكثر كاني كنت مضيعه شي ولقيته ..

محمد: حبيبي..

حزن: هلا حبيبي ..

محمد:يمج احد..

حزن: لا ليش؟

محمد: ببطل لج الكام بوريج شي..

حزن:شنو ؟؟

محمد: لحظه استقبلي..

حزن: اوكي..

محمد: ها اشرايج..

حزن: حمووووووووووووووووووووووووود قصيت شعرك واااااااااااااااااااااااااااااااااااااااااااي فديتك..

محمد: افا عليج بس ماخليتها بخاطرج..

حزن: حياتي متى قصيته ماقتلي انك الصالون ..

محمد: أي مفاجأه..

حزن: فديتك انا وفديت مفاجآتك..

..................................................................................................................................

بعد 5 شهور من تعارفنا كلمته بالتليفون..كناا افبيت يدي .. واخذت تليفون بنت خالي.. واتصلت بالحمام..وانتوا بكرامه..

- الو
- الو نعم
- مساء الخير
- مساء النور منو؟
- شلونك
- بخير منو؟
- محمد؟
- أي محمد انتي منو؟
- مو منتظر اتصال من احد؟
- ................ اييييي بلى بلى نونتي ؟؟
- أي فديت هالصوت والله مابغيت اسمع صوتج ؟؟
-......................
- لا يامعوده لا تسكتين انا ماصدقت على الله اسمع صوتج..
- شلونج حبيبي
- بخير وانت.
- توني صرت بمليوون الف خير .
- دوم
- اجمعين
- انزين انا بسكر الحين
- وين وين بتسكرين جذي حاف ؟؟
-أي
- ماكو باي حيبيبي؟
-لا
- افا
- اوكي باي
- امانه قوليلي
- باي
-لا تصيرين جذي
_ باي ح بيبي
-بايات يابعد عمر حبيبج

...............................................................................................................................
استمرت علاقتنا فتره طويله يوميا ماسنجر وبين فتره وفتره اتصل عليه لانه انا ماكان عندي تليفون..

طبعا علاقتي فيه كانت اطوول علاقه مرت علي ..

..........................................................................................................................

قبل لا اكمل شنو صار بينا ..

احنا طلعلنا بيت من الحكومه وسكنا فيه .. واول ماسكنا تعرفت علي حب حياتي اللي اهو محمد ..

.........................................................................................................................

طبعا كان معاي بكل لحظاتي باحزاني قبل افراحي دايما يواسيني بحزني ويفرح معاي بفرحي .. يعرفني من صوتي اذا كان مضايقني شي ..

امي وابوي انفصلوا عن بعض .. وقتها كرهت نفسي وصج صج تعبت .. محد حس فيني وبمعاناتي الا اهو ومحد وقف وياي الا اهو .. ما انسى كلامه ورقته بالتعامل وعمري ماراح انسى شلون غيرلي حياتي .. ابوي ماطلع برى البيت لكنه اكتفى بجزء صغيير له بحكم انه عزوبي ومو متزوج واحنا قعدنا عند امي ..

وفي يوم مأساوي كان ماكة احد بالبيت غير الخدامه .. قلت فرصه خل اتصل عليه لانه من زماان ما سمعت صوته ..

- الو
- هلا وغلا عاش من سمع الصوت ..
- هلا فيك حبيبي شلونك.
- بخير يالغاليه انتي شلونج . ولهت عليج وايد.
- صج .. توله عليك العافيه انشاله.
- ها بشوفك بالماسنجر اليوم ؟
- أي اكيد خوو انا ما اقدر انام من غير لا ادردش وياج ..
- بعد عمري والله ..
- ماشي غلاتي اخليك الحين .. تامر شي ..
- لا حيتي ديري بالج على نفسج بس ..
- اوكي حبيبي ..
-باي
- احبك
ما حسيت الا بصوت ابوي ينادي حزن حزن حزن ..

حزن: بارتباك.. هلا يبا ..

ابوي: وينج يبا صارلي ساعه اناديج ..؟

حزن: امرني يبا بغيت شي ؟؟

ابوي : اشفيج مو على بعضج؟؟ لا مابغيت شي

حزن: ها لا ماكو شي ..

ابوي : انتي من كنتي تحاجين ..؟

حزن: رفيجتي ليش؟؟

ابوي: رفيجتج .. اها .. عيل اشفيه ويهج مصفوق ..؟

حزن: يبا ماكو شي اشفيك علي ..

ابوي: سلامتج .. اقول يبا عطيني التليفون ..خل اتصل على اخوج اشوفه وينه ..

حزن:حاظر يبا ..

عطيته ياه وتوني بطلع من الغرفه ولا يناديني..

ابوي: وين رايحه ؟؟ تعالي الحين ياي اقعد معاج انا

حزن: لا يبه مو رايحه مكان ..


اخذ ابوي التليفون وعاد الرقم ومن غبائي نسيت لا اخربط رقم عقب ما سكرته .. رد محمد على ابوي ..

محمد: هلا حياتي ها فيج شي ؟

ابوي:.........................

سكر التليفون وعطاني نظره من نظراته القتاله وعيونه قلبوا حمر واحس انه النار بتطلع من عيونه ..


ابوي: رفيجتج ها ..

انا ولا كلمه وتبلعمت رد اتصل مره ثانيه .. وشغل السبيكر .. ورجع صوت حبيبي ..

محمد: الو ..الو .. حياتي اشفيج .. الووووووووووو..

ابوي : حياتك ها ياقليل الادب ياللي ماتستحي على ويهك مو عيب عليك تكلم بنات الناس ..

محمد: منو ..؟؟ منو معاي ؟؟

ابوي: منو معاك يا وقح ياللي ماتستحي انا ابو الزفته اللي توك مكلمها ..

محمد: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا تعليق ..

تم يسب ويزف ويزف ومسح بكرامته القاع واهو المسكين ولاااااااااااااااا كلمه وعقب ما سكره منه ..ياني ذاك الطراااق اللي طيحني من طولي من كثر قوته .. طق وترفس وصدمه كبيره لابوي .. عمره ما توقع انه انا بيوم من الايام راح اكلم او امي بهالطريج مع انه والله علاقتنا شريفه حبنا تظييف مافيه لعب او مصخره او قله ادب ..

بس وصل اخوي خالد قاله ابوي السالفه وطبعا ما قصر كمل وصله الطق والترفس والسب والزف ..

ومابقى غير امي مايصير ما يكون لها مشاركه بحفله الطق العالميه .. كملت علي وكسرتني تكسر ..

....................................................................................................................................

يومها تعبت حييل وجسمي تكسر وبقع كله ازرق وصار متروس كدمات وكنت يدووب اقدر اوقف على حيلي من شده العوار .. لدرجه انه بعد اخر وصله طق نمت حسيت جسمي خدران ومو حاسه بشي ..

...............................................................................................................................

مرت الايام كئيبه بدون حبيبي .. ميته واكلمه واسمع صوته .. بس الحصار كبير ما كنت اقدر اكلمه ..قلت لبنت خالتي تتصل عليه وتتطمن ..

حالته تكسر الخاطر وصوته حزين ومكسور .. يقولها حييل فاقدها بس ما ودي اسبب لها مشاكل ..

كان ودي اكلمه بس ما اقدر ..

حاولت انساه بس صعب انا وياه صارلنا فوق السنتين نعرف بعض شلون انساه تتوقعون الطق ياب نتيجه ؟؟ بالعكس خلاني اتمادى اكثر واكلم اكثر واكثر علاقات عابره بيووم ويومين وافل ابي اعوض النقص اللي فيني ابي اتناسى محمد ابي انسى اني تعرفت عليه ..

........................................................................................

كلمت فيصل وبدر ومحمد وعبدالله وضاري مخالد ومشعل وحسين وعلي ووووووو ........

وايد بس ما قدر انساه ما اقدروا ينسوني ياه كانت المقارنه حاميه كل ما كلمت احد اقرنه فيه واكتشف انه اهوا احسن منهم بكل شي .. كلهم كانت تحكمهم الشهوه والرغبه الا اهو كان محترمني ويخاف علي ..

كلمت واحد اسمه مشاري .. هذا كان خوش واحد بعد بس ما قدرت احبه اهو حبني وكان مستعد يتزوجني بس انا ما رضيت لانه ما ابي اظلمه وياي .. بنت خالي كانت تستغل الوضع لما كانت تنام عندي اتقوله تبي اتشوفها ييبلي اكل من المطعم وهالحجي كان 3 الفير والمسكين يطلع نص الليل على امل يشوفني .. كانت تنزل تاخذ الاكل وتخليه يشوفني من بعيد .. كان يحبني بجنوووووووووووووووووووووووووووووووون وحييل يغار علي من كل شي ؟؟ اتذكر يوم عيد الحب اهداني دب كبير .. لين الحين محتفظه فيه ..

.............................................................................................................................

اتوقع كافي اليوم جذي ..

يتبع

 

[عاشقه رويشد]

كملي ناطرتج

 

[so_what]

دام كلمتي بعد ليش ما رديتي كلمتي محمد؟؟ كملي ناطرنيج

 

[q8ya36]

ناطرينججججججججججججججج

 

[q8ya36]

:bye22:ناطرينججججججججججججججج

 

[PinKiSHo]

اي والله دام ردت تكلم جاان ردت حق محمد ليييييييييش جذي سووت

كملي كملي انا ناااطره

 

[فيلجـ كول ـاويه]

كملييييييييي بليييييييييييييز

موتطولين !!

 

[اكابر]

انشاله انزل البارت اليديد اليوم كل يوم بارت

 

[عاشقه رويشد]

ناطرتج علي نااااااااااااااااااااااااااااااااار

 

[ba6re8a]

وييييييييييييييييه مدام اقدرت اتكلم الباجي ليش ماكلمت محمد سخييييييييييييفه

 

[اكابر]

لا تعصبون عليها بتعرفون الرد بهالجزء..

السموحه تأخرت كنت بالمسييره..

 

[اكابر]

الجزء الخامس

قررت اصارح مشاري .. ما اقدر اجذب اكثر عليه واخليه يتعلق فيني خصوصا عقب ما اهداني الدبدوب الكبير حسيته صج يحبني خصوصا انه ماكان يتردد برفض أي طلب تطلبه بنت خالي ساره مقابل انه يشوفني من بعييد..

- مشاري ..

- مليون مره اقولج ناديني المشري احبج لماتقولينها حلوه بلسانج..

- المشري ..

- ياعيونه ياقلبه ياحياته انتي امريني تدللي ..

- بليز لا تقول هالحجي انا ما استاهله .

- شنوو؟؟ انتي تستاهلين اكثر من هالكلام حزن والله انا احبج واموت فيج انا كلمت وايد بس عمري ما حبيت كثر

ما حبيتج وعمري مافكرت اني احب بنت وكنت دايما على بالي انه عمري ماراح احب..

- مشاري كافي ياليت تسمعني شوي..

- ردينا على مشاري؟؟

- اني وي .. انا بقولك شي .. انت ريال زين وخوش واحد والف وحده تتمناك ..

-وانا ما ابي غيرج انتي وبس ..

-بليز خلني اكمل ..ادري انك تحبني .. بس انا اعتبرك اخوي مو اكثر اعزك أي لك مكان خاص بقلبي أي بس

ما قدرت احبك حب العاشقين .
- ..................................
- ادري كلامي يجرح بس انا احب واحد وكلمتك عشان انساه قلت يمكن احبك وانسى كل شي ..
- ................................
- اسفه مشاري اسفه حيل ما ابي اجرحك اكثر .

- لا كملي .. دامج اتحبينه ليش هديتيه

-غصبن علي اهلي دروا عنه واجبروني اهده ..واهو رافض يكلمني يقول حق سارووه انا ما اقدر اكلمها عشانها

مابي اهلها يسوون فيها شي لانه يدري ابوي ممكن يذبحني بس انا بعده ما يهمني شي ..

- اتصلتي عليه ..

- وااااااااااايد بس مايرد علي .. اهو يحبني بس يقول من خوفي عليها ما اقدر ارد على اتصالها مابي تتاذى ..

- شوفي خلي ساره تتصل عليه وتقوله بشوفك وتتواعد معاه بمكان وروحي شوفيه وتفاهمي معاه اذا انتي صج تحبينه ..


¬- وامي ماراح ترضى ..

- خلي ام ساره تقنعها انكم تطلعون ..

- اشوف مادري .. انا اسفه حييل مشاري لاني جرحتك ..

- { بنبره غضب ونفس الوقت حزن} حصل خير .. بس صدقيني انا بظل احبج ومتمسك فيج ولين الحين ودي نكونين لي فكري زين.. انا لازم اسكر الحين ياي من الدوام وحدي تعبان باي..

- مشاري مشاري الو مشاري..

سكر الخط ابويهي مشاري وساره كانت يمي بس قتله سكر الخط ابويهي ماله عاده جان تقول..

- انا لو منه مو بس اسكره ابويهم الا اعطيج جم سبه وااتفل ابويهج واسكره بصراحه حريتيني..

- ليش انا ماقلت شي غلط هذا يزاي لاني صارحته وماجذبت عليه ؟؟

- نونه حبيبتي الريال شاريج ومستعد يتقدملج بعدين فكري فيها مشاري موظف وحمود طالب مشاري كبير وحمود صغير مشاري نفس مذهبج ومحمد غير .. مشاري لو تقدملج اهلج بيوافقون حمود لا مشاري يحبج وحمود..

- حمود يحبني اكثر من مشاري وانا بعد احبه ..

- انا ادري انه مشاري جيكر ومافيه حلى بس مو معناته الجيكر ماينحب..

- انا والله مو عن الحلا بس قلبي مع محمد تصدقين مشاري يقولي خلي ساره تواعده ابمكان وانتي روحي تفاهمي معاه ..

- ما شاء الله عليه من ريال حرام عليج لو واحد غيره ماقالج جذي دليل انه يحبج ..

- انا استغربت مشاري حيل غيور شلون جذي يقولي .. اتهقين زعل؟؟

- لا والله تستعبطين حظرتج ؟؟!!! شي طبيعي انتي جرحتيه باسلوب وقح..

- سارووه شكو انا قلتله الصج مو قصدي اجرحه ..

- سمعيني اهو يدري اني نايمه عندج ؟؟

- أي يدري خوو سمع صوتج.. ولا تحاولين ولا تفكرين مجرد التفكير انج تتصلين ما راح يرد .. اعرفه ..

- بنحاول ..

اتصلت كذا مرا ما رد واخر شي حول تليفونه على ولد عمه طلال اللي كان يعرف عن علاقتنا ..

شاله شاله .. الو ..

- الو

- مشاري؟

- لا انا طلال ولد عمه خير ؟؟

- انا ساره بنت خاله حزن اللي يكلمها مشاري..

- ايي ياهلا في شي ؟؟

- بغيت مشاري ..ماعليك امر..

- مشاري طلع وخلى تليفونه بالديوانيه ..

- شوف اخ طلال انا ادري انه مشاري يمك وانت ماتبي تعطيني ياه بس انا كنت حابه اعتذر نيابه عن نونه ..

- انزين وصل اعتذارج ..

سارووه تنرفزت .. انت ليش اتكلمني جذي اطر منك انا ؟؟؟؟؟؟؟؟

- لا والله عيل شلون تبيني اكلمج فوق شينكم قواه عينكم فوق ما ضايقتي مشاري دازتج الاخت تتعذرين خ=حتى ما تنزل نفسها تتصل تعتذر مطرشتج انتي شوفي ترى مشاري الف بنت تتمناه وقولي حق بنت خالج مشاري خلاص انسيه مو انتي البنت اللي تكسرين مشاري ..

خمط مشاريالتليفون من ساره وطلع برا عن الديوانيه وكلم ساره ..

- انا اسف ساره على الكلام اللي قاله طلال..

- انا اللي اسفه على اللي سوته نونه .. يعني جد انا مادري شنو اقول بس..

- ماله داعي ياساره بالعكس اللي سوته نونه عين العقل زين انها صارحتني عشان ما اتعلق فيها اكثر زين انها ما العبت علي زيين . انا سكرت التليفون منها مو عشان خلاص ما ابيها .. سكرته لانه الكلام حيل كان قوي بس كل شي منها عسل على قلبي كنت اتمناها تكون زوجتي وام عيالي بس الظاهر انا مالي نصيب فيها ولا لي نصيب افرح ..

- مشاري انت تستاهل كل خير والله يحفظك لشبابك ما اقدر اقولك شي بس دير بالك على نفسك وترى نونه تحاتيك ..

- طمنيها علي انا بخير بس صج تعبان وما نايم لانه امس كنت محجوز وان شاء الله باجر باليل اكلمها ..

- اوكي تصبح على خير ..

..................................................................................................................

تضايقت على مشاري بنفس الوقت ارتحت لاني صارحته انا ما احب اجذب على احد .. ولا ابيه يتعلق فيني لانه ادري مشاري اللي افباله يسويه ما استبعد يسويها مفاجأه وايي يخطبني من اهلي ..

ثاني يوم كلمته وكان عادي ولا جنه صار شي امس .. واهو ما فتح الموضوع ابدا وانا بعد راعيت شعوره وما فتحته .. المسكين كانت فواتير التليفون عليه كنت اتصل من البيت ويحسب عليه ونهايه الشهر يدفع مبلغ وقدره كنا نتكلم بالساعات يعني ساعات يكون راجع من الدوام تعباااااااااااان ومايرضى الا يكلمني ..

................................................................................................................

قررت اطبق خطه مشاري واشوف محمد لاول مره واقعد معاه بروحنا ..
اهو شافني مره من بعييد بس ولا مره قعدت معاه .. بعد مناقشات ومحاولات بأمي غصب رضت اطلع مع عمتي ام ساره وساره ..

اتصلت ساره عليه ..

- الو

- الو هلا ساره ..

- هلا محمد شلونك..

- بخير عساك بخير ..

- شلون نونتي ..

- زينه عايشه لا تخاف ماا ماتت لوووووووول..

- ياعل يومي قبل يومها لا تقولين جذي ..

- هههههههههههه اسفه اسمالله عليكم اثنينكم.. انزين محمد ابي اشوفك ممكن..

- حزن فيها شي؟؟؟

- اشفييك مافيها شي بس انا بكلمك .. ابيك ابموضوع ..

- متأكده مافيها شي .. تكفين لا تخرعيني..؟؟

- مافيها شي يا ابن الحلال انا ابيك بكلمك .. وين تبي نتواعد ..

- على راحتج..

- ياليت يكون مطعم كباين ..

اوكي اشاريج بمطعم ( ...........) ؟؟

- اوكي حلوه الساعه 7 بكون اهناك ..

- ماشي بنتظارج..

................................................................................................................

رقعنا حق عمتي حجي عشان تخلينا نطلع من المجمع اللي احنا فيه على اساس رفيجتنا تنطرنا بمطعم نتعشى معاها بعدها تقطنا المجمع عشان ندش السينما.. عمتي سلسه وايد بالتعامل ووايد وثاقه افبنتها ..

ودتنا المطعم وحجزنا كبينا وقعدنا انا وساره .. حدي خايفه بحياتي ما سويت هالشي كان الجو حدددددددده رومانسي اضاائه هاديه وشمووع جوو رووووعه ..

يوم وصل محمد انصدم انا انا موجوده ..

- اشيايبج ؟؟ ما تخافين من اهلج ؟؟

- دام بشوفك ما اخاف من احد ..

- بنظره حاده حزن اذا صج اتحبيني ردي البيت الحين ..

- حمود اشفيك .. انا طالعه مع عمتي واهلي يدرون بقعد معاك شوي بعدين بمشي ..

- سمعتي شنو قلت ردي البيت الحين ..

ساره = محمد ما تقدر ترجع شبنقول حق امي ؟؟

- خلاص عيل انا اللي بمشي ..

- محمد تكفا لا تمشي خوو كبينه محد بيشوفني ..

- انتي تبين ابوج يذبحج ؟؟

- ماراح يذبحني محمد وبعدين خل يذبحني اصير شهيده حبك ..

- اذا انتي متي انا منو يبقالي ..

- ساره = احم احم نحن هنا ..

حزن + محمد.. هههههههههههههههههههه..

- شكلي صكيت عليكم رفيجتي برا خل اروح اقعد معاها شوي وارجع لكم ؟؟

محمد كان قاعد جبالي ..قام وقعد يمي ..

- ولهت عليج واااااااااايد ..

- مو كثري محمد والله احبك ..

لا شعوريا حسيت نفسي بين ايده وراسي على صدره قتله وانا خانقتني العبره ..

حمود لا تخليني .. انا اموت من غيرك ..

- لج طوله العمر يارب انا معاج على طوول مستحييل انساج ..

وقتها كان يقدر يسوي فيني أي شي بس اهوى اكتفى بانه يبوسني على راسي وقال :

احبج والله احبج يا نونه واعشق التراب اللي تمشين عليه .. صدقيني مهما يصير بتظلين حبيبتي حتى لو الدنيا فرقتنا ..

اااااااااااااااااه كان يوم من احلى ايام عمري شعور حلوو وانا بحظن حبيبي اتنفس عطره اللي لين الحين ريحته بخشمي ..

رجعت حق سارووه وانا سعيييييييده ..

- يه يه الويه ينور والضحكه شاقه الحلج هذا اشسوالج اللي استانستي جذي ..

- ولا شي..

- جذااااااااااابه ماكو بوسه لسمه مداعبه ..

- والله لا .. شكوو

- لا تجذبين .. خوو بتستحين مني ..!!!

- والله وغلاتج لا بس باسني على راسي ..

- مالت عليكم وانا مخليتكم عبالي بتسوون شي ..

- انتي اشفيج حمود مو من هالنوع حمود يخاف علي .. يقول انا عندي خوات ما احب ااذي بنات الناس عشان لا احد ياذي اهلي..

- أي بس هذي مو اذيه هذي وناسه خوو كل اثنين يحبون بعض يسوون جذي ..

- انا وحمود حبنا غيير اصلا ما يجووز يسوي جذي هذي تعتبر زنا ..

- اقول انتي يا ام ما يجوز لا تقعدين تفتين علينا عيل مكالمات الليل والعلاقه الغراميه اللي بينكم هذا يجوز ترى حتى هذي حرام صوت المرأه عوره سكتي بي سكتي ..

- ساروووه احنا علاقتني بريئه مابينا أي شي يخدش الحياء وكلامنا مؤدب ومو قاعدين نسوي شي غلط ولا نخربط مع بعض ..

- يووه صج معقدين مالت عليكم والله ما عندكم سالفه ..

-امشي بس امشي وانتي ساكته يا اخربط مع واحد يا اصير معقده تفكيرج متخلف ..

.................................................................................................................................

اول مارجعت البيت وناموا اهلي اتصلت بمشاري اقوله اشصار ..

................................................................................................................................


- السلام ..

- وعليكم السلام ورحمه الله وبركاته وان كان في شي بيجيك هاته ..

- هههههههه عاد مفلسه لو عندي جان عطيتك..

- صج ؟؟ تبين فلوس محتاجه شي ؟؟

- لا يبه تسلم ..

- لا والله صج جم تبين؟؟

- مشمش مابي والله اتغشمر مابي ..

- فديت مشمش بلسانج انا .. خلاص بمرج اليوم بيتكم ..

- شوف اذا عشان الفلوس والله بزعل غير الفلوس حياك عاد سارووه مو عندي جان قالت لك ابي كاكاو ولا مطعم ..

- ليش نونه احنا بينا فرق ؟؟ انا وانتي واحد ..

- لا بس اتغشمر معاك والله مابي فلوس اذا ابي راح اطلب منك..

- اوكي على راحتك ..

- مشاري اليوم شفت محمد ..

- انزين ..

- وبس كلمته وقعدت معاه شوي ..

- وبعدين ..

- ولا شي وعدته اني ماراح اتصل عليه عشان اهلي لا يحسون بشي بس ان شاء الله احصله بالمسنجر ..

- حزن انا ................................

شنو اتوقعون بيقولها ؟؟؟؟؟

تابعوني وبتعرفون ..



..............................................................................................................................

يتبع

 

[q8ya36]

للرفع

 

[اكابر]

للاسف ماكو تفاعل معاي ماتشجعوون كلش ..

انا اعتذر ما راح اكمل الروايه دامكم جذي

ما تشجون ..

 

[عاشقه رويشد]

كملي متابعيييييييينج

كملي حبوبه روعه الروايه

 

[عاشقه رويشد]

اب اب اب

 

[ba6re8a]

اممممممممبيه كممممممممممممممممممممممليييييييي


انا متااااااااابعه

 

[اكابر]

اوكي بكمل عشان عيون اللي متابعين فديتكم وفديت متابعتكم شوي وانزل البارت اليديد...