اولياء امور مدرسة التكامل( صباح السالم )

[manarah]

السلام عليكم ...
حياج الله شباصه وتستاهلين واشوه اني عرفت اطرش الصور

رفرف رحت المدرسه اطلب اليير بوك وترى صور التخرج راح توصل نفس طريقه الالبوم واحنا نختار منها صور اعيالنا يعني نفس صور القرقيعان والبوك ويييك فهمتي قصدي ؟ اشلون صبويه ومشركتها برحله النادي العلمي للاي ماكس ؟

مس تايقر حتى انا ولدي عند مس نافيدا وان شاء الله تكون زينه ويستفيدون منها لان على قولتج قريد 1 هم تأسيس ... انزين ومدرسات العربي لقريد 1 زينين ؟ وهل كل يوم عندهم حصه عربي والا لا ؟

 

[Miss_Tiger79]

هلا مناره
زييييييين اشوه انتي معاي
منو قالج ابلته ؟؟
لانه ابلت ولدي قالت احنا نختار اليهال
وصج مدحتلي مس نفيدا
والله كريم ان شاءالله

 

[رفرف]

اي مناره نفس سؤال تايقر منو قالج ان ولدج عند مس نافيدا ؟؟

شكلي بسوي هجوم معاكم ..

وييييييه اذا الصور ما خلصت ليلحين وبنختار عيل متى بنستلمهم ؟؟ جنه طوالة ..
وصبوية اي مشتركة بالرحلة اليوم انشالله بوديها ..

 

[manarah]

السلام عليكم ..
رفرف حتى انا امشركه اعيالي برحله النادي وبنتي تقول بنروح نشوف رحله بطبوط

اليهال متوزعين عالصفوف وخالصين واللسته موجوده عند مس سارا انا سألتها قلتلها اذا ابي ولدي عند ابله معينه اشلون جان تقول لحظه اشوف اسمه عند اي مس وطلعت اللسته وشافت والا اسمه موجود عند مس نافيد جان اقول يللا الحمدلله خير وبركه
وبالنسبه للصور انا اتوقع يطولوون وايد لان بنتي حفله حضانتها كانت يوم 19/5 وتوهم يخلصون الصور ونفس شركه التصوير الكاميرا الذهبيه

مس تايقر دقيت على نادي اليرموك وسألتهم وانشالله بشركه والله طريقتهم حلوة يعني الحضور لمده شهر من تاريخ التسجيل وتودينه صبح والا عصر وعادي يحضر ولي الامر التدريب ولاول مره الربط بالتدريب بين العملي والنظري يعني في شاشه عرض للتدريب بعد وياخذون من 3 سنوات وهم يسووله تيست ويشوفون مستواه عجبني ويزاج الله خير انج دليتيني عليه .

 

[Miss_Tiger79]

مناره
اي والله انا بعد كان عاجبني اليرموك وخصوصا لما خذته شركة وايد احسن بس شسوي (حكم الأوي)
وترى كل النوادي الاهل معاهم
انا عيالي السنه الي طافت ما كملو عدل يعني من صار الشتا قطعو وهالسنة لما راحو والا ربعهم الي معاهم ماشالله بالمستوى المتقدم وعيالي ردو من اول ويديد مع انهم يعروفون يسبحون بس قالولنا بس جم اسبوع ونحطهم معاهم
بس الصور يعني اروح الاسبوع الياي اختار منهم؟؟؟؟


رفرف
حياج الله ويانا بالقروب
وان شاءالله تطلع المس على نفس توقعاتنا

 

[manarah]

مس تايقر الصور ليلحين ما وصلوا بس اليوم رفيجتي ماره المدرسه ولاقيه الديفيدي واصل فأنا بنطر لما يدقون علينا عشان الصور وارح انقي صور واستلم الديفيدي مره وحده.
مس تايقر يعني اعيالج اسم الله عليهم حتى بايام الدراسه تخلينهم يروحون النادي ؟

 

[كويتيه ذربه]

خواتي اشلونكم
بسأل محد يعرف مس مزيده حق قريد 2

 

[رفرف]

بنات ماعندكم خبر الصور واليير بوك شصار عليهم ؟؟

اظن اخر يوم دوام للستاف الخميس عقب باجر يعني المفروض اليوم او باجر يكونون خالصين والا نستلمهم السنة الياية !!

 

[كوكو لاتي]

بنات اذا بحط ولدي عند مس معينه تنصحوني بمنو اهوا بكي جي 1 يدخل شهر 9 واروح عند منو اقولهم بحط ولدي عند هالمس ؟

 

[Miss_Tiger79]

مناره
حبيبتي انا عيالي كانو السنه الي طافت يروحون بايام الدوام بس ما كانو منتظمين عشان دوام ابوهم وقطعو من عقب الشتا والحين انشاءالله ماراح اخليهم يقطعون
انتي شصار عليج سجلتي ولدج ؟؟
انا احتمال ارد احط عيالي بنادي اليرموك
عشان نقعد نسولف وقت تدريبهم

 

[Miss_Tiger79]

مناره
حبيبتي انا عيالي كانو السنه الي طافت يروحون بايام الدوام بس ما كانو منتظمين عشان دوام ابوهم وقطعو من عقب الشتا والحين انشاءالله ماراح اخليهم يقطعون
انتي شصار عليج سجلتي ولدج ؟؟
انا احتمال ارد احط عيالي بنادي اليرموك
عشان نقعد نسولف وقت تدريبهم

كوكولاتي
انا عيالي كانو عن مس لورين وكنت واااااااااايد مرتاحه معاها وكافي متابعتها حق عيالي سواء تناديني او ادزلي ايميل بالي يصير واي شي تحسه تغير بولدي ما تتأخر على طول تبلغني
حتى مره ولدي الصبح قام يبجي وما يبي يدش الصف استغربت حدها وقعدت معاه وعقب بلغتني انه صار ؤوكي واخر الدوام شافتني وسألتني اذا كان صايرله شي


بس البنات يمدحون مس باتريشيا وناتالي

 

[Miss_Tiger79]

رفرف
اليوم كلمت مس ساره على الصور وقالتلي لانه مافي وقت تاخذونهم من عندنا روحو محل المصور واخذو الصور من عنده
وهذا رقمهم
25727166
شركة الكاميرا الذهبيه

 

[رفرف]

لااااا من صجهم ؟؟

واليير بوك متى ناخذه ؟

 

[Miss_Tiger79]

رفرف
مادري والله
بس باجر من الصبح دقي على مس ساره احسن

 

[كويتيه ذربه]

اشلوووووووووووونكم

 

[Miss_Tiger79]

كويتيه ذربه
احنا الحمدلله بخير لاهيين مع العطله والدوام
الله يعينا


انتي شخبارج

 

[رفرف]

هلا كويتية انتي شلونج ..؟؟

 

[manarah]

السلام عليكم ...
رفرف .. رحت المدرسه اول امس وقالوا الصور واليير بوك السنه الياي بس مثل ماقالت مس تايقرالصور نقدر نروح نختارهم من المصور واعتقد هذا الافضل لنا شينطرنا .

مس تايقر رحنا عشان نسجله بنادي اليرموك وعطونا ورقه الفحص يعني لازن نمر المستوصف وانشالله باحر والا عقبه

 

[كويتيه ذربه]

اشلونكم
حبايبي بسالكم عن نادي العلمي منو مسجله عيالها عندهم

 

[رفرف]

مشكورة منارة عيل ننطر لي السنة الياية

كويتية انا مدخلة بنتي عندهم السنة ..والعام .. وأولت العام
آمري


تايقر
ترى مو ناسيتج بالبروشور بس حالتي كسيفة السكانر مو راضي يشتغل وبالكاميرا مايطلع واضح ..