اولياء امور مدرسة التكامل( صباح السالم )

[شانيل نمبر 5]

سلام بنات شلونكم

عفية بأذيكم شوية تحملوني

شانيل
الدوام يعني 6/9 حق كل المراحل؟؟؟؟ انا بنتي بتروح ثالثة ابتدائي

شريتوا هدوم ؟؟؟ ولا للحين؟؟ يعني اذا رحت هالايام مداومين ولا ماكو احد ؟؟؟

بليز احد يعرف فيكم شنو الطلبات اللي يبونها حق ثالثة ابتدائي؟؟؟

بس الكي جي 1 و 2 دوام وراء العيد.....
بس الباقي 6-9 ان شاءالله.....بس قالوا المدرسه اتصلي نص الاسبوع الجاي يمكن يصير تغيرات

 

[كويتيه ذربه]

كويتية ذربة
تكفين حطي الطلبات وعرفتي بنتج بأي صف وعند اي مدرسة ؟؟؟؟


وآنا مع رآيكم انخلي التجمع مع بداية الدوام

ماادري لمن رحت المدرسه الاداره ماكان فيها احد بس اللي تبيع الملابس وللحين ماادري عند منو
انت ماعرفتي عند منو؟

 

[كويتيه ذربه]

طلبات قريد 2

1. pencile case
2. sharpened pencils
3. erasers
4. ( sharpener (enclosed
5. ruler 30 cm long with centimeter scales
6. colored penciles -no colorred markers
7. glue sticks
8. tissue boxes 3 boxe
9. file7 folders 3 for english 2 for arabic 2 for islamic

 

[jolie_q8]

مشكورة على الطلبات .. ان شاءالله نجهزهم

بنات خل اقولكم ,,

اليوم في دكتور (يصيرلي) يقولي نصيحه مني لا تخلين اليهال يداومون على الاقل اول اسبوع

ويقول الحين ياتهم تعليمات انه يعالجون كل حالات الانفلونزا بدون (ما يسوون مسحة ويعرفون نوع الفايروس)

ويقول المشكله انه الوزاره كلش ما عندها اي استعداد ,, وانه الادويه اللي يايبنها تنتهي شهر 9 الحالي

فالارجح ,, بتوكل على الله وراح اغيبهم اسبوع لين تتضح الرؤيا أكثر ونعرف الحالات اللي بتصير اذا بدت الدراسه

اشرايكم بهالكلام ؟

 

[كويتيه ذربه]

صادفت مس اندريا بالسوق
قالت لي انها بتداوم الاحد وبالنسبه للطلبه بيشوفون شنو راح يقررون

 

[باونتى]

رفرف .. لو رايحه سنتر بوينت عندهم جناط على الاميرات واااايد حلوويين ..

 

[كويتيه ذربه]

صج تعالوا
مريت سنتر بوينت عندهم نفس بنطلون المدرسه بس خامه ثقيله ونفس موديل المدرسه خذيتها حق الشتا
لانها تدفي اكثر

 

[رفرف]

انا بروح الاحد انشالله واشوف شيصير ع اللبس والدوام بس ودي اخلص مو سالفة اللبس ..

ذربة الطلبات مو محددين نوع معين للأقلام والمساحات وهسوالف صح ؟
والفولدرات مالها لون محدد ؟ اخاف اشتري يطلعون لي بفنتق كل مادة لون معين ..
لأن ودي ع الاقل اشتري الاشياء الاساسية لا اتوهق ..


باونتي ..
انا ادري راح القى اميرات بس اهيه استعيلت وخلاص كيفها محد قالها تعزم ع الجنطة وهي مو مقتنعة 100%

 

[كويتيه ذربه]

انا بروح الاحد انشالله واشوف شيصير ع اللبس والدوام بس ودي اخلص مو سالفة اللبس ..

ذربة الطلبات مو محددين نوع معين للأقلام والمساحات وهسوالف صح ؟
والفولدرات مالها لون محدد ؟ اخاف اشتري يطلعون لي بفنتق كل مادة لون معين ..
لأن ودي ع الاقل اشتري الاشياء الاساسية لا اتوهق ..


باونتي ..
انا ادري راح القى اميرات بس اهيه استعيلت وخلاص كيفها محد قالها تعزم ع الجنطة وهي مو مقتنعة 100%

بالنسبه للاقلام الرصاص اشتري الاصفر انا اخذ استدلر
لان العام قالت لي ليش يبتيي لها اقلام ملونه مانبي شي يلهيهم


والفولدرات عادي اي لون لان طول السنه ينشقون يحطون كتبهم داخلها
اخر حل لقيته اللي بسحاب


والصمغ والبرايه والمساحه عادي
بس الالون نطري العام حددوا لنا الماركه الصفراء نسيت شنو اسمها

 

[Miss_Tiger79]

مناره
خطاج السو انشالله وسلامات ماتشوفين شر
تكبرين وتنسين انشالله

كويتيه ذربه
مشكوره على الطلبات وتقريبا نفس طلباتهم مالت السنه الي طافت
واي مس اندريا الي شفتيها مالت الكي جي ؟؟
هالمس اشكثر احبها

جولي
انا يمكن اسوي نفسج بس قلت بروح اول يوم دوامات المدرسه بشوف صف عيالي وبكلم ابلاتهم بقولهم عقب اسبوع بخليهم يداومون عشان لا يشيلونهم لي صف ثاني لانهم ما حضرو ولانه وايد اولياء امور ينقلون عيالهم لصفوف ثانيه

والله المستعان انشالله

 

[كويتيه ذربه]

العفو تايجر
اي مس اندريا مالت الكي جي تو

 

[manarah]

السلام عليكم ...

شانيل نمبر 5 ايه والله امجبسه والحمدلله

مس جولي والله حتى انا رفيجتي اختها دكتوره اطفال وقايلتلها نفس الكلام ان اول اسبوع لا تودين اعيالج وانا من امس وانا افكر بهالحجي .. الله يستر بستره .

كويتيه ذربه مشكوره عالطلبات ونحاول نجهز من الحين انشالله ..

مس تايقر الشر ما اييج وايه والله انشالله اكبر بسرعه وانسى لأن الله لا يرويج القعده اشكثر ممله .

 

[كويتيه ذربه]

العفو مناره
وانشاءالله يشيلون الجبس بسرعه وراج عيد

 

[manarah]

ايه والله كويتيه ذربه ادعولي يعني اهو الطيحه برمضان بحد ذاتها مو شي سهل يعني الحين حسره عليج تسوين شي بالمطبخ والعيد الله يعين منو الي بيشترى هدوم حق اليهال اختى موجوده ما تقصر وتروح مكان ما اقولها بس هم انتي لي رحتى وشفتي غير .. الله يعين انشالله والحمدلله على كل حال .

 

[كويتيه ذربه]

ايه والله كويتيه ذربه ادعولي يعني اهو الطيحه برمضان بحد ذاتها مو شي سهل يعني الحين حسره عليج تسوين شي بالمطبخ والعيد الله يعين منو الي بيشترى هدوم حق اليهال اختى موجوده ما تقصر وتروح مكان ما اقولها بس هم انتي لي رحتى وشفتي غير .. الله يعين انشالله والحمدلله على كل حال .

اي والله حاسه فيج الله يعينج
وانشاء الله يشيلونه باسرع وقت

 

[شانيل نمبر 5]

الله يعينج يامناره..
حاولي تخفيفين تأكلين سكر...حتى التمر وعسل خفيفي منه..
لانه جدتي تقول المكسر يوزع عن اي شئ شيره علشان يشفي ويلم العظام
وعليج يحليب والبيض
وماتشوفين شر

 

[شانيل نمبر 5]

هههههههههههههههههه
اقصد......
يوزع = يوخر

 

[كويتيه ذربه]

مناره انا من زمان كانت ريلي مكسوره وكنت بالمستشفى كانوا يعطوني على طول جيلي وكان يقول ان الجيلاتين زين حق العظام

 

[رفرف]

الله يعينج مناره صج مو خوش شعور ماتشوفين شر انشالله ..

 

[manarah]

بنات اشكر لكم تعاطفكم
شوفوني شحليلي صرت كل ساعتين افتح النت من الفراغه والله يقولون نص العلاج الاكل والله كريم مع ان مع القعده النفس تنسد ...
ما عليكم منى الحين اشقررتوا على اعيالكم يعني اذا المدرسه خلت الدوام بموعده راح تداومون والا تغيبون ترى اللي بتسونه بسويه والله محتاره .