اواجه مشكلة

[dalo0oa121]

انا احب الطبخ واييد لكني اخاف اشغل الفرن واولع الغاز يعني ماعرض نفسي
للخطر واخاف .. :eh_s(2):

وحاولت اطبخ لكن فشلت سويت دجاج طلع مالح ومب مستوي طبعا
مع مساعدة ومستحيل اسويه بدون مساعدة وماعرفت اقطع الدجاج
وبعدين سويت سلطة وبعد خربتها وماكليتها على الفاضي طبخت :bbbiu:
وانا ودي اصبح طباخة ناجحة لكني اواجه صعوبات
شالحل انا مبتدئة حاليا لكن طموحي اكون بمقام الشيف.

ودخلت قسم الطبخ و طبقت بعض الوصفات لكنها انتهت بفشل ذريع
وانا بحالة ياس اللحين احس اني فاشلة بكل مجالات الحياة ...
قولوا لي الغلط مني ولا هالشي طبيعي لاني ابتدي اتعلم :eh_s(2):

 

[*السكب*]

عااادي حبيبتي كلنا تصيير لنا مواااقف وتجاارب فاشله سواء بالطبخ او غيره​

ممكن تحطين فرن صغير بالكهربا لو تخافين من الغاز ​

وممكن تسوين حلويات من غير الفرن يعني بارده ​

وكلنا نتعلم من اخطائنا ... اليوم طبخه مو حلوه بكره تعوضين ... عاااادي ​

الدجاج تخلينه يفك عنه الثلج وبعدين تقطعينه و تسلقينه ​

احسن كتاب للمبتدئات (النخبه ) ماشاء الله مااتوقع بيت مااعنده نسخه منه ​

انا انصحج تحطين عندج دفتر للملاحظات يعني الطبخه اللي تضبط تكتبين كل ملاحظاتج وخطواتج عشان لو عدتيها مره ثاانيه اتذكرين اش سويتي بالضبط ​

ولاتتحطمين ولا شي اللي يصير لج شي طبيعي مع كثر التجارب بتعرفين وبتصيرين احسن شيف ​

سبحان الله وبحمده ..... سبحان الله العظيم​

 

[goOog]

لا حياتي هذا شي طبيعي وكل بنت اول ماتعلمت الطبخ اكيد ما تعرفين تبدع في الطبخه اكيد لان هذي بدايه التعلم يعني
بس انصحك طالعي برنامج طبخ وراح تتعلمين

 

[قارورة عسل]

موفقة

 

[Uou0Uo]

ياما وياما واجهنا اشياء وفشلنا فيها بس لاتتحطمين كلنا كذا بس لمن احد يطبخ ادخلي معاه اسالي عن الشي اللي ماتعرفينة بعض الكتب يجي ببدايتها نصائح اطلعي عليها الكيك والحلى اتبعي الطريقة والمقادير بالضبط الدجاج طلعية قبل الطبخ بوقت حتى يتفكك الثلج واطبخية باللي تبين كيف تعرفين انه نضج افخاذ الدجاجة اخرها حاجة مدورة اذا انفكت عن الفخذ بالتاكيد نضج والصدر تقدرين تغرزين سكين جواته او اي شي والدجاج نصف ساعة اتوقع كافية للنضج الا اذا الدجاج كبير ساعة الاربع تذوقي قبل كل شي خففي الملح وذوقي لمن تحسين انه ضبط معاك استمتعي وانتي تطبخين لان الطبخ له نفس اذا نفسك طيب يطلع لذيذ واذا العكس يطلع العكس لمن تاكلين عند احد اكلة حلوة وتحسين فيها طعم لذيذ غريب اسالي

 

[ALMooOooN]

حبوبتي

كل شي بالحياه يجي بالممارسه

محد طلع من بطن امه يعرف كل شي

وضعج طبيعي جدااااااا

انا كنت مثل حالتج

و لله الحمد الحين يتمدحون طبخي و يطلبونه

توكلي علي الله و ماكو شي مستحيل بهالحياه

و دامج تحبين الطبخ اكيد بتبتكرين و تبدعين فيه

 

[اشلون يعني &]

مع الوقت والتدريب بتصرين فنانه طبخ
كل خطا بتعلومه وراح يرسخ ببالج الخطا ومنها معالجته
وبعدها تطبخين وانتي مغمضه
وكثر الطبخ والاخطاء يساعد على تدريب والنجاح بالطبخ
نصيحه قبل لاتطبخين سمي بالله وانتي تطبخين قولي الايات الي تحبينها وشغلي قران بالمطبخ معاج منها هوايه ومنها اجر ان شاء الله

 

[dalo0oa121]

اليوم قليت النجت بالزيت والزيت زيدته
عشان القلي وقام يتناثر علي ويحرقني
وطعم النجت الجاهز مب حلو
فقولوا لي شالحل ؟

 

[X SHOOSH]

وااااي انتي نفس حالتي اول بالضبط بالضبط حدي اخاف من الزيت بس صدقيني راح تعرفين تطبخين يعني انا لما كنت اقلي ناجيتس اخلي النار معتدله مو عاليه و البس دس (مادري شسمونه:eh_s(10) عشان ما يحرق ايدي و ما احط الناجيت على طول بالزيت اول شي احطه بالملاس بعدين بالملاس احطه بالزيت عشان الزيت ما يحوش ايدي(قصة ادري:eh_s(3) عاد اغطي عالجدر انطر عشر دقايق لما اتأكد انه استوى بس انتي لا تعلين على النار خليه كله وسط عشان ما يحترق الاكل وانشالله بتصيرين احسن طباخه

 

[dalo0oa121]

اي وبقولكم اشتريت مكينة شوي تعرفونها كهربائية لاني اخاف
من الفرن فبديت اقرا التعليمات انه الدجاج ياخذ تقريبا من 6 لين 8 دقايق
وانا تميت انطر بس طعمها طلع كنه نيء ومادري كم يبيله لين يستوي

 

[%F&R%]

حبيبتي عادي بس انتي لاتيئسين حاولي وحتى اذا فشلتي عادي كرري مره وثنتين وثلاث ليمن تضبطين الشي
دام انج تحبين الطباخ استمري دشي دورات تعلمج الطبخ

 

[dalo0oa121]

امس قررت اسوي كبة
المقادير
لحم مفروم
روب
وطحين
وعصير ليمون
وحطيت شوي ثوم
وبهارات
وعجنت المقادير مثل عجن العادي باليد
وبعدها شغلت الفرن طبعا مب انا اختي شغلت
واختي راحت توهقت حطيت زيت واييد وسكبت العجينة
وبعدها الدهن ينطش علي وحرق جسمي لكن الحمدلله
وبعدها خليته تقريبا 5 دقايق وصكرت الفرن
وطعمه يوم كليته من داخل مب مستوي بس من برع
وخليته وماكملت اكلي
واللحين فشلت مرة اخرى الله كريم

 

[dalo0oa121]

اليوم عملت طبق الاندومي بصوص الصويا
وطبعا ابتديت بصحن الكوسا والبصل والجزر والبصل اول شي
حطيت البصل وبعدها الجزر وبعدها الكوسة والنقانق مع بعض
والشي الوحيد اللي استوى النقانق تركته 5 دقايق لكن الكوسا
والجزر ماستوو بنات ليش كم مدة طبخ الكوسة والجزر ؟
مليت دايما لما اطبخ يطلع لي خطأ ولا مرة طبخت طبخة كاملة
يمكن لاني مبتدئا وباول الطريق لكن الحلو اني اتعلم من اخطائي شوي شوي

 

[برستيجي مآركة]

عزيزتي يكفيج شرف المحاولة حتى لو ماضبطت
بس لاتضعفين مشكلتج تراها بسيطة والطبخ اسهل منه مافيه سهليها تسهل
بس انا انصحج ابتدي شوي شوي طبخات تكون سهلة ومقاديرها قليلة واتبعي التعليمات الموجودة لكل طبخة من ناحية الكمية ومدة الاستواء لما تضبطين الطبخات البسيطة العادية ابتدي بالطبخات اللي تاخذ جهد ومقاديرها ماتخلص لووووول

على فكرة انا قبل ماتوقعت نفسي اني اضبط طبخة او اعرف اسوي شي يوكل بس بعدين تعلمت شوي شوي واللحين صرت طباخة بس على قدي واكلي ولله الحمد يعجب اهلي حتى الحلى الاول كنت اشوفه شي عظيم ههههه اللحين الحلى بنص ساعة مبتكرة احلى حلى ومسويته..

لاتستعجلين على نفسج ومع التجربة والمحاولة بااذن الله بتصيرين احلى طباخه..

 

[dalo0oa121]

اول امس بديت اسوي حلويات
تمر مع بسكوت وفانيلا بس التمر ماعرف اعجنه ؟
كيف طريقة عجن التمر؟؟؟

 

[X SHOOSH]

حياتي تبيني اعطييج اكله روووعه اللي ياكلها يقوولج طباخه بس حيل سهله و مريحه , انتي اكيد عندج فرن كهربا >>نفس حالتي
ييبي جيس فرن يبييعونه بالجمعيه و اشتري دياايه او قطع ديااي حطيهم بطااسه كبيره قصصي بطاط جزر وخلطي معاهم معجوون طماط و بهارات اللي تحبينها خلطييهم عدل وحطيهم داخل الجيس و سكريه و حطيه بالفرن لمدة ساعه و نص على درجة ٢٠٠

 

[dalo0oa121]

مشكورة وخيتي
وانا من النوع اللي يتابع برنامج شيف كوك
وايييد احب اكلاتهم يعني احسها بسيطة ولذيذة
يوم اني ابحث بالنت ماحصل بالعربي بس
بالانجليزي

 

[X SHOOSH]

عاد انتي اذا جربتي طريقتي قوليلي حبوبه شلون اطلعت الاكله

 

[dalo0oa121]

لا والله ماجربتها
........

 

[cindrellaq8]

حاولي ولا توقفين عن المحاوله لين
تصيرين طباخه مبدعه انشاء الله
( لا ضرر في المحاوله ) ....
اتمنى تكون رسالتي مساعدتج