اهي مو مصيبه اهي خير وسعادة الحمد لله :)

[عـيّــآره]

ورد حبيبتي عسى الله يشفيج يارب وينج طمنيني عليج​

 

[ورد فاخر]

مساء الخير خواتي شلونكم عساكم كلكم بخير

عياره اختي العزيزه بفضل من الله انا بخير الحمد لله
واحاول اني احمل عشان قال لي الدكتور ان الحمل يقاوم المرض ويحد من انتشاره خصوصاً ان اخر تصوير ل دماغ والحبل الشوكي كان في نقاط ناشطه وجديده نزلت على الحبل الشوكي ..
والدكتور يتوقع هجمه تكون ع العصب الحركي ..

بس انا ماعلي منه ههههههه

ويارب يكتب لي حمل كامل الخلق ويرزقني بطفل بار ويجعله من عباده الصالحين وينفع به امة محمد علية الصلاة والسلام
ويشفي جميع مرضى المسلمين
ويرزق كل محرومه يارب


الله يجزاج خير اختي عياره
ويجزاكم خير خواتي



​

 

[عـيّــآره]

^^^^​

عاد ثقتي بالله كبيره بتحملين ان شاءالله وبنفرح فيج ورد لو سمحتي لاتقطين طمنيني عليج ​

كل فتره ​

ماله داعي كل مره انااسال عنج تذكريني لو مره وحده :eh_s(14):​

وبعدين ماعليج من هالدكتور الله معاج ودعواتنا معاج شوفي عدد مشاهده الموضوع انا ​

متاكده انه كلهم دعولج وصرتي قدوتنا كلنا ​

:eh_s(17):​

اسال الله العظيم رب العرش العظيم انه يشفي اختي ورد شفاء لايغادره سقما ويرزقج يارب بالحمل عاجل غير اجل وتتحق احلامج كلها يارب ياكريم​

 

[سسسحاب]

وعليكم السسسلام ورحمة الله

ماشاء الله تبااارك الله .... الله يزيدكك ايمان ويقين اكثر

قسم بالله اني مسجله كله علشان خاطركك

نفسسسي ارسلك رساله خاصه بس لان توني جديده ما اقدر ارسل

ياليت ترسلين لي رقمك اتواصل معاك على الواتسس وابشري باللي يسرك

انا من مكه و عندنا حرمه صاحبة ايمااااااان قوي ماشاء الله وتعالج خلق الله .. والله ي ورد رحت لها وشفت عجايب قدرة ربي في بركة يدها ,, اشياء فضيعععه جدآآآآآآ ,,, اقابل كافة الامراااض ولا اله الا الله ربي بكرمه وفضله ثم بركة هالحرمه كأن شيئ لم يكن ,,, بعطيك مثل من الحالات اللي عندها تخيلي جاتها وحده عميااااء وقالت بقرأ عليك وانا واثقه بربي وظني بربي راح يعافيك لكن اوعدي ربي اذا تعافيتي تتصدقين لوجه الله ومجرد ما مسكت راسها وعيونها وتقرأ عليها وانتهت الا العمياء تناظر في الجالسين وتبكي وتقول انا اشوووووف انا اشووووف يعني كان موقف ماينسى يبكي ,, ايقنت ان الانسان بقوة ايمانه يقدر يزيل جبل بكبرهه ,, تعالي مكه اخذي عمره وابشري باللي يوديك لحد باااااب هذي الانسانه ,, كل مارحت لمراجعتي اجي وانا الدنيا صاغره في عيني اكثر واكثر ,, وانا تحت امرك وخدمتك ,,,

والله خاطري اخدمك بعيوني

 

[بكيزة هانم]

الله يشفيج
ويقومج بسلامه ان شاءالله

 

[هدوووشه]

حبيبتي ماتشووفين شر يارب
انا امس شفت حلقة > لداود الشريان اللي يجي ع mbc1
يتكلم عن نفس هالمرض اسمه بالعربي التصلب اللويحي و ms
وجاب اللي يعانون منه والناس اللي تعالجو منه واتصلت عليهم وحدة تعالج هالمرض
شووفي الحلقة باليوتيوب يمكن تفيييييييييييدك كثيييييييير

 

[هدوووشه]

شووفي حبيبتي هااذي الحلقة كاملة ترا له علاج بإذن الله شووفيها

- الثامنة | Shahid.net – شاهد.نت

 

[Hijazih]

ياا الله .. الله يشفيك ويعافيك ويطول بعمرك على طاعته عز وجل <3
انا تقريبا عندي نفس الأعراض اللي عندك من تنميل وعدم التوازن
وأعمى احيانا وصداااااااااااااااع لكن حسب علمي بسبب ضعف
النظر إللي اعاني منه .. ان شاء الله يكون شي بسيط ..
والله يحفظك ويرعاكِ ان شاء الله ♥

 

[ي حليليِ]

كلامك رااااائع !!

اعاني من بهاق ، وكلامج شجعي ياختي
روحي الله يسسسعدج ي قلبي

 

[ي حليليِ]

كلامك رااااائع !!

اعاني من بهاق ، وكلامج شجعي ياختي
روحي الله يسسسعدج ي قلبي

 

[ورد فاخر]

شلونكم خواتي
مقهوره كتبت سوالف ونمسحت


المهم اسمحولي غبت فتره عيالي كان عندهم امتحانات لان الكورس الي طاف ماقدموا والحين عادوا لهم ونشغلت معاهم

وحشتوني والله
انا احبكم وايد
انتو طيبين وقلوبكم نظيفه
فرحت بكلامكم ودعواتكم الله يجزاكم خير

كل يوم اقول انا مافيني شي
واطنش كل الاعراض
واللعب مع عيالي سيكل وكوره فديتهم يستانسون وانا استانس اكثر
اي ترا عمري٢٦
يعني من باب التعارف


بنات دايم اسمع هالمقطع
واصيح استحي من نفسي احس اني مقصره وايد مع الله
اهو سبحانه عطاني كل شي
وهو الغني عني
بس انا دايم احس اني مقصره معاه والله اني استحي من نفسي

ربي لك الحمد كما ينبغي لوجهك وعظيم سلطانك

تفضلوا خواتي المقطع
سمعوه خل نصحح علاقتنا بربنا

اذكر نفسي قبلكم كلنا مقصرين الله يغفر لي ولكم ولجميع المسلمين


المقطع يبكي انا اجهش في البكاء كل ماسمعته


ربي ارحمنا واغفر لنا


تفضلوا


Smerfy Straszny Sen Marzyciela - Smurfs 1981 - YouTube




​

 

[ورد فاخر]

هههههه اوبيه اسفه
كنت حاطه السنافر لولدي

فديته حنان



تفضلو ا وسمحولي


YouTube
​

 

[اميره بكلمتي]

عسى الله يشفيج ويخليلج امج وزوجج وعيالج

 

[al-musk]

الله يقويج ويشافيج ويعوضج خير .. ماشاء الله عليج .. أذهلتيني ماشاء الله

 

[عـيّــآره]

اسال الله العظيم رب العرش العظيم ان يشفي ورد فاخر​

 

[جداويه وافتخر]

والله خجلت من كلاااامك انا غير اني مبتليه ايضا مو صااابره ودايما اصيح وازعل

مااقول غير ربي يشفييييييييك ويشفيني ويشفي جميع المسلمين

 

[ورد فاخر]

فديتكم
كلكم
الله يسعدكم ولا يحزنكم على غالي يارب


انا الحين في انتظار خبر ان شاء الله يكون سعيد
حامل او غير حامل

كله بيكون خير بإذن الله

اقوم الصبح منزعجه بسبب تيبس اصابع يدي الحمد الله ع كل حال

اليوم باذن الله بروح اتحجم كنت بنتظر ايام السنه عشان منها اتسنن ومنها اتحجم
بس الحجامه عندها ظروف فقالت تعالي هالفتره ..

بتوكل ع الله بروح لها اليوم باذن الله

وسواء طلعت حامل او غير حامل بخبركم اكيد
والحمد لله ع كل حال


احبكم في الله خواتي

​

 

[عـيّــآره]

اسال الله العظيم رب العرش العظيم ان يشفيج ويرزقج باللي تتمنينه وتبين توصلين له وويسر لج امرج يارب

اللهم امين

طمنيني سويتي الحجامه ​

 

[ورد فاخر]

مساء الخير خواتي العزايزات

انا امس تحجمت والحمد لله رب العالمين

احس اني طيبه قمت الصبح بفضل من الله التيبس حيل خف قبل كان ٨٠٪
اليوم بفضل من الله ٢٠٪
الحمد لله

عطتني خلطة عسل وقسط هندي وحبة سودا وغذاء ملكات وطلع نخل وجنسنغ

وقالت اكليها ع الريق وقبل الغذا وقبل العشا رقبل النوم

طعمها مررر بس مقبول

الحمد الله

بقولكم شي ههههه امس سويت تحليل حمل عن طريق البول الله يعزكم

طلع خط ماعرف هو مال الجهاز نفسه او صج حامل بس خفيف جداً جداً

قمت الصبح اليوم مرتاحه
من بعد الظهر وانا فيني حراره
ونرفزه واكتآب احس الدوره بتشرف

والحمد لله سواء دوره الحمد الله
حامل بعد الحمد الله


فديت اختي عياره ربي يسعدج ويجزاج خير
ويرضيج يارب دنيا واخره

ويجزاكم خير خواتي. ويسعدكم جميعاً


​

 

[ورد فاخر]

هذي الي ف الكف
في ايديني الثنتين

والحمد لله بفضل من الله ارتحت


بنات حتى لو مافيكم شي بعيد الشر عنكم


رسولنا اوصانا بالحجامه

((خير ما تداويتم به الحجامة))
صحيح
الألباني
السلسلة الصحيحة

والله يشفي جميع مرضانا ومرضى المسلمين