اهي مو مصيبه اهي خير وسعادة الحمد لله :)

[غــايــه]

ما شاء الله تبارك الرحمن
بصراحه علمتيني أشياء ما كنت عارفتها
علمتيني شنو يعني الصبرر!
الله يشفيج ويقومج بالسلامه يارب<3

 

[Dam3t-7zn]

والله اني قاعدة بالجامعة ادرس ودخلت المنتدى وقريت موضوعج وبجيت مو عشان شفقانة عليج
عشان ايمانج القوي وتفائلج بالحياة
مشاءالله عليج اختي,, والله مااعرف شنو اكتبلج لان خاني التعبير
بس حبيبتي شنو اسم العلاج اللي تاخذينة تقدرين تكتبين لي اسمة
لان انا عايشة بالدنمرك وقريت عن المرض مااكتشفو علاج جديد يشفي من مرض ال ms بس في علاج تقدرين تاخذينة يقلل من الاتهاب في الدماغ ويقلل من عدم الهجمات وشدتها اسمها betainterferon او glatirameracetat
اذا مو موجودة عندكم بالكويت ادزهم الج,,بس تاكدي اول من العلاج اللي قاعدة تاخذينة نفس الاسم اللي كتبتة ولة لا
وعسى ربي يشافيج من هل المرض واحتسبي الاجر حبيبتي كلة اجر وعافية

 

[مخملية:$]

الله يشفيك يارب
والحمد لله قضاء اهون من قضاء ولك الاجر ان شاء الله
وصبرك واحتسابك في ميزان اعمالك ان شاء الله ...

 

[ابله كويتيه]

الله يشفيج نصيحه من اخت لختها عقب ماتخلصين من قراءه القراءه ردي هذي الايه اعوذب الله من الشيطان الرجيم (لو انزلنا هذا القراءن على جبلا لرئيته خاشعن متصدعن من خشيت الله ) لا تنسين دايمان قولبها ولاتنسين سوره ياسين والله يشفيج يا رب العالمين

 

[بنك بااستا]

الله يشفيج

 

[الجادل الطرقا]

الله يثبتج ويشفيج ويخليج لعيالج ويجمعكم بأحبابكم والمسلمين بجنات النعيم إن شاء الله
مشكوره على مشاركتنا بقصة مرضج ومشاعرج هالشي يخلينا نتذكر النعم اللي عندنا ونقدرها أكثر
الحمدلله على كل حال
ترى أكبر خسارة للإنسان بالدنيا هي اللي تؤدي لخسارته الجنة وأي خسارة ثانية تهون مادام احنا قراب من ربنا
وانتي ما شاء الله عليج ما جزعتي ما قلتي ليش واشمعنى انا صبرتي وانتي راضية وهذي نعمه
الله يديمها عليج ويشفيج ويرزقج الجنة إن شاء الله

 

[Canon~]

الله يشافيك ويعافيك عاجلا غير اجل

 

[عـيّــآره]

ورد شخبارج ؟؟​

 

[ورد فاخر]

باك حبايبي اسمحولي كنت مسافره وتوني رجعت اليوم من مانشستر

الحمد لله انا بخير بفضل من الله

خواتي فديتكم الله يجزاكم خير ويدفع عنكم البلاء
فرحت بدعواتكم لي.

اختي الي تقول مو شرط بالمخ هو يضرب اعصاب المخ واعصاب المخ اهي المسؤله عن توصيل الاوامر للاعصاب الباقيه مثل العصب البصري
والعصب الحركي والسمعي وباقي الاعصاب الي مركزها المخ ..
مثل مايقولون الدكاتره اذا توقف القلب نقدر ننعشه بس اذا تلف المخ يعتبر الانسان ميت اكليينيكي حتى لو القلب شغال وباقي الاعضاء شغاله
والمخ وقف خلاص ..

انا عندي تلف كبير بالعصب البصري .. باقي لي ٣٠٪ شغال ع كلام الدكاتره بس انا مو حاطه هالنسبه ببالي
لان ربي سبحانه قال
بسم الله الرحمن الرحيم:
وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِي الْعِظَامَ وَهِيَ رَمِيمٌ(78) قُلْ يُحْيِيهَا الَّذِي أَنشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ (79)
صدق الله العظيم ..

سبحانه لايعجزه شي

اختي
دمعة حزن .. ان شاء الله مايكون غير دموع الفرح
انا آخد ابر البيتافيرون ابره تحت الجلد ٣ مرات بالاسبوع
متعبه جداً جداً سببت لي ترقق في جلدي الفخذ. والبطن والذراع
وكدمات. واتعب وايد منها اتم اصيح من الالم
يعني اضربها الاثنين قبل النوم. اتم حراره وصداع وتكسر الثلاثاء نفس الشي ماقدر اتحرك غير الكدمات الي بسبب هالابره مع انها ناعمه وماتعور بس الاثار الجانبيه لها جداً متعبه بالنسبه لي
جسمي متبقع ..
انا ماقدرت عليها تركتها
حتى ببطني ابره ٤ ابر اقسم البطن ل اربع اماكن
اخ متعبه بس احتسب الاجر فيها يارب لاملجئ ولا منجى منك إلا إليك
مره شافني ولدي بو ٣ سنوات مانتبهت له كنت احسبه نايم
قفلت الباب ونظفت المنطقه الي بطق فيها الابره. وانا اضربها ف بطني ولدي قام يصيح يقول لا ماما دودوه
شلت الابره وحذفتها بعيد كسر خاطري
تم يصيح وانا اصيح. احس اتعسته وهو بيبي مايعرف شي. حسيت بتأنيب ضمير
قلت لريلي شصار ونهرت من البكى

عقب وقفت البيتافيرون لاني وايد تعبت منها نفسياً وجسدياً انا الحين موقفه كل شي
بس اكل حبه البركه واشرب زيتها

والحمد لله احس اني بخير بفضل من الله

عياره حبيبتي انا بخير
اليوم وصلت لقطر
وشفت عيالي فديتهم
كنت بلندن
رحت لطبيب اعصاب بلندن استشاره

طبعاً لاجديد بالنسبه لهم ( الاطباء)
بس عندي كل يوم تفاؤل جديد بإذن الله


إلهي.. خاب رجائي بمن سواك.. وتصلبت أعضائي..وطال انتظاري..إلهى عجل شفائي..فمن لي سواك..رحماك ربي رحماك،
يامن تحيي العظام وهي رميم احيي فيني غشاء المايلين...آمين


وجميع مرضى المسلمين



​

 

[عـيّــآره]

عسى الراحه ماتفارقج يارب

والله يحفظهم لج ويحفظج لهم

اسمحي لي كل يوم بكتب اي شي ابي الموضوع دوم فوق والكل يقرا ويدعي لج

​

 

[عـيّــآره]

والحمدالله على سلامتج حبيبتي​

 

[عتآق الخيل]

الحمدلله عالسلآمتك
والله يخليلك اهلك يارب
ومشكوورهـ عالكلامك للبنـآت
ما شاء الله عليك
وباذن الله ماقدآمك الا حياة سعيده وعافيه الصحه .
​

 

[ورد فاخر]

فديتج الله يجزاج خير
ويسعدج ويرضيج دنيا وآخره

احبك في الله اختي
كلكم خواتي احبكم في الله كفايه دعواتكم الصادقه لي
الله يجزاكم خير
كل من رد وكتب ودعا لي وحتى الي دخلت وماردت انا واثقه انها دعت لي انا كتبت الموضوع ابي الكل سواء مهموم مريض مديون ..الخ
لاتقنطوا من رحمة الله
الله مايظلم احد
ويسمعنا ويشوفنا كلنا
سبحانه قادر على كل شي .. كن فيكون..
سبحانك ماعبدناك حق عباده
اللهم اغفر لي ولوالدي والمؤمنين والمؤمنات والمسلمين والمسلمات الاحياء منهم والاموات
اتمنى لكم السعادة في الدنيا والآخره

​

 

[عـيّــآره]

وانا احبج في الله اكثر

وهذا عهد امام الله اني ما انساج بالدعاء طول ما انا عايشه​

 

[Zinab BH]

والله انج قوية قريت كلامج و كش جسمي مادري شلون سبحان الله ودي يصير عندي هالصبر الله يمدني بالصبر يارب وتنزل عليي السكينة
الله يشافيج و يعافيج و يخليي لج ابو عيالج و عيالج و امج و الواحد مايقنط من رحمة الله اهنيج على الروحة الجبارة اللي عندج
الحمدالله على حلو القضاء و مره

 

[أإلع ـشق دلع ـهـأإ]

امبيه ماتدرين شصار فيني انهرت من البجي حسيت اني مقصره امام الله

بجييت من اهمالنا وركضنا لدنيا وربي عطانا الصحه والعافيه

بجيييت بجيييت بجيييت وانا اقرا كلامج اسستحيييييت

ربي بيعطيج الاجر ع كتابتج للموضوع صحيتي ناس غافليييين لج الاجر فوق اجر مرضج

حبيبتي الشافي الله سبحااانه روحي مكه وصلي وادعي وشربي ماي زمزم وتسبحي فييه

وتصدقي كثييير بنية شفائج

وانصحج بالشيخ ناصر الرميح اهو راقي ومفسر احلام ودكتور في الطب البدييييل

دشي اليوتيوب وكتبي اسسمه وشوفي الناس تدق عليه تقول فيني جذي وجذي ويعطيهم علاااج

حاولي شوفي متى يطلع واتصلي علييه ترااه مايقصر شيخ يخاف الله

اذكر يطلع على قناة اوطان وطذا قناة شوفي وتاكديً

وله موقع دشي كتبي موقع الشيخ ناصر الرميح عليه صورته وكتبي حالتج

واسال الله الحي القيوم الذي اذا دعا اجاب واذا سؤل اعطى والشافي والمغافي ان يشفييج شفاء لا يغادر سقما وان يفرحج بفرحه عظييمه على صبرج بالشفااالء التاااام ومايجي رمضان الا وانتي شافيه من المرض

اللهم امييييييييين

 

[Only One]

حبيبي سوي سيرج على الحبة السودا اكتبي الحبة السودا + د. موزة المزروعي

ولاتنسين انه الرسول وصى فيها جربيها ان شاء الله بتفيدج

 

[ام الدرر]

ماشاالله تبارك الرحمن
قوتج وصبرج
سبيل للشفاء باذن الله
اسال الله العلي العظيم ان يمن عليك برحمة من عنده
وفرج قريب وان يشفيك ويرفع عنك ​

 

[Dam3t-7zn]

قلوبنا معاج يااختي والله يشفيج بأسرع وقت ويرفع عنج برحمتك يارب. تدرين انا كل شي يصير لي بالدنيا أؤمن انة قضاء وقدر ًولن يصيبانة إلا ماكتب الله لنا ،، وايد ارتاح من اسمع هذي الآية ، واحمد ربي علئ كل شي وأحسن الضن بالله سبحانة وتعالئ وفجاء أحس نفسي الله فرجها علية، والله ياما ويأما صارت لي شغلات مصيرية بالحياة بس لما أحسن الضن بالله واؤمن أنها قضاء وقدر ربج سبحانة يفرجها بيوم ولليلة. ربي يثبتج علئ الصبر والقوة. دعواتي ألج ماراح اتوقف ان شاءالله

 

[@شمس الضحى@]

الله يثبتج ويزيدج قوه وصلابه الله يشرح صدرج
الله يشفيج ويلبسج ثوب العافيه
وان شاء الله تشوفين عيالج معاريس وتشوفين عيالهم