اهم الشغلات إلي تجهزينها حق البيبي والمستشفى خل نستفيد

[miss_dala3]

حبيبتي miss_dala3 زيدي المميات بيجون ترى راح تحتاجين بذات إذا بتسحبين حليب من صدرج و بتحطينه بثلاجه اخذ
2 اصغر حجم و 2 الوسط و 1 موالكبيره إلي اصغر منها لأنه في منهم اربع احجام

شلونج حبيبتي انشاءالله بخير ..
من يوم الخميس ماشفت سوالفكم توني قريتها كلها ..
صراحة مشكلة سالفة السواد والكرشه
الله يعييننا ..

راح اييب المييات اللي قلتيلي عليهم فرصة دام تنزيلات
انا رحت موعد الطبيب .. يوم الاحد ..
ما قلتيلي شنو صار معاج ..

الحمدلله طمني على البيبي بس قاللي الموعد الياي 3/2 وراح يسويلي فحص داخلي
انا خفت .. اخاف انه يعور
انتي قالج نفس الشي ؟

وبغيت أسألج ..
ابي اشتري كفر مال السرير .. حق نفر مو نفر ونص..
حق نفاس.. من وين وجم أسعارهم ..
امس رحت مجمع بيروت فوق..
النفر ب 49 و 45 قلت اوووووووووله ليش هذا لو نفرين شكثر ؟؟؟

ناطره ردج وطمنيني شنو قالج الدكتور

 

[أم عزيـز]

ام عزوز خليها على الله
تصدقين اول حمال لي مو خايفة من الولادة كثر ما انا خايفة من مخلفات الولادة <<<<<<<<لوووووووووووول
الكرش هذا ازمة المجتمع صراحة انا مهما اضعف تظل كريشه صغيرة <<<<<<<<<< شر لا بد منه

لوووووووووووووووول انا هذا اللي احاتيه في كل حمله توابع الحمل والولاده
ما ادري هالأجانب شنو يسوون عشان يختفي الكرشه وبطنهم يلزق بظهرهم

ام عزيز
انا اهنيج على شجاعتج والله ماقدر اصير شجاعه مثلج واسويها خخخخخ
ماقدر الزق الشيره اصلا
وصح هالمنطقه غثييييييثه ما تخلص بسرعه مع ان المساحه صغيره وعوار وحوسه
بس افكلج
والزم اللي جربتيهم ليش ما نفعوا؟؟
انا بس بمشي لين اكمل 6 شهور بعدين اقدر اوي رياضه في شريط مال سيندي كروفرد شفت كذا وحده ضعفوا عليه
موود بمركز سلطان بدينارين عالغلاف لابسه مايوم احمر
ينحت الجسم صح وناويه اخذه

واي بنات احس بثقللللل مو طبيعي بس ابي ارتااااح
ودي اغمض وافتح واشوف نفسي وااااالده
انا دايما اسمع عن تماين ويوغا يسهلون الولادهوين احصل هالسوالف؟
اسوي سيرج عاليو تيوب؟ مادري باشوف يمكن يطلعلي شئ

لووووووووووووووووووووووول
والله شجاعتي سوت لي أزمه في المنطقه
لاني قادره أسكر ريولي ولا حتى اتربع اول فتره
عوار مو طبيعي وتوووووووووووووبه بعدها اشيل بشيره لووووووووول
المصيبه اني تأذيت كل شوي تلصق الشيره في إيدي واقطها واخذ وحده ثانيه لين انتهت المهمه بسلام
بس شعقبه عقب ما نتفت روحي

وانا جربت شغلات وايد تشيل الكرش ولا سوت شي
تخيلي مدحولي كورسي الطاهر وشريته ب15 دينار ولبسته شهرين ما كنت افصخه الا وقت النوم ولا سوا شي
والحزام الطبي نفس الشي تميت عليه وما فصخته الا قبل النوم وهم ماكو نتيجه

بعدها بسوي نفسي قويه وقلت لازم تمارين بطن وقعدت اسوي تمارين للبطن والكرش وشاده حيلي كل يوم وبالأخير طلعت حامل وانا ما أدري :eh_s(12):
اشوه ربج ستر والا جان رحت فيها ولله الحمد ماصار فيي شي وعدا حمالي على خير ويبت ولد الله يحفظه
عاد الحين قايله بشتري جهاز المشي اللي فيه كذا تمرين حق المعده والأرداف غير المشي يحطونه مرات في قناة فنون ان شاء الله اييب نتيجه

والثقل لا تذكريني فيه واي أزمه أزمه انا اسحب روحي سحاب وتعالي ضحكي علي يوم ابي البس دلاغ ما اطول ريولي لووووووووووووووووووووووووول :krkrkr:

ام عزيز الأسبوع الي طاف وحده من اهلنا اولدت عند د.امل عبدالعزيز برويال حياة

الفال لي يارب اولد وارتاح
مع اني اشك ان اي وحده تولد ترتاح ورانا سهر وتعب وقلة نوم
الله يأجرنا

 

[miss_dala3]

أم عزيــــــــــــــــــــــــز

قوليلي من وين اشتري كفر حلو وسعره زين ..
ابي مال سرير بو نفر.. كلهم فوق ال 45 اللي انا لقيتهم ..

ما بقى شي وادش التاسع باقيلي 4 أيام .. وحدي محتااااااااااااااسه
ولا جهزت جنطة المستشفى ..
حالتي كسيفه

 

[froha83]

حبوبة مس دلع
عندج الرحاب متروس محلات كفرات روحي شوفي

 

[SweeTa_4ever]

هلااااااااا واللله بنات الكويييت شلوونكم مع الثقل؟؟

Luxury​

والله عن التجهيزات الحمدالله تقريبا خلصت بس بقالي اغراضي النفاس وغراض الجمعيه وبقالي الككاو شريت علب تغليف من بياع الورد وزهبتهم وسويتهم وقلت بس ادش التاسع اشتري الككاو من باتشي

بنات حواء​

حبيبتي الي اي من الله حياة اللله وكلهم حلوين واذا امجهزه كله ازرق عادي اعتقد بتكوون بالنفاس والبيبي محد بشوفها خليها تلبس ازرق هالفتره بس

والله يابنات ودي ارد عروووس لاني على طول حملت يعني بعرسي دشيت العرس وانا توني حامل وشهر العسل كله نساة ودوخه :cxxxp:ودي اعوض الايام الي راحت بشياء حلوه ابي ارد بيييضه مثل قبل والكرش ابيي يروووووووح:yaaaaaarb: عفيه ساعدوني الي عندها خلطاات حق الجسم تقولي عشان بروح الحواي وبلطخ وره الولاده الحين مالي خلق ياله اشيل نفسي:bbbiu:

 

[أم عزيـز]

أم عزيــــــــــــــــــــــــز

قوليلي من وين اشتري كفر حلو وسعره زين ..
ابي مال سرير بو نفر.. كلهم فوق ال 45 اللي انا لقيتهم ..

ما بقى شي وادش التاسع باقيلي 4 أيام .. وحدي محتااااااااااااااسه
ولا جهزت جنطة المستشفى ..
حالتي كسيفه

حبيبتي انا الكفر ماليبو نفر ونص أخذته من البروفوسور بو نفر ونص ومعاه 11 قطعه
وغير الكسسوارات اللي فيه وسعره 47 دينار طبعا كاسرته كان سعره 57

وفي ارخص على حسب الحجم وحسب الشغل اللي فيه
شغله ايين وكفراته روعه والأوان تشوق
تلقينه جبال بيبي ستي


وعندج سوق الموعد عنده كفرات حلوه وايد ورخيصه
اللي اعرفه انه موجود في الفروانيه وعنده افرع ثانيه بس ما ادري وين بالضبط

 

[Shestylet]

الصراحة ملف روعه للتجهيز يعطيكم العافية بنات

 

[LUXURY]

ام عزيز
اييييي والله الدلاغ قصته قصه احس باولد اذا ييت البسه الله يسهل ويهون عليننا
ويا رب تروح الكرش والله ستر على وليدج الله يحفظه

سويتا
يالله ان شاء الله تخلصين
عن الخلطات انا رحت محل مال احمد المغربي بمجمع المتحده بالميزانين وخذيت منه اغراض
شريت صابون غار وصابون كركم وصابون بابايا اللي من داخل شكله جنه فيه قطع برتقاليه
وشريت كريم الفيتامبن سي وزيت جلسرين وريلي ان شاء الله باييبلي من وادي النحل اذا راح الخفجي زيت لوز وخروع وجنين القمح
الحين باحوس بالخلطات والله يستر

 

[SweeTa_4ever]

Luxury

حبيبتي هذا المجمع وين مكانه ؟ انزين ما القاهم بالحواي اي انا ماجرب غير ببايه فضييييعه بس بس صابون غار وكركم اول مره اسمع فيهم شنوو مميزاتهم ؟

 

[بنات حواء2]

هلا و الله حبيبتي froha83 و انتي الصاجه كله واحد و خير و بركه من الله و الحمد لله

 

[بنات حواء2]

هلا و الله حبيبتي Luxury و الله الحمد لله على كل حال و عمومن انا ما جهزت الوان كله ابيض و اوفوايت يعني يركب حق البنيه و الصبي و تصدقين حتى السونار إلي سويته معنه دقيق بس و الله ما ني قادره اصدقه لا هذا و لا ذاك بتوكل على الله و إلي يي من الله حياه الله لي حزت الولاده انشاله

 

[بنات حواء2]

هلا و الله حبيبتي Na77olah خليج على كريم او زين زين الاتات ترى شغلهم وايد زين معروفين و انشاله تحسين بنتيجه ممتازه
انا اراجع في السلام عند دكتور جمال الشرعان

 

[شذى الكويت]

مرحبا بنات ديرتي

شلونكم وشخباركم ؟؟

عسى الله يهون علينا كلنا يارب ويسهل علينا ولاداتنا ويرزقكم بيهال كاملين على اتم صحة وعافيه يارب

بنات بسألكم عفية منو اللي تعرف مجمع عيد النصار وينه بالضبط لاني ماعرفه كلش

اشوف البنات هنية يمدحونه يقولون انه حلو ورخيص ؟؟

صج عاد حلو ؟؟

واذا حلو وينه بعرف ودي اشوف الشغلات اللي فيه ؟؟


وجزاكم الله كل خير وعسى ربي يسهل عليكم اللهم امين

 

[بنات حواء2]

هلا و اللله حبيبتي miss_dala3 اهم شي انج تطمنتي على البيبي و هذا اهم شي
انا راجعت و سوالي سونار ثلالثي الابعاد و طلع فيني ابنيه مو ولد مثل ماقالي
انصحج سوي لأنه راح يطمنج وايد لأنه دقيق و كل شي يحسب
بس مسألة الفحص لأ و الله ماقالي
و بنسبه حق الكفر اخذي كفر بونفر لأنه اكثر راح يصير عود على سرير المستشفى و مبهذل
روحي شوفي المحل إلي بنقره الشمالي اول ما تدشين تمشين سيده يصير على يمينج محل كفرات وايد حلوين و عنده كفرات حق النفاس و انشاله تلقين إلي تبينه

بنسبه حق مراجعتي الحمد لله طمني على البييبي و قالي كل شي تمام

 

[بنات حواء2]

هلا و اللله حبيبتي SweeTa_4ever نبسبه لي كله واحد بنيه و لا صبي كلهم حلوين دامهم هبة الرحمان
و الله يعينج سيده عييل ما استانستي من بعد العرس انا الحمد لله ما حملت إلا بعد فتره تغريبن 7 اشهر من بعد العرس رحت شهر عسل مصر و ركبت حصن و لعبت في العاب مدينة الترفيهية مالتهم يعني حللتها و بعدها حملت كنت ما ابي احمل بسرعه على الاقل نستانس بطلعات و الروحات قبل لا يي البيبي و نتقيد اكيد معاه

 

[بنات حواء2]

هلا و اللله حبيبتيShestylet حياج الله في اي وقت و انشاله تكونين استفدتس يارب و نورتينه في الموضوع

 

[أم عزيـز]

مرحبا بنات ديرتي

شلونكم وشخباركم ؟؟

عسى الله يهون علينا كلنا يارب ويسهل علينا ولاداتنا ويرزقكم بيهال كاملين على اتم صحة وعافيه يارب

بنات بسألكم عفية منو اللي تعرف مجمع عيد النصار وينه بالضبط لاني ماعرفه كلش

اشوف البنات هنية يمدحونه يقولون انه حلو ورخيص ؟؟

صج عاد حلو ؟؟

واذا حلو وينه بعرف ودي اشوف الشغلات اللي فيه ؟؟


وجزاكم الله كل خير وعسى ربي يسهل عليكم اللهم امين

حبيبتي مجمع عيد النصار في سوق الديره (سوق المباركيه)
شفتي عماره أولادنا والمحاميد اللي هناك ؟ تلقين العماره وراها
وانتي سئلي اول ما توصلين عند محلات الذهب اللي هناك راح يدلونج ما تضيع كلش
اهو تحت في السرداب متروس شغلات حق اليهال وملابس حق النفاس وفعلا أسعاره حلوه

 

[أم عزيـز]

صبحكم الله بالخير حوامل شلونكم اليوم ؟ وشلون الثقل ؟
طبعا لا تسئلوني عن الثقل مسببلي أزمه ووقت النوم الله لا يوريكم الشد
فخوذي مرات تشد وما اقدر اقلب من الثقل

يالله هانت وانا عندي موعد السبت تبي تسويلي سونار داخلي بس احس مبجر مع اني تقريبا بنص التاسع
بس احس راح تحبطني اذا قاست وقالت مافي شي بالمره !!!

 

[miss_dala3]

بنات حواء2
حبيبتي.. المشكله انج جهزتي كل شي حق بيبي بوي
الله يكون بعونج احساس مو شي
شوفي اانا بالسابع نزلت السرداب ورحت سويت سونار فور دي
مااعتمدت على كلام الدكتور جمال
كان كله يقوللي مو مبين بس الفور دي دقيق حتى صورلي ملامح البيبي
مو وايد واضحه بس مبين
الله يهون علينا .. ويعيننا

 

[SweeTa_4ever]

قوه بنات شلونكم؟

بنات حواء​

اي والله على طول حملت حللت قبل عرسي بيوم وكانت النتيجه حامل والمشكله كنا بنسافر على طول وسافرت ماليزياماخليت شي بخاطري بس السفره اطلعت من جبدي نساااااة ولوووعه ولا استانست ولا الطياره 7ساعات والله تعذبت بس الحمدالله على كل شي وهاانت واعوضه انشالله بعد الاربعين مع نونو :klhfl:

بنات دشيت منتدى العنايه بالشعر والجسم وخذيت بعض الخلطااات كنت استخدمهم قبل عرسي ورعه بس في اضافات راح اكتبه لكم انشالله يعجبكم

1- هذا ماجربته بجربها انشالله خلطه الصابونيه مالت شقره ومزيوونه صراحه انا بسويها ماراح اطلبها
2-خلطه حق الجسم والوجه: تخلطين هرده + حليب بودر+ اشويه زعفران انا مجربتها اتينن اصفي واتبيض
3- ماسك للوجه والجسم: كريم جلسرين + ليمونه+ زيت اللوز+ زيت السمسم+ اشويه فكس هذيل تلقونهم بالحواي (العطار)

وفي شي بعد بعد النفاس حق ابوو لعيال_03BA: تروحين القرشي وتاخذين مسك القرشي وصابونه القرشي وماي ورد تخلطين المسك مع ماي الورد واتحطينهم برشاش لما اتسبحين اتقسلين بالصابونه الاماكن الحساسه مثل الابط وره الاذون والمكان الي انتو اتعرفونه (-) لما اتغسلونه بالصابون اترشين اشويه من المسك المخلووط وروحي عند رايلج وشووفي شنو بصير بعدين:eh_s(22):

:tek:​