اهم الشغلات إلي تجهزينها حق البيبي والمستشفى خل نستفيد

[أم عزيـز]

لووووووووووووووووووول SweeTa_4ever

شغل عدل والله
بس ما لقيتي خلطات تبيض الأماكن اللي خمجت من الحمال ؟

 

[miss_dala3]

يعطيج العافيه سويت
الله يكون بعونج انتي كلش ما تهنيتي بشي اسمه شهر عسل ..
مشكورة على الخلطة ..
والقرشي لا يعلا عليه ايننننننننن

انا ميمعه لستة من 25 صفحة .. كلها خلطات وناوية اييب جهاز بخار احطه بحمام زايد عندي بالبيت
راح اذبح عمري عقب الاربعين خلطات وماسكات ... واي السواد عجييييييييييييييييييييب

 

[miss_dala3]

خلطة لتبييض الجسم
المكونات

1 ـ 3 ملاعق كبيرة حليب بودرة
2 ـ 4 الى 5 ملاعق طحينة سائلة مو الحلاوة الطحينية
3 ـ عصير ليمونة واحدة
4 ـ 3 ملاعق سنفرة جسم أي نوع عندك مع انه يفضل المشمش
5 ـ ماء حسب الكمية للعجن

الطريقة
اخلطي المكونات مع بعض وارحصي على ان تكون متماسكة قليلا وفيكي تمديها على جسمك
بعد ذلك اذهني جسمك كله واتركيها من ربع الى نصف الساعة واللي تبي اكثر يكون احسن ما يضر
بعد ما تنشف افركي جسمك بايدك مو بالليفة وحركة دائرية لين ما طيح من جسمك كله
ثم اتروشي عادي تستعمل مرة او مرتين بالاسبوع
ملاحظة لا تصلح للوجه لانها قوية

طبعا منقول . ..

وهذه وصفة حلوة بعد لشد الجسم وتبييض الاماكن المسمره :

يشد الجسم وبالذات الصدر عن تجربه ويبيض الأماكن السمراء
ضعي خل التفاح مع ماء ورد وضعيها في بخاخ واستعمليها كل يوم على جسمك..

الكمية_ علبة خل التفاح كاملة +علبة ماء الورد كاملة ونضعهم في بخاخ

ولو لقيت خلطات ثانية أخبركم ..

 

[SweeTa_4ever]

اييي والله ميس دلع بعد شسوي وترااا خل التفاح فضييييع للشد انا مجربته

ام عزوز حبيبتي هالخلطااات بعد حق الحمال يفتح الاماكن الي اغمجت

الله يكوون بعووونه

 

[أم عزيـز]

خلطة لتبييض الجسم
المكونات

1 ـ 3 ملاعق كبيرة حليب بودرة
2 ـ 4 الى 5 ملاعق طحينة سائلة مو الحلاوة الطحينية
3 ـ عصير ليمونة واحدة
4 ـ 3 ملاعق سنفرة جسم أي نوع عندك مع انه يفضل المشمش
5 ـ ماء حسب الكمية للعجن

الطريقة
اخلطي المكونات مع بعض وارحصي على ان تكون متماسكة قليلا وفيكي تمديها على جسمك
بعد ذلك اذهني جسمك كله واتركيها من ربع الى نصف الساعة واللي تبي اكثر يكون احسن ما يضر
بعد ما تنشف افركي جسمك بايدك مو بالليفة وحركة دائرية لين ما طيح من جسمك كله
ثم اتروشي عادي تستعمل مرة او مرتين بالاسبوع
ملاحظة لا تصلح للوجه لانها قوية

طبعا منقول . ..

وهذه وصفة حلوة بعد لشد الجسم وتبييض الاماكن المسمره :

يشد الجسم وبالذات الصدر عن تجربه ويبيض الأماكن السمراء
ضعي خل التفاح مع ماء ورد وضعيها في بخاخ واستعمليها كل يوم على جسمك..

الكمية_ علبة خل التفاح كاملة +علبة ماء الورد كاملة ونضعهم في بخاخ

ولو لقيت خلطات ثانية أخبركم ..

بعد عمري ما قصرتي على الخلطات
خزنتهم عندي

بس الخلطه الثانيه استخدمها قبل لا أتسبح والا متى بالضبط ؟ وشكثهر أخليها على جسمي ؟؟

اييي والله ميس دلع بعد شسوي وترااا خل التفاح فضييييع للشد انا مجربته

ام عزوز حبيبتي هالخلطااات بعد حق الحمال يفتح الاماكن الي اغمجت

الله يكوون بعووونه

تسلمين حبيبتي
خل نلطخ بعمرنا قبل لا تطلع البلاوي لووووووووول

 

[بنات حواء2]

هلا و الله حبيبتي شذى الكويت حياج الله معانه
بنسبه حق سرداب عيد النصار في سوق الديره وين سوق الذهب يمه يصير انشاله بس تكونين دليتي لأني بالوصف مو ذاك الزود

 

[بنات حواء2]

هلا و الله حبيبتي ام عزيز انا بعد الثقل قمت احس فيه لمن انسدح و اتقلب و امس رحت ايكيا و مشيت لين قلت بس و حسيت افخوذي تعورني من فوق
الله يسهل علينه و لا تنسين تطمنينه عن البيبي بعد السونار

 

[بنات حواء2]

هلا و الله حبيبتي miss_dala3 لا انا ما شريت الوان كله ابيض و اوفوايت خذيت الوان محايده فما يفرق معاي عادي بنسبه حق التجهيز ز جني حاسه انه ممكن يكون مو صبي
و الله اعلم

 

[بنات حواء2]

بعد عمري SweeTa_4ever و الله انج عورتي قلبي حسيت فيج و بشعورج
انا ريلي قالي عقب الاربعين اول ما اطلع بعده باسبوع او اسبوعين بوديني مصر شهر عسل مره ثانيه على قولته
عشان يتعدل مزاجي و نفسيتي بعد النفاس
و انتي بعد اذا قدرتي روحي بعد الاربعين يكون البيبي صغير و ما يبي شي بس مميه و تبديل انا قلت بخليه او اخليها عند امي و بروح اسبوع و الله لو مو البيبي كان قعدت شهر

اشلون ماليزيا حلوه وايد ناس يمدحونها بس ما رحتلها

 

[بنات حواء2]

بعد عمري ما قصرتوا على الخلطات استفدت منهم وايد يعطيكم العافيه

 

[SweeTa_4ever]

هلا والله بنات حواء ايي والله قلت حق ريلي بعد الاربعين اتعوضني على السفره الي كلها ترجيع ودووخه وسدحه وماليزيا اكثر من روعه طبيعه مو طبيعيه قلت بروحلها مره ثانيه انشالله والبيبي بخلي عند امي

 

[أم عزيـز]

هلا و الله حبيبتي ام عزيز انا بعد الثقل قمت احس فيه لمن انسدح و اتقلب و امس رحت ايكيا و مشيت لين قلت بس و حسيت افخوذي تعورني من فوق
الله يسهل علينه و لا تنسين تطمنينه عن البيبي بعد السونار

انا توني راده من ممشى مشرف
وان شاء الله ياربي يهون علينا ويتمم حملنا

وعلى موعدي يوم السبت الدكتوره ماراح تسويلي سونار
سوتلي الاسبوع اللي طاف وكنت في بداية التاسع قالت لي وزن البيبي كيلوين و600 تقريبا وقالت خلاص ماتحتاجين سونار بعد اهم شي ان وزن البيبي صار اكثر من كيلوين ونص

بس قالت تبي تسوي فحص داخلي وانا صراحه مو مرتاحه احس تو الناس على الفحص الداخلي عشان جذي قاعده امشي كل يوم ساعه يمكن تفحصني تلقا الرحم متوسع شوي

 

[LUXURY]

السلام عليكم

ام عزيز
هذي حالتي مع الثقل والشد من زمااااااان الحين وصلت مرحله ريلي يشيلني علشان اتعدل واي الله يعين


مس دلع
خلطة التبييض الاولى مجربتها صج تخليج زبده من النعومه والبياض
بس انا اخاف من السنفره <<<خا يفه وشاريه ملح الحليب هههههه


سويتا
والله ميته من القهر امس كتبتلج رد طوييييييييييييييل عرييييييييييض لما حطيت ارسال الرد والا الانترنت فاصل ابي اشبك والا حضرتهم حمولتي قاطعين عني الانترنت وقاعدين يتكلمون بالتلفون بالتناوب
مت من القهر
المهم باختصر دامج حطيتي خلطات
انا شاريه الاغراض حق الخلطه الصابونيه اساسا بس ماني حاطه فيها صابونة السحريه
وصج كل من مدحها
وهم كريم فيتامين سي للتبييض باحطه على جسمي
ويبيله نتفرك ونتبيض
وعلى طاري مسك القرشي اسمه مسك العروسه هذا مفعوله عجيب ما حملت الا بسبته ههههههه
اعطر ملابسي الداخليه فيه والحزوز اللي بين الفخذين والبس قصير وجني ما ادري احوس ولا قعدت افتح شوي ريولي وتفوح الريحه مالته
باجي القصه ممنوعه من الرقابه ههههههههههه
كسرتي خاطري على شهر العسل انا جذي ما سويت عرس ملجه صغيره واستقبال اصغر بسبة الحمال
مادري اشفينا ماكو صبر
والمشكله الحمال كله بالغلط هههههه
يالله الله يعين



واي بنات اليوم فجاه يتني قمته
استغفر الله من تزوجت عسى ما يصير عندنا انا وريلي شي يتني قمته ودوخه وبجي ومختنقه حدي ورقعه واذا حطولي قران والا قروا علي احس جسمي كللللللللله حار شاب ضو وارجع ماي زمزم ماقدر اخذه
ويعابلون فيني جم يوم بالقرايه لين اطخ
مره يتني حاله كرهت ريلي قلت مابيه خلاص وانا حامل ارافس وابجي واقوله طلقني كنت يومها شئ ماينوصف توني حامل ومحلووووووووووه ومتبدله ومتمكيجه صايره جني قطوه وعدسات زرق وانا شعري حلو وزايره بيت وحده من اهله معاه وكان في وحده عينها ماطاحت من علي من الخز وريلي يومها كان صاير حلو بعد واختبصت
والله ما طخيت الا عقب هالسالفه ب3 او 4 شهور
بس اليوم لا اشوه
عاد امي قالتلي تبدلي وتسنعي حق ريلج
امس عيدميلاده وانا نااااااااااااسيه عاد اهو حساس بس صج الظاهر نمت متضايقه وعندي الغولون تعبت حدي اليوم
لان متزهبه بس نسيت يعني خاشه فلوس هديته ومفكره اشبسوي فلقى الكل باركوله ويابوله هدايا وانا جني مطنشته
ومالي خلق اقط البجامه ام دينار ونص الظاهر السوري مسويلي فيها سحر خخخخخخخ
عاد لما طخيت رحت مع مرت خالي مجمع النقره يمنا
خذيتلي جم بلوزه وتنوره وخذيتلها جاكيت قصير يهبل وبنطرون جنز
بس امي تقولي حامل وتنوره!!! شكلج غلط
بس الحين باشيل جسمي اشوه لقيت المكينه باحلق المنطقه الحلوه وباشيل جسمي واتسبح واسوي شعري بالستريتر واحط مكياج خفيف وتراجي شواروفسكي تركواز وبرونز كبيره وبدلتي جنز وبلوزه بنيه
علشان لا يه ياخذني يردني البيت الا شكلي حلو
وعلى قولة امي اذا تنشطتي وتكشختي انتي تتغير نفسيتج


عاد انتوا نطروني بليل اذا دشيت المنتدى يعني ريلي قالي الله شكلج حلو وكبر المخده ونام وكشت فيني وبايي اتحلطم وابجي عقب كل كشختي
اما اذا مادشيت يعني الليله عيد ههههههههههه

يالله بس قرقت وايد
نشوفكم وقتا اخر

 

[LUXURY]

وي سويتا نسيت اقولج
صابونة الغاراهو صابون الرقي السوري واسمه صابون زيت زيتون لان هذا مكونه الاساسي
يفتح بدرجه خفيفه بس ينعم ويصفي ويرطب
وصابونة الكركم
حق الحبوب والشد وتصفية البشره والتبييض

 

[بنات حواء2]

SweeTa_4ever يله انشاله يعوضج يارب بس روحي و البيبي صغير ترى كل ما كبر تتعلقين فيه انا اول ما اطلع من الاربعين بعده باسبوع بروح
انا بين القاهره و بين جزر المالديف

 

[بنات حواء2]

حبيبتي أم عزيـز امشي انشاله تراجعين و تقولج مفتوح عند عنق الرحم و تولدين بسرعه و بسهاله يارب و لا تنسين تطمنينه عليج يله راح الكثير و ما بقى إلا القليل

 

[SweeTa_4ever]

امبي لوكسيا وانتي اتكلمين جنج قصتي انا جذي تييني حالات بس ابجي ومالي خلق ريلي وابجي واقووله مااحب مابييك معني اموووت علي وامي قعدت تقره علي همن من عيون الناس لما يشوفوني معاه لوووووووووووووووول اي والله على سالفت الحمال بسرعه ماشفينا مطفوقين اي نطرو على قل جم شهر ماكوووو بعد عيارات بنات :balo:يالله الحمدالله على كل شي انتي عليج بالمعوذات وايه الكرسي وماكوو اله الخير شلون تلبسين تنوره وانتي حامل اول شي مومريحه ومو حلوه على بطن . يالله يالله وروحي اتكشخي واتزهبي حق ريلج اليوم يوووووومج ياحلوه:eh_s(15)::happybday:


بنات حواء
اي والله شكلي جذي بسافر انشالله بعد الاربعين وبخلي البيبي عند امي وقته صغير بس يبي حليب

ام عزيز

حبيبتي الله يعينج بس مو جنه تو الناس الكشف انتي اول التاسع !! انتي عليج امشي على الرمل احسن وشربي دارسين ومراميااا الله يهون عليج انشالله


بنات بقولكم شي اليوم امي شرتلي كتاب اسرار الحريم عجيييييييييييييييييييييييييييييب عن كل شي يتكلم والله حلووووو اشتروو

 

[أم عزيـز]

حبيبتي أم عزيـز امشي انشاله تراجعين و تقولج مفتوح عند عنق الرحم و تولدين بسرعه و بسهاله يارب و لا تنسين تطمنينه عليج يله راح الكثير و ما بقى إلا القليل

الله يسلمج حبيبتي والله هذا اللي قاعده اسويه كل يوم امشي ساعه واحاول احرك جسمي
عاد امس رحت ممشى مشرف الساعه 5 الا ثلث وقعدت امشي مع ريلي وعيالي وتدرين ممشى مشرف فيه ألعاب زوجي قالي انتي امشي وانا اقعد مع اليهال يلعبون

وانا ماشيه والا في ثنتين حريم كبار قاعدين يمشون جان وحده فيهم تقولي يالله يالله شدي الحيل لوووووول
عاد انا ضحكت وكملت مشي وقعدت اقره المعوذات واستغفر طول ما انا ماشيه خفت بعد يصكوني عين

السلام عليكم

ام عزيز
هذي حالتي مع الثقل والشد من زمااااااان الحين وصلت مرحله ريلي يشيلني علشان اتعدل واي الله يعين

الله يعينج يا قلبي ويتمم عليج
حبيبتي اخاف معطينج عين ؟ تدرين الناس ما ترحم استغفر الله
انتي حاولي تتعوذين من بليس في كل لحظه وتستغفرين واذا حسيتي بضيجه قومي صلي ركعتين والا اقري قرآن شوي والله يهدي سركم

وعلى فكرلاه نفسيه الحامل كله متقلبه يعني عادي اليوم مستانسه باجر مخنوقه وصاكه فيج الدنيا وودج تبجين
كله تغير هرمونات تلعب في النفسيه يعني وضعج طبيعي حبيبتي




بنات واخيرا امس يبت نفانيف النفاس من الخياط ورتبت جنطه المستشفى
حطيت كل اللي احتاجه من أدوات نظافه وفوطه وفوط صحيه وقطن حق تسرب حليب الصدر وملابس النفاس وملابس داخليه واندروير طويل حق الدفا وجم ستيان وشورت اللي يصير مثل الدلاغ الشفاف بس شوي سميك البسه تحت ملابسي وقت النفاس يعني تقريبا كل اللي احتاجه حطيته في الجنطه وضبطتها وحطيتها على صوب يم جنطه البيبي وكفر المستشفى :eh_s(6):

 

[أم عزيـز]

ام عزيز

حبيبتي الله يعينج بس مو جنه تو الناس الكشف انتي اول التاسع !! انتي عليج امشي على الرمل احسن وشربي دارسين ومراميااا الله يهون عليج انشالله


بنات بقولكم شي اليوم امي شرتلي كتاب اسرار الحريم عجيييييييييييييييييييييييييييييب عن كل شي يتكلم والله حلووووو اشتروو

اي هذا اللي احسه ان تو الناس على الكشف الداخلي
بس شسوي يمكن يمكن الكشف الداخلي يهيج الرحم ويوسعه كل شي جايز ؟

بس وين امشي على الرمل بهالبرد الجو صراحه مو مال مشي على الرمل خلينا على ممشى مشرف ابرك

والدارسين انا ماخذه موقف منه لوووووووول وربي كل ما كنت اشربه في بنتي البجر وكنت احس بطلق وعوار يختفي الطلق !!! واااااااااااااااااي قهر وثاني يوم ايني الطلق مره ثانيه واشرب دارسين ويختفي ؟؟؟
وآخر شي انفتح جيس الماي ورحت المستشفى والا الطلق وايد خفيف ومفتوحه 3 سانتي على الفاضي من غير طلق ومردهم حطولي طلق صناعي
وقالت لي الدكتوره الدارين بالنفاس زين معلومه غلط تشربينه بالتاسع لأنه يفتح جيس البيبي وغير جذي مرات اييب طلق والرحم مسكر يعني يتعبج ولا اييب نتيجه ادري في ناس يضبط معاهم بس مو مقياس على حسب جسم الوحده

عشان جذي بتكل على شيين المشي واللي خبري خبركم تالي الليل



صجججججججججج نسيت أسئلج حبوبه من وين شريتي كتاب اسرار الحريم ؟؟
ابي اخذلي واحد بعرف في أي مكتبه ينباع

 

[miss_dala3]

بنات شلونكم اليوم .. صباح الخير

والله تعودت الصبح لازم ادش أشوف سوالفكم ..
وادردش معاكم ..

بغيت أسأل الحين الفحص الداخلي حق شنو .. ؟ شنو يبي يعرف الدكتور..
انا عندي فحص يوم 3/2 راح اكون داشة الاسبوع الثاني من التاسع
المفروض انه عنق الرحم يكون متوسع .. ؟؟