اهلي يبون اطلق من زوجي

[رنيم الروح]

ما عندي رد غير الله يرزقج بالذرية الصالحة ان شاء الله

توأم يارب بنت و ولد !

وتدخلين تبشرينا

مشكوره ياعمري والله يسمع منك ومن البنات
الله كريم وإن شاءالله ابشركم

 

[M!SS.LOBY]

الله يعينج ويكون بعونج


شوفي مصلحتج وفكري ولا تأخذج العواطف والمشاعر راجعي نفسج كثيررر وربي يطمن قلبج بالقرار المفيد

هذي وجهة نظري وتقبلي مروري

 

[Cherrrry]

الله يعينج موقف صعب بس خليج صريحه مع نفسج و سألي نفسج هالاجوبه اذا عرفتي تجاوبينها راح تعرفين الحل

1- تحبين زوجج و مرتاحه معاه بغض النظر عن سالفة البيبي؟

2- لو تطلقتي بتكونين مستانسه لو يبتي بيبي من انسان ثاني؟

3- في انسان ثاني يبي يتزوجج الحين و راضيه فيه لو تطلقتي او بتتطلقين من اللي تحبينه عشان تيبي بيبي و ماتدرين هالانسان شنو؟

4- لو كان العيب منج و انتي اللي ماتقدرين تحملين شنو شعورج لو قالج بتزوج عليج او بهدج عشان هالسالفه؟


شعور الامومه كل انسانه تبي تحس فيه

بس ساعات يكون عدم الانجاب رحمه من الله لشي الله يعرفه

واذا كنتي مرتاحه مع زوجج و مستقره مالج شغل في احد و عيشي حياتج معاه و ارضوا بقسمة الله لانه مو كل يوم والوحده تلاقي انسان زين يحبها و تعيش معاه

ياما تزوجوا و ريايلهم هدوهم او خانوهم و اهم معاها درزن يهال

الياهل شي مهم بحيات الزوجه

بس كل انسان لازم يرضى بقضاء الله و قدره

واذا انتي مرتاحه مع زوجج لا تخلين احد يأثر فيج و يتدخل بحياتج و تندمين بعدين


الله يسهل امورج و يفرج همج و يرزقكم ان شاء الله اللي تتمنونه

 

[في قلب البحرين]

تبين الصج مالومهم
انتي بنتهم ويبون لك الاحسن والافضل معرووووووف لو الرجل مو منه العيبشي ولو منه شي ثاااااني


القصه مو هنا اهلك واثقين ان بتتزوجين لو انفصلتي منه ؟؟

خكمي عقلك واستخيري ربك وماخاب من استخار
ربي ايسر امرررج يارب ويرزقج من حيث لاتعلمين ياااااارب
​

 

[المدينه]

لاتسمحين لحد يتحكم بحياتج ولاتخسرين زوجج في ناس صبرو والله رزقهم كل شئ بيد ربج

 

[رنيم الروح]

مشكورين حبيباتي وابي دعواتكم يوم السبت نبي نروح ونقابل الدكتور اخصائي القسطرة عشان يشوف حالة زوجي والقسطره ومنها يحدد اذا ممكنه ولا لا و إن شاءالله يكون فيها امل ونسبة نجاح

 

[انثى استثناء]

شوفي اختي انا اكلمج من واقع تجربه ,صديقتي نفس حالتج ب الظبط ان العيب من ريلها و اهلها يظغطون عليها علشان تتزوج طبعا بعد 8 سنوات زواج البنت استسلمت لاهلها و اطلقت بعد معاناة لان هيه تحب زوجها تموت فيه ,,,,,,,,
ازوجت البنت و يابت 3 عيال بس في قمة التعااسه لان تفطر دايما بزوجها الاولي ,,,,
وطبعا زوجها الاولي ازوج و هم بقى 7 سنوات و الله يرزقه الحين توم قبل فتره ,,,, تدرين رفيجتي راحت اله و باركت له و تقول تمنيت هذا الياهل مني ......

انا حبيت اقولج مافي شي مستحيل على الله , الصبر الصبر ,,,
زوجج يحبج و انت تحبينه خلاص انتهى ,,,, و الله اهلج مو داخلين في قلبج و حاسين فيج , صدقي ما اجمل ان انت تكونين مشتركه مع نفس الشخص في الهم لان محد راح يحس فيج غيره

و انت اذا تطلقتي راح تكونين زوجه ثانيه هذي فرصج في الزواج

 

[راحيل العبدلي]

الله يرزقكم يا رب
اذا انتي تحبينه وهو يحبج بععععد و الحمدلله مرتاحه وياه
تمي وياه .. الزواج مو بس اطفال الزواج سكن و احتواء ووو ..
و الله رزاق رزقه واسع الحي عليه بالدعاء و استغفري الله واجد
و الله يرزقكمم يا رب

 

[كويتية تكفي مية]

انا لو مكانج ما اخليه صج العيال ياحلوهم لكن هذا نصيبي والريال شاريني وانا مرتاحه معاهم ماغيره ابد وادعي عمري كله ان الله يرزقني منه

 

[مسك أبيض]

حبيبتي انا متأخره في الانجاب و تقريبا مافي سبب واضح بس حكمة الله لا تيأسي من رحمة الله اذا انت في الشرقية روحي وحدة الاخصاب في مستشفى المواساة دكتور هيكل او مستشفى الملك فيصل في الرياض والله يرزقك ويرزقني وكل من تتمنى

 

[اجمل دلوعة]

اولا الله يرزقك بالذريه الصالحة عليك بالاستغفار ومعالجة فيتامين د والتقرب الى ربي
ثانيا انتي من جدك تعلمينه بقرار اهلك عيب والله عيب حتى اهلك بينتقدونك وهو بيكرهم بستببين فتنة وبالنهايه هذي اسرار اهلك بالمستقبل ماراح يتامنن على اسرارهم
ثالثا انتي بال30 ولا تزعلين مني ولكن كلام العقل ابلغ من القلب ولكن مين اللي بيتزوج وحده عمرها 30 يمكن فيه بس اللي تزوجوهم بنات عذرا على كلامي انتي متزوجة يعني مفتوحة ماراح يدفع مهر على متزوجة عرفتي قصدي انتي مرتاحة معاه اخلاقه زينه ومهتم بدينه وفيك ورجال

 

[اجمل دلوعة]

فكملي معاه والله يوفقكم

 

[Canon~]

اسئل الله الكريم رب العرش العظيم ان يرزقك الذريه الصالحه عاجلا غير اجل

 

[رنيم الروح]

اولا الله يرزقك بالذريه الصالحة عليك بالاستغفار ومعالجة فيتامين د والتقرب الى ربي
ثانيا انتي من جدك تعلمينه بقرار اهلك عيب والله عيب حتى اهلك بينتقدونك وهو بيكرهم بستببين فتنة وبالنهايه هذي اسرار اهلك بالمستقبل ماراح يتامنن على اسرارهم
ثالثا انتي بال30 ولا تزعلين مني ولكن كلام العقل ابلغ من القلب ولكن مين اللي بيتزوج وحده عمرها 30 يمكن فيه بس اللي تزوجوهم بنات عذرا على كلامي انتي متزوجة يعني مفتوحة ماراح يدفع مهر على متزوجة عرفتي قصدي انتي مرتاحة معاه اخلاقه زينه ومهتم بدينه وفيك ورجال

اولا-مشكوره على ردك
ثانيا-اعرف العيب وعلى سالفة خبرته ما خبرته اطمني
ثالثا-عمر 30 مافي شي لانه الانسان يفخر بعمره اذا كان منجز وناجح واذا على قولتك لانه متزوجه عادي حتى ياخذون الي معاها عيال واهم شباب بس هالنقطه ماهمتني ابدا
رابعا- انتي جايه من علم الغيب وتدرين اذا بتزوج ولا بيدفع مهر ولا ولا
خامسا- في الفاظ حبذا لو تبتعدين في كتابتها وتكتفين بكلمة متزوجه مو افضل

ارجع واقول مشكوره على الرد

 

[رنيم الروح]

اسئل الله الكريم رب العرش العظيم ان يرزقك الذريه الصالحه عاجلا غير اجل

يسلموووو حبيبتي على الرد والله يسمع منك

 

[cute_mama83]

الله يرزقج بالذريه قررررريب ان شاءالله ويسعد قلبج وقلب زوج يا رب

 

[الاهله]

اختي انا مثل وضعك زوجي عقيم

بنت عمي جابت 13 كانو يموتون مجرد تولدهم

جابت ولد في الحمل الاربع طعش 14

ولدها عمره 22 سنه ضرب فيها ليل ونهار واهانه حتى يتف بوجهها وسحب فلوس منها ليل ونهار

والي يقول ولدج ظهرج ترى اغلب الي في دور العجزة عيالهم رامينهم يمكن الله يمنع العيال خير لنا

ويمكن ناخذ واحد يصير دمار ونجيب عيال يصيرون بلوة لانهم بيبطونا بواحد سيئ

 

[رنيم الروح]

الله يرزقج بالذريه قررررريب ان شاءالله ويسعد قلبج وقلب زوج يا رب

امييين حبيبتي ومشكوره ياعمري ويسعد قلبك يارب

 

[رنيم الروح]

اختي انا مثل وضعك زوجي عقيم

بنت عمي جابت 13 كانو يموتون مجرد تولدهم

جابت ولد في الحمل الاربع طعش 14

ولدها عمره 22 سنه ضرب فيها ليل ونهار واهانه حتى يتف بوجهها وسحب فلوس منها ليل ونهار

والي يقول ولدج ظهرج ترى اغلب الي في دور العجزة عيالهم رامينهم يمكن الله يمنع العيال خير لنا

ويمكن ناخذ واحد يصير دمار ونجيب عيال يصيرون بلوة لانهم بيبطونا بواحد سيئ

الحمدلله على كل حال ياقلبي والله يرزقك ويرزقني ويرزق كل وحده محرومه
واهم شي حسن الظن بالله والله لا يخيب الرجاء
واولا واخيرا الخير فيما اختاره الله لنا
مشكوره على الرد ياعمري

 

[طريق السعاده]

صباح السبت الساعه 5,46

يارب ياكريم ياودود يارازق ياكريم يفتحها عليك انتي وزوجك وكل محرومه من الانجاب
ويرزقكم بالولد الصالح ويفرح قلبك في هاليوم بخبر حلو ..

اليوم موعدك وباذن الله ترجعين تبشرينا ..