اهلي يبون اطلق من زوجي

[granted]

انا لو بمكانج مااتطلق
منو قالج ان العيال بيشاون اهلهم هذاك قبل
الحين يزيدونج مرض
حبيبتي مافكرتي تكفلين يتيم على الاقل على اجر وتعوضين عاطفة الامومه

 

[<<الأميره>>]

الله يعوض صبرج خير
ويرزقكم من حيث لا تحتسبوا

 

[بسمه غلا]

اذا زوجج زين معاج ومو مقصر معاج بشي قعدي عشانه ضحي ميخالف ترا والله في ناس ماتووو عالضنا والله عطاهم واخرتها عيالهم تزوجو وقطو اهلهم العيال مو كل شي اهم شي راحتج
والله كريم بيرزقج يارب في ناس قعدو سنين شكثر وعالجو وانابيب وتلقيح ولا فاد وبعدها الله رزقهم
عليج بصلاه الليل ادعي واطلبي ربج وكثري من الاستغفار وتصدقي والله كريم يارب يرزقج بدرازن عيال

 

[منال $]

والله ادا زوجك كويس معك ليش تتركية عشان العيال هدا قسمة ونصيب هوا ايش ذنبة انة ما بجيب عيال
صحيح كلام اهلك انة ممكن لو منك العيب كان تزوج عليكي وممكن العكس برضو
انا اخوي قعد 10 سنين ما خلف وسبحان الله بعد اكتر من مرة تلقيح صناعي جاب ولد والله عوضة
والله يعوضك انتي كمان يارب

 

[طيبة83]

الله يعينج

انتي بين نارين نار الزوج ونار العيال

اللي قالوا لج ان الزوج مهم ما ضاقوا احساس الامومه

الله يرزقج بالذرية الصالحه عاجل غير اجل

 

[نسمات 26]

ريال عايشه معاه أكثر من 13 سنه واهلج يقولون لج تطلقي ما ييب عيال

مصدومه الصراحه من هالعقليات ، واذا ما تزوجتي بعده يعني تخسرين الزوج والعيال وتعيشين بروحج

حرام كسر خاطري زوجج خصوصا اهو طيب معاج وحاول يتعالج بس الله ما كتب

هذا مو جزا الاحسان

امتحان من الله يبيلكم الصبر والدعاء

والله يرزقكم ويرزق كل محروم يا رب

 

[M!ss CoLoRz]

الله يهدي سركم ويصلح حالكم

ما اقدر انصحج غير بمدوامة الاستغفار

 

[Zinab BH]

حبيبتي ناس ينطرون عشرين سنة و اكثر والله يرزقهم على قد صبرهم دام ريلج يحبج و يصونج و مكرمنج لا تفرطين فيه ضامنة انتي تتزوجين واحد بمثل مواصفاته؟
المراة مو كل يوم لها ريل يحبها و اهلج مالهم شغل في قرارج لا تسمعين لهم كل واحد عايش حياته مع زوجته او زوجه اللي يحبه و يرتاح له محد بيتحسر على الريل اللي يحب و يحن غيرج
الحب ايي مرة وحدة في العمر خلي املج بالله قوي ولا تفرطين فيه اذا اهوا زين

 

[Zinab BH]

و حبيت اقولج بعد حبيبتي ان مو كل من يابت عيال صارو سند لها في الدنيا يا مكثر العيال اللي قاطين اهلهم بتالي العمر ولا يبارونهم ولاشي المراة سندها زوجها مو عيالها اللي يشيلها زوجها العيال مرده كل واحد بيلهي بحياته
وانتي تجوفين اكثر الريايل يتزوجون وحدة في العشرينات عشان العيال و اكثر الريايل يقولون ان اللي في ثلاثين مو ضمان تعيل يعني تضمنين احد يتقدم لج عشان عيال ؟

 

[ام عثمان 9000]

تبين عيال

دواء سماوي

الاستغفار ومواصلة الدعاء اواخر الثلث الاخير من الليل انتي وزوجج

والصدقة كل يوم ولو بمبلغ صغير

سوف ترون اثرة في انفسكم وحياتكم واخرتكم

 

[رنيم الروح]

يسلموووو ومشكورين خواتي الله لا يحرمني منكم ولا من ردودكم

لكن من جد صار لهم فتره كل ماكلمهم يفتحون نفس الموضوع ويضايقوني ونفسيتي صارات تعبانه وتعبت اكثر من التفكير

 

[مدّهره !]

رنيم أنتِ اللي تقدرين تحكمين

لأن كل وحده هناا لهاا منظورهااا


اللي أهم شيء حب الزوج فتختاار تبقى معااه حتى لو ربي ماكتب عيال


ومنهم اللي تبي تشبع غريزة الأمومه فتختاار الإنفصال وتتم تدعي له بالغيب ربي يووفقه بدونهااا

واللي تفضل رااي أهلهااا عشاان هم أدرى بمصلحة بنتهم

واللي تفضل راحتهاا مع زوجهاا

أنتِ إقري كل الردود لكن رجحي راايك وراحتك النفسيه


...’


بس بقوولك قصة وحده من عماتي زوجهاا ماارزقه ربي بالعيال


ورفضت تتطلق وتمت عمرهااااااا كله معاااه ربي ماكتب لهم ولماا توفى الله يرحمه ويرحم موتى المسلمين


ماصاار لهااا سند وسكنت عند عممممي وعياله حطوااا لهاا سوويت خااص لهااا

صح لهاا كلمتهااا بالبيت ولهاا شورهاا بس بعد لو عندهاا عيال كان الوضع غيرررررررر


.......’

 

[مدّهره !]

طبعاً أنا قلت القصه لك عشااان تحطين كل الاحتمالات في بالك


مو تشجيع إنك تتطلقين

 

[عسل حدي]

رب لا تذرني فردا وانت خير الوارثين

 

[cute_mama83]

انزين اختي انتي شنووو رايج بكلامهم ؟؟ مقتنعه ؟؟

حبيبتي هذا شي يخصج وما راح اقوالج تطلقي او لأ ، لان انتي الوحيده اللي ممكن تقرر هل زوجج يستحق انج تضحين بالامومه عشان وتكملين حياتح معاه وممكن ربي يرزقكم بطفل يسعدكم ..

صدقيني حاولت احط نفسي مكانج عشان اعرف ارد ع الموضوع بسسس صعب اطلب منج شي ممكن انا ما اسويه

ف نصيحتي لج يالغاليه اذا اهلك تكلموا معاج بهالموضوع قولي لهم انج محتاجه وقت تفكرين بهالشي لانه خااص فيج وانتي اللي تقررين اذا بتكملين او لأ وقعدي بشكل جدي فكري انتي شنوو تبين ؟ وحطي جدامج كل خيار واجابياته وسلبياته ومتي ماتوصلتي لنتيجه بلغيهم بقرارج ولازم يحترمونه لان هاذي حياتج انتي اللي بتعيشنها صحيح اهما ودهم بمصلحتج وسعادتج لكن قاعد يشوفونها بمنظورهم اهم مو انتي ما سالووج اذا هالشي فيه راحتج او لا


والله يكتب اللي فيه الخير والصالح لج

 

[مآيكبرني نك]

آقشعر جسمي

وآعليه عليه ريلج كسر خآطـ،ـري لو هو حآط هالموضوع شؤ بتكؤن رده فعلج ؟؟

ضآمنة لو خذتي وآحد ثآني تجيبين عيآل ؟

ضآمنة يعآملج نفس معآملة ريلج ؟؟

العيآل والرزق كله بيد الله وحده واذآ ربج كآتب تكونين آم بتكونين لو فيكم علل الدنيآ !

 

[al-musk]

هذا قرارج انتي واختيارج و13 سنة مو شوي تهدينهم ورا ظهرج وتمشين.. ومافي شي صعب على رب العالمين ..

الموضوع وواضح والأولويات واضحه...
1) العيال مهمين عندج وماتقدرين تستغنين عنهم فراي اهلج مناسب لج ولرغباتج وغاياتج

*) راضية بنصيبج وكتبه رب العالمين وريلج زين معاج ومرتاحه معاه فطبعا لاتهدينه وتقعدين معاه وترضين وتقنعين بحكمه ربج ومو تنكدين عليه عيشته .. وربج موجود ولما يكتبلج هالشي بيصير ومايرد القضاء الا الدعاء ..

وطبعا مافي ظمانات بالمستقبل لا من ريلج اذا تميتي معاه ولا اذا تزوجتي واحد ثاني والله رزقج بعيال..

انا لو انحط بمكانج وبالنسبة لشخصيتي وحياتي ورغباتي فلووو شنو ما اهد ريلي وهو زين معاي وبينا عشره وأحبه ..

واهلج مو من حقهم يضغطون عليج بهالطريقة .. القرار بيدج وانتي الحكم مو هم

 

[senioreta n7oola]

ألزمي الرقية الشرعية وداومي على الصلاة
وأكثري من الاستغفار والدعاء .. وتوكلي
على الله

 

[ماريابوبو]

اختى اهلج لايتدخلون بحياتج وبعدين لو طلبتي منه الطلاق شنو شعوره اهو اللي مريحج نفرض انج خذيتي وحد غيره
وبعد ماجبتي الرزق من الله والصبر زين لاتتهورين والله اختي 20سنه ماجاها عيال واعرف وحده سليمه هي وزوجها مافيهم شي سليمين لحد الآن ماجاهم شي
صج العيال حلوين بس جذبه موسند وش كثر عيال قطوا اهلهم (اسال الله ان يرزقج انتي وزوجك الذريه الصالحه )استخري قبل كل شي

 

[ام اريج 22]

حرام العيال مو كلشي شالانانيه !!
ياما ناااس عندهم عيال وقطوهم بدار العجزه
وياما عيال انطرو الابو يموت عشان يورثونه
وياما عيال نزلو راس اهاليهم بالقاع ولا فيهم ذرة بر
حبيبتي اذا الريال يحبج وشاريج لاتبيعينه
انتي شدراج لا سمح الله تطلقتي احد بياخذج ؟ ظامنه هالشي ؟؟
مادري اذا انتي هالشي فبالج سويه بس اذا الريال زين وانتي تبينه حرام تحمليه[/QUOTE:rerrerek: