اهلي يبون اطلق من زوجي

[رنيم الروح]

مشكورات حبيباتي على الردود وابي منكم الدعاء
والله يرزقني ويرزق كل وحده محرومه

 

[نـعـومـه]

المشكله ماتضمنين تتزوجين لما تتفصلين !!

روحو امريكا يمدحون العلاج

استخيري على سالفه الانفصال

 

[أجمل إنسـآنـه ~]

عسى ربي يرزقج من اوسع ابوابه ><

 

[reem1987]

سمعي كلام اهلج لو العيب منج ماصبر عليج صدقيني العمر يمشي والله يكتب لج الخير

 

[سمو النفس]

ربي يرزقج بالذريه الصالحه ويرزق كل محرووومه

القرااار انتي تحددينه لان انتي اللي عايشه وياه ربي يكتبلكم اللي فيه الخير

 

[(TigerWoman)]

من راي مالج شغل باحد ما توقف الحياة اذا رب العالمين ما رزقج وان شاءالله يااااااارب الله يعطيج اذا مو بالدنيا بالاخره
يهون عليج بعد هالعشره تتطلقين شنو ذنب ريلج اذا الله خلقه عقيم حراام والله تتطلقين مدام زين معاج ومو مقصر بحقج عيشي حياتج وستانسي مع ريلج واجرج عند الله مايضيع ان شاءالله والصبر مفتاح الفرج رب العالمين يمهل ولا يهمل سبحانه
والله يرزقج ويرزق كل محرومة ان شاءالله​

 

[اوبراا]

حبيبتي انا والله بجيت يوم قريت موضوعج حبيبتي انا وايد اعاني بحياتي معاناتي غير عنج وماجربت الامومه للحين
استخيري ياقلبي تركي اهلج على جنب استخيري وادعي واستغفري وصلي لاتقرري قرار وتندمي عليه مستقبلا السند هو الله سبحانه لان الوحده ممكن تيب عيال وتفقدهم ويمكن ماتتزوج ويمكن ويمكن ريلج تقدرين تهدينه قلبج يقوى انه مايشوفه فكري واستخيري

 

[بحور العنا]

الله يرزقكم بالذريه الصالحه ويكتب لكم اللي فيه الخير يارب
زين زوجك ماعرض عليك الطلاق وقالك شوفي حياتك مايصير تربطين مصيرك معي وانا مااجيب اعيال
اذا قالك هالكلام وانتي حاسه انه من قلبه ف تمي معاه ويستاهل التضحيه
واذا ماقالها ولاقالها مومن قلبه ف اعرفي ان زوجك ايحب نفسه ولوانتي اللي ماجيبين اعيال كان من زمان تزوج عليك
ولاتزعلين من كلامي موفقه خير حبوبه

 

[أحلام العمر]

صدقيني لا اللي عندها عيال مرتاحه ولا اللي ما عندها تري الدنيا عجيبه والله خلق الدنيا دار كبد حبيبتي قولي لا اله الا الله اذا تحبينه ومرتاحه معاه شنو تبين اكثر بعدين شنو اللي بيضمنك بتتزوجين مره ثانيه وبيجييك عيال بعدين هو زين لك وين بتلقين جذي رفيجتي تطلقت من زوجها عشان تجيب العيال وفعلا تزوجت وجابت عيال لكن والله الحين بابمحاكم تبي فرقاه عذبها ومعاملته قشره لها وتحسف ع الزوج الاول الدلع والسفر والراحه صدقيني والله الدنيا مو عيال لاهم مدخلين جنه ولا مطلعينك من النار حاسه فيك ان الامومه غريزه بس عاد هذي حكمة الله وماتدرين يمكن الله يرزقك اللحي بالدعاء واكثري من قول يارحمن يارحيم وامانه عليك زوجك لا تكسرين قلبه اذا هو حنون ع فكره وحده اعرفها الله عطاها ضنا عقب 16 سنه ربك كريم وعسي ربي يرزقك ولا يحرمك واهلك وزوجك وخوانك وخواتك كلهم فيهم بركه اقول استمتعي بكل لحظه من حياتك لا تكونيين حزينه

 

[رنيم الروح]

يسلمووو على ردودكم حبيباتي
وثقتي بالله كبيره

 

[عذبة الأوصاف]

حبيبتي العيال قسمة ونصيب رفيجتي متزوجة لها13 سنة ومابقي مكان ولاطريقة ماسوتها لكن هذا نصيبج وان تطلقتي هل تتوقعين وعمرج30 بيجيج احد يتقدملج؟؟ لاتزعلين من كاامي وانا اختج اعتبريني اختج نصوحة لج دامج سعيدة لاتخلين اهلج يخربون بيتج خلاص سعادتج مع رجلج وهو المسكين ليش ماقال اطلقها واخذ غيرها لا لأنة فعلا حس بالسعادة معاج ولاتخربينها وتظلين طول عمرج تعضين اصابع الندم ترا موكل شور الاهل صح لاااااا ماهم انبياء ولارسل والله يووووفقج

 

[smo0o]

الخيره فيما أختاره الله

محد يدري وين الخيره فيه إذا عنده عيال أو لا

الله سبحانه قال (المال و البنون زينة الحياة الدنيا و الباقيات الصالحات خير عند ربك ثواباً و خير أملا )

يعني مو شي ضروري ولا راح توقف الحياة على وجودهم

أسأل الله أن يرزقك الذريه الصالحه عاجلا غير آجل

وكلي أمرك لربك هو أرحم بعبده من الأم بولدها

 

[أأأميرة الورد]

حبيبتي شدراج انج بتتزوجين مره ثانيه

اكيد بتاخذين واحد متزوج او مطلق

وجذي بتزيد المشاكل عليج خااصة اذا متزوج وعنده مره ثانيه

انا رائي اذا زوجج طيب ويستاهل خلاص اقعد معاه والرازق رب العالمين

اهم شي راحتج معاه وحبج له

شكثر ناس عندهم عيال ومو مرتاحين ولا يحسون بالسعاده

انتي عيشتي معاه عمر خلاص تحملي واصبري عليه

الرزق من رب العالمين

واهلج مالهم شغل يتدخلون بحياتج دام انتي مستانسه مع ريلج

اذا صار الصج كل واحد من اخوانج مع مرته ولاهين عنج

هذي حال الدنيا الكل جذي يالله نفسي

لاتتورطين وتهدين زوجج وتتحسفين
صبري نفسج بالدعاء والاستغفار وقراءة القران

والله اعرف وحده كبيره مو متزوجه كلش بنت

وماشالله عليها مونسه عمرها وقايمه باعمال الخير وتجمع صدقات

ولا فكرت كلش بالزواج تقول قسمة ونصيب

خليج مع زوجج ولا يحس انج متغيره او الفكره على بااااالج

ترى راح يزعل منج ولا يسامحج

 

[طريق السعاده]

اتركي كلام اهلك عنك

انتي بقراره نفسك تبين هالشيء او لا
اذا تحسين مستعده تتخلين عن كل شيء مقابل العيال تطلقي
واذا تحسين عندك امل كبير وحابه زوجك وحياتك سعيده وتتمنين طفل بس الله ماكتب وماعندك مشكله بهالشيء لاتتطلقين

قبل كذا استخيري وادعي ربي

الامل كبير وحتى لو تطلقتي مو مضمون انه بتتزوجين وتجيبين عيال !


انتي فكري في الي تبينه اذا مستعده تتنازلين وتغامرين بحياتك الزوجيه مقابل طفل محتمل من حياه زوجيه غير اكيده او راضيه بقدرك ونصيبك وماعندك مشكله تبقين كذا


الله يرزقك الذريه الصالحه ويكتب لك الخير

 

[العنودبنت علي]

الله يرزقك الدريه الصالحه

 

[إطلالة القمـر ...!]

يا بنات أغلب ردودكم عاطفيه ..

يا أختي اجلسي مع نفسك وفكري بالعقل بعيد عن العاطفه

واستخيرررررري وشاوري .. ما بي أحبطك لكن الرجال مالهم

أمان وما يبين فيهم معروف .. ماتدرين يمكن يتزوج بعدين والا

يعالج نفسه ويجيب عيال .. فكري بموضوعيه ترا أهلك لهم نظره

بعيده للموضوع .. وأنا مع الاخت اللي فوق اللي قالت مادام ماخيرك بطلاق

فهو يحب نفسه .. راجعي نفسك والله يكتب اللي فيه خير

 

[miss\lulu]

رنيم لو العيب منج ماصبر عليج ولا تحملج كان طلقج من زماااااااااااااااان
حبيبتي أهلج يعرفون مصلحتج وين
سمعي كلامهم لازم يكون عندج عيال ظهر لج الدنيا تخووووف
وانتي فكري وراح تعرفين الحق مع منو؟

انا لو انحطيت بهالموفق طلاااااااااااااااااااااااااااااااااااااااااااااااااااااااااااااااااااااااااااااااق

مااتخلى عن امومتي ابدااااااااااااااااااااااااااااااااا

والله اطلقه واخليه لان كان راح يطلقني ويقطني ولا تزوج علي حنا البنات عاطفين لكن الرجل ذكي ومايتخلى عن زينة الحياة ولو باي ثمن

 

[أحلى عروس 2012]

ربي يكون بعونج ويهديج للصواب

 

[رنيم الروح]

يسلموووو حبيباتي على الردود والله كريم وانفتح باب امل جديد والحمدلله
قدرت اتواصل مع الدكتور محمد الشمري وطمني باذن الله وكمان
رشح لي دكاتره ممتازين ونفس مستواه الطبي في قسطرة الدوالي
سعيد القطان ومحمد العمر وشقران بن خميس وداني رباح
وكلهم في مستشفيات حكوميه و يعملون في خاصه مثل دله وسليمان حبيب وعيادات الدوالي للدكتور محمد الشمري وكلهم عشان يصير الموعد اقابل الدكتور من شهرين الى 3شهور

والحمدلله على كل حال والله يرزقني ويرزق كل وحده تتمنى

 

[مدّهره !]

الله ييسر أموورك يخيتي