<<======اهلا بك في عالم كيرفز لرشاقه Curves======>>

[jolie_q8]

رد: الي مشتركين ب: Carves فيدوناا

ست شهور 184

وان شاءالله يفيد الوالده ..سأليهم والا مريهم وشوفي بعيونج أحسن

 

[ابلة رسم كتكوته]

رد: الي مشتركين ب: Carves فيدوناا

انا اشتركت عندهم 6 شهور ب177 بس الحين زادوه
واذا والد لازم تطلعين من الاربعين
واذا عمليه نطري سنه عالاقل لان النادي كله اجهزه مو زين حق الجرح

 

[ابلة رسم كتكوته]

رد: عن مركز كيرفز (أفيدوني)

انا مشتركه بالسالميه صار لي شهر
والمدربات حبوبات
ووناسه
والمكان نظيف
وانا ضعفت 6 كيلوات بس مسويه رجيم

 

[ام الزين كله]

رد: عن مركز كيرفز (أفيدوني)

بنات الاشتراك شهري و لا سنوي؟ خاطري اشترك بس لما كلمت الي بالجابرية قالو بس سنوي تهقون الافرع الثانية غير؟؟؟
انا ماودي بسنه اخاف اكسل ولا احمل و تروح علي بيزاتي

 

[ابلة رسم كتكوته]

رد: عن مركز كيرفز (أفيدوني)

جنه الحين سسو الاشتراك سنوي
انا بالسالميه شوي بروح
اتاكد لج وارد لج خبر لما ارجع البيت

 

[ابلة رسم كتكوته]

رد: عن مركز كيرفز (أفيدوني)

حبوبه ما في اشتراك ست اشهر
بس سنه واعتقد ب 380 دينار

 

[الفاتنة]

رد: عن مركز كيرفز (أفيدوني)

خربوطة دعاية على الفاضي

 

[Love \ Hate]

هلو هلو

انا حاليا مشتركه بنادي لافيم .. الصراحه حلو مافيه شي ادش العب واطلع .. صج انه المدربات شوي نفيسه ؟؟

بس كيفهم انا مالي شغل فيهم جدولي وعارفته باقيلي شهرين واخلص ..

ودي اجدد بس شنو المشكله ؟؟ انه ماعندي وقت !! يومي كله شغل ونادي .. فعجبتني فكرة كيرفز بو نص ساعه

3 ايام بالاسبوع حلو وسهل .. انشالله بفكر بالموضوع لما يخلص اشتراكي اهناك .. بس مايصير شهر ؟؟ بجربه شلون

 

[Love \ Hate]

وفيه مساج كيرفز ؟؟ وبجم اذا عندكم فكره

 

[blackangel]

بنات حبايبي أمس كنت عندهم فرع السالمية حتى قابلتني موظفة الإستقبال مالتهم إسمها فضيلة
المهم كان عندي موعد داقيين على و رحت
عندها ورقة استبيان طوييله عريضة عجبني أستبيانهم و يححدولج (هدف ) على أساس قياسات جسمج و وزنج و تسألج جم تبين يصير وزنج و على أساسه تقولج لازم تنزلين هالكثر بالسنتميتر و بعد عندهم جهاز حق قياس نسبة الدهون بالجسم وتشوف النسبة تناسب عمرج و الا لازم أقل
طبعا بالنسبه لى طلع لازم أقلل :cxxxp:
شفت المكان صغير و مافي حمام سباحة و لا أجهزه غير الموجوده بهالربعه وفي مدربات قاعدين
و سألت الموظفه شنو ميزتكم؟ أشتريلي جهاز حق كامل الجسم و ألعب عله بالبيت مدة نص ساعه ما عطتني جواب ( أي شئ كانت إجابتها)وبعدين يا بنات أنا من زمان بالهنوادي شنو ميزة النادي إذا ما تلعبين المدة اللي تبينها يعني يوم نص ساعة و باجر ساعه و يمكن بالهيوم تحبين تلعبين سويدي ما عندهم يوم تبين إدشين سونا أو بخار لو حتى مره بالأسبوع ما عندهم :0bee2e8d89:
بصراحه شغلهم ما عجبني و حسيته يناسب المسنين و مالوت إعادة تأهيل المرضي يناسبهم أكثر حتى لو تشوفون بروشوراتهم عليهم صور حريم عياييز مالوت أمريكا و كل اللي يتمرنون فوق التسعين سنه و يايببن يطبقون البرنامج عندنا بالكويت عارفين الشباب المعتيزين وايد
ثالث شغله و القاضيه عاد ما صار عندهم إشتراك شهري أبدا بس سنوى بقيمة 343 دينار بالسنة ممكن أقساط بعد
فبصراحة أنا فكرت أشتريلي جهاز و ألعب عليه بالبيت مدة نص ساعة لا مشوار و لا يحزنون و سلامتكم :ggdw:

 

[ابلة رسم كتكوته]

باركولي بنات
نزل وزني 6 كيلو
ونسبة الدهن نزل منها 5 من جسمي بمدة شهر بسسسسسسس
حتى المدربه مستغربه من هالشي

 

[ابلة رسم كتكوته]

هلو هلو

انا حاليا مشتركه بنادي لافيم .. الصراحه حلو مافيه شي ادش العب واطلع .. صج انه المدربات شوي نفيسه ؟؟

بس كيفهم انا مالي شغل فيهم جدولي وعارفته باقيلي شهرين واخلص ..

ودي اجدد بس شنو المشكله ؟؟ انه ماعندي وقت !! يومي كله شغل ونادي .. فعجبتني فكرة كيرفز بو نص ساعه

3 ايام بالاسبوع حلو وسهل .. انشالله بفكر بالموضوع لما يخلص اشتراكي اهناك .. بس مايصير شهر ؟؟ بجربه شلون

لا حبوبه ما في اشتراك شهر
اقل شي سنه

 

[أسيـل الجـــرح]

راي الشخصي انا زرت الي بالجابريه بس ما عجبني اول شي بغيت اطيح من دريهم ( السلم ) وانا صاعده حق النادي ثانيا بس رياضة على الاجهزه ما فيه لا رقص ولا سونا ولا حمام سباحه ولا جاكوزي احس انه خالي والمدربه تفلسفت على راسي صدعدتني جان اطلع

 

[ظلال القرآن]

باركولي بنات
نزل وزني 6 كيلو
ونسبة الدهن نزل منها 5 من جسمي بمدة شهر بسسسسسسس
حتى المدربه مستغربه من هالشي

تسوين رجيم مع النادي

 

[ابلة رسم كتكوته]

تسوين رجيم مع النادي

اي حبي اسوي ر جيم
اهو مو رجيم
قللت كمية اكلي
وبطلت خرابييييييييييييييييييييييييط
اللي اهي البطاط والكاكاو
والبيبسي كلش ما اقربه
وبالليل عشاي خفيف ما اكل فاست فود مثل كل مره
اكل اناناس وكيوي
واو اسويهم عصير
وبس
ودمتم سالمين

 

[*مستانسه*]

Shapes Or Curves ???

مرحبا حبيباتي ,,, شلونكم شخباركم؟؟
انا مالي طلات بهالمنتدى لاني كنت اعتبر نفسي رشيقه و صحيه بس للأسف بعد الولاده كل شي تغير لوووووول ... وحبه استشيركم بموضوع ؟؟

انا كنت اسمن و اضعف يعني كيلوين و 3 بالكثير بس الحين طاقه ال 8 كيلوات !!! وماني حابه وضعي خصوصا اني بديت احس بترهلات جسمي مو شاده و حابه ادخل نادي بس عشان يشد جسمي مو ضعف ولا تنزيل و زن و قالولي عن نادي صحي اسمه Shapesواهوا مشابه لنادي كيرفز ياريت اللي عندها خبره في نادي شيبز تفيدني و اكون شاكره لها و بالنسبه لنادي كيرفز يزاها الله كل خير وحده من خواتنا بالمنتدى (!! DareeN !! )شارحته بالتفصيل ,,,, ناطره ردودكم يالغاليات :tek:​

 

[sweetstrt]

رد: Shapes Or Curves ???

أختي توها مشتركه فيه ..تقول نص دقيقة على كل جهاز بس صج الاجهزه تعب وبين كل جهاز وجهاز تي المدربه و تدربج وياخذ منج نص ساعه وتقدرين تسوين دورتين على الاجهزة اذا تبين ...اول ما تشتركين تسويلج فحص كمية الدهون والماي بجسمج...اي والاشتراك مع فتح الملف 104​

 

[ابلة رسم كتكوته]

رد: Shapes Or Curves ???

أختي توها مشتركه فيه ..تقول نص دقيقة على كل جهاز بس صج الاجهزه تعب وبين كل جهاز وجهاز تي المدربه و تدربج وياخذ منج نص ساعه وتقدرين تسوين دورتين على الاجهزة اذا تبين ...اول ما تشتركين تسويلج فحص كمية الدهون والماي بجسمج...اي والاشتراك مع فتح الملف 104​

هذا اي نادي؟؟؟؟
انا مشتركه بكيرفز نزلت 6 كيلو بشهر
وما باخذ منج وقت
والله انا مرتاحه
وترا نفس لاين شيبز مريهم وشوفي اللي يريخج

 

[ظلال القرآن]

اي حبي اسوي ر جيم
اهو مو رجيم
قللت كمية اكلي
وبطلت خرابييييييييييييييييييييييييط
اللي اهي البطاط والكاكاو
والبيبسي كلش ما اقربه
وبالليل عشاي خفيف ما اكل فاست فود مثل كل مره
اكل اناناس وكيوي
واو اسويهم عصير
وبس
ودمتم سالمين

عفيا عليج والله :ggdw:

 

[ظلال القرآن]

دارين شخبارج ؟؟؟

غاطه البني لا يكون هديتي النادي

ولا تغيبين مثلي:0bee2e8d89: