- إنضم
- 16 مايو 2010
- المشاركات
- 286
- مستوى التفاعل
- 0
- النقاط
- 0
السلام عليكم ورحمة الله وبركاته ..
عايشه دور الأبله
شلونكم شخباركم من زمان عن هالقسم بس يلا اللي فيه مكفين وموفين عساهم ع القوه
الله يسلمكم بنت عمي قبل جم يوم تكلمني بالفون سألتني شريتي بدلة العيد يعني شغل البنات الشاغل هالسؤال
قتلها والله انا عندي بدله شريتها من قبل رمضان ومالبستها كلش وبلبسها بالعيد
جان تقولي من صجج انا لازم كل شي يديد
رحتلج الأفنيو وفريته وكلفتني البدله مع كل اكسسواراتها وشغلها100 دينار!!
قلت شدعوه عليج بدلة عرس مو عيد يلا عليج بالعافيه
يمعة عمامي كنت قاعده اتابع التي في مع اليهال ولا اسمعها تكلم بالفون وتقول لاا الافنيو غالي ومو حلو
رحتلج البلوكات وفصلت بدلة حق العيد هاي وست ماكلفت علي 45 دينار !!!!!
انا جنه احد معطيني طراق توها0100 شلون صارت 45 تكفين جذبي عدل وعطينا سعر زين
صج حبل الجذب قصير
!! يعني صدقني !!
وفي بنات وااايد مثل بنت عمي يفكرون بس شلون يرزون عمرهم بالماركات والكشخه يعني رفيجاتي احنا فصلنا ملافع طلبنا من دبي نعم خير انشالله اروح سوق المباركيه بدينار ونص
ويضحكون علي !!!
والقى عندهم نفس ملافعي لوول
ياشين التفلسف
!! ويعني صدقني !!
ومن جهة ثانيه صوب الشباب
يعني الأخ يطقلك سياره اخر موديل لاند كروزر شارجر روز رايز ينتلي وهالسوالف يعني انا الهامور الكشخه
والمعاش كله بالأقسااااااط
ويروح يتسلف ويدين عشان هالسياره
وكلش ولا اللي يأجرون سياره عشان الفراره بشارع الخليج
ضروري السياره كشخه مادري شهالدف !!
نظام انا زقرت وكشيخ جوفوني !
اي خير انشالله واذا زقرت نموت مثلاً !!
!! وهم يعني صدقني !!
ياناس ياعالم المظاهر عمرها ماكانت كل شي
والأنسان بشخصيته وهالأشياء تعتبر كماليات مو اشياء مهمه اذبح نفسي بالاقساط والديون واجذب ع الناس عشانها
وانا عندي اللي يسوي جذي ويقولي شريت وفعلت واهو ماعنده ماعند يدتي يحس بالنقص !!
المظاهر مو شي اساسي بس مع الأسف انتوا جايفين واقع مجتمعنا همهم المظاهر يذبحون عمرهم عليها
لدرجه صرنا كلنا نفس الشي ونفس النمط
الواحد يعيش على قسمته
يعني انا الحين بنيه من عايله كويتيه نفسها نفس اي عايله ثانيه
مااقوم اذبح اهلي على مصاريف فوق طاقتهم اكوون قنوعه بالشي اللي عندي
مااقعد اقلد فلان وعلان
ََ من راقب الناس مات هماً ًََ
شي طبيعي كل انسان يتمنى يستانس ويعيش حياته واهو متوفرله كل شي
بس في فرق يعني لمن اجوف وحده من الناس الهاي شي طبيعي بيكون عندها كل اللي تتمناه وصعب اقلدها واسوي نفسها
يعني الدنيا مستويات والله خلقنا جذي !!
بالنهايه مااقول الا خلاص بسنا مظاهر
وشريت من اهني واهني شفيها اذا قلنا الصج !
وشنو يعني اذا احد افتر بسياره بسيطه بشارع الخليج !
مشكلتنا اهني اندقق على كل شي وانفصص هذا شلابس هذا ماركات ولا اي شي شنو سيارته وشنو وشنو
وبره امريكا وغيرها لو شنو الشخص عندهم لابس يخلونه بحال سبيله ويروح مشوايره بقاري وتاكسي وماكو لا يعيبون ولاشي !!
خلوكم نفس مانتوا وارضوا بالقسمه
شرايكم بهالناس هذول وهل اهم مرضى ولاشنو بالضبط؟
النقاش مفتوح
المايك لكم
وسامحوني ع الأطاله
