اهدومي كلها من الأفنيو ... سيارتي روز رايز ... يعني صدقني !!!

[aṕriliå]

يمرضوني هـ الفئة

اوكي العالم كلها الحين تلبس الماركات والغالي

يعني ليش اجي وانا وانا والماركة الفلانية والمحل العلاني

صج لاقالوا حديثي نعمة ..

 

[JANAA]

مرض العصر

 

[ريـمـآأن..}]

الله يهديهم

 

[أم علي الرفاعي]

احنا بيدنا نغير من أنفسنا

انا وحدة احب اعيش على قدي
وعلى رزقتي

والحمدلله عيالي دايما شكلهم حلو
ولبسهم حلو >> مو شرط ماركات

امبيه اتنرفز لما اشوف ياهل زبوط
تارسينه ماركات >> ليش ؟؟!!!!!!!

عشان بعد شهر ما يقدر يلبسه ؟؟!!


خل يلبس الياهل ماركة
بس اللي عنده
مو الحافي المنتف


ع الأقل الكبير لو لبس
يمد معاه اللبس على مدى جم سنة


وهذي الكلمة دايما
أمي تقولها حق هالأشكال :


النملة لا تحط ريلها يم ريل الفيل !!!!!!!!!!


اللي عنده خير >> عليه بـ 60 ألف عافية


واللي عايش ع المعاش
أقوله : بلا فلسفة زايدة
الكل عارف مستواك ومستوى عيشتك

فماله داعي تضيج على روحك
والسبة فلان وعلان !!

 

[blue lady]

اي والله الكشخة مو كل شي والقناعة حلوة

 

[عرش الأنوثه]

كلامج عين العقل ومعقوووووووول ::::::::

 

[*الأثــــــــير*]

فعلا صاجه حبيبتي احنا عندنا من هالنوعيييه لمن نجتمع مع بنات خالتي تخيلي وحده من حريم اخواني <<<< مو كويتيه

لمن نقعد نسولف واحنا عادي عندنا لو شي برخص التراب قلنا اشتريناه بالسعر الفلاني ولا همنا احد لان نقدر ندفع بس ليش

الفسق اذا شي يسوى بدفع بس اذا لا حرام فلمن تقعد مرت اخوي هاذي معانا جنها مو شايفه خيير كلش انا وانا وتسولف لج عن

السعر قبل الغرض اللي شاريته وياريت شفنا شي يفتح النفس او انقول عليه القيمه <<<< خليها على الله

والله اكره ما اشوف راعي المظاهر حتى القعده معاه كريهه

 

[آتعــبني غـلآآك]

ياكرهي لهالنوعيه
تهايط وتصروخ والناس يدرون انها جذابه