ان تكلمت صارت فضيحة وان سكت اخاف تطلع السالفة ويلوموني

[زبدة ككاو]

رد : ان تكلمت صارت فضيحة وان سكت اخاف تطلع السالفة ويلوموني


ممكـن سـؤآل وبدون زعـل .. ؟!
إنتـي محتـرهـ منهــآ
لأن سـوآتج مــآتسويهــآ وحدهـ عـآقلة ،،
إنتـي الظـآهر تــأثرتي حيـل وبغيتي خــآلتج لج بـروحج
آنــآ مــآأدري منو إللي نصحتج إنج تتحجيـن
بــسس هـذي أعـرآض نــآسس وغلط تتكلميــن عنهــآ بـآجر بيطلـع الخبر بـآلديرة
والله ثم والله أعرف وحدهـ رآيحه فيهــآ وكل شي علني وكــآن عبــآلنــآ إنهــآ جريئة طلعت مسكينة من ضغط أهلهــآ وسـوآلف مــرآهقه
ولآ البنت من تزوجت الله هدآهــآ
وشوفي مــآكو أحسن منهــآ مع زووجـهـآ
يـآبنت عيب إللي سويتيه ربج يستر وإنتي تفضحيـن .. ؟!
آنــآ مــآأهــآجمج بــسس إنتي مـوعــآرفة الغلط إللي إنتي سويتيــه ،،
الله يستــر ع ـالكل وإستغفــري ربـج والله هــآلكـلآم أقـولة لج من تجربة إستغفـري ربج وإدعي إن محــد يتكلم عنج جــذي
لأن كمـآ تدين تـدآن ،
حتى لو كــآنت كلش موسـوآلفج بــسس ربـج مــآيخليج يمكن البنت تــآبت !!!
إدعـي ربـج إنه يســآمحج والله إنتي لأنـج مـوحـآطة نفسج بموقف البنت عشــآن جذي موحــآسة بحجم المشكلة
أمــآ بــآلنسبة لخــآلتج معروفة : القطو مــآيحب إلآ خنــآقة !!!!!!


[:eh_s(22)::eh_s(17):]

 

[amani]

الحين الشي صار وانتهى خلاص خلج رسميه معاهم والمفروض ما تتكلمين عن خطيبة ولدهم بصراحه إنتي شكوا فيها يعني يمكن تكون البنت مو زوينه وأخلاق مو حلوه بس يمكن تكون معاهم طيبه وعلاقتهم حلوه معاهم يعني إنتي طلعتي نفسج بالشينه ليش لو أهو أخوج اوكي قولي حق أمج تصدقج بس خالتج الله يهديها بدعت فيج ويمكن هالشي يخرب عليج علاقتج بزوجج وأهله الله يهديج المره الثانيه مالج شغل فيهم وخلج رسيمه حيل معاههم فكي عمرج

 

[بسكوت السعادة]

رد : ان تكلمت صارت فضيحة وان سكت اخاف تطلع السالفة ويلوموني

اختي زبدة حشى واللة ما فضحتها ولا قلت لخالتي كل شي لاني هم عندي بنت
وشنو محترة ليش احتر واللة اللي سويتةلاني ربيت بيتهم وهم عاديني بنتهم وانا اللي خطبت لاخوة اكبر منة ومعتبرتني خالتي وحدة من بناتها واللة
في مواضيع خاصة بخالتي تعلمني عليها وبناتها ما يدرون والبنت انا ما قلت عنها شي لخالتي ورحت معاهم بعد الملجة وربي كل اعتقادي انها تابت وعشان جذي اللة رزقها بالرجال المتدين عشان يثبتها واللة شاهد علي وسلم حالي حالهم اللي بدت لما جت وسلمت علي جان تقولي خلي الشرف ينفعج واختي الظاهر ماقريتي الموضوع من البداية
بس تدرين توني عرفت ان الكنة عمرها ماتصير مثل بنتهم لوشتسوي

 

[ياشايل الظبى]

طلبتى من البنات النصيحه فى موضوعج الاول
ونص البنات قالولج مالج شغل
والنص الثانى قالج بلغى ريلج واطلعى منها
وانتى بكل دلاخه رحتى تقولين لخالتج وهى منفسه بعد
مانى شايفه حكمه ولاهدف من اللى سويتيه !!!!!!!!!!!!

 

[أموووووولة]

لاحول ولاقوة الا بالله اختي اسمحي لي انتي دخلتي نفسج بمشكله انتي بغنى عنها المفروض ماتقولين البنت فيها وفيها لان هذيل بالنهايه اهل زوجج مو اهلج والبنت الله ساتر عليها ليش ماسترتي عليها ويمكن بعد هالزواج او الملجه توب وتنكب لها حياه وشخصيه جديده بس انتي حيل تسرعتي والله يعينج

وأنا أؤيدها بنسبة 100 / 100
من تدخل فيما لايعنيه نال شيئا لا يرضيه فتحملي نتيجة فتنتج
وانتي منو عشان تسمحين لنفسج تتكلمين عن البنت او بالأصح شنو يهمج فيها لا اهي اختج ولا بنت عمج عشان تهتمين فيها وبسلوكياتها ؟؟؟؟
خالتج اختارت كان الأولى تهتمين بستايلج بالعرس مو شغل من تحت ليتحت وتحبين ايد خالتج بعد ؟ عشان شنو تشعلين فتيل فتنة؟
يمكن الله هداها البنت وتابت منو معصوم من الخطأ
وبدال ما تشغلين نفسج بعيوووووووب خلق الله اشغلي نفسج بعيوبج واصلحيهاوسلامتج

 

[جوانا2011]

رد : ان تكلمت صارت فضيحة وان سكت اخاف تطلع السالفة ويلوموني

انتي وشلي لقفك ودخلك فيهم ... تزوج ولدهم والا ماتزوج ...مضوبطه خطيبته والا لا ..وشششششش دخلك ... ترى اللي فيه انتي الحين من ايدك ...لسانك حصانك ان صنته صانك

 

[سكريمزا]

رد : ان تكلمت صارت فضيحة وان سكت اخاف تطلع السالفة ويلوموني

لالا حول ولا قوه الا بالله
اهم شي انج قلتي لها وريحتي ضميرج
ومع الوقت بيبان لهم كل شي

 

[اللهم الجنة]

خلج بحالج احسن وريحى راسج

 

[بولندية]

انا مع راي البنات صج كانت نيتج زينة لما قلت حق خالتج بس هم المفروض ما تكلمين جدام اهل ريلج بأي شي يخصهم مع اهلج براحتج بس اهل الريل دااااايما خليح مستمعة ? متحدثة نفس نصيحة اخت نصحتني اياها اهني بالمتدى ويمكن البنت الله هداها ما تدرين باجر بتطلع اهي الزينة وماراح يمسكون عليها شي و انتي سوووري عالكلمة جذابة كل بني ادم خطاااء و يسوون بلاوي واغلب البنات اللي يخربطون حزة الزواج الله يهديهم

و الله يعينج ماله درس تعلمتي منه انج ما تقولينهم شي لو عن حسن نية

 

[شادنٌ]

رد : ان تكلمت صارت فضيحة وان سكت اخاف تطلع السالفة ويلوموني

ماعليج مايصح الا الصحيح

ولا تحترين ولا تقهرين نفسج انسي سوي شغلج بدارج .. وسوي الي عليج وروحي دارج مالج شغل
وانتي مو غلطانه .. وروحي عند اهلج جم يوم ارتاحي انسي

والله ينصرج عليهم

 

[xprincessx]

رد : ان تكلمت صارت فضيحة وان سكت اخاف تطلع السالفة ويلوموني

ما كان المفروض تتكلمين
لانه حتى لو تبين لهم الخير بيقلبون السالفه عليج
و اهما ما خذو رايج من قبل فليش رحتي و تكلمتي
ادري انج تبين لهم الخير و خايفة على سمعتهم
بس شتسوين هذول اهل الريل ، ان شالله تكون هالتجربة
خبرة لج ، بالتوفيق ان شالله

 

[معلمة شيسمونه]

فعلا مالج شغل الا بنفسج المهم انتي ماشيه صح خلاص

انا هذا مبدأي ياما شفت اغلاط اغلاط واعرف بلااااااااااااوي زرقا بس ما اتكلم حتى لو كان بمصلحة هالناس

شتسوين محد يحب يفهمج صج موووووووووووووو الكل في بس ناس نادرين هذول بس اللي تقدرين تكلمينهم بسسسسسسسسسسس

الله يعينج يا قلبي

 

[أموت برزة عقاله]

رد : ان تكلمت صارت فضيحة وان سكت اخاف تطلع السالفة ويلوموني

المفروض ما تقولين لهم ... مردهم بعرفون الصج وانج مظلومه

الله بياخذ حقج منهم

 

[مرتاحه]

الحمد لله انت سويتى الا عليك وبلغتيهم
بس اهم ما يبون الصج كيفهم
مع الايام بيطلع الصج
بس ديري بالك من السووسه الا دشة البيت
لا اسوي شيء وتتهمك فيه ، ويمكن مع الايام
بتبينلك انها ندمانه على الا سوته بس لا تامنينها

 

[المستغفرة 74]

رد : ان تكلمت صارت فضيحة وان سكت اخاف تطلع السالفة ويلوموني

ما لج شغل فيهم
خليج سطحية وهم بالاخير يكتشفون بنفسهم
الحين اللهم ياكافي ناصحكم فاضحكم