ان تكلمت صارت فضيحة وان سكت اخاف تطلع السالفة ويلوموني

[مندوبة ام بندر]

الله يعينج عليهم

 

[نفـــائس]

انتي سويتي اللي عليج وهم كيفهم

 

[اجمل نساء 2011]

رد : ان تكلمت صارت فضيحة وان سكت اخاف تطلع السالفة ويلوموني

حبيبتي انا حاسة :flower:فيج مليون بالمية والقهر اللي انتي عايشته طيب انا ول شي احب افند الموضوع نقطة نقطة اول شي انتي من النوع اللي كنتي تحبين تقربين من خالتج عن طريق انج تسمعين كلامها بكل شي لو تقول فلانة قطي نفسج بالنار قطيتي نفسج عشان تكسبينها وتكسبين زوجج طبعا هالشي مة غلط انج تطيعين ام زجج (( خالتج )) بس الغلط المبالغة انج تسوين لها كل شي حتى لو فيه اذلال لا طبعا الا الكرامة اسوي كل شي بس شي يمس كرامتي لا وطبعا هالشي انعكس سلبا عليج وعلى بالهم انج ساذجة اعذريني ثانيا اهما اخطبوا وحدة انتي سامعة عنها انها وحدة مو شريفة والعياذ بالله وراعية سوابق تبين تنصحينهم انهم ماياخذونها طيب انا ماعجبتني حركتج بوسة ايد خالتج امج ماتبوسين ايدها هالدور خالتج وليش عشان بتقولين لها سالفة وسالفة شنو تخص شرف البنت اعتقد انها طريقتج ماكانت حلوة المفروض توصلين لهم السالفة بطريقة ثانية مثلا تقولين لزوجج وزوجج يتصرف معاها بطريقته الخاصة وماراح يصدقونج بيقولون اكيد محترة لانها الجديدة ومعرف ايش طيب صار اللي صار انتي خلي الامور تهدا خلج بشقتج اقطعي عنهم فترة خل يفكرون بينهم وبين نفسهم يمكن انج تكونين على صواب ويرجعون لج عيشي حياتج خلاص لاتطلع السالفة برا لاتسولفين لحد اشغلي نفسج بعيالج بزوجج مصير السالفة بتهدا وكثري استغفار اكثر من الف مرة باليوم وشوفي شلون راح تتحسن امورج وارفعي نفسج عن الناس عشان الناس ترفعج لاتذلين نفسج لحد الطيبة بهالزمن تعتبر سذاجة والله يسهل امورج

 

[بسكوت السعادة]

رد : ان تكلمت صارت فضيحة وان سكت اخاف تطلع السالفة ويلوموني

الطيبة بهالزمن تعتبر سذاجة ]
اي واللة انا كنت خبلة على بالي انها تحبني صج وعلشان جذي كنت مخلصة لها وكلة من امي هذي دايم نصايحها اخدميهم وحبيهم يحبونج [/FONTكنت اخدمهم واركضلهم مو علشان يحبني زوجي اصلا اهو مومعترف فيهم ولا يهمونةبس واللة عشان خالتي وبناتها كانو يحبوني



وياليت عندي مطبخ جان ماانزل بالمرة انا بغرفة وحماموكل يوم اقعد ابجي معقولة محد مع معبرني وقبل لوجات وحدة من بناتها اهي اللي تناديني من دون حريم عيالها واطلب لهم الحلو واسويلهم العشى واللي تبي تتمكيج غرفتي مفتوحة وملابسي تحت امرهمويعفسن غرفتي عفس واللي تدخل ادخل اعيالها وراها وعمري مازعلت وحدة

جذي حتى ولا وحدة كلفت عمرها جت لغرفتي تسال عني

بس العرج العفن يضل دوم عفن ما تكسبينة لو شنو تسوين

 

[خشف بدو]

الله يعينج عليهم..

 

[over love]

رد : ان تكلمت صارت فضيحة وان سكت اخاف تطلع السالفة ويلوموني

ياحياتى انتى ولايهمج ولاتحرين عمرج خلاص الى عليج سويتيه مع أنى من ظمن الى نهوج تعلمينهم بالموضوع

عموما الى صار صار وأنتى ألحين قلتي لهم وشفتي ردت فعلهم خلاص

ولاتعبرينهم بعد ولاتلتفتين لهم جابلي عمرج أولا وريلج أهتمي فيه لأنه أهو المهم مو أهله !!

ودايما حطي عينج بعين الله

قولى ربي أني مغلوب فأنتصر

وأدعي بسجودج وأفوض أمرى الى الله أن الله بصير بالعباد <<<هذى أيه للمكر أقريها دايما وأدعي فيها بسجودج عشان ربي ينصرج على كل من يكيدلج ويمكر فيج

 

[ام نجـــلاء]

الله يعينج صراحه

اهم شي انج قلتي الصج وهم عاد بكيفهم

وبكرة ربج بيكشف الحقيقه

وماتدرين يمكن ربي بيفضحها

وانتي مالج الا الدعاااء وخالتج وخري عنها وماعليج منها

الزم ماعليج ريلج

 

[جوري وبنفسج]

السلام عليكم

الله يصلحج أنتي أستعجلتي وكان المفروض تتصلين بشيخ دين وتسألينه .

يعني وحدة تقولج خلي الشرف ينفعج وتجاهر بالمعصية توقعي منها كل شيء وأكيد حاسبة حسبها ومشوة سمعتج قبل لا تشوهين سمعتها .

الحين اللي عليج تسوينه أنج تلجأين لربج وتدعين أنه يكافيج شرها وخليج رسمية مع أهل زوجج .

وأذا تقدرين تقنعين زوجج أنج تطلعين بشقة بروحج .​

 

[حبيبتي إختي]

رد : ان تكلمت صارت فضيحة وان سكت اخاف تطلع السالفة ويلوموني

انتي الحين استفدتي من هالموقف شغلتين
1- عرفتي الحش اللي كانت حاشته فيج وشنو قايله حق حمولتج وليش كانوا متغييرين عليج وما شاورووج بشي.
2- افتكيتي من خدمتهم ومجابلهم والواجبات والمجاملات اللي مالها داعي.

الحين الغيهم من حياتج وديري بالج على رجلج وبيتج وما عليج فيهم خل يولون بس لا تعورين قلبج لا بقعداتهم ولا بجمعاتهم .. بالعكس خل يشوفونج مستانسة وطالعة وكاشخة وعندج حياتج الخاصة يا مجابلة ريلج وبيتج يا مجابلة عمرج وسوي لج حياة اجتماعية منفصلة عنهم ... ومردهم بيعرفون الاصيلة من الفالصووووووو.

والحمد لله انه ريلج أخذ الموضوع ببساطة ولا قلب عليج ولا جعمج على اللي سويته فخلاص اهتمي برضاه وبس واهله ما يشوفون شر.

 

[Flower20]

رد : ان تكلمت صارت فضيحة وان سكت اخاف تطلع السالفة ويلوموني

انتي غلطانة والبنات نصحوج بالموضوع الاول واغلبهم قالوا لا تقولين واستري على البنت
الله امرنا بالستر اذا الزنا لازم 4 شهود عيل شلون سالفتج؟
المهم الحين فات الفوت
و ما تدرين يمكن يكون خيرة لج

اللي عليج الحين تاخذين حذرج منهم ومالج شغل فيهم وبجنتهم اليديدة
انتي ما سمعتي بالمثل الي يقول كل افة الله يسلط عليها افة؟

 

[حقوقية]

البنيه الله ستر عليها وتتزوج يمكن تتغير .. ماله داعي تتكلمين باعراض الناس
وبالنهاية اهما سائلين عنها .. ومااعتقد طلبو منج السؤال عنها .. سامحيني حبيبتي بس تسرعتي واايد

 

[واثقة بجمالها]

الله يعينج وحيلهم بينهم
مالج شغل فيهم

 

[تيناا]

الله يعينج بصراحه
لو قايله حق حماج من اول كان احسن

 

[يــ عذآبيئ ــآ]

اللي صار صار .. و دام انج استخرتي وارتحتي للموضوع .. يمكن تطلع خيرته بعدين مو شرط بأوله ..

ومثل ما قالت حبيبتي اختي :

انتي الحين استفدتي من هالموقف شغلتين
1- عرفتي الحش اللي كانت حاشته فيج وشنو قايله حق حمولتج وليش كانوا متغييرين عليج وما شاورووج بشي.
2- افتكيتي من خدمتهم ومجابلهم والواجبات والمجاملات اللي مالها داعي.

انقطعي عنهم وخليهم لاتقربين لهم .. وطال الزمن ولا قصر .. بيطلع الحق .. :gr4uu:

وثقي بالله دام انها تبلت عليج .. راح يعاقبها ربي ويبليهاا .. وكما تدين تدان .. :eh_s(4):

 

[مس لوتس]

تبين الصج برافوا عليج علمتيهم عشان ربج ماتسكتين عن الحق وتبرين ضميرج وصدقيني راح يعرفون قيمه كلامج وبيردولج

 

[Stylista_Q8]

رد : ان تكلمت صارت فضيحة وان سكت اخاف تطلع السالفة ويلوموني

حبيبتي جآن قلتي لريلج :/

ليش قلتي لامه >.< !!!

الله يهداج بس .. قلنالج قولي لريلج

بس اللي صار صار

وخلي السووسه تنفعهم !!

شكلها تدري انج بتوزينهم عليها ف قامت تبلت عليج استغفرلله

ماتستحيييي :/

 

[اكسبلانكا]

الله يعينج حبيبتي

 

[LuLiTa]

رد: رد : ان تكلمت صارت فضيحة وان سكت اخاف تطلع السالفة ويلوموني

حبوبة اول شي انتي ليش تهينين روحج لخالتج و تقللين من قيمه ذاتج ؟ شكو تمسحين الارض و انتي حامل ؟

و دام خالتج جذي طبايعها جان خليتها تولي ,,درت و لا ما درت لكل ساقط لاقط ,,, و الايام بتكشف الصج ,,, و انتي الحين تعلمتي من هالدرس ,,, خلج رسميه معاهم و لا تساعدين و لا شي ,,خلج اميره في بيتج و اهم شي ريلج ,,, و حتى اذا ردت العلاقه خلي هالشي درس لج انه خالتج و بناتها ما يبين بعينهم و لا يستاهلون ,,,,

 

[أم سلوم الحلو]

الله يعينج

 

[المدينه]

المفروض ماتقوليلها