انفلونزا الخنازير ( تم دمج جميع المواضيع)

[كوكو واوه]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

اي والله بنات يعني وين بنسافر بالصيف دول اوروبا وشرق اسيا منتشر فيها المرض
نقعد بالكويت احسسسسسسسسسسن

 

[rose.roona]

رد: انفلوانزا الخنازير !!!

عن نفسي ماجله السفر لحد ما اطمن أن في علاج حقه أو خذ وقته وخلاص خفت الحالات عندهم لاني مخططه اروح المنيا و النمسا ولاحقه على السفر الصراحة الصحة غالية

 

[ام موزه]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

مرحبا خواتي ...

الاسبوع اللي طاف اختي راحت لندن .. و تقول الوضع عاااادي جداً ولا كأنه فيه شي ... ما ادري هل الاعلام يهول السالفه؟؟

 

[ام مهودي]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

اي واله احنا بعد بنسافر ومتردديين قلنا ما تسوى علينا نسافر اسبوع ونرجع مراضى الله يكافي الشر
بس بالجريده كاتبين راح يكتشفون عقار بعد 3 اسابيع راح يكون جاهز
وعندنا طلبه بلندن يقولون الوضع عادي ماكو اي شي
وعندنا ناس صارلهم اسبوعين بامريكا وتوهم رادين يقولون الوضع عادي وردو مافيهم اي شي الحمدلله

ننطر لي شهر 6 ونشوف والله كريم

 

[ملح مكتت]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

حبيباااتي كلمت رفيجتي ببريطانيا والله تقول ماكو شي والوضع طبيعي بس هذا الاعلام يخوفكم ويكسر الياحه انا طااايرة باذن الله

 

[بنت جنيف]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

ريلي كنسل اوربا

 

[dla3_princess]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

والله ما يندرى و المشكله محد يبي يقعد بالكويت بالصيف غبااااار و حررر

و فووق هذا ماكو الا الافنيووز و شاليهات و نفس الأمااااكن !!

لأ ابي اسااااااااااااافر ... يااااااااارب انشالله نخلص من هالسالفه

وشكلي حتى انا بنطر لي شهر 6 و نشووف حزتها شيصير

 

[*peace*]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

من صجكم @@

والله ماعندكم سالفة

يبه الله الحافظ

وبعدين حبيبتي dla3_princess ترى هالمرض بدولتين فقط بآسيا

هونغ كونج واسرائيل<<ياعلكم بهالحال واردى

يبه توكلوا على الله

 

[memy-08]

رد: انفلوانزا الخنازير !!!

ودي بالسفر هالصيف بصراحه خايفه من المرض حيل منتشر اخوي في بريطانيا يقولي الوضع يخوف الكل قاعد ببيته ومانطلع الا بكمام الله يستر انا اقول لا تقودوا انفسكم الى التهلكه او نطروا شوي يمكن الاوضاع تتحسن

 

[{ ليت ظني كآن صآيب }]

كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

آآآآآآآآآه





والله اذا ماسافرت راح يصير فيني شي ..... >> الله لايقوله

بنات جم مره نحجز ونكنسل .. من تزوجت ماسافرت ... صار لي سنه متزوجه

لما كنت عروووس حجزنا شهر عسل لتركياااااا

وحللت وطلعت حآمل

وقالوا لي خطر على الجنين

وكنسلنا

والحين طلع الجنين بسلامته .... فديته احلى جنين بالدنيا :eh_s(21):

وصرت عروسه مره ثانيه بطلعتي من الاربعين

وماقدرنا نسافر بسبب ان ابو الشباب ماعنده اجازه

ووعدني يعوضني :eh_s(2):

وسكت وقلت الشكوى لله

وفجآه قالي بنسافر نقي الديره اللي تبين

لاتشوفون فرحتي :eh_s(2):

مابقى منتدى للسياحه والسفر مادشيته | قمت اجمع معلومات واقارن

وبما اني ابي سفره فرفوشيه شفت ان ماليزيا هي الخيار الانسب

حبيتها من تقارير البنات

وتوكلنا على الله وحجزنا 20 يوم ودفعنا التذاكر وكل شي

وكل يوم اعد الايام وجم يوم باقي على شهر العسل اللي بعيشه باثر رجعي

وامس قريت الطامه الكبرررررررررى

ماليزيا فيها انفلونزا الخنازير

والله خنقتني العبره

مجمعين معاشاتنا عشان نهيص من قلب

و الله مو كاتب >> خيره ان شاء الله

بنآت انا صار لي 3 سنين ماسافرت سفرات تسوى

كل سفراتي الاخيره خفيفه واغلبها الخبر >> فديت الشرقيه

وهالمره غيييييييييييييييييييييير لاني مع زوجي

ابي تعطوني ديره بديله لماليزيا بس بنفس المواصفات ابي اسافر استانس

ابي اتعب من الوناسه >> قولي والله

اوربا منتشر فيها المرض \ وين نروووووووح

عطوني خيااااااارت تكفووووون ..... والله اكسر الخاطر

توني عنونه عمري 20 سنه

وطالعه من مآساااااااااااااااااااااه قبل شهرين >> ولادتي صج صج مآساااااااااااااه عمري ماراح انساها

ابي انسى كل شي بناااااااات

وزوجي واعدني يعوضني ... بس محتارين وين نروووووووح ......


فديتكم لاتخلوني ترا ابجي :eh_s(2):

 

[::فوشيه::]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

رووووحي مصرر في دوول واايد حلوووووووه " "

غيرري الشووي ؟ ؟

وبالتووفيق أنشاالله ""

 

[المشخوطه]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

ووالله حبيبتي احنا انشاء الله رايحين اوربا ولما اللحين ماكنسلنا
والمرض اذاالله كاتب يجينا بجينا في ديرتنا لانه الناس كل يوم اتسافر وناس تجينا من برة
واختي ناوية تروح بعد جم اسبوع حق العمرة وتعرفين العمر ماشاء الله ماتفضى من الناس من
جميع دول العالم محد يضمن ان المرض مومنقول معاهم يعني اللي مريض من دول اسيا مثلا وهو مسلم حاب يتعمر شلون راح تعرفين الله الساتر مثل ماانتقل المرض من المكسيك الى الصين قادر انه ينقله في اي مكان بس نقول الله يحمينا من كل مرض آآآآآآآآآآآمن
يبى رووووووحووووووووو وستانسسسسسسسسسسسسسو محد يموت قبل يومه ( قل لن يصيبنا إلا ماكتب الله لنا )

 

[أم صالح]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

انتي لش مكبره السالفه يعني اذا حاله ولا حالتين بماليزيا اتكنسلين بعدين ماليزيا كبيره ومناطقها وايد مو معقول بتلتتقين بالشخص الماب والكل بيروح بالصيف محد مكنسل تو رفيجتي احجزت لها واعيالها وريلها بتروح بعد الامتحانات على طول
امس بنت خالي راحت امريكا وتقول محد يدري عن الكمام ولا احد لابسه بالمطار كلها تضخيم اعلامي وحتى المرض نفس الانفلونزا العاديه بس اللي يموتون اهما فيهم مرض نقص المناعه الايدز فاي فيروس يموتهم حتى لو انفلونزا عاديه والباجي يتشافون

 

[{ ليت ظني كآن صآيب }]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

مادري ام صالح مو مرتاحه اروح ومنتشر المرض عندهم


ابي ديره بديله ؟


يعطيج العافيه ع الرد

والف شكر للي دشوا وماردوا

 

[دلولي]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

مادري والله بس الله يستر

 

[اشراقة الحياة]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

صج كسرتي خاطري ................

بس ليش ما توكلين على الله وتروووحين .........

روحي تطعمي ....ابرة الانفلونزا الموسميه .....

حرااام تخربين سفرتج ........

وعلى فكرة انا متوكله على الله ومسافرة باذن الله امريكا ................

 

[«قطـــر موطــني»]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

رفيجتي اخوها سافر ماليزيا

عاادي ترا

انتوا بس توكلوا ع الله

ومب لازم 20يوم

اسبوع اوعشر ايام ترا كاافي

والله يحفظكم

 

[ام البنين2000]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

حبيبتي ترا الحالات ملوت ماليزيا ماسكينهم بالمطار يعني الديره نظيفه ما فيها عدوه داخليه ...روحي ستانسي وتوكلي علي الله وما كو الا العافيه

 

[*peace*]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

تدرين ودي امسكج واطيح فيج بوكسات لمن ابرد حرتي :eh_s(14):

بإذن الله طايرين لماليزيا بعد اسبوع اذا الله يسر

والله مااكنسلها لو شيصير (الا اذا الله ماكتب لنا السفره)

يبه الكويت نصين

نص بيروح ماليزيا

ونص بيروح امريكا

واكو ناس راحت وردت ولا اله الا الله شحلاتهم جنهم البخت

ماعندج سالفة روحي واستانسي وتوكلي على الله

انا كنسلت سفره مره وحده بغيت اطق واموت

لا والسفره يومين الخبر :dddds:

صلي استخاره وتوكلي على الله الله الحافظ صدقيني

عاد اذا بتغيرون ومصرين

ماكو غير تركيا تهبل تهبل تهبل

بس جم ميزانيتكم؟؟؟ وشهر كم؟؟؟؟؟

لان تركيا شوي غاليه بالصيف

 

[النجممه]

رد: كنسلنآ الحجز .... و مآتت احلآمي { مآليزيآ وانفلونزآ الخنآزير } ... و ين نروح !

peace
انتي حامل تهقين عادي لأن حتى انا حامل وودي أسافر تهقيين عادي لا وأذا الرحله بعيده 9 ساعات بتكسر ظهورنا
الله يحفضنا