انفلونزا الخنازير ( تم دمج جميع المواضيع)

[كويت-حلوة]

رد: انفلوانزا الخنازير !!!

يا جماعة نصيحة مني اجلو السفر لين الله يفرجها والله يحفضنا واياكم من هالبلاء

وترا صحة بنادم لا تقدر بثمن والوناسة لاحقين عليها . وهم انا اجلت سفرة تركيا لين نشوف تاليتها مع هالمرض .

الله يبعده عنا قولو آمين

 

[hello!]

بيكربونات الصوديوم تحمي الانسان من انفلونزا الخنازير

محد فيكم شاف صباح الوطن اول كويتي لقى علاج مضاد للمرض

مو علاج للمصابين لكن الي مايبون يحوشهم المرض

والطريقه سهله جدا

اخذوا قلاص ترسوه ماي واخذوا قفشه الحوس مالت الجاي ترسوها بيكربونات الصوديوم
وحطوه مع الماي وحوسوه

مرتين الصبح وبليل

يقول ان المرض بجذي مايقدر يتجرأ يحوش الجسم
لان جذي دم الانسان يصير قلوي مثل ما الله خلق دم الانسان قلوي

لكن احنا اغلبنا دمنا حمضي ويساعد البكتيريا والامراض تصير بجسمنا
لان ناكل لحوم وككاوات ومشروبات غازيه

وقال شربوا بيكربونات الصوديوم مع الماي مرتين باليوم
وامتنعوا من المشروبات الغازيه ولاتكثرون ككاوات ولحوم

وتقدرون تسافرون ومايحوشكم المرض ان شاء الله

 

[أم عبداللطيف]

رد: بيكربونات الصوديوم تحمي الانسان من انفلونزا الخنازير

اسفه على هالسؤال غشيمة

من وين احصل بيكربونات الصوديوم

انطرج لانه وراي سفرة بعد اسبوع

 

[TWEETY]

رد: بيكربونات الصوديوم تحمي الانسان من انفلونزا الخنازير

من الصيدليات بس الخبر أكيد؟؟؟

 

[hello!]

رد: بيكربونات الصوديوم تحمي الانسان من انفلونزا الخنازير

اكييد ولو حابين تتأكدون دقوا على الوطن علشان يعطونكم اسم الدكتور لان نسيت اسمه والله ويخلونكم ادقون عليه ويأكد لكم

وبيكربونات الصوديوم اهي نفسها البيكنج بودر الي نستخدمها حق الكيك

 

[بنفسج]

رد: انفلوانزا الخنازير !!!

والله يا جماعة انا معاي اثنين بالدوام واحد توه راد من اسبانيا والثاني توه راد من امريكا واثنينهم يقولون ان الوضع عادي واليوم توني كنت في زيارة حق دكتوري مال امراض النساء وسالته وقال لي بالحرف الواحد ان الموضوع تهويل اعلامي زياده عن اللزوم وان ولده راح يروح امريكا وكندا بعد يومين وانه لو صج الموضوع مثل ما يقولون ما خله ولده يروح وكلمت واحد قبل يومين متزوج وعايش بامريكا يقول الوع طبيعي جدا عندهم هناك والعالم متسدحة علي شواطئ ميامي بيش وما كو شئ انا مثلكم حاجزة وخليت حجزي ما كنسلت شئ لحد ما اشوف آخرتها آخر هالشهر

 

[q8tia27]

رد: انفلوانزا الخنازير !!!

الله يستر علينا وعليكم انشالله ويروح هالمرض ويرفع عنا وعنكم بنات الي مسافره بره والا هناك وشافت الموضوع تقول لنا شلون الوضع بامريكا واوروبا عادي؟ شلون وضع المطارات مسوين خبه وزحمه والا عادي خاصه التفتيش ياليت احد بره يفيدنا والا توه راد من السفر ومشكورين والله خير الحافظين

 

[منورة الكويتية]

رد: انفلوانزا الخنازير !!!

انتو لي الحين تحاتون لووووول

 

[dla3_princess]

السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

السلام عليكم ورحمة الله و بركاته

اشلووونكم





اقوول بنات الحين تخيلوا كنا مستعدين ان بنسافر دوله من دول شرق اسيا تقريبا على شهر 7

انشالله .. بس بسبب انفلونزا الخنازير!!

و الوالد الله يحفظه موووو رااااضي يخاف ان نرووح دول موبووؤة

بلييييز السؤال حق اللي يعرف _03ba:


هل اذا تطعمنا ضد انفلونزا الخنازير و سافرنا ما يحوشنا شي بإذن الله ؟؟

ولا همن مجازفه ؟؟ لأن يمكن نرووح الصين او تايلند او ماليزيا يعني وحمده من هالدول

بس الأرجح تايلند او الصين


بلييييز بنااات ضروووري اللي تعرف ترد لأن ابي اقنع ابوي و بنفس الوقت اخاف مجازفه ..

 

[brettey]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

نصيحه مني كنسلوها
لان حسب معلوماتي مالقوا له عقار الى الان لقوا عقار للخنازير بس ما لقوا للانسان لا تجازفون لان ممكن اذا احد فيه هالمرض وتنفس ولا عطس بويوهكم انتقل المرض بعيد الشر
يعني تخيلوا تركبون تاكسي والسايق فيه هالمرض
والله يبعد عنكم كل شر

 

[dla3_princess]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

اي مو عشان هالشي احنا قاعدين نحااتي

بس همن ماااانبي نقعد بالكويت بالعطله شنسوي !!!!

مشكوورة حبيبتي

 

[الهيـــام]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

تايلند تخوف الحين مع حروبها الأهلية
و تكنسلت سفرة شهر العسل من هالخنازير

 

[أم@الحلوين]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

اولا انشالله ما في الا العافيه

وقبل اسبوع كان في وحده اجنبيه يايه من المكسيك كان فيهاا المرض وحمدالله تشافت منه وهذا كلام موثوق فيه لأنه من اخبار bbc

 

[knafa-q8]

رد: انفلوانزا الخنازير !!!

امبيه لاتخافون ان شاء الله ماكو الا الخير
انا وااااااايد اعرف ناس الحين بأمريكا يقولون الوضع طبيييييعيي واصلا مو حاسين بشي ومثل ماقالو البنات كله تهويل اعلامي مو اكثر ان شاءالله

 

[الأمل الباسم]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

احنا كنا بنسافر شهر العسل بس تأجل كل شي بسبب هالانفلونزا :/

انا تضايقت بالبداية بس أكيد خيره

 

[الأمل الباسم]

رد: السفر بالصيف و انفلونزا الخنازير ؟؟؟؟ طلبتكم اللي عندها معلومه تدش

احنا كنا بنسافر شهر العسل بس تأجل كل شي بسبب هالانفلونزا :/

انا تضايقت بالبداية بس أكيد خيره

 

[رومنسيه بس دلوعه]

رد: انفلوانزا الخنازير !!!

يعني بنات تنصحوني اسافر اخاف اجني على عمري؟؟؟؟؟؟؟
معا اني مييييييييييييييييييييييييييييييييييييييييييييييييييييته عالسفره بليز بنات اللي تعرف احد مساف ر تدق عليه وتطمنا وقولولنا شنو الاحتياطات اللي المفروض نتخذها عشان المرض لما نسافر؟؟؟

 

[أم@الحلوين]

رد: انفلوانزا الخنازير !!!

بنات شنو اخر اخبار انفلونزا الخنازير طمنونااااااا

 

[فورلا]

رد: انفلوانزا الخنازير !!!

شلون أوضاع أمريكا؟

 

[BaiTotia]

رد: انفلوانزا الخنازير !!!

يعني نحجز؟ لوووووووول