انغثيت !!صج مايعجبهم العجب

[لعيون فلاح]

حبيبتي..اللي يجي من الله حيااااااه الله..والبنت والولد رزق وخيرررر من رب العالمين..في نااس ماااااااااعندهم الضنى محروومين منه..حبيبتي مااعليج من كلااام احد الله يطرح البركه بعيالج ويصلحهم ويهديهم..لااااتخلين احد يوسوس لج..وان قالوا جيبي بنت قولي البنت والولد واااااحد وهذا رزق من رب العالمين..وانا راااااااضيه برزق ربي لي..عطييييهم طااااااااااااااااااااااااااااااااااااااااااااااااااااااااااااااااااااااااف..نصيحه نصيحه نصيحه لاتفكرين في كلامهم ابدااا..زوجي بين خمس بنااات الحمدلله يارب بااااااااار في امه وابوه ومااايرضى عليهم وقاااااااايم فيهم واي شي يبونه قدام عينهم.ويدعووله ليل ونهاااار ان ربي يوفقه ويعطيه ع قد نيته...والبنات بعد مو مقصرين..

 

[*ريما*]

الله يعينك
طنشيهم
ولا ردي عليهم برد واحد فقط
الله الرازق

 

[ورده الكرستال]

اعوذ بالله اذا جابت ولد قلو جيبيلج بنت تنفعج


واذا جابت بنت قالو جيبيلج ولد يسندج



استغفر الله الارزاق بيد الله



طنشي حبوبه ولا تضايقين نفسج

 

[يافديت الدلع]

ي قلبي لاتضايقين ولاشي هذوول مااعندهم سالفه الا انتي مالج شغل فيهم لاتردين عليهم خلهم يولون شدعوه عليهم لوانج جايبه اربع بناات وربي ليزوجون رجلج عشان يجيهم ولد اقول اتركيهم عنج ولاتحرين نفسج وربي انا انغثيت منهم هم وكلامهم وهذي خالتهم شكوووو ابي افهم ياااناس فيه بعض الحريم يحشرووون نفسهم غصب اف قطي عليها كلمه خليها تنجعم هذي تدور المشاااكل كش بوجهها

 

[أنهار الورد]

الدنيا ما تتميز بين ولد وبنت والاثنين لو ربي هاديهم بكونوا عون لاهاليهم لما يكبروا
انتي لا تتأثري بكلامهم وطالما زوجج ساكت لا يهمج كلام غيره وماشاء الله عندج اربعه من حقج تربيهم لغاية مايكبرون لان للحين صغار ولاحقة على الانجاب من جديد

 

[جوك احلى جو]

انتي من صجج متضايقه ههههههههههههههههههههههههههه حرام عليج

شوفي مصايب الناس وبعدين تحجي حمدي ربج وشكريه ع النعمه بس

 

[DooLy88]

ماعليج منهم

اي احد يضايقج ردي
قولي انا احسن من غيري والحمدلله راضية بقسمتي
محدله شغل
التربية اهي اللي تخلي العيال يحبون اهلهم
ياما بنت فشلت اهلها
وياما صبيان رفعو راس اهلهم

والله لو يايبة 4 بنات ماخلوج وقالو ييبي الولد والولد سند ويشيل اسم ابوه ومن هالحجي

الناس مايعجبها العجب
متخلفين
يبون ينسون هموهم ويفتحون عيونهم على خلق الله

ليش ماعرستي
ماحملتي
ييبي له اخو
كله بنات نبي صبيان
وبس !!

ماراح ينطمون


انتي لاتدورين رضاهم
عيشي حياتج مثل ما انتي تبين وارتاحي

 

[ذكرى الايام]

الله يخليهم لج ويرزقج برهم ويجعلهم عباد صالحين
اما الناس ما لها الا الحجي والكلام اللي ما منه خير لو ماحملت قالوا ماحملت ولو جابت عيال قالوا نبي بنت......... اللي الله كاتبه لج بيصير عسى ربي يطرح فيهم البركه ويخليهم لج
لكن لاتقاطعينهم مهما كان حتى لو ما يحبونج مو عشانهم عشان ريلج وعشان عيالج يتعودون على البر وصلة الرحم:eh_s(8)::eh_s(8):الله يهدي بالج ويحفظج

 

[شيخه_البيض]

الله يعينج حبيبتي ويصبرج

عااادي طوفي

شوفي رفيجت امي عندها 6 صبيان والله العظيم تقولين هذيل بنات مو صبيان ماشاء الله عليهم قايمين بامهم لو بنت ماسوت جذي

حتى لمن نزورهم تخيلي اهما اللي يضيفون مع امهم مو قصور فيهم بس مايبون يتعبون امهم ولا يبون يخلون الخدامه تضيف ويحسسون امهم ان ماعندها بنات

وتزوجوا مابقى الا 2 منهم حريمهم قايمين فيها بشكل مو طبيعي جنها اهيا اللي يايبتهم من بطنها

وخالت ريلي عندها 7 ونفس الطريقه والله ما اجذب عليج على شان ارفع من معنوياتج او شيء بس صج اللي شفته كتبته لج
تخيلي خالت ريلي ظهرها اعورها مرة دخلنا عليها انا وريلي مسوين لها سبرايز اهيا بالسعودية فموقايلين لها ان احنا بنيي بس واحد من عيالها اللي يدري

لو تشوفون الحلويات والفطاير والعشا السنع وماعندها خدامه تخيلي عندها صبي بس

لمن دخلنا عليها غرفتها والله ان ولدها يحطلها الكريم ويدهنها

ادمعت عيني لمن شفته وكان وايد متاثر

قلت قصه حياتي ههههههه

بعدين اكمل مصختها

 

[:: Diva ::]

الله يطرح بعيالج البركه
و يارب يبرون فيج و لا يعقون
و يدارونج و يكونون مكان الف بنت



الله يرزق كل محروم
و ارضاء الناس غاية لا تدرك

 

[حلا قطر]

وااااااااي منهم لوجايبه بنات كانو كلووو قلبج يالله احملي وجيبي ولد
صج مايعجبهم العجب
الحمدلله كلهم رزق بنات ولا صبيان
الزم ماعليج راحتج انتي وزوجج والباقي خل يولون

 

[Denya-3'areeba]

الحمدلله والشكر عقول مريضة وناس متخلفه
والله حتى اذا يبتي بنت بيقولولج ييبيلها اخت
ناس فاضيه ماعندها شغل مو مخلين احد بحاله
سوي اللي انتي مقتنعه فيه .. مالج شغل باحد
والله يخليلج عيالج ويبلغج فيهم معاريس يارب

 

[aṕriliå]

ناس يبطون الجبد

ليه هو بيدج تجيبن بنت والا صبي

 

[PuPa^^SWeeT]

اهمه شدعوا عليهم


يعني حمولة اتعاير جنتهم ليش يابت بنات


و حمولة اتعاير الجنة ليش يابت صبيان

ماينعرف لهم


لوووووووووووووووووول


انا اقوولج سمعي من اهني و طلعي مني


لوووول

عجبي والله

ماعليج منهم

فكري فيها من هالمنظوور

ربج ماراح يعطييج ذرية ( صبيان ولا بنات ) الا هذا اهوو اللي اسلم لج و اللي راح يريحج بكبرج

انتي قولي الحمدلله و اذا كلمووج

قوليلهم الحمدلله عطااني اولادي و ربي انشالله يسخرهم لي

 

[أم حووور81]

الحمدلله والشكر معقديييين حدهم .. الله يعينج ولا تهتمين لهم .. تلقينهم محترين منج ..

 

[ام كوشه منكووشه]

حبيبتي مالج شغل بهالكلااام والله
سبحاان الله انا اعرف وحده والله عندها بنتين و3 صبيان ماشاءالله الحين اعيالها الصبيان اهما اللى قايمين فيها وفي ابوهم والبنات كل من لاهي بحياته ومعع ريايلهم يعني مووشرط بنت تجابلج ولا الوالد بيكوون عااق بامه

 

[فـدوه]

كلامهم مو صحيح, يعتمد على التربية و المعاملة. كل ما احسنتي تربية اولادج و عطيتيهم حنان راح يتاكدون انج مهمة بحياتهم و مايقدرون يستغنون عنج حتى لو تزوجوا. دايما كوني السند لهم و الصدر الحنون. و الدليل على كلامي ابوي ماشاء الله عليه, يموت على امه و مايخلي شي بخاطرها. و الله العظيم انه حتى العطار يروح و يشتريلها اللي تبيه من غير ماتقول هذا طبعا غير الماجلة و لو تبي لبن العصفور اييبلها اياه لأنه يدتي الله يخليها حنونة و حكيمة. و ترى عندي عمات وايد بس ولاوحدة تسوي ربع او حتى عشر اللي يسويه ابوي. اهم شي تنبهينهم من صغرهم انه طاعة الأم واجبة و دايما لمه يدخلون البيت بوسيهم اذا صغار و اذا كبار علميهم يبوسون راسج و يسلمون عليج الصبح و بالليل. الله يسخرهم لج يارب و يرزقني بالزوج الي فبالي و العيال الصالحين و حق بنات المسلمين.آميييين

 

[الرروح44]

كلام الناس لايودي ولا يب ابعدي عنهم اللهم السلام ورحي قعدي بعيد وانشغلي با اشياء الثانية احسنلج والله عن تجربة يوم تسميع الكلام من اليمين طلعية من الشمال احسن طريقة

 

[سيلينا]

ما في احد مرتاح الي تحمل بسرعه قالوا لها بسم الله حملت من ليلتها
والي جابت عيال ورى بعض قالوا بسم الله كل سنه حامل
والي تاخرت ماحملتي
والي عندها بنات الله يرزقج بالولد
والي عندها صبيان الله يرزقج بنيه

ترى هالشي الكل يمر فيه لا تشيلين همه

 

[miss swan]

خبري كله يبون صبايان
والله الاوادم مينن الحمدلله والشكر
وانا يبوني اييب اصبيان لاني ام البنات
جنه بكيفنا حتى ريلي كان مستانس ماكان معترض
الحين غير رايه يبي ولد​