انغثيت !!صج مايعجبهم العجب

[غنـــــج]

حبيبتي اصلا الولد نعمه

والحمد لله ما شاء الله عندج 4

انا ما ابي اقول يحسدونج او غيرانين منج
لا
يمكن نيتهم زينه وهذا طبعهم


وبعدين ربج ما يعطيج الا اللي فيه الخيره لج

يمكن لو بنت بتصير عاقه لا حول ولا وقوة الا بالله

الله ما يعطيج الا اللي فيه الخير لج

واذا حسيتي انج صج تضايقتي ولا راضين يسكتون

قولي اللي يجي من الله حياه الله

الصبيان نعمه والبنات يهبلون

 

[آهات الليل]

حبيبة قلبي ماعليج منهم الله يخلي عيالج ماشالله الله يحفظهم قوليلهم الف حمد وشكر لك يارب الله رزقني بيهال من بعد تعب الحين عاد بتم احمل ليما الله يرزقني بالبنت مثلا عشانكم واتعب وصحتي تروح
لا الله الرازق والله يعطيني بنت او ولد كل شي بيده سبحنه
اذا كاتبلي او لا وبعدين غيري يتمنى ظفر الياهل وانا امشي على كلامكم هذول بيغثونج بس ماعليج منهم كاعندي 3بنات الله يحفظهم واتمنى الولد بس مواحمل واحمل واحمل علبو ابي الولد
كل شي بيده سبحنه واللي تتحجى اعرف اسكتها اقولها والله رزقه من ربي اقول لا مثلا كل شي بيده الله كرمني بالحمل والضنى الف حمد وشكر لك يارب
المهم طنشيهم ماعليج منهم خلي زوجج يوقفهم عند حدهم ولاقوليلهم ليش زوجي مانفعكم مثلا؟؟

 

[لوكي 22]

انا اقول محترين لان مشاءالله كلهم صبيان
ومعروف الريال مايحب الا الولد عشان يشيل اسمه
وبعدين اثنينهم شحلاتهم نعمه من رب العالمين
والله لو عندج بنات جان نفس الحركه لازم الولد يشيل اسم ابوه .. الخ
قلتيها مايعجبهم العجب سكتيهم بكل شي بيد رب العالمين
ولايأثرون عليج صدقيني الحره وماتسوي

 

[BiiShOoO]

قوليلهم ولد و لا بنت نعمه من الله و الحمدالله

الله يرزقج برهم يا رب

 

[جيكره(و)تتغلى25]

والله ماااقصرتوووو يسلمووو للكل

 

[لا تغرك الدنيا]

ولو كنتي يآيبه اربع بنآت جآن قآلو لج حملي ييبي صبي يشيل اسم ابوه البنت بتتزوج منو بيشيلج بكبرتج وبيتزوجج عليج والخ الخ الخ

حبيبتي طنشي كلآمهم ولآ تهتمين هذيل بس يتحجون يبون اي شي يتكلمون فيه فدخلي مني وطلعي مني وخلي ردج عليهم وآحد الرزق من رب العآلمين والله يحفظ لي عيآلي وابوهم وبس

والله يريحج يآرب

 

[سوسن1980]

اضاء الناس غايه لاتدرك

 

[om MaRyooM]

الله يخليلج عيالج ويجعلهم سند لج

بس انا وايد مستغربة من انج مظايقة!!!!!! الله رزقج باللي تبينه
واذا تبين بعد هذا شي راجعلج اما اذا ماتبين ليش تسمحين لنفسج انج تظايقين منهم


اخذيها مني لو كودتي البنات بيقولولج ام البنات ةفلانة وعلتانة يابو ولد
ويستمر مسلسل اهل الزوج الي مايعجبهم الع

 

[om MaRyooM]

الله يخليلج عيالج ويجعلهم سند لج

بس انا وايد مستغربة من انج مظايقة!!!!!! الله رزقج باللي تبينه
واذا تبين بعد هذا شي راجعلج اما اذا ماتبين ليش تسمحين لنفسج انج تظايقين منهم


اخذيها مني لو كودتي البنات بيقولولج ام البنات ةفلانة وعلتانة يابو ولد
ويستمر مسلسل اهل الزوج الي مايعجبهم العجب

وشكو الصبيان عاقين!! كله علي حسب تربيتكم لعيالكم

وواظح ان هااناس بس تحب تغثج وقولي الحمدلله غيرج تتمني رييييييحة الياهل

 

[" ام حمود "]

يامعوده انتيء شعليج منهم وشفيهم الصبيان يهبلوون وفيهم الخير والحمدالله ع حسب تربية بعد ..
والرزااق ربج حبووبه ..

 

[عوااار قلب]

السالفة عكسية عندهم؟؟؟
اللي عرفه اللي ماتييب صبيان يقولون لها راح يتزوج عشان ييله صبي
خلها تقول الحمدلله رزق من الله في غيرج يدور ومايحمل
الله يعينج بس لا تسمعين كلامهم كلا حجي فاضي

 

[هذا مزاجي]

سبحان الله هذا اللي فالحين فيه اهل الزوج :rerrerek:

لو انا مكانج اخزهم واعطيهم هذيكـ النظره واقول الحمدلله والشكر :ggdw:

الحين ان جبنا بنت ماعجبهم وان جبنا صبي ماعجبهم شتبونا نجيب لكم

عشان ترضون الظاهر يبون مرة الولد تولد فلوس عشان يستانسون :krkrkr:

حبيبتي لاتكدرين عمرج عشان اسباب تافهه لا ومن منو من اهل الزوج

اللي مايعجبهم العجب طيعي شوري وخليهم يولون وقطي كل شي ورا ظهرج

والله يخليلج عيالج ويرزقج باللي تتمنين يااااااااارب :eh_s(8):

 

[اسراب الطيور]

قولي اللي اختاررررررررررررره ربي لنا اكيد اهو اللي في صالحنا واحنا راضين بقسمه ربنا ومو معترضين ابد عليه

 

[توفـــا]

امبس شنو الآيه انقلبت انا خابره الي ماتييب صبيان ياكلونها اكال مو البنات هههههههههههههههه يا معوده لا تحرين نفسج ولا شي ماكو شغل اصلا لو يايبه كله بنات ولله بيقولون عنج اي بس بنات مافيها صبيان مانبيها طلقها نبي وحده تييب لك ولد يشيل اسمك عشان ينادونك بو فلان الولد بعدين يصير ريال البيت ويعتمد عليه و و و و بس اول مره اسمع يعايرون عشان ماعندج بنت الي اعرفه االعكس بس صج علي قولتج ناس مايعجبها العجب ولا صيام برجب قوليلهم اشكره بويههم انا لو يايبه كله بنات جان قضبتوني الباب حمدو ربكم وكل شي من ربكم حلوو ونعمه والي مو عاجبه خل يروح يكلم ربه مو يكلمج انتي​

 

[ام زهقانه]

الي الله يهديه من ولد وبنت يبي يحفظ والديه

 

[pusy cat]

بعد هذا رزقج اللي الله كاتبه شيبون

خيولون لايفرضون عليج شي انتي مو متهيأتله

 

[فتاة حالمة]

حياتي انا اخواني اغلبهم اولاد

شلون مهتمين بأمي و ابوي الله يحفظهم حتى زوجاتهم ماشاء الله من كثر ما اخواني مخلين امي وابوي

تاج على روسهم صاروا معهم عسل ومسك و ريحان

وزوجي اغلب اخوانه اولاد

والله يفدون امهم بأرواحهم و كل واحد منهم يتسابق لرضاها الله لا يحرمهم من بعض

كل ما اشوفهم عن جد اتمنى ربي يرزقني ولد مثلهم

ما يطيب يومهم الا بكلمة او بسمة رضا منها

واول ما ينزل راتب واحد منهم حقها ينرفع بكل احترام و طيب نفس

و بأي مناسبة او سفرة او جلسة الكل يسعى لاجل تكون راضية و مبسوطة

الله يخليلك اولادك و تشوفينهم بارين فيك دنيا و آخرة

والله عمي لما توفى زوجي مداوم على صلاة ركعتين هديه منه له كل يوم

غير الاعمال الصالحة و الدعاء

الانسان شنو راح ياخذ من هالدنيا

البنات

 

[كتكات احمر]

ههههههههههههههههههههه

مرت اخوي عندها 4 بنات ويحنون يبون الولد

مسخرة وربي هالناس ..... طااااااف من امه

 

[Dan Dan 88]

الله يعينج عليهم

وانا برايي الولد احن من البنت على الام
معروفه الولد حبيب امه

 

[اينااس]

نفس حالتى اذ رحت بيت زوجى يقثونى لانى عندى بنتين