انغثيت !!صج مايعجبهم العجب

[جيكره(و)تتغلى25]

قووووه بنات

بدخل بالموضوووووع


انا متزوجه تقريبا صارلي 7سنوات اول سنتين معاناة واجهاضات وعلاج وحالتي حاله

وبعدها ربي فتح لي باب من اوسع ابوابه رزقني 4صبيان (ماشاءالله) اذكرو الله
الله يرزق كل محروووومه بالذريه الصالحه

لما كنت اجهض كانو يقولون طبعا اهل زوجي تبني جاهل !!!!!

سوي انابييب!!!! انا كنت احمل لي5 واجهض ليش انابين

فلان تزوج على فلانه لانها ماااتحمل

وحجي يسم

لما ربي رزقني بصبيان

حملي لا توقفين ليما تجيبين البنت لان الصبيان مايحبون امهم
عاقيين
باجر يتزوج ويخليج وتقعدين بروحج

حريمهم راح يعذبووونج

غثووني كل مااشافو وجهي

كانه مكتوب على جبهتي مكينه تفريخ
خلصنا من اهله جيت حق خالته

البنت تفيد امها يالله حملي وجيبي توم بنات

قلت يمكن على نياتها جان تقولي والله يمه بيني وبينج الصبيان ماينفعون المشكله لي جم ياهل تجيبين تخيلي لو تجيبين7صبيان!!

والله جتني البجيه

صرت معااير ولا شنووو

حماتي عندها بنتين ولا تكلمو!!

اقسم بالله كل ماطبيت بيتهم خالتي تقول فلانه جابت توم بنات وفلانه عندها4بنات ينفعونها سندها البنات يوقفون مع امهم عكس الصبيان

والي تقول عنها جابت توم بنات اقسم بالله كل مااروح الحين البنات يمشوون وهي للحين تسولف فيهم

قلت ياخاله هذي رزقت ربي انا مو زر اضغط الاحمر بنت والازرق ولد

حبيت افضفض بس

عاد صج الصبيان ماينفعون؟؟؟:eh_s(11): :eh_s(11):

من حرتي كتبت الموضوع وماادري شنو كتبت اصلا يسلمو​

 

[جيكره(و)تتغلى25]

شدعوااا بنات

 

[seedo]

يا ماما طنشي اشفيج من صجج تحطين للكلام اهميه

 

[مولاي الفرج]

خل يولون دام انتي وريلج ماعندكم مشكله ومتهنين باليهال سوي روحج ماتسمعين

والله يهنيج فيهم يارب

 

[بدووورة]

يامعوده لاتحرين قلبج

 

[أم السنافر]

والله ماحد عاجبه شي ومايترس عيون الناس الا التراب والله الصبيان نعمه والبنات نعمه اعرف وحده ماتجيب الا بنات مشاء الله يهبلون بس كلام الناس غثها عيون الشفقه جرحتها كانت تتمنى تجيب ولد واحد بس يسكت الناس كل من شافها يقول خلي زوجج يتزوج وحده ثانيه تجيب له الولد الي يشيل اسمه ويحمي بناتج لمن يقسى الزمن ترجت زوجها يتزوج عشان يسكتون عنها بس هو رفض مايبي العذر الي يخليه يتزوج الولد وتوجهت بالدعاء ليل نهار حتى رزقها الله سبحانه 3 صبيان واحد احلا من الثاني ورى بعض وحتى هذه الساعه ماتبي غيرهم احد كملت فرحتها وصارو يقولون الله يعينج علي الصبيان مو مثل البنات تربيتهم صعبه شفتي مايرضى النا س شي

 

[butterfly-m]

موضوعج حلو لانه صارتلي مواقف مثلج انا واختي
انا عندي ولد واحد واختي عندها بنتين
طبعا الكل يقولي حملي وانا بصراحه ناطره شوي لكن اللي الله كاتبه بيصير
يا يقولولي خاويه بولد او يبيله اخت, وناس تشوفه واتقولي ييبي بنات احسنلج اهما يشيلونج الولد ماراح ينفعج بشي, وغيرهم يقولون لا تييبين بنات عشان لا تعورين قلبج على كبر عليهم خصوصا اذا تزوجوا ورياييلهم اذوهم. واختي مسكينه كل ما شافوها قالولها يلا حملي وييبي ولد عشان ريلج واهله لا يتكلمون
استغفر الله هالشي مو بيدنا والله كاتبلنا كل هذا بس الناس جذي طبعها تحب الحجي والغثى ومايرحمون حالج لازم يمسكون عليج شي ويتكلمون. :eh_s(14):​

 

[جيكره(و)تتغلى25]

شلون اطوف وماااحتر وكل مااروح لهم كرهت الرووحه يعني حتى خوالهم ماسلمت منهم وربي من تزوجت 3مرات بس شفت خالته وتقولي هالحجي

شنو ماينفعون ويعذبون

استغفرالله الحره بقلبي ياااربي اشرح لي صدري

 

[انا لحبيبي .]

والله تفكير جاهل ورجعي جدا ،

اذا جبتي بنات رح يحكولك ام البنات ، الاولاد سند الك ورح ينفعوكي

ولما تجيبي اولاد بحكو البنات ملاك وحركتهم بالبيت ، بركه بالبيت

طيب الواحد شو يعمل؟ هالشي بايد ربنا مو بايد الانسان ، لامتى رح يضل هالتفكير المحدد هاد بعقول الناس؟

ماعليكي من حد حبيبتي ، احمدي الله وشكريه على الذريه يلي اعطاكي ياها ولاتفكري بااي انسان مدام مرتاحه

زوجك بعلق شي ؟؟ بحكيلك بدو بنات؟ ولا بس النسوان؟

 

[G!RLooNa]

خليهم يولون هذا اهما اللي شاطرين فيه حق المغثه

البنات يهبلون و عسل لكن عاد مو جذي غثوج و دبلوا جبدج

اصلا تدرين لو بدال هال ٤ صبيان يايبه ٤ بنات هم جان ما سلمتي منهم

ييبلنا الولد نبي ولد نبي اللي يشيل اسم العايله

بس اي شي عشان يحنون عليه و يغثون بنات الناس

من الاخر سحبي عليهم سيفون محترم

 

[جيكره(و)تتغلى25]

عاد والله انا لما اشوف وحده عندها كله صبيان ماااسمعها حجي وحماتي عندها بنات والله استحي واصلا عادي عندي ولا اقولها شي

هذا كله بيد ربي


اقسم بالله خالتي تقول حق زوجي جيب البنات لان هي الي توقف مع ابوها اما الصبيان ضد ابوهم طبعا من وراي اما جدامي ماينفعون تقولي

 

[احب السنع]

من راقب الناس مات همآ


اسمعي منيه وطلعي منيه

والله ماينقال لج هالكلام الا من الغيره


والنفع مو بيد البنت او الولد

النفع بيد الله اولا سبحانه يعني يمكن تترسين البيت بنات وعيال لكن الله مايبارك لج فيهم


عشان كذا ادعي الله بصلاتك انه يصخر لج عيالج ويجعلهم بارين فيج وفي ابوهم

والله يرزقك بتوم ثلاثي بنات

 

[عيش و مرق]

لا الى يابت البنت مرتاحه ولا الى يابت الولد مرتاحه كلنا بلهوا سوااا

 

[جيكره(و)تتغلى25]

زوجي مره بس قالي البنات ياكلون القلب البنات يحبون ابوهم اكثر من الصبيان

مره قالها وسكت

اما اهله والله حتى لما اتصل تقولي مو حامل؟؟

وتسال خدامتي ماما مو حامل؟

عبالها شفقانه احمل واجيب البنت

 

[مولاي الفرج]

قوليلهم النبي صلى الله عليه واله كان عنده بنات ولما عايروه بالبنات نزلت سورة الكوثر

اشوف منو يتكلم عقب هالكلام

قوليها جدام الكل ولا تستحين من احد

 

[dectora 7elwa]

والله من القهر
الله يخللي ما عندج
لي قالوا قولي كا ابوهم تزوجني وللحين خيره كله لاهله وماتركهم
والحب يطلع على بذره وان شاء الله زوجتهم يصيرون لي بنات

 

[كويتيه مذهله 87]

تصدقين جنج تكتبين مشكلتي سبحان الله
ما اقول الا صج ناس جاهله
انا 4 سنين من اجهاض لي عمليه تنظيفات حاله النفسيه تعبانه قالوا عني ما اييب عيال شلون ما اييب عيال وانا احمل لووول يبت الولد الحين يحنون علي البنيه يالله حملي وحملي وولدي توه كمل ال 4 شهور ووحده من قرايبي من تشووفني تذم بالصبيان الصبيان شيااطين والصبيان ما نقدر عليهم لو يايبه بنت جان همن تحلطموا

انا اضحك عادي مايهمني كلامهم مدام ريلي راضي برزقتنا الحمدالله الف شكر يارب علي هالنعمه بس مالي شغل بكلام غيري ولا تهتمين حبيبتي خليهم يولوون لو تترسين بيتج بنات وصبيان ماراح يعجبهم بعد
بني ادم طماع مايقولون الحمدالله لا يبون بعد

 

[نفهمها صح]

مثلج
لكن انا الحمدالله مهتمية منهم وبعد 19 سنه الله عطاني بنووته لكن عمري مجلسة احن ولا اقوول ابي بنت احط اسم الوولد
قبل
وطنشتهم وحرضوو ولدهم يهددني اذا مجبة له بنت بيتزووج قلتله تووك جااي من هلك اصبر شوي علشان مشك فيهم ولا شفته هرب
ولما احد يقوولي عن البنت اقوولهم حريم عيالي بناتي
لزوم يدوورون شي يغث
وتعالي شووفي يوم جبت بنت جبيلها اخت بتضل لحالها مراح تخلصين منهم والله
الله يعينج​

 

[جيكره(و)تتغلى25]

قوليلهم النبي صلى الله عليه واله كان عنده بنات ولما عايروه بالبنات نزلت سورة الكوثر

اشوف منو يتكلم عقب هالكلام

قوليها جدام الكل ولا تستحين من احد

يسلمو والله ماقصرتي :eh_s(7):


بقول لهم اذا فكرت اصلا اروح

 

[الهما]

شكلج حساااااسه
خلي عندج ثقة بنفسج خليهم يتكلمون لين يشبعون الناس يتمنوون الصبيان منوووه
ان قالوا جيبي بنت الصبيان عااقين ردي بابتسااامة ( و ابتسامة احترام مو استهزاء) الحمدلله انا بريت باهلي و تربيت على الدين و نفس الشي بربي عيالي و ببروون فيني ان اشاء الله ما عندنا عقوق بهلنا....
و اللي ربي يجيبه يزييينه على قلبي
و بيبني و بينج ترا الحريم الكبار ماعندهم الا سوالف تزوجتي و ان تزوجت حملتييييي؟؟؟؟؟ و ان حملت ولد و الا بنت؟؟؟؟؟ و ان صار ولد ....هاتي بنت و ان يابت بنت هاتي ولد
يعني وسعي صدرج و جنج ما تسمعيين ))