انتي سنيه والا شيعيه

[mamanoonaa]

صاجه ليدي والله توني كنت بقول يهااال بالابتدائ اشعرفكم شيعه وسنه والله يوم كنا بعمرهم مانعرف
الله يحفظ الكويت الغاليه من الفتن

 

[grumpy22]

مشكوره حبيبتي على هالموضوع
وبصراحه فعلا هالشي واايد منتشر سواء عن طريق الكلام او عن طريق التواقيع
وهذي كلها اشياء تحرض على الفتنه
انا قبل كنت 24 ساعه بالمنتدى بس في الفتره الاخيره ماقمت ادش
لان كل ما ادش اتنرفز واطلع ياهواش ياحجي مالهه دااعي
ليش كل هذا ومنو المستفيد من ورا هذا كله
طول عمرنا اهل وربع ونسايب شلي تغير الحين
ما اقول الله يهديكم ويصلح بالكم ويبعد عن الفتن يااارب ويحفظ ديرتنا

يسلمووووو حبيبتي على الموضوع

 

[grumpy22]

صح لسانج قلبي

وياريت الكل يفهم هالكلام

والله إني أقرا مواضيع طائفية تجرح وتتهم الناس بولائها للكويت

وتتهم الناس في مذاهبها

هالبشي عمرنا ماشفناه بالكويت قبل

السني يتزوج شيعية

والشيعي يتزوج سنية

وعايشين مع بعض منسجمين

الحين لأ

قريت ذاك اليوم هالموضوع وووووااايد حبيته

ياريت تقرونه تسلم إيد اللي كاتبته والله

وياليت كلنا نوقف إيد وحدة هني بالمنتدى وبره المنتدى بعد

ضد الطائفية

آنا عن نفسي عاهدت روحي إني ما أشارك بولا موضوع

يتكلم عن هالشي

عشان ما أعطيه أهمية

وانتوا بعد سووا نفسي

تفضلوا الموضوع إقروه

http://www.q8yat.net/showthread.php?t=561155

بعد عمري الله يسلمج ومشكوره ماقصرتي وعسى ربي يحفظ ديرتنا وويبعد عنا الحسد واهل السوء والفتن
طول عمرنا اهل وحبايب وماكو فرق بينه

 

[ضماي هو وهناي]

والله واحنا يهال صغار ما نعرف الا انا احنا عايشين على هالارض الطيبه ربي يحفظها ويديم عزهااااااااااااااااااا
عرب مسلمين .................. كويتيين
ربي يحفظ الكويت واهلها واللي يحبونها ويخلصون بحبها من كل شر
اللهم من ارد لهذه البلاد شرا
اللهم رد كيده في نحره
اللهم امين

 

[sweety_love2]

اي والله صاااجه وصح لسانج
لازم نكوووون وحده وطنيه متماسكه
ونحافظ على ديرتنا الكويت وأهلها يكونون يد وحده

 

[ريان الحلوه]

اللهم احفظناااااااااااااا جميعا من الفتن


يسلمووووووووووووووووووووووووووووووووو

 

[المهندسه أم حمد]

أنا برايي هذا كله من الأهل يزرعون هالشي بعيالهم وأهم ضغار عبالهم ينورونهم وأهم بالأساس يزرعون الحقد بقلوبهم
الله يهدي الجميع

 

[نورالقمر24]

الله يهدي الجميع

 

[ســكره ورديه]

ويه بنات الله لا يغير عليكم كنت أتوقع التعصب والتطرف بس عندنا بالسعوديه إيه ولا إهنيه بالسعوديه حيل معاناه وتفرقه بكل شي عذاب
وكنت أحسب بقية الدول الخليجه مرتاحين من هالقضيه لاكن الله ينتقم من الظلام إلي يبون يفرقونكم

باي مدينه في السعوديه انتي وعندك هالتعصب والتطرف ياكافي بس اللي يسمعك كان كل واحد سني او شيعي ماسك سلاحه وبراس الثاني لاحبيبتي في مدن في السعوديه مليانه شيعه ماسمعت يوم انهم انهانوا ولا تأذو ولا صار لهم شي


وسالفة سني شيعي وربي ماكنا نعرفها الا تو من وين طلعت واذا هالأنسان شيعي ولاسني اش دخلنا فيه انا اللي يقهرني شي يابنات مدري انتم ملاحظينه يجيك سني اوشيعي ويمسك الثاني وكلام المفروض يترفع الواحد من قوله بس عشان يوضح للثاني وجهة نظره بالله مو كذا سببتوا بينكم كره كلنا نؤمن برب واحد وهذا المهم تبي تنصح انصح بحب لانه اخوك انا هالأشياء ماشفتها غير في النت الله لايوريكم يارسايل كنت اشوفها في قروبات تبكي العين يااخي انت اخذت اثم اللي جالس تنصحه ياعاقل يافاهم بأي زمن حنا هذا اللي امس كنت تلعب معه وراسك براسه واليوم ساب عرضه وشرفه بس عشانه سني او شيعي

الله يهدي الجميييييييييييييييييع

 

[سفيرة العشق]

كلامج عدل 100%

 

[بنت باباتي]

الله يديم الامن والامان

 

[*loveli-noni*]

يعطيج العافيه............


اي والله ماتستاهل الا كل خير..........

 

[^^ Om_3LaWeY ^^]

تسلمين حبوبه عالموضوع الحلو

 

[SeLf^CoNfiDeNce]

موضوعج روعه
و صج هذي التفاهات الي نشوفها هالايام الله يجمع اهل الكويت و لا يغير عليهم

 

[حنان الذكريات]

الله لا يفرق بينا ان شالله ويارب انك تحمي كويتنا شيعتها وسنتها ..اميين

 

[زبدة و عسل]

لا إلـــــه إلا الـــلـــــه ، مـحـمــد رســـول الــلــــــه

اذكروا اللـــه ، و عسى ربي يحفظ كـويـتـنــا

من كل مكــرووووه

 

[ساره.]

اي والله صاجه....ولدي عمره 8 سنوات!!!! يسألني حتى عن الممثليين...يما هذا سني ولا شيعي؟؟؟؟!!!!!!!
وجم مره يسألني هالسؤاااااال...مع العلم انا بالبيت ما أتكلم بهالموضوع ... بس اظاهر بالمدارس بعد يتعلموون

 

[أم أحلى البنات.]

انا عن نفسي سنيه و عمري بحياتي ماحطيت فبالي ان هذي شيعيه او غيره.. والله يشهد...
وياما رافجت شيعيات مادريت انهم شيعيات لان عمري ماسألت ... تبون الصج اهلي ماعمرهم تكلموا عن المذاهب...
وهم ياما رافجت شيعيات من اروع ماربي خلق من حيث الاخلاق وغيره ...
وكانت وكيلتنا بالمدرسه ( لما كنت teacher)شيعيه واااااااي ياحلاتها تنحط عالجرح يبرا ...
يبى اللي قاعد يصير الحين فتن والله فتن .. وانتشار الفتن من علامات قرب الساعه ..
الله يستر علينا ...

 

[nhr-36shan]

موضوع رائع
وعسى الله يبعد عن كويتنا الفتن ونفتخر انه كلنا كويتيين وبس

 

[سمبتيكا ~]

صح اللسانج بعد عمررري
آنا كويتيه و بسسسسسسس
الكويت هي قبيلتي و طائفتي و مذهبي ..
ربي يديمها علينا من نعمه
و يرفع راية الآسلام فوق فوق فووووق ~